ဒေသန္တရဗဟုသုတရှာရင်း...ပုပ္ပားတောင်တက်ကြမယ်(၂)

 တောင်ကလပ်ရဲ့သင်္ကေတ မျောက်မိသားစု

မနက်လေးနာရီခွဲ ငါးနာရီလောက်မှာကျွန်တော်တို့အဖွဲ့ တောင်ကလပ်ကို ရောက်ပါတယ်။ ဝေလီဝေလင်း အချိန်မို့ တောင်ကလပ်ပေါ်ကို မတက်သေးဘဲ တောင်ခြေမှာခဏအနားယူကြပါတယ်။ ကျွန်တော်တို့အဖွဲ့ နောက်မှ တောင်ကလပ်ဈေးကို ငှက်ပျောသီးလာရောင်းသော ငှက်ပျောသီးသည်များလည်း အထမ်းကိုယ်စီနဲ့ ရောက်လာကြပါတယ်။လူတစ်ကိုယ်တည်း သွားဖို့ရာခက်တဲ့ ကျောက်ခဲတွေကြားမှာ သူတို့ကငှက်ပျောခိုင်တွေ ထမ်းပြီးထာတာမြင်တော့ အံ့သြမိပါတယ်။ တချို့တွေက လက်နှိပ်ဓာတ်မီးတောင် မပါကြဘူး။သူတို့ခြေထောက်တွေက သွားနေကျဆိုတော့ဘယ်နားမှာဘာရှိတယ်ဆိုတာကို အလွတ်ရထားပြီးသား ဖြစ်ဟန်တူပါတယ်။ မနက်စောစော မှောင်နဲ့မည်းမည်းမှာ ဘ၀၀မ်းစာရေးအတွက် လုပ်ကိုင်စားသောက်ရတဲ့ သူတို့ဘ၀ကလည်း မလွယ်လှပါဘူး။ကျွန်တော်တို့လည်း အမောပြေနားပြီး အလင်းရောင်ကောင်းကောင်းလာတော့ တောင်ကလပ် ပေါ်ကိုတက်ကြပါတယ်။ နံနက်အစောဖြစ်သေးတာကြောင့် လူရှင်းနေပြီး အေးအေးဆေးဆေးရှိလှပါတယ်။ တောင်ပေါ်ကိုရောက်လို့ လည်ပတ်ပြီးတော့ ကျွန်တော်တို့အဖွဲ့ပြန်ဆင်းပါတယ်။တောင်ပေါ်ကအဆင်းခရီးမှာ လူတွေက တော်တော်များနေပြီ။ကျွန်တော်တို့အဖွဲ့ တောင်ခြေပြန်ရောက်တော့ ဘုရားဖူးလာတဲ့ကားတွေ၊ ခြေလျင်လာကြတဲ့ လူတွေကလည်း အဖွဲ့လိုက် တောင်ဖို့တက်ဖို့ရာ ပြင်ဆင်နေကြတာကို တွေ့ရပါတယ်။ ကျွန်တော်တို့လည်း လိုအပ်တဲ့ ရေဗူးနဲ့စားစရာလေးများဝယ်ပြီး နံနက်(၈)နာရီခွဲမှာ ပုပ္ပားတောင်မကြီးပေါ်ကို စတက်ကြပါတယ်။တောင်မကြီးပေါ်ကို တောင်ပတ်လမ်းအတိုင်း တက်နိုင်သလို ခြေလျင်လမ်းမှလည်း တက်ကြပါတယ်။ကျွန်တော်တို့အဖွဲ့ကတော့ဖြတ်လမ်း(ခြေလျင်လမ်း)ကပဲတက်ခဲ့ကြပါတယ်။တောင်ပတ်လမ်း အတိုင်းတက်မယ် ဆိုရင်တော့လူတွေသက်သာပြီးအချိန်ကြာပါတယ်။ဖြစ်လမ်းကနေတက်မယ်ဆိုရင်တော့ လူနဲနဲပင်ပမ်းပါတယ်။ ဒါပေမဲ့ပျော်ဖို့အရမ်းကောင်းပါတယ်။စကားပင်များအောက်ကနေ ဖြတ်သွားတဲ့အခါ စကားဝါပန်းရနံ့တွေက သင်းပျံ့နေပြီးအမောပြေစေပါတယ်။ သွားရာလမ်းတစ်လျှောက်မှာ ကတွတ်ပင်တွေ လည်းအများကြီးတွေ့ရပါတယ်။ မှည့်နေသောကတွတ်သီးများကို ခူးစားရင်း၊စကားဝါပန်းတွေတက်ခူးရင်း တချို့နေရာတွေမှာ တစ်ယောက်ကိုတစ်ယောက်လက်တွဲပြီးတက်ကြရပါတယ်။ တောင်အလယ်ပိုင်းလောက် ရောက်တော့ လေတွေကတိုက်တာ တဟူးဟူးနဲ့ နွေနေပူပူအောက်မှာ လေတိုက်တဲ့အရသာကိုခံစားရတာ သိပ်ကောင်းပါတယ်။ခရီးသွားရာမှာ ပြဿနာတစ်ခုက ရေအလွန်ရှားပါတယ်။ကျွန်တော်တို့ကြားဖူးတာက ပုပ္ပားတာင်မကြီးမှာ ရေထွက်ပေါင်း(၉၉)ခုရှိတယ်လို့ သိရပါတယ်။ ဒါပေမဲ့တောင်မကြီး ပေါ်မှာတော့ ရေထွက်လုံးဝမရှိပါဘူး။တောင်ကလပ်အောက်ခြေ တုန်းက ရေသန့်ဗူး ကိုယ်စီသယ်လာကြလို့ တော်ပါသေးတယ်။ ဒါတောင် တစ်ယောက်တစ်ဗူးနဲ့ တောင်ပေါ် အထိမလောက်ပါဘူး။ တောင်အထက်ပိုင်းရောက်တော့ လေကလည်းပိုပြင်းထန်လာပါတယ်။နေပူပူအောက် မှာလေအေးအေးကတိုက်ခတ်နေတော့ ပင်ပမ်းမှု့တွေကိုလည်း သက်သာစေပါတယ်။တချို့မိန်းခလေးတွေ ကတော့ တောင်ထိပ်ပေါ်မရောက်သေးဘူး မောနေကြပြီ။ တချို့က လမ်းတ၀က်ကနေ လှည့်ပြန်မယ်ဆိုလို့ မနည်းတားယူရတယ်။ မိန်းခလေးတွေဆိုတော့လည်း အပင်ပမ်းသိပ်မခံ နိုင်ကြဘူးပေါ့။ ကျွန်တော့်ညီမ၀မ်းကွဲ တစ်ယောက်ဆိုရင် ရောက်ခါနီးမှ ဘယ်လိုမှဆက်မတက်နိုင်လို့ ဘေးကနှစ်ယောက်က တွဲပြီးတောင်ပေါ်ကို တက်ရပါတယ်။အဲ့ဒီလိုနဲ့ ကျွန်တော်တို့အဖွဲ့တွေ တောင်ပေါ်တက်ရာလမ်းတစ်လျှောက် တချို့နေရာတွေမှာ စကားဝါပန်းတွေတက်ခူးရင်း၊ ကတွတ်သီးတွေခူးစားရင်း၊ တစ်ယောက်ကိုတစ်ယောက် နောက်ပြောင်းရင်းနဲ့ တောင်မကြီးထိပ်နားက လေယာဉ်ကွင်းတည်ရှိရာကို ရောက်ခဲ့ပါတယ်။ တောင်ပတ်လမ်းကနေ တက်မယ်ဆိုရင်လည်း လေယာဉ်ကွင်းမှာလမ်းဆုံးပါတယ်။ လေယာဉ်ကွင်းကနေ အထက်ကိုတော့ ခြေလျင်ပဲ တက်လို့ရပါတယ်။ ပုပ္ပားတောင်မကြီးရဲ့ အမြင့်ဆုံးအပိုင်းဖြစ်ပါတယ်။အပေါ်အထိရောက် အောင်(၁၅)မိနစ်ခန့် ခြေလျင်တက်ရပါသေးတယ်။ တောင်ထိပ်ပေါ်မှာတော့ စေတီတော်လေးတွေနဲ့ ဘုရားစောင်းတန်းတွေ၊မိုးရေလှောင်ကန်တွေ၊ပုပ္ပားထပ်ဆင့်အသံလွှင့်ရုံ စတာတွေပဲရှိပါတယ်။ တစ်လမ်းလုံး ရေမတွေ့သမျှ တောင်မကြီးထိပ်ပေါ် ရောက်မှပဲရေကန်တွေနဲ့ ရေတွေပေါများစွာတွေ့ရပါတယ်။ အသံလွှင်ရုံ
ဝန်ထမ်းတွေအတွက် မိုရေကိုလှောင်ထားပေးတာပါ။
ပုပ္ပားရဲ့သင်္ကေတ စကားဝါပန်း

 ကျွန်တော်တို့အဖွဲ့တောင်ပေါ်ရောက်တော့ ဆယ်နာရီခွဲပါပြီ။တောင်မကြီးပေါ်ကို တက်တာဖြတ်လမ်းကနေ (၂)နာရီခန့်ပဲ ကြာပါတယ်။ တောင်မကြီးပေါ်ကို ရောက်တော့ ဘုရားစောင်းတန်းမှာနားပြီး ပါလာတဲ့ထမင်းချိုင့်တွေ ကိုဝေငှပြီးစားသောက်ကြပါတယ်။ မနက်ကတည်းက အစာလည်းသိပ်မစားထားတော့ ထမင်းစားလို့ကောင်းလိုက်တာကလည်း မပြောပါနဲ့။ သူကြီးကတော် ချက်ထည့်ပေးလိုက်တဲ့ ငါးခြောက်နဲ့ခရမ်းချဉ်သီးချက်ရယ် သရက်ချဉ်သုပ်ရယ်၊ငရုတ်သီကြော်ရယ်က မောပမ်းမှု့ကိုဖြေသိမ့်ပေးပါတယ်။ စားကောင်းကောင်းနဲ့ ပါသမျှချိုင့်တွေလည်း ပြောင်သွားတာပါပဲ။

အားလုံးစားသောက်ပြီးတော့ ဘုရားစောင်းတန်းထဲမှာ ကျွန်တော်တို့ယောကျာ်းလေး တွေကတစ်ဖွဲ့ မိန်းခလေးတွေတစ်ဖွဲ့ သူ့နေရာနဲ့သူ နားနေရင်း တစ်ရေးတစ်မော အိပ်စက်ကြပါတယ်။ မနက်အစောကတည်းက သွားထားတော့ လူတွေလည်းပင်ပမ်းနေကြပြီလေ။ လေတွေ တဟူးဟူးတိုက်နေတဲ့ ပုပ္ပားတောင်ထိပ်ပေါ်မှာ အိပ်ပျော်သွားကြတာ ကတော့ တောက်တက်ခရီးရဲ့ အမှတ်တရလေးပေါ့။ အိပ်ယာနိုးတော့ ကျွန်တော်တို့အဖွဲ့နားမှာ အနို့ပါရေသန့်ဗူးကြီးကြီး တစ်လုံးကိုတွေ့ရတယ်။ အသံလွှင်ရုံမှ ၀န်ထမ်းများက ကျွန်တော်တို့အဖွဲ့အတွက် ရေကုသိုလ်လာပြု ထားတာဖြစ်ပါတယ်။ ကျွန်တော်တို့အဖွဲ့လည်း ရေသောက်ပြီးတော့ အသံလွှင်ရုံဘက် လျှောက်သွားပြီး တီဗွီအစီအစဉ်တွေ ခဏ၀င်ကြည့်ရင်း တောင်စောင်းတစ်လျှောက် လည်ပတ်ကြပါတယ်။ ကြည့်စရာရယ်လို့တော့ များများစားစားမရှိပါဘူး။ ဘုရားစေတီလေးတွေနဲ့အသံလွှင်ရုံလောက်ပါပဲ။ တောင်တက်လမ်းတစ်လျှောက်မှာ ပုပ္ပားတောင် ဥယျာဉ်ကိုလည်း ၀င်ရောက်လည်ပတ်နိုင်ပါတယ်။ ပရဆေးဥယျာဉ်မှာလည်း ပုပ္ပားတောင်ထွက် ရှားပါးတိုင်းရင်းဆေးပင်တွေကို ထိန်းသိမ်းစိုက်ပျိုးပြသထားပါတယ်။ရှားပါတဲ့ စန္ဒကူးတောကိုလည်း တွေ့နိုင်ပါတယ်။အပြန်လမ်းခရီးမှာတော့ တောင်ထိပ်ပေါ်ကနေ အရှေ့ဘက်တည့်တည့်ကို ဆင်းခဲ့ကြပါတယ်။ အဆင်းလမ်းခရီး တောင်ထိပ်ပိုင်းမှာ အပင်တွေကသိပ်ပြီးမပေါပါဘူး။ တောင်အလယ်နားလောက်ရောက်မှ သစ်တောတွေထဲပြန်ရောက်ပါတယ်။ သစ်တောတွေထဲမှာ တော့ ရေထွက်တွေ၊ရေအိုင်တွေများစွာတွေ့ရပါတယ်။ ဂမုန်းပင်များ၊ တောင်သပြေပန်းများ၊ တောင်ရိုးခတ္တာ စတဲ့ ပန်းအမျိူးမျိူး ကိုလည်းတွေ့ခဲ့ရပါတယ်။အဆင်းလမ်းက အတက်လမ်းထက်နဲနဲပိုကြမ်းပါတယ်။ တချို့နေရာတွေမှာ ဖင်ထိုင်ပြီးလျှောချ ရပါတယ်။ အချိန်ကတော့အလာတုန်းကလောက်မကြာပါဘူး။ လျှော်တောရွာ ပြန်ရောက်တဲ့အထိ တစ်နာရီကျော်ကျော်လေးပဲ ကြာပါတယ်။လျှော်တောရွာကို ပြန်ရောက်တော့ သူကြီးက ထမင်းဟင်းအဆင်သင့်ချက်ထားပါတယ်။သူ့ခြံထွက် ငှက်ပျောသီးမှည့်တွေ နဲ့လည်းတစ်ဝကြီးဧည့်ခံကျွေးမွေးပါတယ်။ ကျွန်တော်တို့အဖွဲ့လည်း သူကြီးအိမ်မှာ ခဏနားနေပြီးတော့ ညနေပိုင်းမှာ ရွာဆီကိုပြန်ခဲ့ကြပါတယ်။ ရွာကိုရောက်တော့ မှောင်စပြုနေပြီဖြစ်လို့ အမေ့လက်ရာကိုပင် မစားနိုင်တော့ပဲ ကျောပိုးအိတ်ကို ပစ်ချပြီး အိပ်လိုက်တာ နောက်နေ့နေမြင့်မှ အိပ်ယာကထနိုင်ပါတယ်။ တစ်နေ့လုံးသွားထားသမျှတွေက အတိုးချပြီးအနားယူလိုက်လို့ အားတွေပြန်ပြည့်လာပေမဲ့ ခြေသလုံးကြွက် သားတွေကတော့ နှစ်ရက်သုံးရက်ခန့်နာပြီးကျန်ခဲ့ပါသေးတယ်။ငွေကုန်ကြေးကျ သက်သာပြီးတော့ ဒေသန္တရ ဗဟုသုတတွေ တစ်ဝကြီးရရှိစေမဲ့ ပုပ္ပားတောင်ခြေလျင်ခရီးကို စိတ်ဝင်စားတယ်ဆိုရင် ကျွန်တော်တို့ရွာကို လာခဲ့ပါလို့ဖိတ်ခေါ်ပါတယ်။ကျွန်တော်ပြောပြတာတွေထက် ပိုပြီးတော့လက်တွေ့ကျကျ သိရှိခွင့်ရနိုင်ပါတယ်။ စိမ်းစိုလှပတဲ့ ပုပ္ပားတောင်ပတ်ဝန်းကျင်က သဘာဝရှု့ခင်းတွေရဲ့ အလှအပတွေကို ခံစားရင်း ဒေသနေပြည်သူတွေရဲ့ ရိုးရာဓလေ့စရိုက်များကို လေ့လာမှတ်သားရင်း ပုပ္ပားတောင်ဆီကို  ခြေလျင်တစ်ခေါက် အရောက်သွားကြပါလို့ ....

မျိုးခန့်(စကားဝါမြေ)