တချိန်တုန်းကအညာသားပညာရည်နို့သောက်စို့ခဲ့ရာ ပုပ္ပားတောင်ခြေ အညာမြေက ကျောင်းတော်သာ
ကျောင်းအပ်နေကြတဲ့ဓာတ်ပုံသတင်းတွေအင်တာနက်သတင်းစာမျက်နှာတွေမှာတွေ့နေဖတ်နေရပါတယ်။
ကျောင်းဝတ်စုံအဖြူအစိမ်းလေးတွေမြင်တော့အညာသားဖြတ်သန်းခဲ့ရတဲ့မူလတန်းကျောင်းသားဘဝကိုပြန်ပြီး
မြင်ယောင်မိပါတယ်။ကျေးလက်တောရွာကကျောင်းဖြစ်တာမို့ကျောင်းသူကျောင်းသားအများစုကကျောင်းဝတ်စုံ
အဖြူအစိမ်းမဝတ်နိုင်ကြပါဘူး။ကျောင်းအုပ်ဆရာမကြီးကလည်းနားလည်ခွင့်လွတ်ပေးသလိုတောင်သူ လယ်သမားသားသမီးတွေအများစုဖြစ်တာမို့ဝတ်ရေးထက်စာရေးဘက်ကိုပိုပြီးဦးစားပေးနေရတော့ကျောင်းစိမ်း
ဝတ်စုံဆိုတာရွာမှာတင်ကျောင်းတက်တဲ့သူတို့သားသမီးတွေအတွက်မလိုအပ်ဘူးလို့ပဲတွေးထားကြဟန်တူပါရဲ့
ကျောင်းဖွင့်ပြီဆိုပုံမှန်အိမ်နေရင်းအဝတ်အစားနဲ့ပဲကျောင်းကိုလာကြ။မြို့ကျောင်းတွေမှာစံပယ်ရုံအရွက်စိမ်းထက်
ကဖြူလွှလွှစံပယ်ပွင့်တွေလိုဆရာဆရာမကျောင်းသူကျောင်းသားအဖြူအစိမ်းတွေနဲ့လှပနေချိန်ကျနော်တို့ အညာကျေးလက်ကမူလတန်းကျောင်းလေးမှာတော့အရောင်စုံတဲ့ပန်းလေးတွေနဲ့ဖူးပွင့်ဝေစည်လို့ပေါ့။
အဖြူအစိမ်းဆိုလို့ကျောင်းအုပ်ဆရာမကြီးနဲ့သူ့သားလေးသာတစ်ကျောင်းလုံးမှာမြင်ရတတ်ပြီးကျန်တဲ့ကလေး တွေကတော့ရောင်စုံအင်္ကျီဘောင်းဘီနဲ့သနပ်ခါးပါးကွက်ကြား၊တချို့လည်းဖျင်ကြမ်းလွယ်အိတ်၊တချို့လည်း ကျန်ကျောင်းရုပ်ပုံကြွပ်ကြွပ်အိတ်တဖုံ၊တချို့ကအဖေ့ပုဆိုးအချောနဲ့စာအုပ်ကိုထုပ်ခါတသွယ်၊တချို့ကအမေ့ ခေါင်းပေါင်းတဘက်ထဲကိုစာအုပ်ကျောက်သင်ပုန်းထည့်ထုပ်ပြီးပွေ့လို့ကျောင်းကိုလာကြတယ်။တချို့လည်း အိမ်ကရှိတဲ့လွတ်အိတ်ထောင့်ပေါက်ကိုသားရေကွင်းနဲ့ချည်ပြီးစာအုပ်ကျောက်သင်းပုန်းကိုထည့်လွယ်လာတတ် တယ်။အဲ့ဒီအချိန်ကရွာထဲမှာယက်ကန်းစင်တွေအိမ်တိုင်းလိုလိုရှိတော့စောင်တို့ပုဆိုးထမီတို့ရက်တဲ့အခါ တတောင်နှစ်တောင်လောက်ပိုထည့်ပြီးလွတ်အိတ်တို့တဘက်တို့ချုပ်တတ်ကြတယ်။အဲ့ဒီတော့လွယ်အိတ် အကောင်းစားလွယ်နိုင်တဲ့သူလည်းဖျင်ကြမ်းလွယ်အိတ်အသစ်လောက်သာပါပဲ။
အခုခေတ်ပေါ်သိုးမွေးလွယ်အိတ်ကျောပိုးအိတ်ဆိုတာကျနော်တို့တွေအတွက်တော့လွယ်ရဖို့ဝေးစွမြင်ကို
မမြင်ဖူးခဲ့တာပါ။တယောက်နဲ့တယောက်ဂုဏ်တုဂုဏ်ပြိုင်ခြင်းကင်းတဲ့မြင်ကွင်းတွေပေါ့။သူတို့လွယ်အိတ်ထဲက စာရေးကိရိယာတွေကြည့်အုံးမလားခဲတံအသစ်ဖောင်တိန်အသစ်ကိုင်နိုင်တဲ့သူဆိုတာလက်ချိုးရေလို့ရတယ်။
အရင်နှစ်ကလက်ကျန်ခဲတံတိုလက်ညှိုးလက်မအရွယ်လေးတွေနဲ့ဖောင်တိန်ဆိုလည်းအထဲကမင်ဆံလဲလို့ရတဲ့
ဖောင်တိန်မျိုးသာသုံးရတယ်။မင်ဆံကုန်ရင်မြို့ကိုအသစ်မှာပြီးလဲသုံးခဲ့ရတာရယ်။ပေတံဆိုတာလည်းအမှတ်ပါ
တဲ့သစ်သားပေတံကိုကိုင်နိုင်သူကနည်းနည်းပါးပါးရယ်။ကိုယ့်ရွာဖြစ်ထန်းလက်ကိုကိုယ်လိုတဲ့အရှည်ရအောင် ဖြတ်ပြီးကျောသားဘက်ကိုအလှထားလို့ပေတံအရွယ်အစားရောက်သည်အထိဓာနဲ့ညီအောင်ချောထားတဲ့
ထန်းလက်ပေတံသုံးတဲ့သူကများပါတယ်။တချို့လည်းဝါးကိုထိုနည်းအတိုင်းချောအောင်သပ်ပြီးပေတံအဖြစ်သုံး ကြတယ်။လက်နဲ့ကိုင်မရတော့တဲ့ခဲတံတိုလေးများဆိုချွန်ပြီးတော့အပေါက်ပါတဲ့ဝါးဆစ်သေးသေးလက်တညိုး စာလောက်ဖြတ်အဲ့ဒီဝါးအပေါက်ထဲခဲတံတိုကိုစွပ်ပြီးရေးရတာလည်းရှိခဲ့တယ်။
ကျောင်းမုန့်ဆိုင်ဆိုတာလားမြင်ချင်လို့တောင်ပြစရာမရှိဘူးဗျ။ကျနော်တို့အတွက်သွားရည်စာဆိုတာရာသီပေါ်
အသီးအနှံနဲ့ငါးရက်တခါတောင်ဘက်ရွာကလာလာရောင်းတဲ့ကြီးမိညိုဆီကဇီးပေါင်းထုပ်၊ကပ်စေး၊မုန့်ကြိုးလိမ်
လောက်သာကောင်းကောင်းစားဖူးတာ။ဆီးသီးမှည့်ချိန်ဆိုလွယ်အိတ်တိုင်းမှာဆီးသီးပါတယ်။မန်ကျည်းသီးချိန် ဆိုမန်ကျည်းသီးစိမ်းကိုဓားခပ်ကြမ်းကြမ်းခုတ်ပြီးဆားနဲ့နယ်ပလပ်စတစ်အိတ်ထဲထည့်ပြီးကျောင်းယူလာတယ်။
မန်ကျည်းသီးကြက်ဆူချိန်ဆိုကြက်ဆူ၊မှည့်ချိန်ဆိုမန်ကျည်းသီးမှည့်၊သြဇာသီးပေါ်ချိန်ဆိုသြဇာသီး၊ပြောင်းဖူးချိန်
ဆိုပြောင်းဖူးပြုတ်၊ဖုတ်၊ထန်းသီးပေါ်ချိန်ဆိုထန်းသီးဆံ၊ထန်းလျက်ချိန်ဆိုထန်းလျက်စတာတွေကကျနော်တို့ရဲ့
ကျေးလက်ကျောင်းမုန့်သွားရည်စာတွေပါဗျာ။
ကျောင်းတက်ချိန်ဆရာဆရာမသင်သမျှနောက်ကလိုက်ဆိုလိုက်ရေး၊စာကျက်ခိုင်းရင်ကျောင်းဝိုင်းထဲကရှိသမျှ
တက်ရတဲ့အပင်ပေါ်တက်အော်နိုင်သမျှမိုင်ကုန်အော်ပြီးကျက်ကြတာ။ရွာမှာမွေးတဲ့ကလေးတွေဆိုတော့ လွတ်လပ်မှုအရသာကအပြည့်လေ။မိုးရွာရင်ကျောင်းအပြန်လွယ်ကွင်းထဲပြေးမိုးရေချိုးရင်းပုစွန်လုံးကောက်
ဖားနှိုက်ငါးရှာလုပ်ကြသေးတာ။ကျနော်တို့အတွက်ကျူရှင်ဆိုတာဘာမှန်းမသိခဲ့။ကျောင်းကအပြန်အိမ်ရောက်ရင်
အိမ်မှာရှိတာအဆာပြေစားပြီးနိုင်တဲ့အလုပ်ကိုကူလုပ်။ညရောက်တော့ကျောင်းကဆရာမသင်လိုက်သမျှ ဖတ်စာအုပ်ကိုကြည့်ပြီးနာရီဝက်လေးဆယ့်ငါးမိနစ်အာပေါင်အာရင်းသန်သန်နဲ့အော် အသံထွက်မှစာကျက် တယ်လို့လက်ခံတဲ့ရွာမှာတော့အော်နိုင်သူကအချီးမွမ်းအခံရဆုံးဗျ။ဒါကြောင့်ထင်ပါရဲ့အလယ်တန်း၊ အထက်တန်းနဲ့တက္ကသိုလ်ရောက်တဲ့အထိကျက်စာဆိုဘယ်လောက်များများဘယ်န်ှစ်ပုဒ်ကျက်ရကျက်ရ လာထားပဲ။ဒါပေမဲ့အသက်ကြီးလာတော့ပြုပြင်တတ်သွားပါတယ်ဗျ။
ဆိုလိုခြင်တာကအခုခေတ်ကျောင်းသူကျောင်းသားတွေကျနော်တို့ထက်ကံကောင်းကြပါတယ်။အခုခေတ်
ရွာကကလေးတွေဖျင်ကြမ်းလွယ်အိတ်ဆိုတာဘာမှန်းမသိတော့ဘူး။အဖြူအစိမ်းမဟုတ်ရင်ကျောင်းမသွားချင်
တော့ဘူး။ကျောင်းဖွင့်ပြီဆိုကျောင်းဝတ်စုံအသစ်၊လွယ်အိတ်အသစ်၊ဖိနပ်အသစ်နဲ့မှကျောင်းသွားချင်ကြတာ။
ရွာပြန်တော့အမျိုးထဲကပါပဲဝမ်းကွဲတော်တဲ့အကိုကမွေးထားတဲ့သားကခုနစ်တန်းတက်ရမှာဖုန်းမဝယ်ပေးလို့
ကျောင်းထားမရဘူးတဲ့လေ။အဲ့ဒီအရွယ်ကဖုန်းဆိုတာဘာမှန်းသိနေကြပြီ။ကျနော်တို့အဲ့ဒီအရွယ်ကဖုန်းဆိုတာ
ကြားကိုမကြားဖူးခဲ့ဘူး။မှတ်မှတ်ရရမိုဘိုင်းဖုန်းကိုကိုယ့်လက်နဲ့စပြီးကိုင်ဖူးတာတက္ကသိုလ်ဆရာဖြစ်ခါစမွမ်းမံ
သင်တန်းတက်မှသင်တန်းမှာသူဌေးသားဖုန်းနဲ့အိမ်ကိုဖုန်းဆက်လို့ကိုင်ဖူးတာဗျ။ကိုယ်ပိုင်ဝယ်ကိုင်နိုင်တာက
ရုရှားနိုင်ငံကိုပညာသင်ရောက်ပြီးနှစ်နှစ်လောက်ရှိမှကိုယ်ပိုင်ဖုန်းပေါက်စလေးကိုင်ဖူးတာ။ဒါပေမဲ့ခုခေတ်
ကျောင်းသားတွေနည်းပညာပိုင်းဆိုင်ရာမှာကျနော်တို့ထက်စောပြီးထိတွေ့ခွင့်ရကြပါတယ်။အထက်မှာပြောခဲ့
တာတွေသူတို့ကိုမေးရင်မသိသူကခပ်များများနေမယ်။
ကျနော်တဦးတည်းအမြင်တော့နည်းပညာတိုးတက်လာတာနဲ့အမျှလူတွေရဲ့ကိုယ်ပိုင်စွမ်းရည်တွေကျလာတယ်
ထင်တာပဲ။ကျနော်ကိုယ်တိုင်အတွေ့အကြုံအရပြောရရင်အရင်တုန်းကစာမျက်နှာသုံးလေးမျက်မှာဘောပင်နဲ့
ရေးရင်သိပ်မကြာဘူး။နောက်ပြီးရေးလည်းရေးနိုင်တယ်။အခုနောက်ပိုင်းကွန်ပျူတာအသုံးများလာတော့ ကိုယ်ပိုင်လက်ရေးနဲ့မရေးသလောက်ရှားလာတယ်။အဲ့ဒီတော့လက်တွေကလည်းအကျင့်ပျက်၊လိုအပ်လို့ရေးရင်
စာတမျက်နှာမပြည့်ချင်လက်တွေကညောင်းလာတာကိုယ်တွေ့။ဒါကြောင့်လေအရှင်ဇနကာဘိဝံသစာအုပ်ဖတ် ရတော့သူပြုစုခဲ့သမျှကျမ်းစာတွေအားလုံးလက်ရေးနဲ့အကြမ်းရေးသွားခဲ့တယ်ဆိုတာဖတ်ရလို့စာဖတ်ရင်းနဲ့
ဆရာတော်ကိုရည်မှန်းပြီးကြည်ညိုမိပါတယ်။ဆိုတော့ခေတ်နောက်လည်းလိုက်တာလိုက်ပေါ့ကျနော်တို့လူငယ် တွေကိုယ့်ပင်ကိုယ်စွမ်းရည်လေးတွေလည်းမပျောက်သင့်တာမပျောက်ရအောင်ထိန်းသိမ်းသင့်တယ်။
ကျနော်တော့ခေတ်နောက်ပြန်ဆွဲတယ်ပဲဆိုဆို၊ဖုန်းပွတ်တာကိုတတ်နိုင်သမျှလျှော့နေတယ်။မလိုအပ်ရင်ဖုန်းကို
လူနဲ့ဝေးဝေးမှာထားတယ်။ကျောင်းရောက်ရင်လည်းကျောပိုးအိတ်ထဲထည့်ထားတယ်။လူနဲ့အနီးဆုံးမှာဆိုရင်
လက်ကရောက်ရောက်သွားတော့ဒီဖုန်းစခရင်ကိုပဲတို့လိုက်ပွတ်လိုက်နဲ့မို့။သတိထားမိသလောက်ခုခေတ်
လူတွေတော်တော်စွဲလမ်းကြတယ်။ထမင်းစားချိန်ကန်တင်းမှာဆိုထမင်းခွက်ရှေ့မှာဖုန်းချပြီးစားကြတယ်။ တချို့ကဇွန်းတဖက်၊ဖုန်းကတဖက်နဲ့မျက်လုံးကဖုန်းမျက်နှာပြင်မှာဇွန်းကပါးစပ်ထဲကိုထည့်နေတာပဲကိုယ်ဘာ
စားနေလဲဆိုတာတွေးမိပုံမပေါ်ဘူး။တချို့တလေဇွန်းကလမ်းတဝက်မှာတင်ရပ်တန့်နေတာအချိန်အတော်ကြာ
ပတ်ဝန်းကျင်မှာအဲ့လိုတွေမြင်တွေ့နေရတော့အနာဂတ်မှာဘာတွေများဆက်ဖြစ်လာအုံးမလဲဆိုတာတွေးပြီး
အနာဂတ်လူငယ်တွေအတွက်စိတ်ပူမိတယ်။
အဖြူအစိမ်းကစလိုက်တာဖုန်းတွေဆီပါရောက်ကုန်တယ်။ကျနော်ဆိုချင်တာကအခုမျက်မှောက်ခေတ်မြင်ရတာ
နဲ့လွန်ခဲ့တဲ့ဆယ်စုနှစ်တခုကကိုယ်ဖြတ်သန်းခဲ့ရတာတွေနဲ့နှိုင်းယှဉ်ကြည့်တဲ့အခါတော်တော်လေးကွာခြားနေ
တာတွေ့ရသလို၊တဖက်ကကြည့်တော့တိုးတက်လာတာလို့ပြောနိုင်တာပေါ့။ဒါပေမဲ့တဖက်ကကြည့်တော့လည်း
ဆုတ်ယုတ်နေတာလေးတွေရှိတယ်။ဘာပဲဖြစ်ဖြစ်လေကိုယ့်မှာအဲ့ဒီလိုအတိတ်လေးတွေရှိခဲ့တာကတော့ လိုအပ်လာတဲ့အချိန်မှာပြောစရာလေးတွေအဖြစ်အသုံးဝင်မှာပါ။အခုတော့အဖြူအစိမ်းမဝတ်ရတော့တဲ့အရွယ်
ရောက်ပေမဲ့မျက်မှန်ကြီးတတ်လို့ဖျင်ကြမ်းလွယ်အိတ်အစားကျောပိုးအိတ်ကိုလွယ်ရင်းရှုးဖိနပ်ဘောင်းဘီရှည်နဲ့
ရွာကျောင်းမဟုတ်တဲ့တက္ကသိုလ်ကျောင်းတော်ကြီးမှာကျောင်းသားဘဝကိုဆက်လက်ပြီးဖြတ်သန်းနေရင်း
တချိန်ကပညာရည်နို့သောက်စို့ခဲ့တဲ့ရွာကျောင်းကခေါင်းလောင်းသံနဲ့အတူရွာကျောင်းလေးကိုနှလုံးသားရဲ့
အနက်ရှိုင်းဆုံးနေရာကနေအစဉ်သတိရလျက်ပါလို့....။
အားပေးမှုကိုအစဉ်လေးစားလျက်
ရွှေညာသား
