Photo credit (google images)
မိစန်းကိုအိမ်အလုပ်တွေတင်ပဲအားကိုးရတာလားဆိုတော့မဟုတ်ပြန်ပါဘူး။ယာထဲကိုင်းထဲပေါင်းကောက်မြက်နုတ်လည်းဖြစ်ပါတယ်။အလုပ်လုပ်တာမှာသပ်သပ်ရပ်ရပ်ရှိသလိုစိတ်ရှည်လက်ရှည်လုပ်တတ်
တာကြောင့်ယာခင်းထဲမှာခြေရာလက်ရာမြင်တာနဲ့ဘယ်သူလက်ချက်လဲဆိုတာသိနိုင်ပါတယ်။မိစန်း
ပေါင်းနှုတ်တဲ့ယာခင်းဆိုမြင်တာနဲ့ကြည်နူးစရာကောင်းတယ်။ပဲစင်းငုံခင်းပဲဖြစ်ဖြစ်ပြောင်းဖူးခင်း၊နှမ်းခင်း
ပဲခင်းဘယ်ထဲမှာပဲပေါင်းနှုတ်နှုတ်နောက်ကိုပြန်ကြည့်လိုက်တာနဲ့သီးနှံပင်ကလွဲရင်ပေါင်းပင်ကိုတစ်ပင်မှ
မမြင်ရအောင်စိတ်ရှည်ပါတယ်။
ပဲစင်းငုံခင်းများဆိုသမံတလင်းပေါ်မှာတက်ပေါက်နေလာထင်ရအောင်အထိစိတ်ရှည်ရှည်နဲ့ပေါင်းနှုတ်
ကောင်းပါတယ်။နွားစာဆိုလည်းနွားကြိုက်တဲ့မြက်၊နွားမကြိုက်တဲ့မြက်ခွဲခြားပြီးရိတ်တတ်တယ်။မိစန်ရိတ်
ထားတဲ့မြက်ထုံးတစ်ထုံးကိုတော်ယုံယောကျာ်းသားမနည်းထမ်းယူရတယ်။တောထဲထင်းခွေသွားပြီဆို
လည်းမိစန်းခေါင်းနဲ့ရွက်လာတဲ့ထင်းစည်းကြီးများဆိုအကြီးကြီးတွေ။တခါတလေများထင်းစည်းကကြီးပြီး
လည်ပင်းကိုတိုဝင်နေသလားမှတ်ရတယ်။တစ်ယောက်ထဲထင်းခွေသွားပြီးဒီလောက်ကြီးတဲ့ထင်းစည်းညည်း
ခေါင်းပေါ်ရောက်အောင်ဘယ်လိုပင့်လဲမေးရင်သူ့ထင်းစည်းပင့်နည်းကလွယ်လွယ်လေး။ထင်းစည်းကိုမြေပေါ်
မှာထောင်လိုက်တယ်။ ခေါင်းခုကိုထင်းစည်းအလယ်လောက်မှာနေရာချပြီးလူကမြေကြီးပေါ်ဆောင့်ကြောင့်
ထိုင်လက်နှစ်ဖက်နဲ့ထင်းစည်းကိုအသာလှဲယူပြီးထင်းစည်းခေါင်းပေါ်မှီပြီဆိုတာနဲ့မြေမှာစိုက်နေတဲ့ထင်းစည်း
ရှေ့ပိုင်းကိုခြေထောက်တစ်ဖက်နဲ့ထိုးကော်လိုက်ရင်ခေါင်းပေါ်ရောက်ရောတဲ့။တခါတခါတော့ထင်းစည်းကို
မသွားပြီးကျောက်တုံးကြီးကြီးပေါ်တင်ခေါင်းပေါ်မှာခေါင်းခုတင်ပြီးလူကဘေးမှာထိုင်လျက်ထင်းစည်းကို
ခေါင်းပေါ်ရောက်အောင်ဆွဲယူသတဲ့။
တောလုပ်တောကိုင်ကျွမ်းကျင်ပေမဲ့ မိစန်းကိုလယ်ဆင်းစိုက်တာတစ်ခါမှမမြင်ဖူးပါဘူး။လယ်ပေါင်းနှုတ်၊
ကောက်ရိတ်ချိန်တော့လယ်ထဲဆင်းလေ့ရှိတယ်။အဲ့ဒါကလည်းတခြားမိန်းမသားတွေနဲ့မတူတဲ့အချက်ပါပဲ။
ရွာမှာမိန်းမသားမှန်ရင်ကောက်စိုက်တတ်ကြတာများတယ်။
အလုပ်လုပ်တဲ့နေရာမှာသပ်သပ်ရပ်ရပ်ရှိတဲ့မိစန်းအကျင့်ကအိမ်မလုပ်တွေလုပ်တဲ့အခါမှာလည်းသပ်ရပ်လှပါ
တယ်။မန်ကျည်းသီးထုချိန်ဆိုသူ့နားကမန်ကျည်းစေ့ဘယ်မှမပြေးမစင်ရပါဘူး။မနက်စပြီးထုတဲ့အချိန်ကစလို့
ညနေပိုင်းအလုပ်သိမ်းတာနဲ့မန်ကျည်းစေ့ကိုတကုတကလိုက်ကောက်ဖို့မလိုဘဲတောင်းထဲကိုအသာကျုံးထည့်
ယုံပါပဲ။သက်ကယ်ပျစ်တဲ့အခါလည်းထိုနည်းလည်းကောင်းပါပဲအတော်လေးသပ်သပ်ရပ်ရပ်ရှိပါတယ်။
အိမ်အလုပ်တော်တော်များလုပ်တတ်ပေမဲ့ယက်ကန်းနဲ့ဆိုင်တဲ့လုပ်ငန်းတွေမှာတော့မိစန်းမလုပ်တတ်ပြန်
ပါဘူး။အိမ်ကမခိုင်းတာလည်းပါတာပေါ့။ကိုယ်တိုင်မလုပ်တတ်ပေမဲ့သူဝတ်ချင်တဲ့အဆင်ကိုတော့ယက်ကန်း
ရက်တတ်တဲ့သူ့ညီမကိုပြောပြီးခိုင်းတတ်တယ်။
ထမင်းစားတဲ့အခါလည်းထမင်းကိုဘယ်တော့မှမဖိတ်မစင်စေရဘူး။ပန်းကန်ပြားနဲ့အမြဲတမ်းစားလေ့
ရှိတာကြောင့်သူစားတဲ့ပန်းကန်ကိုသူ့နာမည်ပေးထားရတယ်။အိမ်မှာဆိုသူ့ပန်းကန်နဲ့မဟုတ်ရင်ထမင်း
မစားဘူး။စားတဲ့အခါလည်းစည်းကမ်းရှိသလားမမေးနဲ့အသားငါးဟင်းများဆိုတစ်ခါထည့်ပေးထားတာနဲ့
ထမင်းပွဲပြီးသည့်တိုင်နောက်ထပ်ထည့်ပေးစရာမလိုတော့ဘူး။အကောင်းဆိုအကောင်းလိုစားတတ်တယ်။
ဘယ်တော့မှလောဘတကြီးစားတာမျိုးလည်းမရှိပါဘူး။သူ့ပန်းကန်ထဲထည့်ပေးတာကိုအေးအေးလူလူပဲ
စားလေ့ရှိတယ်။
ယာထဲကိုင်းထဲရောက်ပြီဆိုရာသီအလိုက်ပေါ်တဲ့ဟင်းချက်စရာအိမ်ကအမေဖြစ်တဲ့သူဟင်းချက်စရာထွက်ရှာ
စရာမလိုပါဘူး။ချဉ်ပေါင်ရွက်ချိန်ချဉ်ပေါင်ရွက်၊မန်ကျည်းရွက်ချိန်မန်ကျည်းရွက်၊ပီလောရွက်ချိန်ပီလောရွက်
အချိအချဉ်စုံအောင်သယ်လာတတ်တယ်။အိမ်နီးနားချင်းတွေကမိစန်းတောထဲသွားတာမြင်လို့မိစန်းရေ
အရီးလေးဖို့ချဉ်ပေါင်ရွက်လေးလက်တစ်ဆုပ်စာလောက်ပိုခဲ့စမ်းပါအေဆိုလိုက်တစ်ဆုပ်မဟုတ်ဘူးနှစ်ရက်
စာလောက်ပါအောင်သယ်လာပေးတယ်။
အားလုံးအပေါ်စိတ်ထားကောင်းတဲ့မိစန်ရဲ့စိတ်ကတခါတလေမှာတော့ငြိုငြင်တတ်ပြန်တယ်။သူကြည့်မရတဲ့
သူဆိုရင်မျက်စောင်းထိုးတတ်တယ်။သူ့အကြောင်းသိတဲ့သူတော်တော်များများကတော့သူ့မျက်နှာရိပ်
မျက်နှာကဲကြည့်ပြီးပြောဆိုပေါင်းသင်းကြလို့အဆင်ပြေကြပါတယ်။အရိပ်အကဲမသိဘဲသူ့နေရာဘေးမှာ
သွားအိပ်မိလို့မိစန်းလက်ချက်မိသွားတဲ့သူ့ညီမ၀မ်းကွဲတစ်ယောက်အကြောင်းနောက်တစ်ပိုင်းမှာဆက်ပါမည်။
အပိုင်း (၃) ဆက်ပါမည်။
အားလုံးကိုယ်စိတ်နှစ်ဖြာကျန်းမာချမ်းသာကြပါစေ။
အားပေးမှုကိုအစဉ်လေးစားလျက်
ရွှေညာသားလေး
