ကြက်ဟင်းခါးသီးကြော်ချက် နဲ့ ဟင်းမျိုးစုံ

 

 ဒီတခါတော့ ကြက်ဟင်းခါးသီးအပုသီးလေးတွေကို ငါးနီတူခြောက်နဲ့ကြော်ချက်ချက်စားဖြစ်ပါတယ်။

ကျနော်တို့ဆီမှာတော့ချောင်းဘေးကချုံတွေပေါ်မှာအလေ့ကျပေါက်ပြီးသီးပါတယ်။ရေခပ်ရင်းချုံထဲတိုးပြီး ကြက်ဟင်းခါးသီးခူးရတာပျော်စရာကောင်းတယ်။မြွေစိမ်းလည်းကြောက်ရတယ်း) ဒီမှာတော့ဈေးထဲမှာ

အပုံလိုက်လေးတွေရောင်းနေတာတွေ့လို့ဝယ်ပြီးအညာချက်လေးချက်စားပါတယ်။

ချက်ပြုတ်ပုံကတော့ ကြက်ဟင်းခါးသီးလေးတွေကိုမိမိနှစ်သက်သလိုလှီးဖြတ်နိုင်ပါတယ်။ကျနော်ကတော့

လေးစိတ်ခွဲ ဆားအနည်းငယ်ထည့်ပြီးပျော့သွားအောင်နယ်ထားလိုက်ပါတယ်။ချက်မည့်ဒယ်အိုးထဲကို ဆီအနည်းငယ်ထည့်ဆီပူလာတော့၊ကြက်သွန်နီတစ်လုံး၊ခရမ်းချဉ်သီးနှစ်လုံးပါးပါးလှီးထည့်နနွင်းမှုန့်၊ ငါးပိသင့်တော်ယုံထည့်ပြီးဆီသတ်ပါ။ဆီသတ်တာမွှေးလာရင်ကြက်သွန်ဖြူနဲ့ငရုတ်သီးထောင်းထားတာ

ထည့်မွှေအနံ့မွှေးလာတော့ရေဆေးထားတဲ့ငါးနီတူခြောက်ထည့်ခဏမွှေပေးနောက်ဆုံးမှာအစောက

ဆားနည်ထားတဲ့ကြက်ဟင်းခါးသီးကိုရေဆေးပြီးထည့်ပါ။ကြက်ဟင်းခါးသီးကျက်လောက်အောင်ရေနွေး

ထပ်ထည့်ပြီးအိုးကိုအုပ်ထားပါ။ငါးခြောက်မရှိရင်ပုစွန်ခြောက်နဲ့ချက်လို့ရပါတယ်။ရေနွေးထည့်တာက

ဟင်းအကျက်မြန်ပါတယ်။ကြက်ဟင်းခါးသီးကျက်လို့အရသာအနေအထားမြည့်ပြီးရင်မီးဖိုပေါ်ကချလို့ရပါပြီ။

ကြက်ဟင်းခါးသီးဟင်းကိုဗူးသီးဟင်းချို သို့မဟုတ်အသီးအရွက်ဟင်းချိုတမျိုးမျိုးနဲ့တွဲပြီးစားလို့ကောင်း ပါတယ်။အချဉ်ရည်သောက်နဲ့ဆိုရင်တော့ အခါးစားပြီးအချဉ်သောက်ရင်ပိုပြီးခါးပါလိမ့်မယ်း)

ဗူးသီးနဲ့ဖရုံရွက်ကြော် 

နောက်ဟင်းတခွက်ကတော့ဖရုံညွှန်ကိုဗူးသီးနုတလုံးနဲ့ရော ပင်စိမ်းရွက်အုပ်ပြီးကြော်ထားပါတယ်ဗျး)

ဘဲဥချဉ်ဟင်းး)

မှိုကန်စွန်းအရည်သောက်း)

ဟင်းခွက်အားလုံး တခါတည်းချက်တာမဟုတ်ပါဘူး။ချက်စားဖြစ်တုန်းမှတ်တမ်းတင်ထားတာမို့ တခါတည်းတင်လိုက်တာပါး)

ကျောင်းမှာအလုပ်များတဲ့အခါ ဟင်းချက်ဖို့ဝေးစွ သူများချက်ပြီးသား ဝယ်စားဖို့ကိုအချိန်မရပါဘူး။တနေ့လုံးမှ ထမင်းတနပ်နဲ့ပြီးရတာလည်းရှိတယ်။

အားလုံးကိုယ်စိတ်နှစ်ဖြာကျန်းမာချမ်းသာကြပါစေဗျာ။လာလည်ကြတဲ့အတွက်လည်းကျေးဇူးတင်ပါတယ်။

အားပေးမှုကိုအစဉ်လေးစားလျက်

ရွှေညာသား

ပန်းတို့ ပွင့်ချိန်

 အခန်းချင်းကပ်လျက်စိုက်ပျိုးရေးကအစ်ကိုတစ်ယောက်ကသူ့ဌာနရှေ့မှာစကားဖြူပန်းတွေပွင့်လို့ဘုရားလှူဖို့
ခူးလာတာကျနော့်ကိုလည်းပေးလို့ဘုရားလှူဖြစ်ပါတယ်။သူပေးတုန်းကတော့ပွင့်ခါနီးအငုံလေးအာလေးတွေ
ရေဖျန်းပြီးဘုရားလှူတဲ့အချိန်မှာတော့ပွင့်နေကြပြီ။ပန်းရနံ့ကတခန်းလုံးသင်းပျံ့နေတာပါပဲ။

ငွေပန်း ကပ်လှူခြင်းကုသိုလ်

ဒုတိယအကြိမ် စကားဖြူပန်း ကပ်လှူခြင်းကုသိုလ်

အညှာလေးတွေကိုရေစိမ်ပေးထားတော့ သုံးရက်လောက်ခံပါတယ်။ကျောင်းကပြန်လို့ အခန်းတံခါးဖွင့် လိုက်ရင် ပန်းရနံ့ကမွှေးကြိုင်နေတာပါပဲ။

ကျောင်းသွားရင်း သဘောကျလို့ ဖုန်းနဲ့မှတ်တမ်းတင်ထားတာ

ကျောင်းဖွင့်ချိန် စိန်ပန်းတွေလည်း မြေမှာကြဲပြန့်နေ 

စိန်ပန်းပြာ

ကျောင်းသွားလမ်းဘေးမှာ ပွင့်နေတဲ့ သစ်ခွ

ကျောင်းဝန်းထဲက သစ်ပင်တော်တော်များများမှ အခုလို သစ်ခွတွေ ပွင့်နေတာကို မြင်ရတာစိတ်ကြည်နူးစရာကောင်းပါတယ်း)

 ကျောင်းထဲကညနေပိုင်းတရက်ခြားဖွင့်တဲ့ ဈေးလေးက ပန်းပင်ဆိုင်မှာရောင်းနေတာ ဝယ်ချင်သော်လည်းထားစရာနေရာမရှိလေတော့ ပုံပဲရိုက်ထားတယ်း)

အဖူးအငုံတွေနဲ့ စံပယ်ပင်တွေ

ဒီပန်းကတော့ ဒေလီယာ ပန်းပင်ထင်တာပါပဲ သေချာတော့မသိပါဘူးး)

ကျနော့်အိမ်လေးဆီကိုလာလည်ရင်းပန်းပင်ပန်းပွင့်လေးတွေကြည့်ပြီးစိတ်အမောတွေဖြေဖျောက်နိုင်ပါစေဗျာ။

လာရောက်လည်ပတ်ကြတဲ့အတွက်လည်းကျေးဇူးတင်ပါတယ်။အားလုံးကိုယ်စိတ်နှစ်ဖြာကျန်းမာချမ်းသာကြ

ပါစေလို့ရွှေညာသားကဆုတောင်းပါတယ်။

အားပေးမှုကိုအစဉ်လေးစားလျက်

ရွှေညာသား

အညာသားလက်ရာ ဗူးသီး​ကြော်

 ကြက်သွန်ကြော်နဲ့ဗူးသီးကြော်

 ဗူးသီး၊ ရုံးပတီသီး၊ မြင်းခွာရွက်ကြော်

အကြော်နဲ့စားဖို့ မန်ကျည်းသီးမှည့်အချဉ်ရည် 

ဗူးသီး၊ရုံးပတီသီး၊မြင်းခွာရွက်နဲ့ကြက်သွန်တို့ကိုပုစွန်ကြော်တဲ့တန်ပူရာမှုန့်အနှစ်ဖျော်ပြီးကြော်ထားတာပါဗျ။

ဘာမှရောစပ်စရာမလိုဘဲခပ်ပျစ်ပျစ်လေးဖျော်ပြီးနှစ်သက်ရာအသီးအနှံကိုနှစ်ပြီးကြော်လို့ရပါတယ်။

အကြော်မှာအချဉ်ရည်ကအဓိကကျတာမို့အညာသားလုပ်တဲ့အချဉ်ရည်ဖျော်နည်းကိုမျှဖော်ပြပေးလိုက်ပါတယ်။

မန်ကျည်းသီးမှည့်ကိုရေစင်အောင်အရင်ဆေးပြီးရေနွေးဆူပြီးသားနဲ့ဆယ့်ငါးမိနစ်ခန့်စိမ်ထားပါ။ငရုတ်သီး၊

ကြက်သွန်ဖြူ၊ချင်းသုံးမျိုးကိုခပ်ကြမ်းကြမ်းထောင်းပါ။သိပ်ပြီးညက်ဖို့မလိုပါဘူး။ပြီးရင်ထောင်းထားအရောကို

ပန်းကန်ထဲမှာထည့်ရေနွေးစိမ်ထားတဲ့မန်ကျည်းမှည့်ကိုလက်နဲ့ချေပြီးအပေါ်ပိုင်းအရည်ကိုစစ်ထည့်အပျစ်အကျဲ

ကိုရေနွေးနဲ့လိုသလိုစပ်ပြီးယူပါ။အဲ့ဒီနောက်ဆားနည်းနည်းပိုထည့်၊ငံပြာရည်အနည်းငယ်ထည့်၊အရသာမှုန့်

သို့မဟုတ်ဟင်းချိုမှုန့်၊သကြားတခုခုကိုသင့်တော်ယုံထည့်ပြီးမွှေပါ။အပေါ့အငန်ကိုတော့လိုအပ်သလိုပြင်လို့ ရပါတယ်။နောက်ဆုံးမှပူစီနံသို့မဟုတ်နံနံပင်ကိုကပ်ကြေးနဲ့ညှပ်ထည့်ပါ။တချို့ကတော့ဂေါ်ဖီထုပ်ကိုပါးပါး

လှီးပြီးထည့်ကြပါတယ်။ဆိုင်တွေမှာတော့ဂေါ်ဖီနဲ့ပူစီနံကိုသပ်သပ်ပန်းကန်နဲ့ထည့်ပေးပါတယ်။အကြော်ဆိုင်

နာမည်ကြီးတာမှာအချဉ်ရည်ကအဓိကကျပါတယ်။အကြော်ကောင်းတာနဲ့မပြည့်စုံပါဘူး။သူနဲ့တွဲဖက်စားသုံး

မည့်အချဉ်ရည်ကလည်းအရေးပါ ပါတယ်။

ငယ်ငယ်ကရွာမှာပွဲတွေရှိရင်အမေနဲ့အကြော်ရောင်းခဲ့ရတယ်။အမေ့ဆိုင်ကသူများဆိုင်တွေထက်စားသုံးသူ များပါတယ်။စားတဲ့သူတွေကိုဘာကွာလဲမေးကြည့်တော့ဒီဆိုင်ကအချဉ်ရည်ကစားလို့ပိုကောင်းတယ်လို့ပြော ပါတယ်။တချို့ဆိုထမင်းနဲ့စားဖို့အကြော်ဝယ်ရင်အချဉ်ရည်ပိုထည့်ခိုင်းပါတယ်။အချဉ်ရည်ကထမင်းနဲ့လည်း စားလို့ဖြစ်တယ်တဲ့။ပွဲပြီးလို့အမြတ်တွက်ရင်အမေ့ဆိုင်ကသူများထက်နည်းနည်းတော့ပိုပြီးအမြတ်ရပါတယ်။

ဝယ်စားတဲ့သူတွေလည်းကိုယ်စားသလိုမျိုးစားရပါစေဆိုတဲ့စေတနာကိုရှေ့ထားပြီးရောင်းတာကြောင့်

စေတနာကရောင်ပြန်ဟတ်တာထင်ပါတယ်။ဒီထက်ကောင်းတဲ့အချဉ်ရည်ဖျော်နည်းများလည်းရှိနိုင်ပါတယ်။

ဒီနည်းကအမေသင်ပေးထားတဲ့အတိုင်းရွှေညာသားဖျော်ထားတာပါး)

အားလုံးကိုယ်စိတ်နှစ်ဖြာကျန်းမာချမ်းသာကြပါစေဗျာ။လာရောက်လည်ပတ်ကြတဲ့အတွက်လည်းကျေးဇူးတင်

ပါတယ်။

အားပေးမှုကိုအစဉ်လေးစားလျက်

ရွှေညာသား

ငံပြာရည်ချက် နဲ့ ဗူးသီးနုပြုတ်တို့စရာ

ကျောင်းပိတ်ရက်မှာအညာသားချက်စားဖြစ်တဲ့ဟင်းလေးတွေပါ။အစကတော့မချက်တော့ဘူးလို့ဆုံးဖြတ်ထား
သော်လည်းမစားဘဲမနေနိုင်တော့တခါတရံချက်စားရတယ်။ဗူးသီးကိုတွေ့ရခဲတာမို့ဗူးသီးနုနုလေးတွေရောင်းနေ
တာကိုမြင်တော့သဘောကျတာနဲ့ဝယ်ဖြစ်ပါတယ်။ဘာလုပ်စားရမလဲစဉ်းစားတော့ပြုတ်ပြီးတို့စရာလုပ်ရင်
ကောင်းမယ်ထင်တာနဲ့ငံပြာရည်ချက်ချက်ပြီးတို့စားဖြစ်တယ်။မြန်မာပြည်မှာတော့ဗူးသီးပုပ်ဆိုပြီးအသီးအဖြစ်
သိပ်မအောင်မြင်တဲ့ဗူးသီးနုဖင်ချုံ့လေးတွေကိုဈေးထဲမှာတို့စရာအဖြစ်နဲ့ဝယ်လို့ရပါတယ်။ငါးပိရည်ကျိုနဲ့တို့စားလို့
အင်မတန်ကောင်းတယ်။မစားခင်တုန်းကတော့ခင်ဗျားတို့မြို့မှာလည်းပေါက်ပေါက်ရှာရှာဗူးသီးပုပ်တောင်
ဝယ်စားရတယ်လို့ပြောမိသေးတယ်။တကယ်လည်းစားကြည့်ရော...အိုး..စားရတာဆတ်တောက်ဆတ်တောက် နဲ့ငါးပိရည်ကျိုနဲ့တော်တော်လိုက်ဖက်တယ်။အခုကဟာကတော့ဗူးသီးပုပ်မဟုတ်ပါဘူး။ဗူးသီးနုနုလေးတွေကို
ခူးပြီးရောင်းတာ။ပြုတ်ပြီးတို့တော့စားရတာချိုနေတာပဲ။

 ငံပြာရည်ချက်

 ဗူးသီးနုပြုတ်

 သီးချင်းထဲမှာတော့ ဗူးသီးနုနုမခူးရ လို့ကြားဖူးတာပဲး)

ငံပြာရည်ချက်နည်းကတော့လွယ်ပါတယ်။ကြက်သွန်နီအနေတော်သုံးလုံးကိုပါးပါးလှီးဆီသတ်၊ကြက်သွန်နွမ်း
လာတော့ငရုတ်သီးသို့မဟုတ်ငရုတ်သီးခြောက်ကြိုက်နှစ်သက်ရာကိုကြက်သွန်ဖြူနဲ့ထောင်းပြီးထည့်ငရုတ်သီး
နဲ့ကြက်သွန်ဖြူမွှေးလာရင်ငံပြာရည်သုံးဇွန်းလောက်ထည့်ရေနွေးလေးဇွန်းလောက်ထပ်ပွားပြီးမီးအေးအေးနဲ့
တည်။နောက်ဆုံးဆီပဲကျန်တဲ့အခါမီးဖိုပေါ်ကချ။လေလုံတဲ့ဗူးထဲမှာထည့်ထားရင်အနည်းဆုံးတပတ်လောက်
တော့ထားလို့ရပါတယ်။ပုစွန်ခြောက်ထည့်မယ်ဆိုလည်းဆီသတ်ချိန်မှာထောင်းပြီးထည့်နိုင်ပါတယ်။
ကျန်တဲ့ဗူးသီးလေးတွေကိုတော့မြန်မာပြည်အလွမ်းပြေဗူးသီးကြော် ကြော်စားဖြစ်ပါတယ်။နောက်နေ့မှပဲ
ဗူးသီးကြော်ပို့စ်ထပ်တင်တော့မယ်ဗျာ။

အားလုံးကိုယ်စိတ်နှစ်ဖြာကျန်းမာချမ်းသာကြပါစေလို့ဆုတောင်းမေတ္တာပို့သပါတယ်။လာရောက်လည်ပတ်
ကြတဲ့အတွက်လည်းကျေးဇူးအထူးတင်ရှိပါကြောင်း...။

အားပေးမှုကိုအစဉ်လေးစားလျက်

ရွှေညာသား

ဆယ်တန်းအောင်တာ ၁၆ နှစ်ပြည့်

 photo credit >>>> google images

အခုရက်ပိုင်းငယ်ငယ်ကကျောင်းသားဘဝကိုလွမ်းဆွတ်လို့ကောင်းတုန်းဆယ်တန်းအောင်စာရင်းတွေထွက်ပြန်
တော့အတိတ်ခြေရာလေးတွေဆီကိုအတွေးကဆက်သွားပြန်ပါတယ်။ရှေ့ကပို့စ်တွေမှာရေးခဲ့သလိုရွာကနေ
ခြေလျင်ခရီးနဲ့ကိုးတန်းအထိလက်ပံပျားကျောင်းမှာတက်ခဲ့ပါတယ်။ကိုးတန်းအောင်တော့ဆယ်တန်းတက်ဖို့
သူများတွေဘော်ဒါဆောင်သွားကြချိန်ကိုယ့်အတွက်ကဘယ်မှာတက်ရမှန်းမသေချာသေးပါဘူး။ကျောင်းအပ်ခါနီး
အဖေအလုပ်ကရွာကိုပြန်လာမှမိတ္ထီလာကအဖေ့အသိဦးလေးရဲ့သားသမီးတွေကဘော်ဒါဆောင်ဖွင့်ထားတယ်။
အဲ့ဒီဘော်ဒါမှာအဒေါ်အိမ်ကနေပြီးနေ့ပိုင်းတက်ဖို့ပြောထားပြီးပြီဆိုတာသိရတယ်။တကယ်တော့ဘော်ဒါမှာအိပ်
ဘော်ဒါမှာစားမယ်ဆိုတနှစ်လုံးပညာသင်စရိတ်နှစ်သိန်းသုံးသောင်း၊စာအုပ်စာတမ်းဖိုးနဲ့ပေါင်းတွက်မယ်ဆိုရင်
တနှစ်လုံးစာအတွက်လေးငါးသိန်းလောက်ကုန်မှာမို့အဖေလည်းမတတ်နိုင်တဲ့အဆုံးဘော်ဒါမှာမအိပ်မစားဘဲ
အပြင်ကအဒေါ့်အိမ်မှာနေပြီးဘော်ဒါမှာကျောင်းတက်ဖို့စီစဉ်တာပါ။ပညာသင်စရိတ်ကတနှစ်စာအတွက်ခုနစ် သောင်းခွဲပဲပေးရပါတယ်။အဲ့ဒီလိုနဲ့မိတ္ထီလာမြို့ကြီးဆီကိုအညာသားပထမဆုံးခြေချခဲ့ပါတယ်။

မြို့ကိုကျောင်းသွားတက်ရမယ်ဆိုတော့စိတ်ထဲမှာဝမ်းနည်းဝမ်းသာဖြစ်ရပါတယ်။အမေနဲ့အိမ်ကိုသံယောဇဉ်
ကြီးပထမဆုံးအကြိမ်လည်းခွဲရမှာမို့စိတ်ထဲမှာဝမ်းနည်းနေမိပါတယ်။မြို့မှာကျောင်းသွားတက်ရမယ်ဆိုတော့
အမေကကျောက်ပန်းတောင်းကိုခေါ်ပြီးလိုအပ်တာလေးတွေလိုက်ဝယ်ခြမ်းပေးပါတယ်။မှတ်မှတ်ရရဘဝမှာ
သားရေဖိနပ်ကိုဆယ်တန်းနှစ်ရောက်မှပထမဆုံးစီးဖူးတာပါ။အမေကလူလေးမြို့မှာကျောင်းတက်ရမှာဆိုပြီး
ဝက်ဝံတံဆိပ်ကျောင်းစိမ်းပုဆိုးရယ်အင်္ကျီအဖြူရယ်အသစ်ဝယ်ပေးတယ်။လွတ်အိတ်လည်းအသစ်ဝယ်ပေး
လိုက်ပါတယ်။ကိုတန်းနှစ်အထိကတော့အရင်ကပို့စ်မှာရေးခဲ့သလိုပဲဖြစ်သလိုသာကျော်ဖြတ်ခဲ့ရတာများပါ
တယ်။မြို့ကိုသွားဖို့အတွက်အမေဝယ်ပေးတာလေးတွေကကျနော့်အတွက်ပထမဆုံးသုံးခွင့်ရမည့်အသစ်တွေ
ဖြစ်ပေမဲ့တခြားသူငယ်ချင်းတွေကရှစ်တန်းကိုးတန်းနှစ်မှာကတည်းကသုံးနေကြပါပြီ။ကိုယ့်မိသားစုအခြေအနေ
ကိုသိလို့အမေ့ကိုမပူဆာခဲ့သလိုအမေကလည်းပညာတတ်ဖို့ကအဓိကကျန်တာကအရေးမကြီးဘူးဆိုပြီး
နှစ်သိမ့်ပါတယ်။မိဘပဲလေကိုယ့်သားသမီးသူများတွေလိုဆင်ပေးချင်မှာပေါ့မပြေလည်တဲ့အခြေအနေကြောင့်
သာတဖက်လှည့်နဲ့နှစ်သိမ့်ခဲ့တာ။အိမ်အခြေအနေကိုလည်းနားလည်တော့အမေ့ကိုတတ်နိုင်သလောက် စိတ်မဆင်းရဲစေခဲ့ပါဘူး။

ရွာကနေမိတ္ထီလာကိုသွားတဲ့နေ့မှာအိမ်ကထွက်ကတည်းကငိုပါတယ်။ကားဂိတ်ရှိတဲ့ဆီကိုနာရီဝက်လောက်
လမ်းလျှောက်ရတာမို့ပီနံအိတ်နဲ့ထည့်ထားတဲ့အိပ်ယာလိပ်ကိုပခုံးမှာထမ်းရင်းရွာဘက်ကိုနောက်ပြန်လှည့်
ကြည့်လိုက်ငိုလိုက်နဲ့အဖေကတော့ကျောင်းပိတ်တဲ့အခါအလည်ပြန်လို့ရတာပဲတိတ်တော့ဆိုပြီးနှစ်သိမ့်ပါ
တယ်။အဲ့ဒီလိုနဲ့မိတ္ထီလာမြို့ကိုဆယ်တန်းတက်ဖို့ရောက်ခဲ့ပါတယ်။ဘော်ဒါဆောင်မှာစာစသင်တော့တွေ့သမျှ
သူငယ်ချင်းတွေကတစ်ယောက်မှကိုယ်မသိတဲ့လူစိမ်းတွေ၊သူတို့ကလည်းနယ်ပေါင်းစုံကနေလာကြတာမို့
အစပိုင်းတော့ခပ်စိမ်းစိမ်းပါပဲ။နောက်ပိုင်းခင်သွားကြတော့လည်းပျော်စရာကောင်းပါတယ်။စိတ်အဖိစီးဆုံး
ကာလဆိုလည်းမမှားပါဘူး။ရွာကနေတစ်ယောက်ထဲမြို့ကိုကျောင်းလာတက်တာဆယ်တန်းမအောင်ဘဲ
ရွာပြန်ရင်တော့ငါလည်းမကောင်းဘူးအဖေအမေလည်းမျက်နှာပျက်စရာဖြစ်မှာဆိုတဲ့အတွေးနဲ့စာကိုသာဖိပြီး
သင်သမျှအကြွေးမထားဘဲပုံမှန်လုပ်ပါတယ်။အဒေါ့်သမီးကလည်းစာသမားမို့အချိန်တိုင်းစာပဲကြည့်ခိုင်းပါ
တယ်။အဲ့လိုနဲ့မနက်စာနေ့စာညစာတစာစာလုပ်ရင်းစာမေးပွဲနားနီးတော့သိပ်ပြီးကျက်စရာမကျန်တော့ပါဘူး။
ဒါပေမဲ့စိုးရိမ်စိတ်ကတော့လျော့မသွားပါဘူး။ရွာကိုလည်းလူကြုံတိုင်းစာရေးပါတယ်။အမေ့ဆီကိုပြောချင်သမျှ
စာနဲ့ရေးပြော။သူငယ်ချင်းတွေဆီကိုလည်းစာရေးနဲ့ဆယ်တန်းနှစ်မှာစာအစောင်တော်တော်ရေးဖြစ်ပါတယ်။

နောက်ဆုံးအတန်းတင်စာမေးပွဲဖြေခါနီးတော့စာမေးပွဲရက်အတွင်းအမေ့ကိုလာနေဖို့စာရေးပြီးမှာပါတယ်။
ဘော်ဒါဆောင်မှာသူများမိဘတွေလာတော့အမေ့ကိုလာစေချင်တာပါ။အမေလည်းအိမ်မှာအလုပ်တဖက်နဲ့မို့
စာမေးပွဲတွင်းတခုလုံးမနေနိုင်ပါဘူးကျနော်စိတ်ချမ်းသာအောင်နောက်ဆုံးသုံးရက်လောက်မှလာပါတယ်။
စာမေးပွဲဖြေပြီးပြန်လာတဲ့အခါအမေ့မျက်နှာမြင်ရတာအားတခုဖြစ်ပါတယ်။စာမေးပွဲပြီးအဒေါ်ကရွာကိုချက်ချင်း
မပြန်ခိုင်းဘဲတပတ်လောက်နားခိုင်းပါသေးတယ်။တနှစ်လုံးစာအုပ်နဲ့မျက်နှာသိပ်မခွာခဲ့ရတော့စာမေးပွဲပြီးခါစ
ရက်တွေဆိုမနေတတ်ပါဘူး။အဲ့ဒါနဲ့တွေ့တဲ့ဂျာနယ်စာအုပ်တွေလွယ်အိတ်နဲ့ထည့်ဖတ်ပါတယ်။ရွာပြန်ရောက်
တော့လည်းယောင်တိယောင်ချာကြီးဖြစ်နေသေးတယ်။နောက်ပိုင်းတော့ပြန်ပြီးကျင့်သားရသွားပါတယ်။
ကျောင်းပိတ်ထားပေမဲ့စိတ်ထဲကစာမေးပွဲအောင်စာရင်းဆိုတာကိုလည်းအချိန်တိုင်းခြိမ်းခြောက်နေပါတယ်။
အောင်စာရင်းထွက်ခါနီးလေပိုဆိုးလေငါများမအောင်ရင်ဆိုတဲ့အတွေးတွေးမိရင်အိပ်လို့လည်းမပျော်ပါဘူး။
ဖြေခဲ့တာအောင်နိုင်တယ်ဆိုတာကိုယ့်ကိုယ်ကိုယ်သိပေမဲ့အောင်စာရင်းမထွက်မချင်းမယုံကြည်ရဲပါဘူး။

photo credit >>> google images

အဲ့ဒီိလိုနဲ့အောင်စာရင်းတွေထွက်တဲ့အချိန်မှာမိတ္ထီလာကိုလည်းသွားမကြည့်နိုင်ပါဘူး။စာမေးပွဲအောင်ကြောင်း
သတင်းကိုကျနော်နဲ့အတူတူဘော်ဒါဆောင်မှာတက်တဲ့လက်ပံပျားကသူငယ်ချင်းဆီကတဆင့်အဲ့ဒီရွာကို
ဘောလုံးပွဲသွားကြည့်တဲ့ရွာကလူတွေကသယ်လာခဲ့ပါတယ်။သူတို့ကဘောလုံးပွဲကြည့်ပြီးညတွင်းချင်းပြန်လာ
တာမို့တစ်ယောက်စကားတစ်ယောက်နားနဲ့ပြန်ပြောကြလို့မနက်မိုးလင်းတဲ့အချိန်မှာကျနော်ဆယ်တန်းအောင်
တဲ့သတင်းကတစ်ရွာလုံးပျံ့နေပါပြီ။ဆယ်တန်းအောင်တယ်ဆိုတဲ့အသံကြားရတာနဲ့ရင်ထဲမှာလပေါင်းများစွာ
ဖိစီးနေတဲ့စိုးရိမ်စိတ်အလုံးကြီးကျသွားပြီးလူတကိုယ်လုံးပေါ့ပါးနေတော့တာပါပဲ။ရွာမှာဆယ်တန်းကိုနှစ်ချင်း
ပေါက်အောင်မြင်သူမရှိခဲ့တော့တစ်ရွာလုံးကချီးမွမ်းကြမေးကြမြန်းကြနဲ့ကိုယ်စားပျော်နေရှာကြတယ်။အဲ့ဒီမှာ
အပျော်ဆုံးကတော့ကျနော့်အမေပါ။သူဆင်းရဲပင်ပမ်းခံခဲ့ရသမျှကျနော်ဆယ်တန်းအောင်ခြင်းကအဲ့ဒီအမော
တွေကိုပြေစေလို့တဲ့လေ။

အခုတော့ဆယ်တန်းအောင်ခဲ့တာ(၁၆)နှစ်ပြည့်ခဲ့ပြီ။ကျောင်းပြီးပြီလားဆိုတော့မပြီးသေးဘူးဗျ။(၁၆)နှစ်အတွင်း သင်ယူစရာမကုန်နိုင်တဲ့ဘဝကျောင်းတော်ကြီးထဲမှာဘဝသင်ခန်းစာတွေလည်းသင်ယူရင်းကျောင်းစာတွေလည်း
ကြိုးစားရင်းနဲ့အခုထိကျောင်းသားဖြစ်နေတုန်းပါ။ဆယ်တန်းအောင်စာရင်းသတင်းတွေမြင်ရဖတ်ရတော့သူတို့
ကိုယ်စားကိုယ်လည်းပျော်မိတယ်။သူတို့နောက်ကွယ်မှာတိတ်တိတ်လေးပျော်နေမည့်သူတို့မိဘတွေရဲ့မျက်နှာ
ကိုလည်းမြင်ယောင်ကြည့်မိတယ်။အောင်မြင်သူတွေပျော်နေချိန်မှာအကြောင်းကြောင်းကြောင့်အောင်စာရင်းမှာ မပါတဲ့သူတွေလည်းဝမ်းနည်းနေကြမှာပါ။ဘာပဲဖြစ်ဖြစ်ပြီးခဲ့တာတွေကိုသင်ခန်းစာယူပြီးပြုပြင်လို့နောက်နှစ်
အောင်စာရင်းမှာထိပ်ဆုံးကပါနိုင်အောင်အားသွန်ခွန်စိုက်ကြိုးစားကြပါလို့တိုက်တွန်းရင်း အညာသားရဲ့ ကျောင်းသားဘဝနောက်ကြောင်းပြန်ခြင်းကိုဒီမှာပဲရပ်နားလိုက်ပါတယ်ဗျာ။

အားလုံးကိုယ်စ်ိတ်နှစ်ဖြားကျန်းမာချမ်းသာကြပါစေ။လာရောက်လည်ပတ်တဲ့အတွက်လည်းကျေးဇူးတင်ပါတယ်။

အားပေးမှုကိုအစဉ်လေးစားလျက်

ရွှေညာသား

ကျောင်းသားဘဝ ဖြတ်သန်းခဲ့တဲ့ အခက်ဆုံးနေ့တွေ

 

photo credit>>> google images

 

ပြီးခဲ့တဲ့ပို့စ်နဲ့ဆက်ပြီးပြန်ပေါ်လာတဲ့ကျောင်းသားဘဝအမှတ်ရစရာလေးတွေကိုဆက်ပြီးမှတ်တမ်းပြုပါအုံးမယ်။
ရွာကျောင်းမှာတုန်းကကျောင်းဝတ်စုံမဝတ်ခဲ့ရဘဲဖြစ်သလိုအဝတ်အစားနဲ့ပြေးလွှားကျောင်းတက်ရင်းလေးတန်း
ရောက်တော့အမေကကျနော်တို့ညီအစ်ကိုတွေအတွက်လက်ဖြစ်ဖျင်ကြမ်းပုဆိုးလေးတွေတစ်ယောက်နှစ်ထည်
ကျောင်းဖွင့်ချိန်အမီရက်ကန်းယက်ပြီးချုပ်ပေးတယ်။ကျောင်းစိမ်းဆိုလို့အစိမ်းရောင်ချည်းသက်သက်မဟုတ်ပါဘူး။
အစိမ်းရောင်ချည်ကိုတိုင်ပြီးအမည်းရောင်ချည်ဖောက်အနားမှာအဖြူရောင်တမြက်ခွဲထည့်ပြီး(ချည်လေးချောင်းကို တမြက်ဟုရက်ကန်းမှာရေတွက်)ယက်ထားတာပါ။မြင်လွယ်အောင်ပြောရရင်ယနေ့ခေတ်ကျောင်းသားအများစု
ဝတ်ကြတဲ့ဝက်ဝံတံဆိပ်ကျောင်းစိမ်းပုဆိုနဲ့အရောင်တူပါတယ်။မိန်းခလေးတွေအတွက်ကိုတော့အစိမ်းချည်တိုင်
အစိမ်းချည်နဲ့ဖောက်ပြီးယက်လေ့ရှိပါတယ်။သူတို့အတွက်ကိုတော့အနားကွပ်မထည့်ပါဘူး။
အဲ့ဒါကြောင့်အနားကွပ်ကိုကြည့်ပြီးယောကျာ်းလေးဝတ်မိန်းခလေးဝတ်အလွယ်တကူခွဲခြားနိုင်ပါတယ်။ဖျင်ကြမ်း
ဆိုတော့သိတဲ့အတိုင်းအသစ်ဆိုဝတ်ရတာတောင့်တောင်ကြီးနဲ့အဆင်မပြေပါဘူး။အဲ့ဒါကြောင့်ဖျင်ကြမ်းပုဆိုးသစ်
ကိုညအိပ်တဲ့အခါဝတ်အိပ်ခိုင်းပါတယ်။ပြီးရင်နှစ်ရေလောက်လျှော်ပြီးမှဝတ်လို့ကောင်းပါတယ်။လေးတန်းနှစ်မှာ
အဲ့ဒီဖျင်ကြမ်းပုဆိုးနဲ့နှစ်ပါးသွားခဲ့ရတာကိုပြန်မြင်ယောင်မိပါတယ်။

လေးတန်းအောင်လို့ငါးတန်းနှစ်ရောက်တော့ရွာနဲ့သုံးမိုင်ခန့်ဝေးတဲ့လက်ပံပျားကအထက်တန်းကျောင်းခွဲကိုသွား
ကျောင်းတက်ရပါတယ်။အဲ့ဒီလောက်ဝေးတဲ့ခရီးကိုပညာသင်နှစ်တစ်နှစ်လုံးခြေလျင်ခရီးနှင်ပြီးကျောင်းတဲ့ခဲ့ရတဲ့
အကျိုးကအခုချိန်ထိသူများနဲ့အတူယှဉ်လမ်းလျှောက်ရင်ကိုယ်ကရှေ့ကိုနှစ်လမ်းလောက်ပိုပိုရောက်နေတော့
တာပါပဲ။မနက်လင်းလို့(၆)နာရီခွဲလောက်ဆိုအိမ်ကနေထွက်နှစ်နာရီနီးပါးလမ်းလျှောက်ပြီး၊ကျောင်းတက်
ခေါင်းလောင်းမထိုးခင်ကျောင်းကိုရောက်ပါတယ်။နေသာတဲ့နေ့မှာသွားလို့ကောင်းပေမဲ့မိုးရွာတဲ့နေ့တွေဆိုရင်
လွယ်အိတ်ကတဖက်၊ဖိနပ်ကတဖက်၊ထမင်းချိုင့်ကပါသေးတယ်။မှတ်မှတ်ရရအဲ့ဒီကျောင်းမှာကိုးတန်းအထိနေ
ခဲ့တာ။မိုးတွင်းဆိုထီးတလက်ကောင်းကောင်းမကိုင်နိုင်ခဲ့ပါဘူး။ဒါကြောင့်မိုးတွင်းဆိုရင်လွယ်အိတ်ထဲမှာ
ကျန်ကျောင်းတံဆိပ်ငါးကျပ်တန်ကျွတ်ကျွတ်အိတ်အမြဲဆောင်ထားရပါတယ်။ကျောင်းပြန်လို့လမ်းမှာမိုးရွာရင်
လူသာစိုစေ၊စာအုပ်မစိုစေနဲ့ဆိုတဲ့အတိုင်းလွယ်အိတ်ကိုကျန်ကျောင်းအိတ်နဲ့စွပ်မိုးလုံအောင်ထုပ်လက်ကဆွဲပြီး
ကျန်တဖက်ကဖိနပ်ကိုကိုင်ရွှံ့ဗွက်ထဲမှာလမ်းလျှောက်ခဲ့ပြန်ခဲ့ရတာအဲ့ဒီအချိန်တုန်းကတော့စိတ်ညစ်စရာအလွန်
ကောင်းပါတယ်။ဒါပေမဲ့အခုနေများပြန်လည်ခံစားခွင့်ရရင်ပျော်နေမလားမပြောတတ်ပါဘူး။

သုံးမိုင်ခရီးကိုနေ့တိုင်းခြေလျင်လျှောက်ရတဲ့ကျနော်တို့ခြေထောက်မှာအမြဲရီးလေးခိုလိုက်တာကတော့အဲ့ဒီအချိန်
ကယိုးဒယားနိုင်ငံထုတ်လိပ်တံဆိပ်ဖေ့ာဖိနပ်လေးပါ။ဆင်ကြယ်တံဆိပ်ဖိနပ်စီးနိုင်တဲ့သူကမင်းသားဆိုတော့
ကိုယ်တွေကတော့ဖော့ဖိနပ်နဲ့ဆင်းရဲသားနေရာလောက်ပေါ့ဗျာ။နေ့တိုင်းသွားရပါများတော့ဖိနပ်နောက်မြီးတွေ
ကတိုတိုလိုက်လာတာကျောင်းနှစ်တဝက်လောက်ဆိုဖနောင့်မလုံတော့ဘူး။သို့သော်လည်းမပြတ်မချင်းတော့
နောက်မြီးတိုနဲ့ပဲဆက်လျှောက်ခဲ့ရတာပါပဲ။အဲ့ဒီလိပ်တံဆိပ်ဖိနပ်ဆိုတာလည်းခိုင်သလားမမေးနဲ့နောက်မြီးတို
အောက်ကခုံပါးသွားတဲ့အထိဖိနပ်တည်းကြိုးကဘယ့်နှယ်မှမနေဘူး။တခြားဖိနပ်ကိုပြောင်းတတ်ပြီးစီးလို့ရသေး
တယ်။အဲ့လောက်ထိခိုင်တဲ့ဖိနပ်နဲ့မှကျနော်တို့ကျောင်းသွားလမ်းခရီးကအဆင်ပြေပါတယ်။ကားလမ်းပေါ်ရောက်
တဲ့အခါတော့တခါတလေသနားတတ်တဲ့ကားသမားများ၊သားသမီးချင်းကိုယ်ချင်းစာတတ်တဲ့ကားသမားများက
ကျောင်းရှေ့ရောက်အောင်တင်ခေါ်တတ်ပါတယ်။အဲ့ဒီလိုအခါမျိုးဆိုရင်လေကျနော်တစ်တွေမှိုရတဲ့မျက်နှာလို
ပြုံးပျော်ရွှင်မြူးနေကြတာပေါ့။ကျောင်းကိုလည်းစောစောရောက်ပြီးကစားဖို့အချိန်လည်းရသေးတယ်။ဒီလိုကြုံ
တာကလည်းတနှစ်လုံးမှကံကောင်းရင်နှစ်ခါလောက်ပါ။ဘာလို့လဲဆိုတော့ကားသမားတွေကကျောင်းသားတွေ တင်ရတာအန္တရာယ်များလို့မတင်ချင်ကြဘူးတဲ့။အဲ့ဒီတော့ကျနော်တို့တစ်တွေလည်းနေ့စဉ်နေ့တိုင်း ၉၆၉၃
(ကိုယ့်ခြေထောက်ကိုယ်သုံး)နဲ့ပဲကျောင်းတက်ရတာများပါတယ်။တောသားတွေအဖို့တော့ဒီလောက်ခရီးက
စာမဖွဲ့လောက်ပါဘူးလေနော်။

အဲ့ဒီလောက်လမ်းလျှောက်ခဲ့ရတာမို့ခြေထောက်တွေကအခုထိအကျင့်ပါနေတုန်း။လမ်းသွားရင်ကိုယ်ကပုံမှန်
ပေမဲ့ဘေးကလူပြေးလိုက်ရတဲ့အဖြစ်။ဆောင်းရာသီရောက်ရင်သူများတွေအိပ်ကောင်းကွေးကောင်းတုန်း
ကျနော်တို့တစ်တွေကလွယ်အိတ်ကိုစလွယ်သိုင်း၊ပုဆိုလေးတွေခြုံလို့ကျောင်းသွားလမ်းပေါ်ရောက်နေပြီ။ ခဲနေတဲ့အုန်းဆီပုလင်းကိုမီးဖိုဘေးချပြီးပျော်လာတဲ့အုန်းဆီကိုခေါင်းမှာလိမ်းရွာ့အပြင်ရောက်တာနဲ့ခေါင်းပေါ်မှာ
အုန်းဆီပြန်ခဲသွားလို့ဆံပင်တွေကအတောင့်လိုက်လေးတွေ။အခုခေတ်ဂျယ်လ်တွေလောက်တော့ပျင်းတောင်
ပျင်းသေးပေါ့။နေမထွက်ခင်အထိကတော့ဆံပင်ကပုံမပျက်ဘူး။အဲ့ဒီအချိန်ဆိုလမ်းတွေကဖုန်တွေထခြေထောက်
တွေပေါ်ဖုန်တွေတင်ပြီးတဖြည်းဖြည်းခြေသလုံးတွေမှာပတ်ကြားအက်တွေထင်လာရော။ဖြတ်သွားနေကျချောင်း
ရေကလည်းခန်းစပြုတော့ကျောင်းကပြန်ရင်ချောင်းစပ်မှာထိုင်ခြေထောက်ကိုရေစိမ်ကပ်လာသမျှဖုန်တွေကို
ရေနူးပြီးခဲနဲ့ချေးတွန်းရင်းအပန်းဖြေကြတယ်။ပတ်ကြားအက်လေးတွေနဲ့တင်းနေတဲ့ခြေသလုံးကြွက်သားလေး
တွေပေါ်ကိုများစာမရလို့အရိုက်ခံရပြီဆိုသွေးလေးတွေများစို့လို့ပေါ့။အဲ့ဒီလိုနဲ့ဆောင်ကုန်ခါနီးရင်မိုးတွင်းမှာမြင်
ရတဲ့ရွှံတွေကခရောင်းလမ်းတွေဖြစ်စိမ်းစိုနေတဲ့သစ်ပင်တွေမြက်တောတွေကအဝါရောင်တွေပြောင်းကုန်ကြပြီ။

ကျောင်းသွားလမ်းတစ်လျှောက်ယာခင်းစပ်ကဆီးပင်တွေအောက်ဆီးသီးကောက်စား၊မန်းကျည်းပင်အောက်
ရောက်တော့မန်ကျည်းသီးကောက်စားနဲ့သွားလိုက်ပြန်လိုက်မောရပမ်းရမှန်းမသိဘဲကျောင်းတက်လာခဲ့တာ
ခက်ခဲတာတွေရှိခဲ့သလိုပျော်စရာတွေလည်းပြည့်နေခဲ့ပါတယ်။ဒါပေမဲ့လေအဲ့ဒီလိုအခက်အခဲတွေခရောင်းလမ်း
တွေဖြတ်ခဲ့ရခြင်းသည်ပင်ယခုလက်ရှိအခြေအနေကိုရောက်အောင်တွန်းပို့ခဲ့တာပါလားဆိုတဲ့အသိကစိတ်ထဲ
ဝင်လာချိန်မှာတော့ကြုံလာရမည့်အခက်အခဲတွေအတွက်ခွန်အားတွေဖြစ်လာပါတယ်။

လက်ရှိမှာမတောင့်မတမကြောင့်မကြနဲ့ပညာသင်ကြားခွင့်ရနေသော်လည်းတချိန်ကဖြတ်သန်းခဲ့ရတဲ့အဖြစ်တွေ
ကိုတော့ဘယ်တော့မှမေ့လို့မရပါဘူး။ပြန်တွေးလိုက်တိုင်းအစီအရီပေါ်ပေါ်လာလို့ဒီစာလေးတွေရေးနိုင်တာပါ။
နှစ်တွေကြာလာလို့အဟောင်းတွေကအသစ်ပြန်မဖြစ်လာနိုင်ပေမဲ့အဲ့ဒီအဟောင်းလေးတွေအတိုင်းပြန်ပြီးတသ
ခံစားရခြင်းသည်ပင်အသစ်နဲ့မလဲနိုင်တဲ့ရသကိုပေးစွမ်းနေတာပါ။ဒါကြောင့်ကျနော်ဖြင့်လေ အကြောင်းအခွင့်
တိုက်ဆိုင်လာတိုင်းကျောင်းသားဘဝဖြတ်သန်းခဲ့ရတဲ့အခက်အခဲဆုံးနေ့တွေကိုပြန်လည်အမှတ်ရလွမ်းဆွတ်
နေမိမှာပါ။

အားပေးမှုကိုအစဉ်လေးစားလျက်

ရွှေညာသား