Photo from Google images
ကြက်သားကြော်ပုံဂူဂယ်မှာရှာတာလိုချင်တဲ့ပုံမရတဲ့အဆုံးKFCပုံပဲတင်လိုက်ပါတယ်။
အခုတလောမြန်မာနိုင်ငံမှာKFCကြက်ကြော်ဆိုင်ဖွင့်ပြီဆိုတဲ့သတင်းတွေခဏခဏတွေ့နေရတော့
ဖဦးထုပ်မှာမသွားဖြစ်တဲ့KFCဆိုင်ဘက်ကိုတောင်ရောက်သွားဖြစ်သေးတယ်။တောသားပီပီဘိုစာတွေသိပ် မစားတတ်တော့KFCတို့Mcdonaldဆိုင်ဘက်ကိုခြေဦးမလှည့်ဖြစ်ပါဘူး။ဒါပေမဲ့မြန်မာပြည်ကသတင်းတွေ
ဖတ်ပြီးစိတ်ကသွားချင်မိတော့လည်းမြည်းစမ်းဖို့ရောက်ခဲ့တယ်ဆိုပါတော့လေ။
အဲ့ဒီကြက်ကြော်ဆိုင်ရောက်တော့ကျနော်အလယ်တန်းတက်ခဲ့တုန်းကလက်ပံပျားရွာကကြက်ကြော်ဗန်းတွေ
ကိုမျက်လုံးထဲပြေးမြင်မိရာကဒီပို့စ်လေးရေးတင်ဖို့စဉ်းစားမိတာပါ။ပုပ္ပားနဲ့ပုဂံညောင်ဦးဘုရားဖူးရောက်ဖူးတဲ့ သူတော်တော်များလက်ပံပျားကြက်ကြော်ကိုသိကြမယ်ထင်ပါတယ်။မိတ္ထီလာကျောက်ပန်းတောင်းလမ်းပေါ် မှာရှိတဲ့ကားလမ်းဘေးရွာကြီးတစ်ရွာပေါ့။ကျနော်ကျောင်းတက်တုန်းကဆိုထမင်းဆိုင်တွေနဲ့ခရီးသည်တင်
ကားတွေနဲ့တော်တော်ကိုစည်းကားတဲ့ရွာပါ။ကားလမ်းဘေးတစ်လျှောက်ထမင်းဆိုင်တွေအစီအရီနဲ့တော
မကျမြို့မမည်တဲ့နေရာတစ်ခုပါ။ကျနော်တို့ကျောင်းကလည်းကားလမ်းဘေးမှာပဲဆိုတော့ကျောင်းဆင်း
ချိန်ဆိုကျောင်းရှေ့ကညောင်ပင်ကြီးအောက်မှာထိုင်ပြီးထမင်းဆိုင်တွေမှာထမင်းစားနားတဲ့ခရီးသည်တင်
ကားတွေကိုငေးရတာအမော။ပုဂံညောင်ဦးဖက်ကိုဘုရားဖူးသွားတဲ့ကားတွေအများစုထမင်းစားနားတဲ့
နေရာမို့ဘုရားဖူးရာသီဆိုရင်ဆိုင်တိုင်းမှာကားတွေအပြည့်ပါပဲ။နိုင်ငံခြားသားတွေပါတဲ့ကားတွေရပ်ပြီဆို
ကျနော်တို့အတွက်အထူးအဆန်းပါပဲ။အသားနီစပ်စပ်နှာခေါင်းချွန်ချွန်ယောကျာ်းမိန်းမတွေကားပေါ်က
ဆင်းလာရင်ကလေးသဘာဝစုပြုံပြီးသွားကြည့်ကြတာပေါ့။တခါတလေသူတို့ကထမင်းဆိုင်ထဲမ၀င်ဘဲ
ကျနော်တို့ကျောင်းပေါက်ကိုလာကျောင်းသားတွေကိုဘော့ပင်လေးတွေလက်ဆောင်ပေးဓာတ်ပုံတွေရိုက်
ကြတယ်။အဲ့ဒီတုန်းကတော့ကလေးအရွယ်ဆိုတော့အထူးအဆန်းဖြစ်ပြီးပြူးပြူးကြောင်ကြောင်လေးတွေ
ပေါ့။
အဲ့ဒီနိုင်ငံခြားသားကားတွေနားမှာကျောင်းသားတွေပြီးရင်အများဆုံးပရိတ်သတ်ကကြက်သားကြော်သည်
တွေပါ။ဝယ်ချင်တာမ၀ယ်ချင်တာမစဉ်းစားကြဘဲသူ့ထက်ငါအရင်ဦးအောင်ကြက်သားကြော်ဗန်းတွေရှေ့
ထိုးပြီးမြန်မာတို့ထုံးစံအတင်းရောင်းတော့တာပဲ။တခါတလေဆိုသူတို့ချင်းရန်တွေဖြစ်ကြသေးတယ်။ဟိုလူ
တွေကတော့ကြည့်ပြီးဓာတ်ပုံရိုက်မှတ်တမ်းတင်တာကလွဲဘယ်ဝယ်စားလိမ့်မလဲဗျာ။တချို့ဆိုသွားတဲ့
နောက်တကောက်ကောက်လိုက်ပြီးရောင်းကြသေးတာ။
ကြက်သားကြော်သည်တွေကဘုရားဖူးရာသီဆိုသူတို့အတွက်ခွင်ပါပဲ။နယ်ဝေးကလာကြတဲ့ဘုရားဖူးကား
တွေကတော်တော်လေးအားပေးကြတယ်လေ။အိမ်အပြန်ကားတွေဆိုလည်းအလုအယက်ဝယ်ကြတာဆို
တော့သူတို့ကြက်ကြော်ကတော်တော်ရောင်းရတယ်။နောက်ပြီးလက်ပံပျားကြက်ကြော်စားကောင်းတာက
ဗမာကြက်စစ်စစ်ကိုကြော်တာကြောင့်လည်းပါတယ်။အနီးအနားရွာတွေမှာတစ်နိုင်တစ်ပိုင်မွေးတဲ့ဗမာကြက်
တွေကိုယောကျာ်းတွေကအလေးချိန်နဲ့လိုက်ဝယ်။မိန်းမကကြက်သားကြော်ရောင်းအကုသိုလ်အလုပ်ဆိုပေမဲ့
စားဝတ်နေရေးအတွက်ဆိုတော့လည်းမကောင်းမှန်းသိလျက်နဲ့လုပ်ကြရတာပေါ့လေ။သူတို့ကြော်ထားတာ ကမြင်ရတာနဲ့စားချင်စဖွယ်ပါ။အပေါ်ယံအသားတွေကိုရဲနေအောင်၊ကျွမ်းလည်းမကျွမ်းအောင်ကြော်ထား
တာဗျ။ကြက်သားကြော်ဗန်းကိုများကြည့်လိုက်ရင် ရင်အုပ်လေးတွေကိုစီပြီးထည့်ထားတာကြည့်လို့များ
ကောင်းနေသေးတယ်။တစ်ခုချင်းစီခွဲမ၀ယ်ချင်းရင်တော့ရင်အုပ်ပေါင်နှစ်ချောင်းနဲ့အမြစ်အသည်းတစ်စုံပါ
တစ်ကောင်လုံးစာအတွက်ဝယ်ရင်ဈေှးဆစ်လို့ကောင်းပါတယ်။
ကျောင်းတက်တဲ့အချိန်တုန်းကတော့သူတို့ကြက်သားကြော်ကိုဝယ်လည်းမစားနိုင်သလိုနေ့စဉ်နေ့တိုင်း
မြင်နေရတော့သိပ်လည်းစိတ်မ၀င်စားပါဘူး။နောက်ပိုင်းမိတ္ထီလာကျောင်းသွားတက်တော့မှအသွားဆို
အဆောင်ကဆရာမလက်ဆောင်ပေးဖို့ဝယ်ရင်ကိုယ်အတွက်ပါအမြစ်အသည်းကြော်လေးသွေးကြော်
လေးဝယ်ရင်းမြည်းစမ်းဖူးတာ။သူတို့မှာကလည်းဈေးကအစားစားရှိပါတယ်။ရင်အုပ်ဆိုတစ်မျိုး၊ပေါင်ဆို
တစ်မျိုးအမြစ်အသည်းဆိုတစ်မျိုး၊လည်းချောင်းနဲ့ခေါင်းတွဲလျက်ကတစ်ဈေးစသဖြင့်ပေါ့။ကြက်သွေးကြော်
ကလည်းစားလို့ကောင်းပါတယ်။ခေါင်းနဲ့သွေးခဲကြော်ကတော့ရင်အုပ်နဲ့ပေါင်လောက်ဈေးမကြီးတော့ရွာ
ပြန်ရင်ခဏခဏ၀ယ်သွားဖြစ်တယ်။
နောက်တစ်ခုသူတို့ဈေးရောင်းတဲ့အခါပြိုင်ဆိုင်ကြတဲ့စကားကလည်းဟာသတစ်ခုလိုဖြစ်နေသေးတယ်။
ဘုရားဖူးကားတစ်စီးဝင်လာလို့ကြက်သားကြော်သည်တွေဈေးပြိုင်ရောင်းတဲ့အခါသူပေါင်ကကြီးတယ်
ငါ့ပေါင်ကကြီးတယ်နဲ့အော်ကြတာလေ။ပြောတာကတော့ကြက်ပေါင်ပေါ့သူတို့ကြက်ကိုဖြုတ်ပြီးသူ့ပေါင်
ငါ့ပေါင်လုပ်တော့ဝယ်တဲ့သူကကြက်ပေါင်လားလူပေါင်လားမကွဲတော့ဘူးလေ :) ရင်အုပ်ဆိုလည်းအဲ့လိုပဲ
သူ့ရင်အုပ်ကကြီးတယ်ငါ့ရင်အုပ်ကကြီးတယ်နဲ့အဲ့ဒါကိုလူရွှင်တော်တွေကအငြိမ့်ထဲမှာဟာသပျက်လုံးအနေ
နဲ့ထည့်ထည့်ပျက်ကြတာပေါ့။
ကျနော်သူငယ်ချင်းတွေထဲမှာလဲအဖေအမေကကြက်ကြော်ရောင်းကြတဲ့သူတွေတော်တော်များများပါတယ်။
အဲ့ဒီအချိန်ကတော့သူတို့တွေကနေ့စဉ်ဝင်ငွေရှိကြတော့မုန့်ဖိုးပဲဖိုးများများရကြတယ်။ကြက်ကြော်သည်တွေ
ကြည့်လိုက်ရင်လည်ပင်းမှာဆွဲကြိုးလက်မှာလည်းလက်ကောက်သုံးလေးကွင်းနဲ့ပေါ့။လူတိုင်းမဟုတ်ပေမဲ့
ကြက်သားကြော်ရောင်းတဲ့သူတွေကပြောင်ပြောင်းလက်လက်နေနိုင်တယ်ဆိုပြီးရွာမှာတော့ပြောစမှတ်ပြု
ကြတယ်။ကိုးတန်းအောင်ပြီးနောက်ပိုင်းကျောင်းပြောင်းတော့လက်ပံပျားကိုဖြတ်သွားဖြတ်လာလောက်ပဲ
ရောက်ဖြစ်တော့တယ်။နောက်ပြီးရွာကြားလမ်းမှာကျနော်တို့ငယ်ငယ်တုန်းကလောက်ထမင်းဆိုင်တွေ
မပေါတော့ဘူး။ဆိုင်တွေကများလာတော့ရွာ့အပြင်ဘက်ကိုတစ်ယောက်ဆိုင်ပြောင်းတော့နောက်လူတွေ
ကပါလိုက်ပြောင်းကြရင်းရွာကြားလမ်းမှာထမင်းဆိုင်တွေသိပ်မကျန်တော့ဘဲစည်းကားမှု့လည်းနည်းသွား
ကြတာ။အရင်ကတစ်အုပ်တစ်မတည်းရှိခဲ့တဲ့ကြက်သားကြော်သည်တွေလည်းအပြင်ထွက်တဲ့ဆိုင်တွေ
နောက်လိုက်ရင်းအုပ်စုလေးတွေဖြစ်ကုန်ကြတော့တယ်။
ကျနော့်ကျောင်းနေဖက်သူငယ်ချင်းမတွေထဲမှာကိုပဲအခုအိမ်ထောင်တွေကျပြီးကြက်သားကြော်ရောင်း
နေကြသူတွေရှိတယ်။တခါရွာပြန်တုန်းကလက်ပံပျားမှာထမင်းစားနားရင်းသူငယ်ချင်းမတစ်ယောက်
တွေ့လို့ရှေးဟောင်းနှောင်းဖြစ်တွေပြောမိကြသေးတယ်။ကျောင်းနေဖက်သူငယ်ချင်းတွေအကြောင်းမေး
ရင်းသူ့ဆီကကြက်သားကြော်အားပေးခဲ့သေးတယ်။သူငယ်ချင်းတွေဆိုတော့လည်းပိုပိုသာသာထည့်ပေး
ရှာပါတယ်။ကျနော်ကိုပြောသေးတယ်နင်ကတော့တော်တယ်နော်ငါတို့တော့ဆယ်တန်းကိုနှစ်ခါဖြေတာ
မအောင်တာနဲ့ကျောင်းထွက်ပြီးအခုကြက်ကြော်ရောင်းနေတာတဲ့။သူကအဲ့လိုပြောတော့လည်းစိတ်ထဲ
မှာတစ်မျိုးခံစားရတယ်။
KFCကနေလက်ပံပျားကြက်ကြော်အကြောင်းရေးနေရင်းငယ်ငယ်ကကျောင်းတက်ခဲ့တဲ့လက်ပံပျားရွာ
ကကျောင်းကြီးကိုရောကျောင်းနေဖက်သူငယ်ချင်းတွေကိုရော၊သူ့ပေါင်ကြီးတယ်ငါ့ပေါင်ကြီးတယ်ဆိုပြီး
ပြောပြောရောင်းကြတဲ့သနပ်ခါးပဲကြားနဲ့ကြက်သားကြော်သည်အစ်မတွေကိုရောသတိရမိပါတယ်။
နိုင်ငံခြားကလာတဲ့KFCဘယ်လောက်ပဲကောင်းကောင်းဗမာကြက်စစ်စစ်ကိုဆီသန့်သန့်နဲ့ကြော်ရောင်း
တဲ့လက်ပံပျားကြက်ကြော်ကိုတော့မှီမယ်မထင်ပါဘူး။KFCမှာသွားစားခဲ့တုန်းကတော့အပေါ်ကမံထား
တာတွေအကုန်ခွာထုတ်ပြီးအထဲကကြက်သားကိုပဲထွင်စားခဲ့ပါတယ်။အခွံတွေကိုတော့ဘေးကသူငယ်ချင်း
ကကူစားပေးတယ်။အသားကိုမခုံမင်တော့စားပြန်ရင်လည်းအဲ့ဒီလိုဇီဇာကြောင်တတ်သေးတာဗျ။
အားလုံးစိတ်၏ချမ်းသာခြင်းကိုယ်၏ကျန်းမာခြင်းနဲ့ပြည့်စုံပြီးလိုအင်ဆန္ဒတွေပြည့်ဝကြပါစေလို့မေတ္တာပို့သ
ပါတယ်။လာလည်ကြတဲ့အတွက်လည်းကျေးဇူးအထူးတင်ရှိပါကြောင်း။
လေးစားမှုဖြင့်
မျိုးခန့် (ပုပ္ပား)
