ရွာကရေခပ်ဆင်းချိန်...

 အညာသူတစုရေခပ်ဆင်းကြပြီ(photo from google)

“နေညိုချိန်တိမ်တောက်တဲ့အခါ၊ရွာလမ်းနဘေးမှာ၊စာဥတို့သူငယ်ချင်းမတွေ၊ရေခပ်ဆင်းလို့လာ သီချင်းလေးသံသာ၊မရောက်တာကြာပြီ၊မတွေ့တာကြာပြီ၊သတိရလိုက်တာစာဥရာ...” ဆိုတဲ့ဟသာင်္တထွန်းရင်ရဲ့စာဥသီချင်းကိုကြားမိတော့ညနေစောင်းရင်ရွာမှာတုန်းကချောင်းထဲ ဆင်းပြီးရေခပ်ရတာကိုသတိရမိပြန်တယ်။ချောင်းတွေပတ်လည်ဝိုင်းနေပေမယ့်ရွာကချောင်းတွေထက် အမြင့်မှာရောက်နေတော့ရေအတွက်ဒုက္ခရောက်တယ်။နေ့စဉ်နေ့တိုင်းညနေစောင်းရင်တစ်အိမ်ကို တစ်ယောက်ကရေခပ်တဲ့အလုပ်နဲ့အချိန်ကုန်တာပဲ။သုံးဖို့အတွက်လည်းချောင်းထဲကရေကိုရေထမ်းပုံး နဲ့ထမ်းလို့ခေါက်တုံ့ခေါက်ပြန်သယ်ရတယ်သောက်ရေအတွက်ကတော့ချောင်းထဲသဲခုံမှာလက်ယက် တွင်းလေးတွေယက်ထားပြီးတော့လက်ယက်တွင်းကနေခပ်ယူကြတယ်။ချောင်းကအမြဲတမ်းစီးဆင်း နေတော့ရေကလည်းသန့်ပါတယ်။ဆောင်းတွင်းနဲ့နွေရာသီဆိုရင်ရေစီးအောက်မှာသဲတွေအတိုင်းသား မြင်နေရတယ်။ချောင်းထဲမှာရှိတဲ့ငါးတို့ပုစွန်တို့ကအစအထင်အရှားမြင်နိုင်တယ်။မိုးရာသီဆိုရင်တော့ ရေခပ်ရတာနဲနဲဒုက္ခရောက်တယ်။ချောင်းရေတွေကကမ်းလုံးပြည့်လာရင်သောက်ရေခပ်စရာလက် ယက်တွင်းလုပ်ဖို့သဲသောင်ခုံလည်းမရှိတော့ဘူး။အဲ့ဒီအခါမျိုးမှာရွာထဲကသွပ်မိုးအိမ်တွေဆီမှာမိုးရေခံ ထားတာလေးကိုကျိုချက်ပြီးသောက်ကြရတယ်။ချောင်းရေကျသွားမှချောင်းထဲမှာသွားပြီးခပ်လို့ရတယ်။

 သူလည်းနိုင်သလောက်ထမ်းရတာပဲ(photo from google)

ရွာအရှေ့ဘက်ရယ်၊မြောက်ဘက်ရယ်၊အနောက်မြောက်ဘက်ရယ်မှာတော့ရေတွင်းသုံးတွင်းရှိတယ်။ ရှိတဲ့တွင်းတွေကရေငန်လို့နွားတွေအတွက်ပဲအသုံးပြုကြတယ်။ရွာဦးကျောင်းမှာစက်ရေတွင်းတစ်တွင်တူး တော့လည်းပေသုံးရာကျော်လောက်အထိရောက်တာကိုထွက်လာတဲ့ရေကဆားချက်လို့ရတယ်။ဒါနဲ့ဆက် မတူးတော့ဘဲအဲ့ဒီလောက်နဲ့တင်ရပ်ထားရတယ်။ချောင်းထဲမှာစီးဆင်းနေတဲ့ရေကတော့ရေချိုဆိုတော့ တစ်ရွာလုံးအတွက်သုံးစွဲဖို့ဒီချောင်းရေကိုပဲအားကိုနေကြရတာပေါ့။ချောင်းကလည်းဆယ့်နှစ်ရာသီစီး ဆင်းနေတော့ရေခပ်ရတာကိုလည်းအလုပ်တစ်ခုလိုသဘောမထားနိုင်တော့ဘူး။ညနေတောထဲကပြန် ရင်ရေသုံးလေးထမ်းလောက်ရောက်အောင်ထမ်းပြီးမှတခြားအလုပ်လုပ်ကြတာ။ကျုပ်တို့ရွာကိုအလည် လာကြသူများကပြောကြတယ်။ရွာကလူတွေရေထမ်းတာမြင်တော့ဒီရွာကိုလာရတာသောက်ရေတစ်ခွက် ကိုတောင်တောင်းပြီးမသောက်ရက်စရာပါလားတဲ့။ရေထမ်းပုံးနဲ့ချောင်းထဲကနေထန်းပင်တစ်ဖျားလောက် သာသာရှိတဲ့ကမ်းပါးစောင်းအတိုင်းကလေးလူကြီးရေထမ်းပုံးကိုယ်စီနဲ့တက်ရတာကိုမြင်ပြီးပြောကြတာပါ။

 ရေထမ်းပုံးကိုယ်စီနဲ့ရေခပ်ဆင်းနေကြတဲ့အညာသူတချို့(photo from google)

ချောင်းလမ်းတက်ကထန်းပင်တစ်ဖျားဆိုလို့အထက်ကိုထောင်မတ်သွားတာမဟုတ်ပါဘူးဆင်ခြေလျှောအ တိုင်းအောက်ကနေတက်လာပြီးအပေါ်ရောက်လို့နောက်ပြန်ကြည့်ရင်ချောင်းကအောက်ထဲမှာကျန်နေခဲ့ တာ။ကုန်းပေါ်နဲ့ချောင်းထဲအကွာအဝေးကထန်ပင်တစ်ပင်အမြင့်လောက်ရှိတယ်။ရွာကလူတွေအတွက် တော့နေ့စဉ်ရေခပ်နေရတာဆိုတော့အဆန်းမဟုတ်တော့ဘူးဗျ။ရေစည်လှည်းရှိသူတွေကတော့လှည်နဲ့ တိုက်ပြီးသယ်ကြတာပေါ့။နွားတွေလည်းရေစည်လှည်းနဲ့လမ်းတက်ကိုတက်ရတာမသက်သာလှဘူး။အဲ့ဒီ တော့လူတွေကိုယ်တိုင်ပဲချောင်းထဲကိုဆင်းခပ်ကြတယ်။ညနေခင်းနေညိုချိန်ဆိုရင်တော့ရေခပ်လမ်းမှာ လူစည်သလားမမေးနဲ့။သွားတဲ့သူကသွားပြန်တဲ့သူကပြန်။ချောင်းနဲ့အိမ်ကိုအနည်းဆုံးငါးခေါက်လောက် တော့ပြန်မှသုံးဖို့ရာအတွက်အဆင်ပြေတယ်။သောက်ရေကတော့တစ်ထမ်းဆိုရင်ရေအိုးနှစ်လုံးအတွက် လုံလောက်တယ်။တခြားသုံးဖို့ရေကိုငါးဆယ်ဝင်စဥ့်အိုး၊ရာဝင်အိုးစတာတွေမှာထည့်ပြီးထားကြတယ်။ ကျောက်စည်လေးတွေလည်းရှိကြတယ်ရေခပ်တာကတော့ရေပုံးထမ်းတွေပဲသုံးတာများတယ်။ခေါင်းနဲ့ ရွက်ရတာကချောင်းလမ်းတက်နဲ့သိပ်အဆင်မပြေဘူးလေ။ဒါကြောင့်ရွာမှာဆိုရင်ကလေးလည်းသူနိုင်တဲ့ ဗူးနဲ့ရေခပ်တယ်။လူကြီးကတော့အပျိုအအိုယောကျာ်းမိန်းမ၊မရွေးရေခပ်ကြတယ်။အသက်ကြီးသူတွေက တော့မခပ်ရဘူးပေါ့။မနက်အစောအိပ်ယာထပြီးရေထမ်းတာလည်းတောသူတောင်သားတွေ့အဖို့ကျန်းမာ

 ရေခပ်လမ်း(photo from google)

ရေးအတွက်လေ့ကျင့်ခန်းအထူးလုပ်စရာမလိုဘူးလေ။လသာတဲ့ညတွေမှာဆိုသူငယ်ချင်းတွေနဲ့စုပြီးတော့ ချောင်းထဲရေခပ်ဆင်းရတာသိပ်ပျော်ဖို့ကောင်းတာပဲဗျာ။လရောင်အေးအေးလေးအောက်မှာစကားတွေ ပြောရင်းရေသုံးလေးထမ်းကတော့ခဏလေးပဲ။ညနေပိုင်းရေခပ်ချိန်ဆိုရင်ရေခပ်လမ်းကကျေးရွာအသံ လွှင့်ဌာနပေါ့တစ်ရွာလုံးကသတင်းတွေစုံတယ်။လူမှု့ရေး၊စီးပွားရေး၊တောင်သူအလုပ်အကိုင်အကြောင်း ကစပြီးလူငယ်ချင်းချစ်ကြိုက်တာအထိပါတယ်ဗျ။အညာသူအညာသားတွေရဲ့ရိုးသားပွင့်လင်းပြီးအရှိကို အရှိအတိုင်းပြောတတ်ကြတဲ့ဓလေ့လေးတွေပေါ့။တော်ရုံမင်္ဂလာဆောင်၊အလှုလောက်တော့ဖိတ်စာရိုက် စရာမလိုဘူး။ရေခပ်လမ်းမှာထွက်လိုက်ရင်သိနိုင်တယ်။တီဗွီကလာတဲ့မင်းသားမင်းသမီးအကြောင်းလည်း ပါသေးတယ်။သူတို့တွေအတွက်သီးသန့်အချိန်မပေးနိုင်ဘူးလေနေထွက်ကနေ၀င်ယာထဲကိုင်းထဲမှာပဲအ ချိန်ကုန်နေကြရတော့ညနေခင်းရေခပ်ချိန်လူစုံတုန်းမှာပြောကြဆိုကြရတာပေါ့။ရေခပ်ရတာလည်းစကား ပြောပြီးသွားရင်ချောင်းလမ်းတက်လဲတက်ရမှန်းမသိဘူးတခါတလေစကားကောင်းပြီးအိမ်မှားတဲ့သူက ရှိသေးတယ်။ရေချိုးတော့လည်းဒီချောင်းထဲမှာပဲကလေးလူကြီးပျိုပျိုအိုအိုသူ့နေရာနဲ့သူချိူးကြတယ်။ ရေချိုးခန်းမလို၊ရေချိုးဇလုံမလို၊လိုက်ကာမလိုသူ့ရပ်ရွာဓလေ့အတိုင်းလွတ်လွတ်လပ်လပ်ချိုးကြတာပဲ။ ရေချိုးဇလုံနဲ့ရေပန်းအောက်မှာချိုးရတာကိုအားမရဘူး။ရေအိုင်ထဲဆင်းပြီးဘောင်ဘင်ခတ်ရတာကလည်း လေ့ကျင့်ခန်းတစ်မျိုးရတယ်။နွေရာသီလိုရာသီဥတုပူတဲ့အချိန်ဆိုရင်တော့ချောင်းထဲမှာလူကိုမပြတ်တော့ ဘူး။ညလည်းရေဆင်းချိုးကြတာပဲ။ခလုတ်နှိပ်ပြီးရေကိုအလွယ်တကူရနေတဲ့နေရာရောက်နေပေမဲ့ရေကို ကိုယ်အားကိုယ်ကိုးပြီးထမ်းယူသုံးစွဲနေကြရတဲ့ရွာသူရွာသားတွေကိုတော့အမြဲသတိရနေမိတယ်။နေတွေ ညိုနေသရွေ့ရေခပ်ဆင်းကြတဲ့ဓလေ့လည်းမပျောက်ကွယ်ဘဲရှိနေအုံးမှာပါ။ကျွန်တော်ရေးသမျှအကြောင်း လေးတွေဟာကိုယ်တိုင်ကြုံဖူးခဲ့တဲ့အဖြစ်အပျက်လေးတွေကိုဗဟုသုတအလို့ငှာရေးသားခြင်းဖြစ်ပါတယ်။ အရင်ကဖြတ်သန်းလာခဲ့ရတဲ့ဘ၀အတွေ့အကြုံလေးတွေကိုသတိရမိပြီးရေးဖြစ်တာလေးတွေကိုနားလည် ပြီးဖတ်ရှု့ပေးကြတဲ့အတွက်ကျေးဇူးတင်ပါတယ်...အဆိုးအကောင်းအကျိုးအကြောင်းဝေဖန်ပေးရင်တော့ အတိုင်းမသိဝမ်းသာမိမှာပါ...