ပြောင်းဖူးနဲ့မုန်ညှင်းကြော်

ဒီဟင်းလေး ကစာကြည့်ရင်း ဗိုက်ဆာလာတာနဲ့ နေ့လည်  (၂) နာရီလောက်မှ ကမန်းကတန်း ချက်စားဖြစ်တဲ့ ဟင်းလေးပါဗျာ။ ဗိုက်ကလည်း အရမ်းဆာတာမို့ ပြောင်းဖူးတစ်ဖူးကို ပါးပါးလှီးပြီး မီးဖိုပေါ်ဒယ်အိုးတည် ဒယ်ပူတော့ဆီထည့် ဆီကျက်တော့ လှီးထားတဲ့ပြောင်းဖူးထည့်ပြီး မွှေပါတယ်။ ဒယ်အိုးကို ခဏဖုံးထားပြီး ပြောင်းဖူးကျက်တော့ မုန်ညှင်းနှစ်ပင်ကို ရေဆေးလှီးဖြတ်ပြီးထည့်မွှေပါတယ်။ မုန်ညှင်းလည်းနွမ်းသွားတော့ ဒယ်အိုးကိုမီးဖိုကချပြီးပြောင်းဖူးကြော်ကို ပန်းကန်ထဲပြောင်းထည့် ဒယ်အိုးထဲကို ထမင်းနည်းနည်းထည့်ပြီး နယ်လိုက်ပါတယ်။

 ဗိုက်ဆာနေလို့လားမသိ စားလို့ကောင်းမှကောင်း

 ပြောင်းဖူးနဲ့မုန်ညှင်းကြော်ပါဗျ...

ရေနွေးတစ်ခွက်စာကိုမြန်မြန်လေးတည်၊ ရေနွေးတည်နေတုန်းသရက်ချဉ်သုပ်ဖို့အတွက် ကြက်သွန်နီ တစ်လုံးကိုအခွံခွာ ပါးပါးလှီးပြီး ဆီ၊ဆား စတာတွေနဲ့သရက်ချဉ်ရောပြီး သုပ်ပါတယ်။ ရေနွေဆူတော့ လဘက်ခြောက်ထည့်ပြီး ခပ်သွက်သွက်စားလိုက်ပါတယ်။ ဗိုက်ဆာနေပေမဲ့ စားစရာက အလွယ်မရှိတာကြောင့် အချိန်တိုအတွင်းမှာ ကျက်နိုင်မည့် ဟင်းလေးတွေ ချက်စားရတာလည်း အကျင့်ဖြစ် နေပါပေါ့ဗျာ။ 

 သရက်ချဉ်သုပ်

 ကျုပ်ရဲ့အသည်းစွဲ ရေနွေး

ဗိုက်ကလည်းဆာ ထမင်းပူပူ ဟင်းပူပူနဲ့ စားလိုက်တာ ထမင်းသာကုန်သွားတယ် ဗိုက်ထဲကိုဘယ်လို ရောက်သွားမှန်း မသိလိုက်ဘူးဗျ။ တခါတစ်လေ မနက်စာနဲ့ညစာ တစ်နပ်ပဲစားရတဲ့ အခါလည်းရှိရဲ့။ အမေကတော့ ထမင်းကိုအချိန်မှန်မှန်စားဖို့ ခဏခဏမှာပါတယ်။  အမေသာ အနားမှာရှိ ရင်တော့ ခူးပြီးခတ်ပြီးသား အဆင်သင့်စားယုံပေါ့နော်။ အဝေးရောက်နေမှ အမေ့ကျေးဇူးကိုတကယ် နားလည်မိတယ်။ 

ဆယ်တန်းနှစ်က မှတ်မိသေးတယ်ဗျ။ စာကြည့်ရင်းနောက်ကျောတက်လာပြီဆိုရင် အမေ့ကိုနှိပ်ပေးခိုင်းတာ ။တောထဲမှာမောမောပန်းပန်း လုပ်ရပေမဲ့ သားသမီးဆိုတော့လည်း မညည်းမညူ  နှိပ်ပေးရှာတယ်။ ဒီမှာတော့ စာကြည့်ရင်းနောက်ကျောတက်လည်း ထိုင်ရင်းကနေနောက်ကို လှဲချလိုက်ပြီး အညောင်းဆန့်ရတယ်။ တခါတလေ အညောင်းဆန့်ရင်းပြန်မထနိုင်ဘဲ မိုးလင်းရတယ်။ ပညာရေးအတွက်မို့သာ မဟုတ်ရင်တော့ အမေ့အိမ်နဲ့ တဖ၀ါးမှကို မခွာချင်ဘူး။ ပျော်ရာမှာမနေရ တော်ရာမှာ နေရဆိုတဲ့စကားလိုပေါ့ဗျာ။ ပျော်ရာမှာနေရဖို့အတွက် အခုတော တော်ရာမှာသည်းခံပြီး နေရအုံးမှာပေါ့။ ဟင်းနဲ့လည်းမဆိုင်ဘူးနော်...ဘယ်တွေရောက်ကုန်မှန်း မသိဘူး...။

အားလုံးပဲလာရောက်လည်ပတ်ကြတဲ့ကျုပ်ရဲ့ချစ်ညီအစ်ကိုမောင်နှမတွေ ကျန်းမာချမ်းသာကြပါစေဗျာ။

လေးစားလျက်

မျိုးခန့်(စကားဝါမြေ)