ကဆစ်ပင်နဲ့ကဆစ်သီး

 ကဆစ်ပင်ပါအစိမ်းကြားလေးတွေကကဆစ်သီးပေါ့...:)

ကဆစ်သီးနဲ့ပတ်သက်ပြီးအစ်မအိုင်အိုရာဘလော့မှာတုန်းကအကျယ်တ၀င့်ဆွေးနွေးကြ၊ကွန်မန့်ပေးကြနဲ့
အမှတ်တရဖြစ်ခဲ့တာမို့ကဆစ်သီးကြောင်းကိုပြန်ဆွလိုက်ပါအုံးမယ်ဗျာ။အခုရက်ပိုင်းမှာမှမိတ္တီလာမှာကျောင်း
တက်နေတဲ့ရွာကညီဝမ်းကွဲတစ်ယောက်နဲ့ဖေ့စ်ဘွတ်မှာအဆက်အသွယ်ရလို့စကားပြောကြရင်းစကားစပ်မိ
လို့ကဆစ်ပင်ကိုဓာတ်ပုံရိုက်ခဲ့ပေးဖို့မှာလိုက်တာဖုန်းကင်မရာနဲ့ရိုက်လာတယ်ထင်ပါတယ်။ပုံကတော့သိပ်ပြီး
မကြည်ပေမဲ့တကူးတကရိုက်လာပေးလို့ကျေးဇူးတင်ရပါတယ်။ရိုက်ရမည့်အနေအထားပါရှင်းပြပြီးတော့ထပ်
မှာထားပါသေးတယ်။

ဒီနှစ်ရွာဘက်မှာမိုးလည်းသိပ်မရွာတော့ကဆစ်ပင်ခမြာလည်းပုံထဲကအတိုင်းပဲသိပ်ပြီးမလန်းဆန်းနိုင်ရှာဘူး။
အခုဝါခေါင်လရောက်ပြီဆိုရင်တော့မိုးသာကောင်းရင်ပြောင်းဖူးခင်းတွေ၊စိမ်းစိမ်းစိုစိုနဲ့အလွန်ရှုမောဖွယ်ရာ
မြင်ကွင်းတွေနဲ့ပေါ့ဗျာ။ပြောင်းဖူးခင်းထဲပါတဲ့ဖရုံညွန်နဲ့မျှစ်ဆတ်၊ခွေးတောက်စိန်ရွက်၊ဆူးပုတ်ရွက်၊ရုံးပတီသီး
ကျီးအာရွက်စတာတွေကိုဟင်းချိုချက်ပြီးမန်ကျည်းသီးထောင်းနဲ့ယာတောအပြန်ထမင်းစားရတာအလွန်မြိန်
ပေါ့။တခါတလေဆိုတောင်ပို့မှိုကိုပင်စိမ်းနိုင်နိုင်နဲ့ငရုတ်သီးစပ်ချက်လေးပါရင်ထမင်းစားရတာတော်ကိုမတော်
ချင်ဘူး။

ကျုပ်တို့ရွာဘက်မှာတော့ကဆစ်သီးကိုမီးဖုတ်ပြီးထောင်းစားတာများပါတယ်။တခါတလေတော့မန်ကျည်းသီး
နဲ့ရောထောင်းကြတယ်။အမဲခြောက်နဲ့ရေစပ်စပ်လေးချက်စားလို့လည်းကောင်းပါတယ်။အချိုသီးဖြစ်ရင်တော့
ပိုပြီးအဆင်ပြေပါတယ်။အချိုအခါးခွဲခြားနည်းကတော့အညှာဘက်ကနေဓားနဲ့တိပြီးထွက်လာတဲ့အစေးကို
လျှာဖျားလေးနဲ့တို့ကြည့်ပြီးခွဲနိုင်ပါတယ်။အချဉ်ရည်သောက်ဟင်းထဲမှာလည်းကဆစ်သီးကိုအခွံနွှာလေးစိတ်ခွဲ
ပြီးထည့်ချက်ရင်အချဉ်ထိန်းပါတယ်။

ရွာမှာတုန်းကတော့မိုးတွင်းကျောင်းပိတ်လို့နွားကျောင်းရရင်ဖြစ်ဖြစ်၊ပြောင်းဖူးခင်းစောင့်ရရင်ဖြစ်ဖြစ်
ကဆစ်သီးအူနီသီးလေးတွေကိုတကုတကလိုက်ရှာပြီးစားတတ်ပါတယ်။အူနီသီးကမှည့်ရင်အရသာက
တခြားအသီးတွေထက်ချိုလို့ပါ။များများစားရင်တော့အာတွေပေါက်ပါတယ်။ကျုပ်တို့ရွာဘက်ဓလေ့က
တောထဲသွားရင်ဘယ်သူပဲဖြစ်ြဖစ်ယာထဲကိုင်းထဲကနေဟင်းချက်စရာသယ်ကြပါတယ်။မိုးတွင်းဆိုဖရုံရွက်၊
ချဉ်ပေါင်ရွက်၊၀ါးရုံပင်မြင်ရင်မျှစ်ရှာပါတယ်။လယ်ထဲရောက်လို့ပုစွန်လုံးတွေ့ရင်ဖမ်းပါတယ်။ဆူးပုတ်ရွက်၊
ကျီးအာရွက်စသဖြင့်စားကောင်းတဲ့အသီးအရွက်ဆိုရင်ယောကျာ်းလေးမိန်းခလေးမရွေးပါဘူးကိုယ့်အိမ်
အတွက်တစ်နိုင်လေးတော့သယ်ကြပါတယ်။အခုပြောတဲ့ကဆစ်သီးကတော့မိုးတွင်းဆိုရင်ပြောင်းဖူးခင်းတွေ
မှာပေါလို့လူတိုင်းမစားကြပါဘူး။နောက်ပိုင်းအရွက်တွေခါပြီးအသီးတွေပဲကျန်ရင်အပင်လိုက်နှုတ်ပြီးတွဲထား
တတ်ပါတယ်။ဟင်းချက်စရာရှားတဲ့အချိန်မျိုးမှာခရမ်းချဉ်သီးနယ်စားလေးချက်တာမျိုး၊တခါတလေလည်း
ဟင်းချိုနဲ့တွဲဖက်စားလုိ့ရအောင်အထောင်းထောင်းတာမျိုးလုပ်စားလေ့ရှိပါတယ်။

 ကဆစ်ပင်ပုံကြည့်ရတာမိုးတော်တော်ခေါင်နေပုံရတယ်

ဒါကြောင့်ဟင်းချစ်စရာရယ်လို့အထူးတလည်ထွက်ရှာဖို့မလိုပါဘူး။အိမ်ရှိလူတိုင်းမဟုတ်တောင်တစ်ယောက်
မဟုတ်တစ်ယောက်ကတော့ယာထဲတောထဲရောက်နေတာဆိုတော့တစ်မျိုးတစ်မျိုးတော့ပါလာတတ်ပါတယ်။
တစ်မျိုးမကတွေ့တော့လည်းစုပေါင်းပြီးတော့လွယ်အိတ်၊ပုဆိုးဟောင်းစတာတွေနဲ့ထုပ်ပိုးပြီးသယ်ကြတာပေါ့။
ညနေစောင်းနွားမအုပ်သွင်းချိန်ဆိုရင်တောထဲကပြန်လာသူတိုင်းလက်ထဲမှာဒါမှမဟုတ်ပခုံးပေါ်မှာအထုပ်
တစ်ထုပ်တော့ပါလာတတ်တာကိုအမြဲတမ်းမြင်နိုင်ပါတယ်။ယောကျာ်းလေးတွေကတော့တောထဲထွက်ရင်
လွယ်အိတ်ယူတတ်ကြတာများပါတယ်။လွယ်အိတ်ထဲမှာတော့လေးဂွကမပါမဖြစ်ပေါ့ဗျာ။

  အောက်ကပုံထဲမှာတော့သရက်ဖူးလေးတွေလည်းပါတယ်၊ဟင်းစားပဲသီးတွေရော၊ဟိုအလုံးကြီးကြီးနှစ်လုံးက

ဖရဲသီးနုတွေထင်တာပဲ..ဖရုံသီးနုနဲ့လည်းဆင်တယ်...:)

ဒီနှစ်ပုံကတော့ IVU Plants Lover's ရဲ့ဖေ့စ်ဘွတ်ကပါကဆစ်သီးပုံရှာရင်းတွေ့လိုကူးယူလာတာ

သူ့ဖေ့စ်ဘွတ်လင့်ကိုမျှဝေလိုက်တယ်ဗျ..ဒီနေ့မှတွေ့တာအပင်တွေအကြောင်းစိတ်ဝင်စားရင် like လုပ်ထားလိုက်ပါ...ကျုပ်လည်းနောက်လည်စရာနေရာတစ်ခုရပြီ..မသိသေးတဲ့အပင်တွေအများကြီး

ပဲနောက်မှအေးအေးဆေးဆေးသွားလည်ပြီးဖတ်တော့မယ်...အောက်ကလင့်မှာသွားလည်နိုင်ပါတယ်။

(https://www.facebook.com/pages/IVU-Plant-Lovers/320402094740313)

ကဆစ်သီးကအစချီပြီးတော့ရေးရင်းနဲ့ရွာအကြောင်းသောင်းပြောင်းထွေလာတွေရောက်ကုန်ပြီလားမသိ
ဘူးဗျာ။အညာဓလေ့တွေကိုမသိသေးတဲ့သူတွေအတွက်ဗဟုသုတရတာပေါ့ဗျာ။မိုးတွေကောင်းရင်မှိုတွေ
လည်းပေါက်လို့မှိုကောက်သွားရတာလည်းပျော်စရာကောင်းတယ်ဗျ။မှိုကောက်တာကိုတော့အရင်ကရေး
ဖူးလို့ဆက်မရေးတော့ပါဘူး။မှိုဟင်းတော့စားချင်မိတယ်။တနေ့ကအမေနဲ့ဖုန်းဆက်ရင်းမှိုဟင်းစားချင်တဲ့
အကြောင်းပြောလိုက်သေးတယ်။ပြောင်းဖူးကိုမျှစ်ဆတ်လေးနဲ့ဖရုံညွှန့်ရောထားတဲ့ဟင်းချိုရယ်မန်ကျည်းသီး
ငရုတ်သီးစိမ်းထောင်းရယ်ဆိုဘယ်ပြောကောင်းလိမ့်မတုန်းဗျာ။ပြန်ရောက်လို့ကတော့ရွာကိုအရင်ဆုံးပြေး
အညာစာတွေဝမှကျောင်းကိုပြန်မယ်။

လာလည်းရင်းနဲ့သောင်းပြောင်းထွေလာအညာဗဟုသုတလေးတွေဖတ်ပြီးတော့အမောဖြေသွားကြပါအုံး
နော်...။သိချင်တာလေးတွေများရှိရင်လည်းမေးနိုင်ပါတယ်။အညာနဲ့ဝေးနေသော်လည်းအညာမှာကြီးပြင်း
ခဲ့တာဆိုတော့အတော်များများတော့သိပါတယ်။ရွှေညာသားလေးတင်သမျှလာရောက်ပြီးအားပေးကြတဲ့
ညီအစ်ကိုမောင်နှမတွေကိုလည်းကျေးဇူးအထူးတင်ပါတယ်ဗျာ။လူတွေကိုမမြင်ရသော်လည်းအမြဲခင်ပါ
တယ်။ဖြစ်နိုင်မယ်ဆိုရင်အပြင်မှာတွေ့ပြီးရေနွေးဝိုင်းနဲ့စကားပြောချင်တာပါ...:)

အားလုံးကိုယ်စိတ်နှစ်ဖြာကျန်းမာချမ်းသာပြီးလုပ်ငန်းဆောင်တာအ၀၀အဆင်ပြေချောမွေ့ကြပါစေလို့
ရွှေညာသားလေးကဆုတောင်းမေတ္တာပို့သပါတယ်...။

လေးစားမှုဖြင့်

ရွှေညာသားလေး