ချစ်စရာ့အညာဓလေ့...

"အများပေါင်းတော့၊ တောင်းလှ" "တစ်ယောက်တစ်လက်၊ကျောင်းသားလက်"စတဲ့ဆိုရိုးစကားပုံလေးတွေကိုကြားဖူးကြမည်ထင်ပါသည်။
ဒီဆိုရိုးစကားလေးတွေကစည်းလုံးညီညွတ်ခြင်းရဲ့အကျိုးရလဒ်များကိုပြဆိုထားတဲ့ဆိုရိုးစကားလေးများဖြစ်
ပါသည်။

"အများပေါင်းတော့၊တောင်းလှ"ဆိုတာလေးကကျုပ်တို့အညာအလှူတွေမှာတွေ့ရများတဲ့သာဓကလေးတစ်ခု
ဖြစ်ပါသည်။အညာဓလေ့ရှင်ပြုအလှူပွဲတွေမှာနီးစပ်ရာရွာတွေကရွာဦးကျောင်းဆရာတော်တွေကိုပင့်ဖိတ်
ကြပါသည်။အလှူပွဲမှာပရိတ်ရွတ်၊တရားဟောကြားပေးဖို့နဲ့အလှူရှင်ကကပ်လှူတဲ့ပစ္စည်းလေးပါးကိုအလှူခံ
ဖို့ဖြစ်ပါသည်။ကျုပ်တို့ရွာမှာဆိုရင်တော့အလှူတစ်လှူကိုဘုန်းကြီးအပါး(၂၀)လောက်ပင့်ဖိတ်ကြပါသည်။နီးစပ်
ရာရွာတွေကဆရာတော်တွေကိုရွာဦးကျောင်းဆရာတော်မှတာဝန်ယူပြီးပင့်ဖိတ်ပေးပါသည်။တစ်ချို့လည်းအလှူ
ဝင်နေ့ညနေအရောက်ကြွကြသလို၊အလှူပွဲကြီးနေ့နံနက်အစောမှကြွတဲ့ဆရာတော်များလည်းရှိပါသည်။

အလှူပွဲကြီးနေ့ညနေပိုင်းမှာအလှူအိမ်မဏ္ဍပ်ကိုကြွရောက်ပြီးပရိတ်တရားချီးမြှင့်ပေးကြပါသည်။ပရိတ်ရွတ်ပြီးရင်
တော့တရားဟောကောင်းတဲ့ဆရာတော်တစ်ပါးကမဏ္ဍပ်ထဲကတရားဟောပလ္လင်ပေါ်မှာကျန်ခဲ့ပြီးအလှူနဲ့
ပတ်သက်တဲ့တရားကိုဟောကြားဆုံးမတော်မူပါသည်။အလှူကိုကြွရောက်လာတဲ့ပင့်သံဃာများအတွက်လှူဖွယ်
ဝတ္ထုကိုတောင်းထဲမှာထည့်ပြီးမဏ္ဍပ်ထဲကသံဃာစင်ပေါ်မှာပင့်သံဃာအရေအတွက်အတိုင်းစီပြီးချထားပေးပါ
သည်။ရပ်နီးရပ်ဝေးမှအလှူကိုလာရောက်တဲ့ဆွေမျိုးမိတ်သင်္ဂဟများနဲ့ရွာထဲမှရွာသူရွာသားများကမိမိတို့တတ်နိုင်
သမျှလှူဖွယ်ပစ္စည်းလေးများကိုအဆိုပါတောင်းလေးတွေထဲကိုထည့်လှူကြပါသည်။

အလှူ့ရှင်တစ်ယောက်ထဲကလှူတဲ့ပစ္စည်းဆိုရင်အရေအတွက်အားဖြင့်နည်းပါသည်။ဝတ္ထုငွေကိုပဲတစ်ပါးဘယ်
လောက်ဆိုပြီးတော့ဆန်တစ်ပြည်နဲ့ငှက်ပျောသီးနှစ်ဖီးစသည်ဖြင့်ကန်တော့ပွဲမှာထည့်ပြီးလှူပါသည်။ရွာထဲကနေ
တတ်နိုင်သမျှပစ္စည်းလေးတွေနဲ့ပေါင်းလိုက်တော့တောင်းပြည့်ယုံမကတောင်းလျှံသည်အထိများသွားပါသည်။
အဲ့ဒီတောင်းတွေထဲကိုကြည့်လိုက်ရင်တန်ဖိုးကြီးပစ္စည်းရယ်လို့တော့သိပ်မပါတတ်ပါဘူး။တောသူတောင်သား
တွေဆိုတော့ကိုယ့်အိမ်မှာရှိတဲ့ပစ္စည်းလေးတွေပဲလှူတတ်ကြသည်။တောင်းထဲမှာပေါက်ပေါက်ဆုပ်၊ငါးမုန့်ကြော်၊
ထန်းလျက်၊ဆန်၊ကြက်သွန်နီ၊မုန့်လေပွေကြော်၊ဆေးပေါ့လိပ်၊ဖယောင်းတိုင်၊အမွှေးတိုင်၊ဆပ်ပြာခဲ၊ငှက်ပျောသီး၊
ကုလားပဲစသည့်ဖြင့်ကိုယ်တတ်နိုင်ရာလှူဖွယ်ပစ္စည်းလေးများကိုအလှူ့ရှင်ရဲ့ကန်တော့ပွဲပြင်ထားတဲ့တောင်းတွေ
ထဲမှာလာရောက်ထည့်ဝင်ပြီးတော့စုပေါင်းလှူဒါန်းကြသည်။ဆရာတော်တွေပြန်ကြွရင်သက်ဆိုင်ရာဆရာတော်၏
ကပ္ပိယကိုရွာလူကြီးမှနာမည်ခေါ်ပြီးကန်တော့ပွဲကိုပေးပါသည်။

ကပ္ပိယကျောင်းသားကတောင်းထဲမှပစ္စည်းများကိုမိမိမှာပါတဲ့အိတ်ထဲသို့လှယ်ယူပြီးတောင်းကိုပြန်ပေးရပါသည်။
ရွှေညာသားလေးဘုန်းကြီးကျောင်းသားဘ၀တုန်းကတခြားရွာမှာအလှူရှိဘုန်းကြီးနောက်ကအမြဲလိုက်ပြီးကပ္ပိယ
လုပ်ရပါသည်။အဲ့ဒီတုန်းကအဖြစ်လေးကိုပြန်စဉ်းစားမိရင်းဒီပို့စ်လေးရေးလိုက်တာပါ။

နောက်တစ်ခုကတော့ရွာထဲမှာကိုယ်ထူကိုယ်ထအိမ်ဆောက်တဲ့အခါစုပေါင်းဆောက်လုပ်ပေးကြတဲ့အလေ့အထ
လေးတစ်ခုနဲ့ထမင်းကူတာလေးပါ။ခွဲခါထောင်ခါစမိသားစုတွေအိမ်တစ်လုံးစဆောက်ပြီးဆိုရင်ရွာထဲကတစ်အိမ်
တစ်ယောက်ဝိုင်းကူဆောက်ပေးကြပါတယ်။လိုအပ်တဲ့ပစ္စည်းလေးတွေကိုတော့အိမ်ရှင်ကကိုယ်တိုင်စုထားရပါ
တယ်။ပိုက်ဆံတတ်နိုင်လို့လက်သမားငှားဆောက်ရင်တော့ဘယ်သူမျှကူညီပြီးဆောက်မပေးပါဘူး။အဲ့လိုမဟုတ်
ဘဲရွာကအကူအညီနဲ့ဆိုရင်တော့ပိုက်ဆံပေးစရာမလိုဘဲတက်ညီလက်ညီနဲ့ဝိုင်းဝန်းဆောက်လုပ်ပေးကြပါတယ်။
အကျွေးအမွေးအတွက်လည်းရွာထဲရှိအိမ်ရှင်မတိုင်းကထမင်းကျွေးချိန်ရောက်ရင်တစ်အိမ်ကိုထမင်းဟင်းတစ်
ပန်းကန်စီလာပို့ကြပါတယ်။အိမ်ရှင်ကဘာမှအကုန်အကျခံပြီးကျွေးမွေးစရာမလိုပါဘူး။ဒါပေမဲ့အိမ်ရှင်ကလည်း
စေတနာကိုအသိအမှတ်ပြုတဲ့အနေနဲ့ဟင်းချိုအိုးကြီးတစ်အိုးချက်ပြီးထမင်းလာကူတဲ့သူတွေဟင်းချိုပြန်ထည့်
ပေးကြပါတယ်။တချို့ဆိုအိမ်ဆောက်တဲ့လူတွေစားပြီးတာတောင်ထမင်းဟင်းတွေမကုန်သေးလို့နီးစပ်ရာအိမ်နီး
နားချင်းတွေကိုခေါ်ပြီးကျွေးမွေးရပါတယ်။

တချို့အလုပ်မအားလို့ထမင်းလာမကူနိုင်တဲ့သူကနောက်နေ့မှာဆန်တစ်ခွက်၊ဆီတမှုတ်စသည်ဖြင့်တတ်နိုင်သ
ရွေ့လာပေးတတ်ကြပါတယ်။ဒါလေးကလည်းရွာတွေမှာတွေ့ရတတ်တဲ့ဟန်ဆောင်မှု့ကင်းတဲ့ချစ်စရာ့အလေ့အထ
လေးတွေပါ။ရွှေညာသားလေးတို့အိမ်လေးဆောက်တုန်းကဆိုရင်လာကူတဲ့ဆန်တွေအိတ်နဲ့တစ်လုံးရပါတယ်။
ရွှေညာသားလေးတို့မိသားစုမှာမိသားစုဝင်ကများပြီးစားဝတ်နေရေးသိပ်အဆင်မပြေတာကိုသိကြတော့တစ်ရွာ
လုံးကကူညီကြတယ်။သစ်ပင်ဝါးပင်ရှိတဲ့သူကအိမ်တိုင်အတွက်သစ်ပင်ပေးတယ်၊သက်ကယ်ပေါတဲ့သူက
အိမ်အမိုးအတွက်သက်ကယ်ပေးတယ်အဲ့ဒီလိုနဲ့ရွှေညာသားလေးတို့မိသားစုအများစေတနာနဲ့ကိုယ်ပိုင်အိမ်လေး
တစ်လုံးဆောက်နိုင်ခဲ့ပါတယ်။တစ်ရွာတည်းသားချင်းတွေမို့သူ့အလုပ်ရှိရင်ကိုယ်က၀ိုင်းကူ၊ကိုယ့်အလုပ်ရှိတော့
သူကပြန်ကူနဲ့တစ်ဦးကိုတစ်ဦးအပေးအယူမျှပြီးပျော်ရွှင်စရာကောင်းလှတဲ့အညာဓလေ့လေးတွေပါ။

တောင်သူလုပ်ငန်းခွင်မှာဆိုရင်လည်းကောက်စိုက်၊ပျိုးနှုတ်၊လယ်ထွန်တာကအစအခကြေးငွေဆိုတာကိုအဓိကမ
ထားဘဲတစ်ဦးကိုတစ်ဦးကူညီချင်တဲ့စိတ်နဲ့ဝိုင်းဝန်းလုပ်ဆောင်ပေးတတ်ကြပါတယ်။အဲ့လိုအခါမျိုးဆိုရင်တော့
ကောက်စိုက်ပျော်ပွဲ၊ပျိုးနှုတ်ပျော်ပွဲ၊လယ်ထွန်ပျော်ပွဲစသည်ဖြင့်"ပျော်ပွဲ"ဆိုတာလေးကိုသုံးနှုန်းတတ်ကြပါတယ်။
ဆိုလိုတာကတော့ဝိုင်းလုပ်ဝိုင်းစားပေါ့အိမ်ရှင်ကတတ်နိုင်တဲ့ထမင်းဟင်းလေးနဲ့ဧည့်ခံလိုက်ရင်ပြီးသွားပါပြီ။
အဲ့"လက်စား"ဆိုရင်တော့ထမင်းမကျွေးလည်းရပါတယ်။သူ့လယ်စိုက်ရင်ကိုယ်ကပြန်ပြီးလက်စားပြန်ချေတဲ့အနေ
နဲ့လိုက်စိုက်ပေးရတာပါ။ပေါင်းနှုတ်လက်စားဆိုရင်လည်းအဲ့ဒီအတိုင်းပါပဲကိုယ့်အခင်းပြီးရင်သူ့အခင်းကိုပြန်ပြီး
ပေါင်းနှုတ်ပေးရပါတယ်။ဒီအကြောင်းလေးတွေကိုပြန်စဉ်းစားပြီးရေးတော့ရွာကိုပြန်ပြေးချင်မိတယ်ဗျာ။တကယ်
ရွှံ့ထဲဗွက်ထဲမှာလုပ်ကိုင်စားသောက်ခဲ့ရတာလေးတွေကပင်ပန်းဆင်းရဲပေမဲ့စိတ်ချမ်းသာတယ်။နောက်ပြီးကိုယ်
ကိုကိုယ်လည်းအိပ်မက်တခုမက်နေသလားတောင်ထင်မိပါတယ်။မမြင်ဖူးတာတွေမြင်ရ၊မတွေ့ဖူးတာတွေတွေ့ရ၊
မစားဖူးတာတွေစားရ၊မသုံးဖူးတာတွေသုံးရဆိုတော့အိပ်မက်နေသလိုမို့ပါ...။ဒါပေမဲ့လေဘာတွေဘယ်လောက်ပဲ
အဆင်မြင့်မြင့်နေထိုင်စားသောက်ရသော်လည်းရွှေညာသားလေးအတွက်တော့ကိုယ်ငယ်စဉ်ကကြီးပြင်းခဲ့တဲ့
ဇာတိမြေကိုဘယ်လိုမှမေ့လို့မရသလိုနောင်လည်းဘယ်တော့မှမေ့လို့ရမှာမဟုတ်ပါဘူးဗျာ...။

လာရောက်လည်ပတ်ရင်းအညာရဲ့ဗဟုသုတလေးတွေသိသွားခဲ့တယ်ဆိုရင်ရေးရကျိုးနပ်ပါတယ်ဗျာ။အားလုံးပဲ
ကိုယ်စိတ်နှစ်ဖြာကျန်းမာချမ်းသာကြပါစေလို့ရွှေညာသားလေးမေတ္တာပို့သပါတယ်နော်...။

လေးစားမှုဖြင့်

ရွှေညာသားလေး