ဒီနေ့ချက်တဲ့အညာဟင်း...

မနေ့ကအစ်မတစ်ယောက်သုသေတနအတွက် sample သွားယူတာကိုအဖော်လိုက်ပေးရင်းနဲ့မနီလာမြို့

နဲ့နှစ်နာရီခန့်ကားစီးရတဲ့ UPLB(University of Philippines, Los Banos)ကိုရောက်ခဲ့ပါတယ်။တကယ့်

တက္ကသိုလ်အင်္ဂါရပ်နဲ့ပြည့်စုံတဲ့ကျောင်းကြီးပါပဲ။ရှုခင်းတွေကလည်းလှပသာယာလိုက်တာပြန်တောင်မလာ

ချင်လောက်အောင်ပါပဲ။အထူးသဖြင့်တော့သစ်ပင်ဝါးပင်တွေပေါတာကြောင့်ကိုယ့်အညာဒေသကိုပြန်ရောက်

သွားသလားထင်မှတ်ရပါတယ်။

Sample ယူတဲ့နေရာကကျောင်းဝန်းထဲမှာပါပဲ။ဒါပေမဲ့ကျောင်းပရ၀ုဏ်ကကျယ်ဝန်းတာကြောင့်သစ်တောထဲ

ကိုရောက်နေသလိုပါပဲ။အပင်ကိုစိတ်ဝင်စားသူပီပီမြင်သမျှအပင်တွေကိုလိုက်စူးစမ်းရင်းနဲ့ခရမ်းကဆော့ပင်

တစ်ပင်တွေ့ပါတယ်။အပင်လေးကသိပ်မကြီးပေမဲ့အသီးလေးတွေသီးနေတာတွေ့လို့ခူးခဲ့ပါတယ်။အရင်တစ်ခါ

ခရမ်းကဆော့သီးအကြောင်းရေးကတည်းကခရမ်းကဆော့သီးဟင်းစားချင်နေခဲ့တာဒီနေ့တော့ဆန္ဒပြည့်ဝသွား

ပါတယ်။ပြီးခဲ့တဲ့တပတ်ထဲတုန်းကလည်း Manila က Immigration ရုံးကိုရောက်တော့ရုံးရှေ့မှာအလှစိုက်

ထားတဲ့ခရမ်းကဆော့ပင်တစ်ပင်တွေ့ခဲ့ပါသေးတယ်။အသီးတွေသီးနေတာလည်းအများကြီးပါပဲဒါပေမဲ့ရုံးရှေ့

မှာလူအများနဲ့ဆိုတော့ဒီအတိုင်းပဲထားခဲ့ရတယ်။

ဒီနေ့တော့ရွှေညာသားလေးစိတ်ကြိုက်ခရမ်းကဆော့သီးကိုရှိတာလေးနဲ့ပဲထမင်းမြိန်စေတဲ့ဟင်းတစ်ခွက်

ဖြစ်အောင်ဖန်းတီးလိုက်ပါတယ်။ခရမ်းချဉ်သီးကိုကြက်သွန်တစ်လုံးရောပြီးကျန်တဲ့ဟင်းခတ်အဆာပလာ

လေးတွေနဲ့အရင်ဆုံးဆီသတ်ပါတယ်။ခရမ်းချဉ်သီးကျက်တော့ကြက်သွန်ဖြူထောင်းထားတာထည့်ပါတယ်။

ပုစွန်ခြောက်အနည်းငယ်ကိုရေစိမ်ထောင်းပြီးတော့ဆီသတ်တဲ့ထဲထည့်ပါတယ်။ခရမ်းကဆော့သီးလေးတွေ

ကိုအညှာခြွေပြီးလွယ်လွယ်ကူကူငရုတ်ဆုံထဲမှာအလုံးကွဲယုံလေးထောင်းပြီးဆီသတ်တဲ့အိုးထဲထည့်ပါတယ်။

ငရုတ်ဆုံမှာကပ်နေတဲ့ခရမ်းကဆော့သီးအစေ့လေးတွေကိုရေဆေးပြီးတော့ဟင်းအိုးထဲထည့်ပါတယ်။

ရှားရှားပါးပါးရတာဆိုတော့နှမြောလုိ့ပါ။အဲ့ဒီနောက်ရေအနည်းငယ်ထပ်ထည့်ပြီးခရမ်းကဆော့သီးလေးတွေ

ကျက်သည်အထိမီးအေးအေးနဲ့ချက်ပါတယ်။ဟင်းအိုးပွက်တော့ငရုတ်သီးငါးတောင့်ကိုကတ်ကြေးနဲ့ညှပ်ပြီး

ထည့်ပါတယ်။နံနံပင်လက်ကျန်ရှိနေတာလေးကိုလည်းဖြတ်ထည့်ပြီးအရေစပ်စပ်လေးနဲ့မီးဖိုပေါ်ကချပါတယ်။

ထမင်းမြိန်စေတဲ့ခရမ်းကဆော့သီးဟင်းတခွက်ပါ...

ခရမ်းကဆော့သီးနံ့လေးမွှေးနေတဲ့အညာဟင်းလေးတစ်ခွက်ချက်တာပြီးသွားတော့တွဲဖက်စားဖုိ့ဟင်းချိုအိုး

တည်ပါတယ်။ဟင်းချိုအတွက်ဟင်းနုနွယ်ရွက်ရှိတာလေးကိုလွယ်လွယ်ပဲချက်လိုက်ပါတယ်။ဟင်းအိုးထဲမှာ

ရေအတ၀က်ခန့်ထည့်ပြီးကြက်သွန်နီတစ်လုံး၊ငါးပိအနည်းငယ်၊ဆားနဲ့ကြက်သားမှုန့်နည်းနည်းထည့်ပြီးဆူ

အောင်တည်ပါတယ်။ဟင်းအိုးပွက်ပြီးကြက်သွန်နီကျက်သွားတော့ဟင်းနုနွယ်ရွက်သင်ထားတာကိုထည့်ပါ

တယ်။ဟင်းနုနွယ်ရွက်လေးတွေဟင်းအိုးထဲရောက်ပြီးခဏကြာတော့ဟင်းအိုးကိုမီးဖိုပေါ်မှချပါတယ်။

ခရမ်းကဆော့သီးဟင်းနဲ့တွဲဖက်စားသုံးဖို့အတွက်ဟင်းနုနွယ်ရွက်ဟင်းချိုပူပူလေးအဆင်သင့်ဖြစ်ပြီဆိုတော့

ဗိုက်ကလည်းဆာလာပြီဗျာ။ဒီနေ့ကတော့ထမင်းစားလို့အတော်ကိုမြိန်ပါတယ်။မစားရတာကြာတဲ့ကဆော့သီး

ဟင်းကလည်းစားလုိ့ကောင်းမှကောင်းဗျ...ဟင်းချိုလေးကလည်းပူပူလေးနဲ့သောက်လို့ကောင်းမှကောင်းပဲ။

ဒီဟင်းခွက်လေးတွေကတော့ရွှေညာသားလေးကိုယ်တိုင်ချက်ထားတဲ့ခရမ်းကဆော့သီးအညာချက်လေးနဲ့

ဟင်းနုနွယ်ဟင်းချိုပူပူလေးပါ။သုံးဆောင်သွားကြပါအုံးနော်...။အသားဟင်းမပါပေမဲ့ထမင်းမြိန်ပါတယ်ဗျ...။

ဟင်းနုနွယ်ဟင်းချိုပူပူလေး....

 အားလုံးသောမိတ်ဆွေညီအစ်ကိုမောင်နှမများစိတ်ချမ်းသာကိုယ်ကျန်းမာပြီးကောင်းကျိုးလိုအင်ဆန္ဒတွေ

ပြည့်ဝကြပါစေဗျာ...။

 လေးစားမှုဖြင့်-

ရွှေညာသားလေး