ငါးနဲ့ဇီးဖြူသီးခြောက်ဟင်း

အပူချိန်ကြောင့်လားမသိပါဘူးဗျာထမင်းစားရတာထက်ရေသောက်ရတာကိုပိုပြီးနှစ်သက်နေတယ်။အရင်ကဆိုရေခဲရေကိုလုံးဝမသောက်တတ်တဲ့ကျနော်ရာသီဥတုပူပြင်းလာတော့ရေခဲရေကိုသောက်တတ်နေပြီ။ဆိုင်တွေမှာစားရင်လာလာချပေးတဲ့ရေခွက်ကိုအရင်တုန်းကရေခဲမပါတာနဲ့လဲပေးခိုင်းတတ်တဲ့ကျနော်အခုဆိုရေခဲကိုထပ်ထည့်ခိုင်းရတဲ့အထိ။နေပူတာကတော်တော်ကိုပူပါတယ်။

ထမင်းစားရတော့လည်းဘာဟင်းပဲချက်ချက်သိပ်ခံတွင်းမတွေ့လှဘူး။ပူပူစပ်စပ်တွေစားပြန်တော့လည်းချွေးကထွက်တော့နေရထိုင်ရအဆင်မပြေလှပြန်ဘူး။အဲ့ဒါကြောင့်ရွာဓလေ့ရာသီစာလေးတွေစဉ်းစားပြီးချက်စား ဖြစ်ပါတယ်။ကျနော်တို့ဆီမှာနွေရာသီဆိုဟင်းစားအရမ်းခက်တာ။ဒါကြောင့်အသီးအရွက်ပေါချိန်တုန်းကသို

မှီးထားတဲ့အခြောက်အခြမ်းလေးတွေကိုနွေရာသီမှာထုတ်ပြီးစားကြရတာများတယ်။သရက်သီးခြောက်၊ဇီးဖြူသီးခြောက်၊ဘိလပ်သီး(ချဉ်ပေါင်နီသီး)ခြောက်၊မန်ကျည်းသီးမှည့်စတာတွေကိုအရည်စပ်စပ်လေးချက်ပြီး

ကြက်သွန်နီများများကိုငရုတ်သီးပါလေကာရောထောင်းထားတာနဲ့တွဲစားကြတယ်။ကြက်သွန်နီကရာသီ

ဥတုပူပြင်းချိန်မှာစားပေးရင်ဆီးပူဆီးအောင့်ဖြစ်တာတွေကိုကာကွယ်တယ်ဆိုပြီးလူကြီးတွေကပြောလို့

ထမင်းစားတိုင်းထည့်စားကြတယ်။တခါတလေထမင်းကိုဆီဆမ်းဆားဖြူးပြီးကြက်သွန်နီဥသေးသေးလေး

တွေနဲ့စားရတာတစ်မျိုးအရသာရှိပါတယ်။

နေ့လယ်စာအတွက်ကတော့ပဲဟင်းနဲ့အစောနုတတ်တဲ့ခွေးတောက်ရွက်၊ဒန့်သလွန်ရွက်၊ဒန့်သလွန်သီးဟင်းတွေစားရတာများပါတယ်။အထက်ကပြောတဲ့အသီးခြောက်တွေကတော့ညနေပိုင်းမှာချက်ကြတာများတယ်။

သင်္ကြန်ပြီးလို့မန်ကျည်းရွက်တွေနုပြီဆိုရင်တော့မန်ကျည်းရွက်ဟင်းချို၊မန်ကျည်းရွက်သုပ်၊မန်ကျည်းရွက်

ထောင်း၊မန်ကျည်းရွက်ငရုတ်သီးစပ်စသဖြင့်အမျိုးမျိုးချက်စားကြတယ်။အသားငါးဆိုမြင်ချင်လို့တောင်မပါတဲ့ထမင်းဝိုင်းတွေကိုဖြတ်သန်းကြရင်းအလှူအတန်းလေးရှိတဲ့အခါမှအသားဟင်းကိုစားကြရတာများပါတယ်။

ရွာကသူငယ်ချင်းတွေနဲ့အွန်လိုင်းမှာတခါတလေဆုံတဲ့အခါကျနော်မကြာခဏမေးတာကရွာမှာဘာတွေပေါလဲ၊မန်ကျည်းရွက်နုပြီလား၊ချဉ်ပေါင်ရွက်ဟင်းလေးစားချင်တာစသဖြင့်ကျနော်ကပြောရင်သူတို့ကဘာပြန်

ပြောမှတ်လဲ..ငါတို့ကအဲ့ဒီဟင်းတွေခဏခဏစားရလွန်းလို့အသံကိုမကြားချင်တော့ဘူးတဲ့လေ။ကိုယ့်အတွက် ကတော့အဲ့ဒီဟင်းလေးတွေနဲ့ဝေးနေတာကြာတော့အသားငါးဟင်းတွေထက်အတမ်းတဆုံးပါပဲ။

ဇီးဖြူသီးခြောက်ဟင်းကလည်းထမင်းမြိန်တဲ့ဟင်းတစ်ခွက်ပါ။ဝက်သားကြိုက်တဲ့သူတွေဆိုဝက်သားကိုဇီးဖြူသီးခြောက်ရောပြီးအညာဟင်းလေးချက်ချက်စားရင်အဆီရောအခေါက်ရောစားရတာကောင်းပါတယ်။အဖန်ဓာတ်နဲ့ထိန်းထားတော့အဆီတွေအခေါက်တွေကမအီတော့ဘူးပေါ့။ငါးနဲ့ချက်ရင်လည်းဆီးဖြူသီးရဲ့အဖန်

ဓာတ်ကြောင့်ငါးကကြေမသွားဘဲတောင့်တောင့်ကျစ်ကျစ်လေးနဲ့စားရတာတစ်မျိုးအရသာရှိပါတယ်။

အညာကဟင်းအလွယ်ချက်နည်းများအတိုင်းချက်မည့်ပမာဏပေါ်မူတည်ပြီးဇီးဖြူသီးခြောက်ကိုရေခဏစိမ်

ထားပါ။ချက်မည့်အိုးထဲမှာခရမ်းချဉ်သီးမှည့်သုံးလေးလုံးကိုပါးပါးလှီးထည့်၊ကြက်သွန်နီတစ်လုံး၊ကြက်သွန်ဖြူ

သုံးလေးမွှာထောင်းထည့်ပြီးငါးပိ၊ဆား၊နနွင်း၊အရောင်တင်သင့်တော်ယုံထည့်ပြီးရေအနည်းငယ်ရောပြီးလုံး

လိုက်ပါ။ပြီးရင်ချက်မည့်အိုးတ၀က်လောက်အထိရေနွေးဖြစ်စေ၊ရေအေးဖြစ်စေထည့်ပြီးဆူပွက်အောင်တည်

ထားပါ။

ငါးကိုတော့ငါးရံ့သိုမဟုတ်တီလားပီးယား(ဂျပန်ငါး)ကိုသုံးနိုင်ပါတယ်။တခြားသောငါးတွေလည်းအဆင်ပြေ

သလိုသုံးလို့ရပါတယ်။ကျနော်ရုရှားမှာတုန်းကတော့ဆော်လမွန်ငါးနဲ့ချက်စားဖူးတယ်။ရွာမှာကငါးရံ့၊ချောင်း ငါးလေးတွေနဲ့တီလားပီယားငါးတွေပဲရှိတာမို့အဲ့ဒီငါးတွေနဲ့ပဲချက်စားကြပါတယ်။ငါးကိုအကြေးခွံတွေခြစ်

ဗိုက်ဖောက်ဆေးကြောသန့်စင်ပြီးနနွင်းဆားအနည်းငယ်ပက်ပြီးနယ်ထားပါ။အစောကတည်ထားတဲ့ဆီးဖြူ

သီးခြောက်ဟင်းရည်အိုးပွက်လာပြီဆိုရင်ငါးကိုထည့်ပါ။အဖန်ရည်နဲ့တွေ့တာနဲ့ငါးတွေကတောင့်သွားပြီး

အကောင်မပျက်ဘဲမီးအေးအေးနဲ့ကျက်အောင်ချက်ပါ။အိုးအဖုံးကိုတ၀က်ဖုံးတ၀က်ဖွင့်ထားပြီးရေခမ်းသည်အထိမီးအေးအေးနဲ့တည်ထားပါ။နောက်ဆုံးငါးလည်းအနူးရေလည်းအနေတော်ကျန်ပြီဆိုရင်အပေါ့အငန်

မြည်းပြီးဟင်းအိုးကိုမီးဖိုပေါ်မှချပါ။ရွာမှာဆိုရင်တော့မြေဟင်းအိုးလေးတွေနဲ့ချက်ကြတာများပါတယ်။

မြေဟင်းအိုးလေးတွေကမီးဖိုပေါ်ကချရင်လည်းအပူဓာတ်ကတော်တော်နဲ့ပျောက်မသွားတော့ဟင်းကနွေးပြီး

နူးအိနေပါတယ်။

ငါဟင်းနဲ့တွဲဖက်စားဖို့ကတော့ဒန့်သလွန်ရွက်ဟင်းချိုသို့မဟုတ်ခွေးတောက်ရွက်ဟင်းချိုပေါ့။ပဲဟင်းနဲ့တွဲဖက်စားလို့လည်းကောင်းပါတယ်။ငရုတ်သီးဆားထောင်းနဲ့တွဲဖက်စားရင်လည်းအဆင်ပြေပါတယ်။ကျနော်က

တော့ရေနွေးကြိုက်တာကြောင့်ငါးဟင်းရယ်ငရုတ်သီးထောင်းရယ်ပေါင်းပြီးလွေးလိုက်တာထမင်းနှစ်ပန်းကန်

လောက်ပြိုက်ခနဲကုန်သွားပါတယ်။ဇီးဖြူသီးခြောက်လည်းနောက်ဆုံးပါပဲ။ကျနော်ကနှာခေါင်းသွေးထွက်

တတ်လို့အမေကဆေးအဖြစ်နဲ့ဇီးဖြူသီးခြောက်ထည့်ပေးလိုက်တာငါးနဲ့ချက်စားတာနဲ့ကုန်တာပဲ။

ဇီးဖြူသီးခြောက်မရရင်မန်ကျည်းသီးမှည့်မရမ်းသီးခြောက်တို့နဲ့လည်းချက်စားလို့အဆင်ပြေပါတယ်။အရသာ

အနည်းငယ်ကွဲလွဲတာကလွဲလို့စားလို့ကောင်းပါတယ်။

ပို့စ်ခေါင်းစဉ်နဲ့နိဒါန်းချီတာများသွားရင်ခွင့်လွတ်ပါဗျာ။စဉ်းစားရင်းနဲ့ခေါင်းထဲပေါ်လာတာလေးတွေထည့်ရေး

လိုက်တာပါ။ဟင်းအကြောင်းဖတ်ရင်းတခြားဗဟုသုတလေးတွေလည်းရတာပေါ့ဗျာ :)

အားလုံးကိုယ်စိတ်နှစ်ဖြာကျန်းမာချမ်းသာကြပါစေလို့ကျနော်ရွှေညာသားလေးမှဆုတောင်းမေတ္တာပို့သပါ

တယ်။လာလည်ကြတဲ့အတွက်လည်းကျေးဇူးအထူးတင်ပါတယ်ဗျ။

လေးစားမှုဖြင့်

ရွှေညာသားလေး