တမ်းတမိတယ်...အမေ့အိမ်

 Photos credit to original uploader

ရာသီအကူးအပြောင်းအအေးမိပြီးဖျားနေလို့ကျောင်းမသွားနိုင်ဘူး။ဆရာဆီကိုနေမကောင်းလို့ကျောင်းကို
မလာနိုင်သေးဘူးလို့မေးလ်ပို့တော့ရတယ်နေကောင်းအောင်ဂရုစိုက်ပါတဲ့။အခန်းမှာအိပ်လိုက်ဆေးသောက်
လိုက်နဲ့တစ်ယောက်ထဲဖြစ်နေတော့အိမ်ကိုသတိရတာလည်းမပြောပါနဲ့။ပုံမှန်အချိန်ဆိုစိတ်ကိုဖြေဖျောက်လို့
လွယ်ပေမဲ့နေထိုင်မကောင်းရင်ဘယ်လိုမှမရဘူး။

အိမ်မှာဆိုအမေကသားတွေနေမကောင်းဘူးဆိုရင်သူတတ်သမျှနဲ့ပြုစုပေးတယ်။အမေ့မျက်နှာမြင်နေရရင်ကို
ရောဂါကတ၀က်လောက်သက်သာနေတာ။သူဘယ်လောက်ပင်ပန်းနေပါစေသားတွေနေမကောင်းဘူးဆိုရင်
ခြေထောက်တဖက်ထဲနဲ့နင်းပေးတယ်။တစ်ကိုယ်လုံးနင်းရင်မခံနိုင်မှာစိုးလို့တဲ့။ဒန်အိုးထဲမှာသနပ်ခါးရွက်တွေ
ထည့်ပြုတ်ပြီးထွက်လာတဲ့အငွေ့နဲ့ချွေးထုတ်ပေးတတ်တယ်။

ငါးစပ်စောင်သုံးထည်လောက်ကိုနေလှန်း၊သက်ကယ်တံကိုနှစ်တောင်လောက်ဖြတ်ပြီးနှစ်ချောင်းကြက်ခြေ
ခတ်အထက်ကထုတ်တန်းမှာကြိုးနဲ့တန်းလန်းချည်ပြီးအဲ့ဒီကြက်ခြေခတ်ပေါ်ကိုနေလှန်းထားတဲ့စောင်နဲ့
ပတ်လိုက်တော့အုပ်ဆောင်းလိုလိုခြင်ထောင်လိုလိုလူတစ်ယောက်ထိုင်နိုင်တဲ့နေရာတခုရရော။အဲ့ဒီနေရာ
မှာအုတ်ခဲ၊ကျောက်ပြား၊သစ်သားတုံးရရာတခုခုကိုအောက်ကခံပြီးတော့အစောကသနပ်ခါးရွက်ရောပြီးပြုတ်
ထားတဲ့ဒန်အိုးကိုတင်လူကဘေးနားမှာအ၀တ်ပါးပါးဝတ်ပြီးထိုင်ရင်းအိုးအဖုံးကိုနည်းနည်းချင်းဖွင့်ပြီးထွက်
လာတဲ့အငွေ့နဲ့ချွေးအောင်းရတာ။အငွေ့ကုန်သွားရင်အမေကအပြင်ကနေအိုးကိုပြန်ယူပြီးမီးဖိုမှာတည်၊
ပွက်လာတော့တစ်ခါပြန်ယူလာပြီးစောင်အုပ်ဆောင်းထဲကိုလာထည့်ပေး၊အဲ့လိုသုံးခါလောက်လုပ်လိုက်တာ
နဲ့တစ်ကိုယ်လုံးချွေးတွေချွဲပြီးလူကသိသိသာသာပေါ့သွားတာ။

ချွေးထုတ်ပြီးတာနဲ့အ၀တ်တွေလဲပေး၊ဆန်ပြုတ်ပူပူမှာငရုတ်ကောင်းမှုန့်လေးခတ်သောက်ခိုင်းပြီးစောင်ခြုံ
ထဲမှာနွေးနွေးထွေးထွေးနေခိုင်းတာ။ငယ်ငယ်တုန်းကချူချာခဲ့သလောက်ကြီးလာတော့ပြင်းပြင်းထန်ထန်
မဖျားဘူးပေမဲ့..သာမာန်အအေးမိ..နှာစေးဖျားတာလောက်ကအမေ့ဆေးမြီးတိုနဲ့ပဲပျောက်ကင်းတာများတယ်။
 အခုတော့အမေနဲ့ဝေးနေတာလည်းကြာပြီနေကောင်းနေတဲ့အချိန်ဆိုမေ့မေ့ပျောက်ပျောက်နေလို့ရပေမဲ့
ကျန်းမာရေးမကောင်းရင်အရမ်းတမ်းတမိတာပဲ။

အတတ်နိုင်ဆုံးဆင်ဆင်ခြင်ခြင်နေတဲ့ကြားကပဲထထဖြစ်လာတော့လည်းဒီလိုပဲကြိတ်မှိတ်ပြီးပျောက်ကင်း
အောင်ဆေးသောက်ရတယ်။အရမ်းအခြေအနေဆိုးလာရင်တော့ဆေးခန်းပြမယ်ဆိုပြီးစိတ်ကူးထားတာ
သိပ်မပြင်းထန်လို့ဆေးခန်းကိုမသွားဖြစ်ဘူး။ဒါပေမဲ့စဖြစ်ဖြစ်ချင်းတုန်းကတော့အိမ်နဲ့သိပ်မဝေးတဲ့နေရာ
ကဆေးခန်းလို့ထင်ရတဲ့နေရာတစ်ခုကိုရောက်သေးတယ်။အပြင်မှာတော့ကျန်းမာရေးအမှတ်အသား
ကြက်ခြေခတ်ပြထားတာပဲ၊ဂျပန်လိုကလည်းကောင်းကောင်းမဖတ်တတ်တော့သေချာနားမလည်ဘူး၊
အထဲဝင်သွားတော့လည်းဂျူတီကုတ်ဝတ်ထားတဲ့အမျိုးသမီးကဂျပန်လိုပဲမေးတယ်၊ငါဆရာဝန်နဲ့တွေ့ချင်
လို့ဆိုတော့ဂျပန်လိုတွေပဲဘာတွေမေးမှန်းမသိတာနဲ့ပြန်ထွက်လာခဲ့တယ်။ဘာသာစကားမကျွမ်းကျင်
တာလည်းတကယ်အရေးကြုံလာတော့အခက်အခဲဖြစ်တယ်။

ကာလတိုပဲနေရမှာဆိုပြီးဂျပန်ဘာသာစကားကိုမလေ့လာခဲ့ဘူး။ကျောင်းမှာတော့ဆရာနဲ့Labကသူငယ်ချင်း
တွေနဲ့အင်္ဂလိပ်လိုပြောရတာအဆင်ပြေပေမဲ့အပြင်ထွက်ရင်မလွယ်ဘူး။ဒါကြောင့်နိုင်ငံတစ်နိုင်ငံကိုသွား
မယ်ဆိုရင်သူ့ဘာသာစကားကိုတော့တီးမိခေါက်မိရှိအောင်လေ့လာထားတာအကောင်းဆုံးပဲဆိုတာသိ
လိုက်ရပြီ။

အမေ့ကိုတော့ဖုန်းဆက်ရင်လည်းအဆင်ပြေတယ်၊နေကောင်းတယ်ပဲပြောရတယ်။သာမာန်အအေးမိတာ
နှာစေးတာလောက်ကိုနေမကောင်းဘူးပြောလိုက်ရင်သူတို့စိတ်ပူမှာစိုးတာရော၊ကိုယ်ကအနားမှာမရှိတော့
အဝေးကနေဒုက္ခပေးသလိုဖြစ်နေမှာစိုးတာရောကြောင့်အခုနောက်ပိုင်းအဆင်မပြေတာရှိလည်းကိုယ့်ဘာ
သာပဲဖြေသိမ့်ရင်းအတတ်နိုင်ဆုံးအိမ်ကိုအသိမပေးတော့ဘူး။သူတို့နဲ့ဝေးနေချိန်မှာစိတ်ပူစရာထက်စိတ်ချမ်း
မြေ့စရာလေးတွေပဲကိုယ့်ဘက်ကပေးနိုင်အောင်လို့ပါ။

အားလုံးကိုယ်ကျန်းမာစိတ်ချမ်းသာပြီးကောင်းကျိုးလိုအင်ဆန္ဒတွေပြည့်ဝကြပါစေလို့ရွှေညာသားလေးက
ဆုတောင်းမေတ္တာပို့သပါတယ်။

လေးစားမှုဖြင့်

ရွှေညာသားလေး