အညာသင်္ကြန်က မုန့်ဖက်ထုပ်နဲ့ မုန့်လုံးရေပေါ်

အရောင်ကတော့ ထန်းလျက်နဲလုပ်ထားသလိုပါပဲ

ဒီနေ့သင်္ကြန်အကျနေ့ ဆိုတော့ မုန့်လုံးရေပေါ်နဲ့ မုန့်ဖက်ထုပ် အတူတူလုပ်စားကြမယ်ဗျာ။ ကျွန်တော်တို့ အညာမှာက ထန်းလျက်ပေါတယ်ဗျ။ အဲ့ဒါကြောင့် မုန့်ဖက်ထုပ်လုပ်ရင် ထန်းလျက်နဲ့ပဲ လုပ်စားကြတယ်။ ကျောင်းနေတုန်းက ညညဆိုရင် အဆောင်နားကို လာ ရောင်းတဲ့ မုန့်ဖက်ထုပ်ပူပူလေး ဆိုတာကတော့ ငှက်ပျောဖက်ထဲမှာ ရှာနိုင်မှ တွေ့ပါတယ်။ နောက်ပြီး ငှက်ပျောဖက်ကို ခွာရတာက ရင်တောင်ခုန်တယ်ဗျာ။ အထဲမှာမုန့်ဆိုတာ ပါမှပါမလားလို့လေ။ ဟောတွေ့ပါပြီ လက်ညှိုးလောက်ရှိတဲ့ မုန့်ဖက်ထုပ်ဆိုတာလေး။ စားလို့တော့ ကောင်းပါရဲ့။ တစ်ခါဝယ်ရင် ဆယ်ထုပ်လောက် စားမှအဆာပြေယုံပဲရှိပါတယ်။

ကျွန်တော်တို့ အညာမုန့်ဖက်ထုပ်ကတော့ နှစ်ထုပ်လောက်စားလိုက်ရင် ဗိုက်ပြည့်တယ်ဗျို့။ မြို့မှာရောင်းတာတွေလို အုန်းဆံနဲ့သကြားကို အထဲမှာဌာပနာပြီး လုပ်တာတော့ မဟုတ်ပါဘူး။ ကောက်ညှင်းမှုန့်ကို ဆန်ကြမ်းမှုန့် နဲနဲရောပြီးတော့ ထန်းလျက်ရည် ကျိုပြီးသားနဲ့ သမအောင်ရောနယ်။ မုန့်ညက်နယ်ပြီးသားကိုမှ ငှက်ပျောဖက်မှာ ဆီသုတ် ပြီးတော့ မုန့်ညက်ကို သင့်တော်ယုံယူပြီး လက်လေးနဲ့ပြားထည့် ဟိုဘက်ဒီဘက် ဖက်အစလေးတွေကို လုံအောင်ခေါက်ပြီး ထုပ်လိုက်တာပဲ။ အဲ့ဒီထုပ်ပြီးသားလေးတွေကိုမှ ကောက်ညှင်းပေါင်းတဲ့ မြေပေါင်းအိုးထဲမှာ တစ်ထုပ်ချင်း စီပြီးထည့်။ မီးဖိုပေါ်မှာ ပေါင်းအိုးတင်ပြီး တော့ပေါင်းလိုက်တာပဲ။ တချို့လည်း အုန်းသီးခြစ်ပြီးသားကို မုန့်နယ်တဲ့အထဲမှာ တစ်ခါထဲ ထည့်နယ်ကြတယ်။ မုန့်ပေါင်းအိုးမီးဖိုပေါ်ရောက်လို့ ငှက်ပျောဖက်တွေ အရောင်ပြောင်းသွားရင် တစ်ထုပ်လောက်ယူပြီး အနေအထားမြည်းကြည့် မုန့်နပ်ပြီးဆိုရင် အညာမုန့်ဖက်ထုပ်ပူပူလေး ရပါပြီ။ ငှက်ပျောဖက်က တစ်ထပ်ထဲဆိုတော့ ခွာလိုက်တာနဲ့ ထန်းလျက်နံ့လေးမွှေးနေတဲ့ မုန့်ဖက်ထုပ်ချိုချိုလေး စားယုံပဲ။ ဆန်ကြမ်းမရောဘဲ ကောက်ညှင်းမှုန့်ချည်းဆိုရင် စေးစေးလေးနဲ့ ပိုစားကောင်းတယ်ဗျ။ ဒါကတော့ အညာကသင်္ကြန်မုန့်ဖက်ထုပ်လုပ်တာလေးပေါ့။

တီတီဆွီ ဆိုဒ်မှ သမလာတာ.....:P

ဒါကတော့ ဂူဂယ်က မလာတာပါ

မုန့်လုံးရေပေါ်ကြတော့လည်း ကောက်ညှင်းမှုန့်ကို ဆန်ကြမ်းမှုန့်လေး နဲနဲရောပြီးရေနဲ့ သမအောင်နယ် မုန့်ညက်ကို လုံးလို့ရလောက်ရင် လောက်စာလုံးသလို သင့်တော်ယုံအရွယ်အစားလေးတွေလုံး ပြီးတော့ လက်ညှိုးလေးနဲ့ အရာလေးပေးပြီး ထန်းလျက်ခဲလေးထည့် အပေါ်ကနေထန်းလျက်ခဲလေး လုံအောင်ပြန်ပိတ်ပြီး ရေနွေးအိုးထဲပစ်ထည့်လိုက်ယုံပဲ။ မုန့်လုံးတွေ ရေပေါ်ပေါလောပေါ်လာရင် ဆယ်ပြီးတော့ ရေအေးထဲမှာ ထည့်ပြီးတော့ အအေးခံ။ အေးသွားရင် မုန့်လုံရေပေါ်စားလို့ရပြီပေါ့။ မချိုမှာကတော့ ဘာမှမပူနဲ့ အထဲမှာ ထန်းလျက်က အခဲလိုက်လေး။ ၀ါးလိုက်တာနဲ့ အပြင်ကမုန့်သားစေးစေးလေးရယ် ထန်းလျက်ခဲ ချိုချိုလေးရယ်က ရောဝါးပြီးသားပဲ။ အရသာကို ရှိနေတာပဲဗျာ။ အုန်းသီးဖြူးပြီး စားတာကရှားပါတယ်။ ရွာဆိုတော့ အုန်းသီးက ရဖို့မလွယ်ဘူးလေ။ ၀ယ်ပြန်တော့လည်း ဈေးကကြီးတယ်ဆိုတော့ မပါလည်းဖြစ်တာပဲနော့။ သင်္ကြန်တွင်းဆိုရင် ကျောင်းမှာ ဥပုသ်ယူရင်း အိမ်တိုင်းက ယူလာတဲ့ မုန့်ဖက်ထုပ်၊ မုန့်လုံးရေပေါ်တွေက ဥပုသ်သည်တွေ ပြန်ကျွေးလို့ကို မကုန်ဘူး။

သာကူကျိုခွက်လေးလည်း ပါသေးတယ် အမုန်းဆွဲ(photo from google)

ပုံရှာကြည့်တော့ မုန့်ဖက်ထုပ်လည်းတွေ့ပါတယ်။ ဒါပေမဲ့ကျွန်တော်ပြောတဲ့ အညာမုန့်ဖက်ထုပ်တော့ မဟုတ်ဘူး။ မုန့်လုံးရေပေါ်ကလည်း အထဲကိုမမြင်ရတော့ ထန်းလျက်လား သကြားလားဆိုတာ သေချာမသိဘူးဗျာ။ ပုံလေးတွေတော့ တွေ့လို့တင်ပေးလိုက်ပါတယ်။ ကိုယ်တိုင်သာ စားကြည့်ပါတော့နော်။ ကျွန်တော်ကတော့ ရွာကမုန့်လုံးရေပေါ်နဲ့ မုန့်ဖက်ထုပ်ကို အတော်လေးကြိုက်တယ်။ ထန်းလျက်နိုင်နိုင်နဲ့ ချိုချိုလေး စားရတာ အတော်ကောင်းတယ်ဗျို့။ ဒါပေမဲ့ အခုတော့ သကြားနဲ့ဂျုံမှုန့်ကလွဲလို့ ဘာမှမရှိဘူး။ ဂျုံမှုန့်နဲ့ လက်တည့်စမ်းကြည့်ဖို့တော့ စိတ်ကူးထားတယ်။ မနက်ဖြန်(သို့) သဘက်ခါပေါ့။ အောင်မြင်ရင် ပြန်ပြောပြမယ်။ ဒီနေ့တော့ အခုတင်ထားတာလေးတွေ စားသွားကြအုံးဗျာ…..

အားလုံးပဲ နှစ်သစ်မှာ စိတ်၏ချမ်းသာခြင်း၊ ကိုယ်၏ကျန်းမာခြင်းနဲ့ ပြည့်စုံကြပါစေ......