မွေးနေ့၊မွေးရက် ထပ်တူကျတဲ့ မွေးနေ့

မနှစ်တုန်းကမွေးနေ့ကတော့ပညာသင်ကိစ္စနဲ့ပတ်စ်ပို့ကိစ္စနဲ့ပြေးလွှားနေရလို့ဌာနမှာမွေးနေ့ရှင်မပါဘဲ
သူငယ်ချင်းကတဆင့်ဌာနမှူးနဲ့ဆရာဆရာမတွေကိုခေါက်ဆွဲကြော်ကျွေးပြီးကုသိုလ်ယူခဲ့တယ်။မွေးနေ့မှာ
ဝန်ကြီးရုံးတွေတခုပြီးတခုပြေးလွှားခဲ့ရတဲ့အမှတ်တရတော့ရှိခဲ့ပါတယ်။

ဒီနှစ်မွေးနေ့ကတော့တိုက်တိုက်ဆိုင်ဆိုင်မွေးနေ့ကြာသပတေး၊မွေးရက်(၁၆)ရက်တစ်ထပ်တည်းကျတယ်။ အလုပ်စရတဲ့နှစ်(၂၀၀၇)မှာတစ်ကြိမ်၊(၂၀၁၂)မှာတစ်ကြိမ်၊မွေးရက်နဲ့မွေးနေ့တထပ်တည်းကျခဲ့ဖူးတယ်။
ဘုရားကျောင်းသွားချင်သော်လည်းမွေးနေ့မတိုင်ခင်ညမှာလုပ်လက်စလက်တွေ့လုပ်ငန်းကမနက်သုံးနာရီခွဲမှ
လက်စသတ်လို့ပြီးတော့မွေးနေ့ကိုကျောင်းကဓာတ်ခွဲခန်းမှာတစ်ယောက်တည်းစာလုပ်ရင်းတရားနာရင်းနဲ့ ကြိုဆိုခဲ့ရတာအမှတ်တရပါပဲ။ကျောင်းဖွင့်စရက်မို့ပွဲတွေကလည်းများတော့မွေးနေ့တနေ့လုံးဌာနမှာအရင်နေ့က
လုပ်ခဲ့တဲ့လက်တွေ့လုပ်တာကရတဲ့ရလဒ်ကိုပြန်ပြီးတွက်ချက်အချောကိုင်တာနဲ့တနေကုန်ပြန်ရော။ညနေပိုင်းမှာ
တော့ခါတိုင်းနေ့တွေထက်စောပြီးအဆောင်ပြန်ခဲ့တယ်။အရင်ညကအိပ်ရေးပျက်ထားတော့မျက်စေ့တွေကနာ
မျက်မှန်သမားဆိုတော့အိပ်ရေးမဝရင်မျက်ရည်ပူတွေပါကျတာ။အဆောင်ကိုစောစောပြန်လာပေမဲ့မွေးနေ့
မတိုင်ခင်ကအဆောင်မှာရှိတဲ့သူငယ်ချင်းတွေကိုတခုခုချက်စားကြတာပေါ့လို့စကားလွန်ထားတော့အိပ်ချိန်မရ
ပါဘူး။ဈေးကိုခဏပြေးပြီးသူတို့သိပ်တမ်းတတဲ့အညာသားလက်ရာဝက်သားပုန်းရည်ကြီးချက်နဲ့မွေးနေ့
အမှတ်တရ ညနေစာကျွေးဖြစ်တယ်။တနေကုန်ထမင်းတနပ်ပဲစားထားတော့ကိုယ်တိုင်လည်းဗိုက်ဆာသူတို့
လည်းဗိုက်ဆာနဲ့စီစဉ်ထားတဲ့အချဉ်ရည်သောက်ဟင်းကိုမချက်နိုင်ဘဲဝက်ပုန်းနဲ့မှိုကန်စွန်းကြော်၊အချဉ်ရည်ဟင်း
အစားသရက်ချဉ်လက်ကျန်သုပ်ပြီးပြည့်စုံအောင်စီမံပေးလိုက်ပါတယ်။အားလုံးကဗိုက်ဆာနေကြတာရော၊ ဟင်းစပ်တည့်တာရောကြောင့်ချက်သမျှထမင်းလည်းတက်တက်ကိုပြောင်တာပဲဗျာ။

အညာသားလက်ရာ ဝက်သားပုန်းရည်ကြီးဟင်း

 မှိုကန်စွန်းကြော်

 မြန်မာဈေးကဝယ်ထားတဲ့ သရက်ချဉ်လက်ကျန်ကို သုပ်ထားတာ

ဒါကတော့ နောက်နေ့မှ ချက်ဖြစ်တဲ့ ချဉ်ပေါင်ရွက်ချဉ်ရည်သောက်ဟင်းပါ ဝက်ပုန်းနဲ့တွဲစားဖို့ စီစဉ်တာ ဗိုက်အရမ်းဆာလို့ မချက်နိုင်တော့ဘဲ နောက်နေ့မှချက်စားဖြစ်တယ်

ချဉ်ပေါင်ဟင်းနဲ့တွဲစားဖို့ချန်ထားတဲ့ ဝက်သားပုန်းရည်ကြီးဟင်း

ထမင်းစားပြီးတော့ရာသီစာကြက်မောက်သီးနဲ့အချိုတည်းရင်းစကားပြောကြတယ်။ကျနော်ကတော့စကားဝိုင်း
မှာကြာကြာမထိုင်နိုင်ဘူး။အိမ်ကအဖေနဲ့အမေဆီကိုမက်ဆင်ဂျာကနေတဆင့်စကားပြော၊အရင်ကတော့ဖုန်းနဲ့ ပြောဖြစ်တာများတယ်။အခုညီအငယ်ကအဖေ့ကိုဖေ့စ်ဘွတ်အကောင့်လုပ်ပေးထားပြီးမက်ဆင်ဂျာကဗွီဒီယိုခေါ် နည်းပါသင်ပေးထားလို့ဗွီဒီယိုကောနဲ့အဖေနဲ့အမေပါစကားလည်းပြောရုပ်လည်းမြင်ရလို့သူတို့လည်းပျော်ကိုယ် လည်းစိတ်ချမ်းသာနဲ့အဆင်ပြေနေတယ်။နောက်ပြီးတဦးတည်းသောညီမအငယ်ဆုံးနဲ့လည်းမွေးရက်ကလာပြီး တူနေသေးတယ်။သူကကျနော်နှစ်ဆယ့်သုံးနှစ်ပြည့်တဲ့နေမှာမွေးတာ။သူကသြဂုတ်လ(၁၆)ရက်ဗုဒ်ဓဟူးနေ့၊
ကျနော်ကကြာသပတေး​နေ့။သူကလည်းသူ့မွေးနေမှာသူငယ်ချင်းတွေကိုမုန့်ဟင်းခါးချက်ကျွေးဖိုအမေ့ကို့ပူဆာ နေတာတဲ့။ကျနော့်အတွက်ကိုတော့နှစ်စဉ်မွေးနေ့မှာအဖေနဲ့အမေကဆွမ်းလှူပြီးကုသိုလ်ပြုပေးတယ်။
အခုညီမလေးပါမွေးရက်တူတော့နှစ်ယောက်စာကုသိုလ်ပြုရတာပေါ့။အိမ်ကိုသံယောဇဉ်သိပ်ကြီးတဲ့ကျနော်က
အနားမှာမနေနိုင်ပေမဲ့ကံတရားကမွေးရက်တူညီမလေးတစ်ယောက်အဖေနဲ့အမေ့နားကိုရောက်အောင်ပို့ပေး
ထားလို့စိတ်ချမ်းသာရပါတယ်။

နောက်ပြီးအခုတစ်ခေါက်ပညာတော်သင်နဲ့လက်ရှိကျောင်းတက်နေတဲ့ကျောင်းကိုရောက်တာလည်းသြဂုတ်လ
(၁၉)ရက်နေ့မှာပဲတနှစ်ပြည့်တယ်။ရောက်ကတည်းကကြိုးစားရုန်းကန်နေရင်းနဲ့အချိန်တွေကိုဖြတ်သန်းလာခဲ့
တာတနှစ်ဆိုတဲ့အတိုင်းအတာတခုကဘာမှမကြာလိုက်သလိုခံစားရတယ်။နောက်ထပ်ကျန်တဲ့နှစ်နှစ်အတွင်း
အားကုန်လှော်နိုင်ပါမှကမ်းကိုမြန်မြန်ရောက်မှာမို့ပိုပြီးတော့လုံ့လစိုက်ရတော့မယ်။မွေးရက်မွေးနေ့ထပ်တူကျ
တဲ့နှစ်တွေဆိုကံကောင်းခြင်းလေးတွေနဲ့လည်းတိုက်ဆိုင်လို့နောက်မှာကျော်ဖြတ်ရမည့်ပညာရေးခရီးလမ်းက
အခက်အခဲအတားအဆီးတွေကိုအဆင်ပြေပြေနဲ့ချောချောမွေ့မွေ့ကျော်ဖြတ်ပြီးကမ်းကိုမြန်မြန်ကပ်ချင်လှပါပြီ။
ဒီတစ်ခေါက်ပြန်ရောက်ရင်တော့ကိုယ်သိထားသမျှ၊သင်ယူလေ့လာထားသမျှတွေကိုကိုယ့်ပတ်ဝန်းကျင်မှာပြန်ပြီး
အကျိုးပြုချင်ပြီ။ပညာသင်ယူမှု့မှာပြီးဆုံးတယ်ဆိုတာမရှိပေမဲ့ယနေ့ခေတ်မှာသူများကိုပြန်သင်ပေးရင်းနဲ့ကိုယ်တိုင် အတွက်လဲအသစ်အသစ်သောပညာရပ်တွေကိုဆက်ပြီးလေ့လာဖို့အခွင့်အလမ်းတွေပေါပါတယ်။

အပြင်မှာရောက်နေတဲ့အချိန်တော့ပြန်ရောက်ရင်လုပ်မယ်ဆိုပြီးစိတ်ထဲမှာစီစဉ်ထားတာတွေအများကြီးပါပဲ။ တကယ်တမ်းပြန်ရောက်တဲ့အခါဘယ်လောက်ပဲလုပ်ချင်နေပါစေကိုယ့်သဘောအတိုင်းလုပ်ခွင့်မရတာ သူ့ကိုကျော်ပြီးလုပ်တယ်ငါ့ကိုကျော်ပြီးလုပ်တယ်သင်ထောက်ကူပစ္စည်းမပြည့်စုံတာရှိတဲ့ပစ္စည်းကျတော့လည်း
သုံးဖို့ထက်အလှပြဖို့အတွက်လောက်ပဲထားတာမျိုးတွေနဲ့ကြုံရတော့ခဲလေသမျှသဲရေကျဖြစ်ပြီးရင်မှာမျိုသိပ်
တိတ်တိတ်လေးသာနေရတာများပါတယ်။အထက်ကခိုင်းသမျှကိုတသွေမသိမ်းလိုက်နာပြီးကိုယ်ပိုင်အမြင်
အယူအဆအတွေးအခေါ်ကိုထုတ်ဖော်အသုံးချခွင့်မရတဲ့အခါသိသော်လည်းမသိသလိုတတ်သော်လည်း မတတ်သလိုနေသွားကြရင်းနဲ့ရှိပြီးသားအစွမ်းအစလေးတွေပါလုံးပါး ပါးကုန်ကြတယ်။
မွေးနေ့အကြောင်းကနေနိုင်ငံရေးတွေပါလာတော့မှာမို့မရေးတော့ဘူးလို့တွေးတဲ့ကြားကအနည်းငယ်ပါသွား
တာနားလည်ပေးပါဗျာ။

အွန်လိုင်းမိတ်ဆွေညီအစ်ကိုမောင်နှမများကိုယ်စိတ်နှစ်ဖြာကျန်းမာချမ်းသာကြပါစေ။ကျနော့်အိမ်လေးဆီကို
လာရောက်လည်ပတ်ကြတဲ့အတွက်ကျေးဇူးအထူးတင်ပါတယ်။

အားပေးမှုကိုအစဉ်လေးစားလျက်

ရွှေညာသား