လွမ်းစရာများနဲ့လတပေါင်း

 တပေါင်းလရဲ့ သင်္ကေတ ပေါက်ပွင့်

တပေါင်းလထဲရောက်လာပြီဆိုတော့မကြာတော့တဲ့အချိန်အတွင်းမှာသင်္ကြန်ဒိုးသံတွေလည်းကြားရ
တော့မည်။ မည်သို့ပင်မေ့မေ့ပျောက်ပျောက်နေစေကာမူရာသီစက်ဝန်းရဲ့အငွေ့အသက်ကိုမြင်ရကြားရ
ခံစားရသည်နှင့်စိတ်အစဉ်ကအတိတ်ဆီကိုပြန်ပြန်ရောက်သွားတတ်သည်။ကိုယ့်ရပ်ရွာဒေသနဲ့ဝေးရာ
မှာနေရသောကြောင့်ပဲသံယောဇဉ်ပိုလေသလားမပြောတတ်။မမြင်ရမတွေ့ရတာကြာတဲ့ဒီရွာဒေသ
ပတ်ဝန်းကျင်တွေကိုစိတ်ကူးနဲ့မှန်းပြီးလွမ်းရသည်ကလည်းစိတ်ကြည်နူးစရာကောင်းလှသည်။

နေ့ပူညချမ်းတပေါင်းလဆန်းဆိုတဲ့စကားလိုနေ့မှာကျစ်ကျစ်တောက်ပူပေမဲ့ညပိုင်းရောက်ရင်စောင်ခြုံရ
မလွတ်ချင်သေးတဲ့ရာသီဥတုနဲ့အတူတောင်သူလုပ်ငန်းခွင်တွေသိမ်းပြီးဗျောသံစည်သံတွေညံညံနေတဲ့
အချိန်လည်းဖြစ်သည်။ရွာထဲမှာအလှူ များရှိပြီဆိုမှဖြင့်အလှူ မတိုင်ခင်ကတည်းကမျှော်ရမောရသည်က
အလုပ်တစ်ခု။ဆိုင်းတွေမင်းသမီးတွေဘိသိတ်တွေနဲ့စည်စည်ကားကားလှူ ကြသည့်အလှူ မို့ပွဲကြည့်ဖို့
အတွက်တာစူရသည်ကလည်းအမော။

ပတ်ဝန်းကျင်တစ်ခွင်ကြည့်လိုက်ပြန်တော့လည်းသစ်ရွက်ကြွေတွေလေမှာလွင့်လို့၊မြက်ခြောက်တော
တွေ၊ရေခမ်းခြောက်စပြုတဲ့ချောင်းမြောင်းတွေနဲ့၊လယ်ရိုးဘေးကဇလုတ်ထဲမှာသစ်ရွက်ကြွေကျပြီး
နီကျင့်ကျင့်အရောင်ထနေတဲ့ရေတွေ၊ထန်းပင်ပေါ်ကထန်းသမားတို့လေချွန်သံနဲ့အတူကျေးငှက်သာရကာ
တို့ရဲ့ကျီကျီကြာကြာတေးဆိုသံတွေကတပေါင်းလရဲ့အလှကိုပီပြင်အောင်သရုပ်ဖော်နေချိန်ပေါ့။

ပေါက်ပင်လက်ပံပင်တို့ရဲရဲနီအောင်ပွင့်တဲ့ဒီအချိန်ဆိတ်ကျောင်းနွားကျောင်းရင်းရိုးတံကြဲကြဲမှာတွဲလွဲခို
နေတတ်တဲ့ဂွေးသီးဒင်းကျန်လေးတွေကိုလေးခွနဲ့အလုအယက်ပစ်ချကြတာတွေ၊ဆီးပင်တွေအောက်မှာ
နောက်ဆုံးကျန်တဲ့ဆီးသီးဒင်းကျန်လေးတွေကောက်ဝါးရတာကလည်းဘာနဲ့မှမလဲနိုင်တဲ့အရသာမျိုး
ပေါ့။နွေရာသီမှာပေါ်လာတတ်တဲ့တမာရွက်နုနု၊သမုန်းဖူးတွေ၊ဖလံဖူးတွေခူးပြီးပါလာတဲ့လွယ်အိတ်နဲ့
နင်းသိပ်ထည့်၊ဆီတ်ကျောင်းနွားကျောင်းသားဆိုပေမဲ့မီးဖိုချောင်အတွက်ပါတတ်စွမ်းသမျှရှာဖွေရတဲ့
တောသူတောင်သားဘ၀ကိုဝေးရလေလွမ်းလေပါပဲဗျာ။

တပေါင်းလရဲ့အဖော်လက်ပံပွင့်

တပေါင်းလရဲ့မနက်စောစောထန်းရည်ချိုသောက်ရတာလည်းတစ်မျိုးကောင်းတဲ့အရသာပေါ့။
သူငယ်ချင်းတွေနဲ့ရေခမ်းခြောက်စချောင်းရိုးမြောင်းရိုးလျှောက်ပြီးငါးပက်ရတာလည်းပျော်စရာကောင်း
တာပဲ။ပဲစင်းငုံရိုးကိုတစ်ပွေ့စာလျှော်နဲ့တင်းတင်းပါအောင်စည်းလို့ရေများများရှိတဲ့အိုင်ထဲ၊ဇလုတ်ထဲမှာ
နှစ်ပြီးငါးဖမ်းရတဲ့နည်းကိုလည်းသတိရမိတယ်။ပထမနေ့မှာရေနှစ်ထားခဲ့နှစ်ညသုံးညလောက်ထားပြီး
ပဲစင်းငုံရိုးစည်းကိုအသာပြန်ဆယ်၊ရေစပ်ရောက်တော့ကုန်းပေါ်ကိုမတင်လိုက်ရင်အထဲဝင်အောင်းနေ
တဲ့ငါးမြွေထိုးတွေထွက်ထွက်လာလာတာများနှစ်စည်းလောက်ဆိုဟင်းတစ်ခါစားတော့အသာလေးပေါ့။

ရွာမှာတုန်းကတော့ရွာဓလေ့ရွာ့သဘာဝတွေနဲ့ငရဲဆိုလည်းသတိမထားဝမ်းစာရေးအဆင်ပြေဖို့သာတွေး
ပြီးလုပ်ခဲ့ရတာတွေလည်းအခုသတိတရားထားတတ်လာတဲ့အခါပြုပြုသမျှကုသိုလ်များနဲ့သင်ပုန်းကျေတန်
ကောင်းပါရဲ့။တကယ်ပါပြောရမယ်ဆိုအညာမှာကနွေဆိုလည်းနွေမို့၊ဆောင်းဆိုလည်းဆောင်းမို့၊မိုးရောက်
ပြန်တော့မိုးရာသီမို့သူ့အချိန်နဲ့အခါလိုက်လျောညီစွာပျော်ရွှင်စရာကောင်းပါတယ်။

ညညဆိုရွာအနောက်ဘက်ကတောင်ရိုးတွေဆီမှာတောမီးတွေများလောင်ပြီဆိုအဝေးကကြည့်ရင်
သီတင်းကျွတ်လပြည့်ရွာလယ်လမ်းမကြီးကနေဘုန်းကြီးကျောင်းကိုမီးကြာသွင်းသည့်အလားကြည့်
လို့ကောင်းလိုက်တာ။ကြက်ဦးတွန်မှထန်းလျက်ကျိုအိုးဆီကထန်းလျက်ကျခါနီးထွက်ထွက်လာတဲ့
ထန်းလျက်နံ့မွှေးမွှေးကိုလည်းလွမ်းမိတယ်။

မန်းကျည်းသီးမှည့်တွေဆွတ်ပြီးချိန်မန်ကျည်းသီးတစ်ပိသာတစ်ကျပ်ခွဲနှစ်ကျပ်နဲ့တစ်နေ့ကိုအချိန်
တစ်ဆယ်ဆယ့်ငါးပိသာပြီးအောင်ထုပြီးမုန့်ဖိုးစုခဲ့တာလည်းလွမ်းမိရဲ့။မန်ကျည်းရွက်တွေပြန်
တော့မန်ကျည်းရွက်ဟင်းနေတိုင်းစားခဲ့ရတာကိုလည်းမမေ့ပါဘူး။ထန်းသီးနဲ့မန်ကျည်းရွက်နုကို
ဆီမပါရေလည်ချက်လေးနဲ့ငရုတ်နောက်ကျသီးလေးတွေကိုကြက်သွန်ဖြူ ဆားရောထောင်းစားရတဲ့
အရသာကိုတော့အလွမ်းတကာ့အလွမ်းဆုံးပေါ့။

တပေါင်းလညနေချမ်းဆိုရွာချောင်းမှာရေထမ်းရတာလည်းပျော်ဖို့တစ်မျိုးကောင်းတာပါပဲ။ချွေးတချွဲချွဲ
နဲ့ရေထမ်းရင်းသူငယ်ချင်းတစ်တွေစကားတွေဖောင်ဖွဲ့ခဲ့ကြတာကိုလည်းမမေ့သေးပါဘူး။
ရွာချောင်းထိပ်ကအစောဆုံးနုတဲ့တမာပင်ကြီးပေါ်ရေပုံးထမ်းချပြီးတမာရွက်နုတွေတက်ခူးရတာကို
လည်းမျက်စေ့ထဲမှာမြင်ယောင်မိတယ်။

ထိုင်းမှာအလုပ်လုပ်တဲ့ငယ်သူငယ်ချင်းနဲ့အင်တာနက်ပေါ်မှာပြန်တွေ့လိုဒီအကြောင်းတွေကိုသူနဲ့
ပြန်ပြောဖြစ်ကြတယ်။သူကလည်းမကြာခင်မှာရွာကိုပြန်တော့မည့်အကြောင်းမင်းပြန်လာရင်
ရွာကိုလာလည်ရင်းအရင်ကလိုတောလည်ငါးဖမ်းလုပ်ကြသေးတာပေါ့ကွာဆိုပြီးအဖော်ညှိသွား
သေးတယ်။သူနဲ့ပြန်အဆက်အသွယ်ရတာကပဲအလွမ်းဖြေစရာတစ်ခုမို့ဝမ်းသာမိတယ်။ဖုန်းနဲ့
လိုင်းပေါ်တက်လာရင်စကားတွေပြောလို့မပြီးနိုင်ဘူး။သူကလည်းရွာမှာဖြစ်နေတဲ့အကြောင်း
တွေကိုအားတက်သရောပြောပြောပြ၊ဓာတ်ပုံတွေရိုက်ပို့၊ဒီကမရိုးမရွနဲ့ချက်ချင်းထပြန်ချင်စိတ်ကို
မနည်းထိန်းနေရတယ်။တနေ့ကပဲဇာတ်ပွဲကြော်ငြာပိုစတာပုံကိုဖေ့စ်ဘွတ်ကနေပို့လိုက်သေးတယ်။
ရွာကျောင်းမုဒ်ဦးအလှူ အောင်ပွဲမှာဇာတ်ပွဲပါတယ်ကွတဲ့။အေးကွာငါကတော့ဇာတ်ပွဲထက်ပွဲဈေး
တန်းမှာအကြော်စားရတာကိုပိုသတိရတယ်လို့၊ပွဲဈေးမှာရောင်းတဲ့ဘယာကြော်တို့၊ဗူးသီးကြော်တို့
ဆိုတာတကယ့်စားလို့ကောင်းတာဗျ။ကိုယ့်လယ်ထွက်ကုလားပဲစစ်စစ်ကိုအခြမ်းခွဲရေစိမ်ကြိတ်ပြီး
ဘယာကြော်ကြော်ရောင်းတာ၊ပဲမှုန့်စစ်စစ်နဲ့လုပ်တဲ့တို့ဟူးသုပ်နဲ့အသုပ်စုံတွေကပွဲဈေးမှာဆို
လက်မလည်အောင်ရောင်းရတဲ့ဆိုင်တွေပေါ့ဗျာ။

ကျုပ်ကစာတစ်စောင်ပေတစ်ဖွဲ့နဲ့လွမ်းချင်းတွေရေးကောင်းနေချိန်မှာရွာကသူငယ်ချင်းတွေကတော့
ဇာတ်ပွဲမှာပျော်ဖို့ပြင်လို့ဆင်လို့နေကြမှာမြင်ယောင်မိသေးတယ်ဗျာ။ပြန်ရောက်ရင်တော့တစ်လ
လောက်ရွာမှာအေးအေးဆေးဆေးသွားပြီးအနားယူရင်းငယ်ငယ်ကသွားခဲ့တဲ့နေရာတွေကို
အရောက်သွားပြီးအညာသားဘ၀ရဲ့အရသာကိုတ၀ကြီးခံစားချင်သေးတယ်။

အားလုံးကျန်းမာချမ်းသာကြပါစေဗျာ။စာမရေးတာကြာလို့အလွမ်းတွေတသီကြီးနဲ့တပေါင်းလရဲ့
အညာကလွမ်းစရာတွေကိုပြန်မြင်ယောင်ရင်းရေးလိုက်တာပါ။

အစဉ်လေးစားမှုဖြင့်

ရွှေညာသားလေး