အညာဒေသလယ်ယာတောအခေါ်အဝေါ်

Photo credit google images

ဒီရက်တွေအတွင်းစိတ်ကရွာကိုခဏခဏပြန်ရောက်နေတယ်။ရာသီဥတုကလွမ်းအောင်ဖန်တယ်
ဆိုရအောင်လည်းဒီမှာကအအေးမကုန်သေးဘူး၊မြန်မာပြည်မှာကသစ်ရွက်ကြွေလို့နွေဦးတောင်
ရောက်နေပြီလေ။အညာကနွေရာသီရှု့ခင်းတွေကိုမြင်ယောင်ရင်းဝေမျှစရာအညာကအခေါ်အဝေါ်
အသုံးအနှုန်းလေးတွေခေါင်းထဲရောက်လာရင်သိသမျှဗဟုသုတအဖြစ်ဒီပို့စ်ကိုအလွမ်းပြေရေးလိုက်
ပါတယ်။

လူနာမည်တွေကိုတော့မပြောပြတော့ပါဘူးဗျာ။လယ်တောယာတောကိုတောဓလေ့ခေါ်ဝေါ်ကြတာ
ကိုပဲပြောပြမယ်။အရင်ဆုံးကျုပ်အဖိုးအဖွားတွေပိုင်တဲ့လယ်တောတွေရဲ့အခေါ်အဝေါ်လေးတွေနဲ့စ
ကြည့်ရအောင်ဗျာ။ကျုပ်အဖိုးအဖွားကယာတောမှာတဲနဲ့နေလာတာဆိုတော့အဘတို့တဲ့ကိုသွားမယ်
ဆိုချောင်းတစ်ချောင်းကူးရတယ်။အဲ့ဒီချောင်းကရွာအရှေ့ဘက်မှာရှိပြီးအဘတို့တဲကချောင်းတဘက်
ကမ်းမှာဆိုတော့ချောင်းအရှေ့လို့ခေါ်ကြတယ်။နောက်တစ်ခုကဂွေးကုန်း(အညာဂွေးသီးပင်ပေါလို့)
လို့လည်းခေါ်ကြပြန်တယ်။အဘတို့ပိုင်တဲ့လယ်တွေကရိုးတန်းတစ်လျှောက်အထက်ကနေရိုးအောက်
ဆုံးအထိရှိတာဆိုတော့တစ်ကွက်ချင်းအလိုက်နာမည်တွေပေးထားတာကစိတ်ဝင်စားစရာကောင်း
ပါတယ်။

Photo credit google images

ရိုးရဲ့အထက်ပိုင်းကလယ်ကိုတော့အထက်ဆုံးပိုင်းမှာရှိတော့"အထက်လယ်"တဲ့ဗျ။ပျိုးအမြဲထောင်တဲ့
လယ်ကွက်ကို"ပျိုးခင်းကန့်"လို့ခေါ်တယ်။လယ်ကန်သင်းမှာထောက်ရှာပင်ကြီးရှိခဲ့တာကိုအစွဲပြုပြီး
"ထောက်ရှာပင်ကန့်"တဲ့။ရိုးအလယ်ပိုင်းမှာရှိပြီးမိုးရွာလို့ရိုးရေပေါက်ရင်အဲ့ဒီအလယ်ပိုင်းကိုကွေ့ပြီး
မှအောက်ကိုဆက်ဆင်းလို့"ရေလယ်ကွေ့"ဆိုပြီးနာမည်ပေးထားတယ်။အဲ့ဒီကတဆင့်ရိုးအောက်ဆုံး
အပိုင်းကိုရောက်လာတဲ့လယ်ကွက်ကိုတော့"အောက်ပိုင်းကြီး"ဆိုပြီးခေါ်တယ်။

အဘတို့တဲရှိတဲ့နေရာကိုရွာကလူတွေအများစုက"ချောင်းအရှေ့"လို့ပဲခေါ်ကြတယ်။လမ်းမှာတွေ့လို့
ဘယ်ကပြန်ခဲ့လဲမေးရင်"ချောင်းအရှေ့"ကလို့ဖြေလိုက်တာနဲ့အဘတို့တဲကပြန်လာမှန်းသိတယ်။

ရွာဘက်ကလယ်တွေကိုနာမည်ပေးထားတာကလည်းစိတ်ဝင်စားဖို့ကောင်းတယ်ဗျ။အုတ်ဖုတ်တဲ့
နေရာကိုအစွဲပြုပြီး"အုတ်ဖုတ်လယ်"လို့ခေါ်သလို၊အဲ့ဒီလယ်နားမှာရှိတဲ့မန်ကျည်းပင်ကိုကျတော့
"အုတ်ဖုတ်လယ်မန်ကျည်းပင်"လို့ခေါ်တယ်။ကန်ရဲ့အထက်ဖျားပိုင်းမှာရှိတော့"ကန်ဖျား"တဲ့၊
ကန်အထက်ပိုင်းမရောက်ဘဲဘေးမှာစွယ်နေတဲ့လယ်ကိုကျပြန်တော့"ကန်စွယ်လယ်"ဆိုပြီး
ခေါ်ကြတယ်။ကန်အောက်မှာရှိတော့"ကန့်အောက်လယ်"၊ပုံးမကျည်တင်ပြီးစိုက်ရတဲ့လယ်ကျပြန်
တော့"ပုံးမကျည်လယ်"လို့ခေါ်တယ်။

Photo credit google images

မြေကြီးအရောင်ကိုစွဲပြီးတော့"မြေနက်ပြင်"၊"မြေနီခင်ကုန်း"ဆိုပြီးနာမည်တွေပေးထားကြသေး
တယ်ဗျ။လယ်နီအနားမှာရှိတဲ့မန်ကျည်းပင်ကြီးကိုကျတော့"လယ်နီမန်ကျည်းပင်"ဖြစ်သွားပြန်ရော။
တကယ်တော့လယ်နီလို့သာပြောတာမြေကြီးကအနက်ရောင်ရှိတာပါ။လယ်နီမန်ကျည်းပင်ကြီးက
အရိပ်ကောင်းတော့ငါးခြောက်ကြော်ကျွေးတဲ့အလှူဆိုရင်အဲ့ဒီမန်ကျည်းပင်အောက်မှာကြက်သွန်လှီး
ငါးခြောက်ကြော်ကြသလိုကြက်သွန်မြိတ်ဖြတ်၊မန်ကျည်းစေ့လှော်စတဲ့အလုပ်တွေဆိုလယ်နီမန်ကျည်း
ပင်အောက်မှာပဲလုပ်ကြတယ်။တစ်ယောက်ကိုတစ်ယောက်အချိန်းအချက်လုပ်ရင်လည်း
လယ်နီမန်ကျည်းပင်ကြီးကမလွတ်ပါဘူး။

သရက်ပင်သုံးပင်တန်းနားမှာရှိတဲ့လယ်ကိုတော့"သုံးပင်တန်း"တဲ့။ထန်းပင်မရှိပေမဲ့"ထန်းပင်ကုန်း"
လို့ခေါ်တဲ့လယ်ရှိသလို၊နဘဲပင်မရှိတဲ့ယာကို"နဘဲပင်ကွက်"လို့ခေါ်ကြပြန်သေးတယ်ဗျ။တကယ်တော့
နဘဲပင်ကွက်ခေါ်တဲ့ယာခင်းထဲမှာထန်းပင်သုံးပင်ရှိတာကိုမှတ်မိတယ်။ရွာမြောက်ဘက်မှာရှိတော့
"မြောက်ပါး"လို့ခေါ်သလို၊ဟင်းငုတ်ပင်ရှိရာအစွဲပြု ပြီး"ဟင်းငုတ်ပင်"လယ်ဆိုတာလည်းရှိသေးတယ်။
ရွာအရှေ့ဘက်မှာရှိတဲ့ယာတောကိုတော့"အရှေ့ပါး"လို့နာမည်ပေးထားပြန်တယ်။



ရေလှောင်ဆည်ရှိရာကိုအစွဲပြုပြီး"ဆည်ရိုး"လို့ခေါ်တယ်။ရိုးနှစ်ဆုံရာမှာရှိတဲ့လယ်ကျတော့"ရိုးခွ"တဲ့ဗျ။
ကျောက်ဖျာတွေပေါတဲ့နားကယာတောကိုကျတော့"ကျောက်ဖျာခင်း"၊ထနောင်းပင်ကြီးအနားမှာရှိတော့
"ထနောင်းပင်လယ်"အရီးမယ်ညိုလှည်းမှောက်ပြီးသေလို့၊သူ့ကိုမြှုပ်တဲ့နေရာကိုအစွဲပြုပြီး
"မယ်ညို့သင်္ချိုင်း"ဆိုတာလည်းရှိသေးပါတယ်။ရိုးနက်ကြီးနားမှာရှိတဲ့ယာတောကို"ရိုးနက်ကြီး"
လို့နာမည်ပေးထားသလို၊လက်ပံပင်ရှိတဲ့အိုင့်ကယာခင်းတွေကိုတော့"လက်ပံအိုင့်"တဲ့ဗျ။ဒီနေရာမှာ "အိုင့်"ဆိုတဲ့အသုံးပါတဲ့ယာတောနာမည်တွေတော်တော်များတယ်။"ချောင်းအိုင့်" "ဂွေးပင်အိုင့်"၊ "ညောင်ပင်အိုင့်"၊ "သနပ်ပင်အိုင့်"၊ "ဥသျှစ်ပင်အိုင့်"၊ "နပူးအိုင့်"(နဘူးပင်)စသဖြင့်ခေါ်ကြတယ်။
ကျုပ်နားလည်သလောက်အဲ့ဒီလိုအိုင့်ထည့်ပြီးခေါ်တဲ့ယာတောတော်တော်များများဟာချောင်းဘေးတွေ
မှာရှိကြပါတယ်။တချို့ကချောင်းနားနီးနီးရှိသလို၊တချို့ကချောင်းထဲဘက်ကိုတော်တော်ဝင်နေပြီး
ချောင်းရေကကွေ့ဝိုက်စီးဆင်းသွားပါတယ်။လူနာမည်ကိုအစွဲပြုပြီးဦးသန်းဖေပိုင်တဲ့ယာခင်းအိုင့်ဆို
"သန်းဖေအိုင့်"ဆိုပြီးခေါ်ကြသေးတယ်။ကြီးစိန်ကျော်လယ်တောကအစပြုစီးဆင်းလာတဲ့ရိုးကိုကျတော့
"ရှင်စိန်ကျော့်ရိုး"ဆိုပြီးနာမည်ပေးတယ်။

အလျားရှည်တဲ့လယ်ကို"လယ်ယား"၊သဲဆပ်ပြာပေါက်တဲ့နေရာနဲ့နီးတဲ့လယ်ကို"ဆပ်ပြာကျင်း"(ဆပ်ပရှင်း)ဆိုပြီးခေါ်ကြတယ်။ဒါ့အပြင်ဗွက်လယ်၊မိုးညိုပေါက်၊လယ်တိမ်၊ရေငန်ရိုး၊ထွန်းလွန်းပေါက်၊
ကြတ်လယ်ဆိုပြီးသူ့နာမည်နဲ့သူအခေါ်အဝေါ်တွေရှိတော့ပျိုးနှုတ်ကောက်စိုက်ခေါ်တယ်ဆိုရင်လယ်နာ
မည်ပြောလိုက်တာနဲ့အဖော်မလိုဘဲသွားတတ်တယ်။ရေသွင်းမြောင်းဝမှာရှိလို့"မြောင်းဝလယ်"လို့ခေါ်
တာလည်းရှိပါသေးတယ်။ကျောက်ခဲတွေပေါတဲ့ရွာမြောက်ဘက်ကုန်းပေါ်ကယာတောကိုတော့
"ကျောက်တန်း"ဆိုပြီးခေါ်ကြပါတယ်။အသံထွက်တတ်ပေမဲ့စာလုံးအမှန်ပေါင်းဖို့ခက်တဲ့တခြားနာမည်
တွေလည်းရှိပါသေးတယ်။ဒီလောက်ဆိုရင်အညာကအခေါ်အဝေါ်တွေကိုဗဟုသုတအနည်းငယ်ရသွား
မယ်ထင်ပါတယ်။နောက်မှတောင်ရိုးတွေရဲ့နာမည်တွေကိုသိသလောက်မျှဝေပါအုံးမယ်ဗျာ။

အားလုံးကိုယ်စိတ်နှစ်ဖြာကျန်းမာချမ်းသာကြပါစေ။

အားပေးမှုကိုလေးစားလျက်

ရွှေညာသားလေး