ငါလည်းတစ်ယောက်ထဲ...နင်ကဘာပန်းလဲ

အမည်မသိလိမ္မော်ရောင်ပန်းလေးများ

တိုကျိုမြို့ကိုရောက်ပြီးနှစ်ရက်အကြာခဏတာနေထိုင်ရမည့်International house ကိုရောက်ရောက်ချင်း ရလိုက်တဲ့သင်းပျံ့ပျံ့ရနံကြောင့်ပတ်ဝန်းကျင်ကိုအကဲခတ်ကြည့်တော့အဆောင်ရှေ့မှာလိမ္မော်ရောင်
အပွင့်သေးသေးလေးတွေပွင့်နေတဲ့အပင်သုံးပင်တွေ့ရတယ်။ဘာပင်ပန်းတော့မသိပါဘူးရောက်ရောက်ချင်း
သင်းပျံ့တဲ့ပန်းရနံ့ဆီးကြိုလို့သဘောကျမိတာတော့အမှန်ပါပဲ။ကံကောင်းချင်တော့ကျနော်နေရတဲ့သုံးလွှာက
အခန်းရှေ့တည့်တည့်မှာရှိတဲ့အပင်ရဲ့ထိပ်ဖျားပိုင်းတွေကအခန်းရှေ့ဝရံတာကနေကြည့်ရင်အတိုင်းသားမြင်
နေရတယ်။

ဒီအပင်ရဲ့အပေါ်တည့်တည့်ကကျနော့်နေတဲ့အခန်းပါ

ပန်းပွင့်နေတဲ့အချိန်ဆိုတော့ပန်းရနံ့ကလေသင့်တိုင်းမွှေးနေတာပါပဲ။အခန်းတံခါးဖွင့်ထားရင်လေနဲ့အတူအခန်း
ထဲအထိရောက်လာတယ်။ဒါပေမဲ့မကြာပါဘူးသင်းပျံ့တဲ့မွှေးရနံ့တွေပေးပြီးလိမ္မော်ရောင်ပန်းပွင့်လေးတွေ
သုံးလေးရက်အကြာမှာပင်ယံထက်မှပျောက်ကွယ်သွားကြတယ်။ပတ်ဝန်းကျင်အခန်းတွေကိုစူးစမ်းကြည့်တော့
လည်းလူရိပ်လူယောင်မတွေ့ရဘူး။တိတ်ဆိတ်ခြင်းကိုနှစ်သက်တဲ့ကျနော့်အတွက်အဆင်ပြေလှပြီလို့တွေးမိ
တယ်။

 အမည်မသိရနံ့မွှေးတဲ့ပန်းပင်

ဒါပေမဲ့အရမ်းတိတ်ဆိတ်လွန်းတော့လည်းကိုယ့်အသက်ရှုသံကပင်ကိုယ့်ကိုပြန်ပြီးခြောက်လှန့်နေသလိုခံစားရ
တယ်။အဆောင်ကကျောင်းကိုနိုင်ငံတကမှကာလတိုသုသေတနလာလုပ်တဲ့Researcherတွေအတွက်သီးသန့်
စီစဉ်ထားတဲ့နေရာဖြစ်တာကြောင့်လူကရှင်းနေတယ်။ရှိတဲ့အခန်းတွေကျတော့လည်းကျောင်းသွားတဲ့သူနဲ့
သူတို့ပြန်လာချိန်ကိုယ်ကမတွေ့ကိုယ်ရှိတဲ့အချိန်သူတို့ကအပြင်မထွက်ဆိုတော့တစ်ယောက်ထဲကတစ်ယောက်
ထဲပါပဲလေ။

အခန်းရှေ့ဘယ်ဘက်ခြမ်းမှမြင်ရတဲ့အဆောင်တစ်ဖက်ခြမ်း

ကျောင်းသွားချိန်ကျောင်းမှာLabကသူငယ်ချင်းတွေနဲ့တွေ့ရတာကလွဲပြီးကျန်တဲ့အချိန်ကတော့အဆောင်မှာ
တစ်ယောက်ထဲပါပဲ။ကျောင်းကနေအဆောင်ပြန်ရောက်ရင်ဂျပန်ဘာသာစကားနဲ့လွှင့်တဲ့တီဗွီchennalတွေ
ကိုကြည့်လိုက်၊ညစာအတွက်ချက်ပြုတ်လိုက်၊မအိပ်ခင်စာကြည့်၊ဘုရားရှိခိုး၊တရားနာနဲ့အထီးကျန်တာတွေ
ကိုဖြေဖျောက်ရင်းအမည်အသိတဲ့ပန်းပင်တွေရှိတဲ့အဆောင်မှာအညာသားတစ်ယောက်ခဏတာနေထိုင်ရင်း
ဘ၀တိုးတက်ရာတိုးတက်ကြောင်းအတွက်ဆက်လက်လျှောက်လှမ်းနေပါတယ်။

အခန်းနောက်ဘက်မှမြင်ရတဲ့သစ်ပင်တွေ

အချိန်ကိုတန်ဖိုးထားပြီးအလုပ်လုပ်တဲ့တိုင်းပြည်ဖြစ်တာကြောင့်ပဲလားမပြောတတ်ဘူးစားပွဲပေါ်မှာမြင်နေရ
တဲ့နာရီစိတ်ထဲမှာမြန်နေသလိုခံစားရတယ်။အရင်ကလည်းအချိန်ကိုတော့ဂရုစိုက်တာပါပဲ။ဒါပေမဲ့ဒီမှာတော့
ကြည့်ရင်းနဲ့ကိုကုန်ကုန်သွားတာမြန်လိုက်တာ။မနက်ကျောင်းသွား၊ညနေကျောင်းပြန်အခန်းကိုရောက်လို့
ချက်ပြုတ်စားသောက်ပြီးတာနဲ့နာရီကြည့်လိုက်ရင်ကိုးနာရီထိုးပြီ။

အခန်းရှေ့မှမြင်ရတဲ့အဆောင်တစ်ဖက်ခြမ်း

အိပ်ပြန်တော့လည်းအေးစပြုနေတဲ့ဂျပန်နိုင်ငံရဲ့ရာသီဥတုမှာကွေးလို့ကောင်းတုန်းနှိုးစက်ကထမြည်လို့
မျက်လုံးဖွင့်တာနဲ့အလင်းရောင်ကအခန်းထဲကိုရောက်နေပြီ။စောစောအိပ်စောစောထတဲ့အကျင့်ကိုပြန်
ပြီးကျင့်ယူရတော့မယ်။အိပ်လို့ကွေးလို့ကောင်းသော်လည်းနေဖင်ထိုးအောင်ကွေးဖို့ကံဇာတာပါမလာလို့
မထချင်ဘဲကြိတ်မှိတ်ထကိစ္စ၀ိစ္စအကုန်လုပ်ထမင်းအိုးတည်၊အမြန်ဆုံးဖြစ်မည့်ဟင်းကိုရွေးချက်ဘုရား
ဆွမ်းကပ်၊ဘုရားရှိခိုး၊နံနက်စာစားသောက်ပြီးကျောင်းကိုထွက်ကျောင်းရောက်ရင်ကိုးနာရီထိုးသွားပြန်ပြီ။

အဆောင်အ၀င်လှေကားတစ်နေရာ

အချိန်ကတော့သူ့ဘာသာပုံမှန်သွားနေတာပါပဲ။ဂရုမပြုမိတဲ့အခါတုန်းကမထူးဆန်းသလိုနဲ့တကယ်သတိပြု
မိတော့မှအကုန်မြန်တယ်လို့ထင်နေတာ။ကျောင်းပိတ်ရက်အခန်းထဲမှာနေရင်းငြီးငွေ့လာလို့ရောက်တတ်
ရာရာတွေးရင်းဒီပို့စ်ကိုတင်လိုက်တာပါ။အပင်နာမည်သိရင်ပြောခဲ့ပါအုံးဗျာ....။

 International house office

 ဒီပန်းလေးတွေကတော့သိပ်ပြီးမမွှေးဘူး..မျက်လုံးထဲမှာသဘောကျလို့ :)

အားလုံးကိုယ်စိတ်နှစ်ဖြာကျန်းမာချမ်းသာပြီးကောင်းကျိုးလိုရာဆန္ဒပြည့်ဝကြပါစေ။

အားပေးမှုကိုကျေးဇူးတင်လျက်

ရွှေညာသားလေး