တို့ဟူးသုပ်နဲ့တို့ဟူးကြော်

တို့ဟူးတွေပဲထပ်နေပြီလားမသိဘူးဗျ...လောလောလတ်လတ်လုပ်စားဖြစ်တဲ့အစားအစာမို့ပုံလေးတွေ
ကျန်တာကိုထပ်တင်ပေးလိုက်ပါတယ်။မျက်စေ့နောက်သွားရင်သည်းခံပါလို့...:)

ဒီတစ်ခါတို့ဟူးတော်တော်လေးမာပါတယ်။သုပ်စားဖို့လှီးတာမနည်းလှီးယူရတယ်။ရွာမှာလာရောင်းတဲ့
တို့ဟူးသုပ်သည်တွေဆီကနည်းနည်းပျော့တော့လှီးရတာလွယ်တယ်။သူတို့လှီးနေတာမြင်ရင်ဘေးကကြည့်
ရင်းလှီးပေးချင်တာလက်ကိုရွနေတာပဲ။အိမ်မှာတို့ဟူးလုပ်စားရင်တော့တို့ဟူးလှီးတဲ့တာဝန်ယူထားလိုက်တာ
ပဲ။တို့ဟူးသုပ်အတွက်ကြက်သွန်ဖြူနနွင်းဆီချက်၊ငံပြာရည်၊မန်ကျည်းသီးမှည့်အနှစ်အရည်မပျစ်မကျဲနဲ့
ဟင်းချိုမှုန့်အနည်းငယ်လိုပါတယ်။အစပ်ကြိုက်ရင်တော့ငရုတ်သီးလှော်မှုန့်လေးဖြူးပြီးသုပ်ပေါ့ဗျာ။

 ကျနော်ကတော့တို့ဟူးသုပ်ဆိုရင်နံနံပင်အနံ့လေးပါတာကိုပိုကြိုက်တယ်။အခုတောနံနံပင်မရှိလို့အစိမ်းလေး
ပါအောင်ကြက်သွန်မြိတ်နဲ့မန်ကျည်းသီးချဉ်ရည်၊ငံပြာရည်၊ကြက်သွန်ဖြူဆီချက်နဲ့ပဲသုပ်စားလိုက်ပါတယ်။

 သုပ်စားပြီးကျန်တဲတ၀က်ကိုနောက်နေ့မနက်မှာကြော်စားပါတယ်။တို့ဟူးကမာတော့ကြော်ရတာအဆင်
ပြေပြေပါပဲ။

 ဒီအကြော်ကတော့တို့ဟူးကျိုတုန်းကဒယ်အိုးမှာကပ်ကျန်တဲ့ချိုး (ဂျိုး)တွေကိုကြော်ထားတာပါ။
ကျိုတဲ့ညတုန်းကအိုးကပ်ကိုချက်ချင်းမခြစ်လိုက်တော့နောက်နေ့မနက်မှာဒယ်အိုးထဲမှာအချပ်လိုက်ကွာကျ
နေတာတွေ့လို့အသာကောက်ပြီးတို့ဟူးအစိုမကြော်ခင်ထည့်ကြော်လိုက်တာ၊တို့ဟူးခြောက်ကြော်ဖြစ်သွား
ပါတယ်။ပဲမှုန့်စစ်စစ်လေးဆိုတော့စားရတာမွှေးနေတာပဲအရသာရှိတယ်။တို့ဟူးဂျိုးကမဟုတ်ရင်နှမြောဖို့
အရမ်းကောင်းတာ။ဒန်အိုးနဲ့ကျိုရင်အိုးဖင်တစ်ခုလုံးကပ်နေတာဒီအတိုင်းမကွာဘူး။ရေစိမ်ထားပြီးဇွန်းနဲ့ခြစ်
ခွာမှအဆင်ပြေတယ်။ရေစိမ်ပြီးသားကျတော့စားရတာပေါ့သွားလို့ဝက်စာအိုးထဲရောက်ရော။အခုလိုမကပ်
တဲ့ဒယ်နဲ့ဆိုတော့လွှင့်ပစ်စရာမလိုတော့ဘူးလေ။တစ်ခါတည်းနှစ်မျိုးစားရတာပေါ့ဗျာ။“လိုလျှင်ကြံဆနည်း
လမ်းရ”ဆိုတာလိုပေါ့ :)

အရွက်စိမ်းစိမ်းကနာမည်တော့မသိဘူး..ဂျပန်တွေအသုပ်ထဲမှာအမြဲတမ်းပါလို့ဝယ်စားကြည့်တာခံတွင်း

တွေ့သွားပြီးဝယ်ထားတာရှိတာနဲ့အချဉ်ရည်ခွက်ထဲစိုက်လိုက်တာပါ။တို့ဟူးကြော်နဲ့အချဉ်နဲ့ရေနွေးကြမ်းနဲ့

နေ့လယ်ခင်းစာဖတ်ရင်းအတော်အဆင်ပြေသွားတယ်။

ကဲဒီလောက်ဆိုရင်တော့အညာသားရဲ့တို့ဟူးသံသရာပြတ်လောက်ပါပြီဗျာ...ကျိုနည်းကနေစားသုံးနည်း

အထိပါပြောပြပေးထားတာမို့အလွယ်တကူလုပ်စားနိုင်မယ်လို့မျှော်လင့်ပါတယ်။ရွာမှာတော့တချို့အမေကြီး

တွေကတို့ဟူးကို(ရှင်စော်ကား)ဆိုပြီးခေါ်ကြတယ်။ဘာလို့အဲ့လိုခေါ်သလဲဆိုတာကို တော့မမေးမိပါဘူး။ ရွာပြန်ရောက်ရင်မေးကြည့်အုံးမယ်။ ပုံလေးတွေနဲ့ပဲနှိပ်စက်နေရတာကြာတော့လည်းအားနာလှပြီဗျ။ အပြင်မှာဆုံနိုင်ရင်တော့တကယ်ချက်ပြုတ်ပြီးပြုစုချင်ပါတယ်ဗျာ။တကယ်ပြောတာပါ...။

အညာသားမြန်မာပြည်ပြန်ရောက်ရင်ကျောင်းတဖက်နဲ့ထမင်းဆိုင်ဖွင့်ချင်စိတ်တွေတဖွားဖွားဖြစ်နေတယ်။

အဆင်ပြေရင်တော့ရန်ကုန်လိုနေရာမျိုးမှာသပ်သပ်ရပ်ရပ်၊သန့်သန့်ရှင်းရှင်းနဲ့ကျန်းမာရေးနဲ့ညီညွတ်ပြီး

လူတိုင်းစားနိုင်တဲ့အညာထမင်းဟင်းသီးသန့်ဆိုင်လေးတစ်ဆိုင်ဖွင့်ချင်တဲ့စိတ်ကူးတော့ခဏခဏဖြစ်နေ

မိတယ်။လေ့လာနေတာကသိပ္ပံပညာရပ်တွေနဲ့လုပ်ချင်တဲ့စိတ်ကူးကပြဒါတစ်လမ်းသံတစ်လမ်းများဖြစ်နေ

လားမသိပါဘူး။တတ်နိုင်ဘူးလေသင်ထားသမျှပညာတွေကအသုံးချနိုင်အောင်ရွှေပြည်ကြီးမှာအခွင့်အလမ်း

ပေါ်ပေါက်ပါအုံးမှလေ။

လေတွေရှည်နေတာမဆိုင်တာတွေရောဆိုင်တာတွေရောရောက်ကုန်ပြီဗျ။တို့ဟူးကြော်နဲ့ရေနွေးတိုက်ပြီး

စကားဝိုင်းဖွဲ့တယ်လို့ပဲသဘောထားပါဗျာ။အားပေးကြတဲ့အတွက်အားလုံးကိုကျေးဇူးအထူးတင်ပါတယ်။

အားလုံးသောကျနော့်မိတ်ဆွေညီအစ်ကိုမောင်နှမတွေကိုယ်စိတ်နှစ်ဖြာကျန်းမာချမ်းသာကြပါစေလို့

ကျနော်မေတ္တာပို့သအပ်ပါတယ်။

လေးစားမြှု့ဖင့်

ရွှေညာသားလေး