မိုးတွေကစွေ...ဆန်ကမရှိ

ဖေ့စ်ဘွတ်မှာတွေ့တဲ့ပုံလေးကိုသဘောကျလို့သိမ်းထားတာလေးပါ..ဘယ်သူ့ဝေါကလဲဆိုတာမမှတ်မိတော့ပါဘူး..။

ပင်လယ်ပြင်မှာမုန်တိုင်းရှိလို့မိုးစွေနေတာနှစ်ရက်ပြည့်တော့ပါမည်။ကျောင်းလည်းပိတ်ထားတော့အိမ်

မှာပဲရှိတာလေးတွေချက်ပြုတ်စားသောက်ရင်းစာလေးကြည့်လိုက်၊အင်တာနက်ကနေမုန်တိုင်းသတင်း

နားစွင့်လိုက်၊အိပ်ယာထဲကွေးရင်းအိမ်အကြောင်းစဉ်းစားလိုက်နဲ့အလုပ်ဖြစ်နေပါတယ်။အိမ်အကြောင်း

စဉ်းစားမိတော့ငယ်ငယ်တုန်းကဖြတ်သန်းခဲ့ရတဲ့မိုးတွေစွေတဲ့အချိန်ကိုပြန်လည်သတိရမိတယ်။

အညာမှာကမိုးရာသီဆိုရင်မိုးဦး၊မိုးလယ်၊မိုးနှောင်းဆိုပြီးသုံးပိုင်းရှိတာကိုး။မိုးဦးကောင်းရင်သီးနှံပင်တွေ

စောစောစိုက်ပျိုးနိုင်ပေမဲ့မိုးလယ်မကောင်းရင်စိုက်ပျိုးထားသမျှအပင်လေးတွေနွမ်းလိမ်ပြီးတော့သေကုန်

ရင်မျိုးပါဆုံးတတ်ရော။ထို့အတူမိုးနှောင်းကောင်းပြန်ရင်လည်းသီးနှံရိတ်သိမ်းချိန်မှာမိုးတွေရွာလို့အချိန်မှီ

မရိတ်သိမ်းရရင်သီးနှံတွေပျက်စီးရပြန်တယ်။ဒါကြောင့်အညာကတောင်သူတို့လက်သုံးစကားကမိုးဦး၊

မိုးလယ်၊မိုးနှောင်းသုံးပိုင်းလုံးညီပါမှအသီးအနှံဖြစ်ထွန်းအောင်မြင်တယ်လို့ဆိုပါတယ်။

အခုနောက်ပိုင်းဖောက်လွဲဖောက်ပြန်ဖြစ်နေတဲ့ရာသီဥတုကြောင့်မိုးဦးနောက်ကျသလို၊မိုးလယ်လည်း

မကောင်း၊မိုးနှောင်းမှာလာကောင်းနေတဲ့အဖြစ်မျိုးကြုံနေရတာအတော်ကြာခဲ့ပါပြီ။မိုးဦး၊မိုးလယ်မရွာ

ဘဲမိုးနှောင်းမှာလာကောင်းနေရင်လည်းအလုပ်မဖြစ်ပြန်ပါဘူး။ဘာလို့လဲဆိုတော့အသီးအနှံပင်ကမရှိ

တော့ဘူးလေ။နောက်ပိုင်းသီးနှံလောက်ပဲအဆင်ပြေတော့မှာပေါ့။ဒါကြောင့်တောင်သူအများဆုံးတမ်းတ

ကြတာမိုးဦးနဲ့မိုးလယ်နှစ်ပိုင်းပါ။

မိုးလယ်ပိုင်းရောက်ရင်တော့ခုနစ်ရက်ခုနစ်လီစွေမိုးကပါလာတတ်ပါတယ်။မိုးကောင်းတဲ့နှစ်ဆိုရင်တော့

တော်သလင်းသီးတင်းကျွတ်လောက်ဆိုရင်မိုးစွေတတ်ပါတယ်။အဲ့လိုမိုးစွေတဲ့အချိန်ဆိုရင်အိမ်မှာစားဖို့

အလုံအလောက်ရှိတဲ့သူတွေအတွက်တော့ရှိတာလေးကော်ခတ်ပြီးချက်စားနေနိုင်ပေမဲ့စားစရာအလုံ

အလောက်သိုလှောင်မထားနိုင်တဲ့သူတွေအဖို့တော့စားရေးကခက်ခဲပါတယ်။ရွှေညာသားလေးတို့ကြုံ

ခဲ့ရတာမျိုးပေါ့။အိမ်မှာကလေးတွေကလည်းများမလုပ်နိုင်မကိုင်နိုင်ဘုစုခရုတွေဖြစ်တာကြောင့်မိုးကအေး

ရင်အစားကသိပ်ပြီးဆာတတ်တာလေ။အဲ့လိုအချိန်များထမင်းချက်ရပြီဆိုရင်အတော်စိတ်ပျက်ဖို့ကောင်း

တာ။ဆန်ရှိနေရင်တော့ပြဿနာမဟုတ်ဘူးပေါ့ဗျာ။ဆန်မရှိဘူးဆိုရင်မိုးစိုစိုမှာသူများအိမ်ကိုသွားပြီးဆန်

ကေခ်းရေသးတာ။

ကလေးတွေဆိုတာကတော့ကလေးအတွေးပဲလေ။မိုးရွာတာလည်းမမှု့ဘူး၊ဆန်မရှိတာလည်းမသိဘူး၊

အချိန်တန်လို့ဗိုက်ဆာရင်အမေ့ဗိုက်ဆာတယ်၊ထမင်းခူးပေးဆိုတာလောက်ပဲသိတာမို့အိမ်ရဲ့စားဖိုမှုး

အမေတစ်ယောက်သာအားလုံးအတွက်စီမံရရှာတာ။အဲ့ဒီအချိန်တုန်းကတော့ရွှေညာသားလေးလည်း

သုံးလေးတန်းရောက်နေပြီဆိုတော့ညီလေးတွေနဲ့စာရင်အိမ်အကြောင်းအနည်းငယ်သိတတ်နေခဲ့ပါပြီ။

အမေကဘယ်သူ့အိမ်တော့ဆန်တစ်ပြည်လောက်သွားချေးချည်အုံးဆိုရင်ပုဆိုးစုတ်လေးခေါင်းမှာဆောင်း

ပြီးပြည်တောင်းလေးပွေ့လို့မိုးစိုစိုထဲမှာသွားရပြီပေါ့။ရတဲ့အိမ်ရှိသလိုမရတဲ့အိမ်လည်းရှိခဲ့ပါတယ်။တစ်ခါလေ

တော့လည်းဆန်တစ်ပြည်ဖိုးမတန်အောင်အပြောအဆိုခံရတတ်ပါတယ်။တကယ်တော့ဆွေမျိုးသားချင်း

ဆိုတာလည်းအစစပြည့်စုံနေမှအမျိုးတော်ချင်တတ်ကြတာကများတယ်လေ။အဲ့လိုမျိုးအပြောအဆိုခံရပြီ

ဆိုရင်စိတ်ထဲမှာအမြဲတမ်းမှတ်ထားတတ်တယ်။နောင်တစ်ချိန်ကိုယ့်ဆီကသူတို့လိုအပ်လို့လာချေးငှားပြီ

ဆိုရင်သူတို့ပြောသလိုပြန်ပြီးပြောတတ်လို့အမေကကြားထဲကနေ၀င်ပြီးတားရတဲ့အထိရှိခဲ့ဖူးတယ်။

ဆန်ချေးလို့ရလာပြီဆိုရင်ရသလောက်ကိုတစ်နပ်ထဲအကုန်မချက်ရဘူး။တစ်ပြည်ဆိုရင်လေးဗူးလောက်

ချန်ထားပြီးပြောင်းဖူးကိုပါးပါးလှီးထားတာလေးကနို့ဆီလေးဗူးလောက်နဲ့ရောပြီးချက်ရတယ်။ကျန်တဲ့လေး

ဗူးကိုလည်းညနေစာအတွက်ပြောင်းဖူးလေးနဲ့ရောပြီးချက်စားခဲ့ရတယ်။ဒါကြောင့်နွေရာသီမှာပိုက်ဆံလေး

နည်းနည်းလက်ထဲမြင်ပြီဆိုရင်အမေ့ကိုမိုးတွင်းစာဆန်ဝယ်ပြီးစုထားဖို့ရွှေညာသားလေးအမြဲတမ်းပူဆာ

တယ်။သားတွေထဲမှာအလတ်နေရာကမို့ခိုင်းစရာရှိရင်အကြီးနဲ့အလတ်ကိုပဲခိုင်းတာများတော့သူများအိမ်

ဆန်သွားချေးရမှာကိုအကြောက်ဆုံးပါပဲ။အမေကလည်းမတတ်သာတဲ့အခါမှသာရွှေညာသားလေးတို့ကို

ခိုင်းတာပါ။အများအားဖြင့်ဆိုရင်သူကိုယ်တိုင်သွားတာကများပါတယ်။တခါတလေသွားရပေမဲ့ကလေးမို့

စတဲ့နောက်တဲ့သဘောမျိုးနဲ့ပြောလည်းကလေးပီပီမခံနိုင်ပါဘူး။အပြောခံရရင်စိတ်ထဲမှာစွဲနေအောင်မှတ်

ထားပြီးအခွင့်ကြုံရင်ထိထိမိမိပြန်ပြောတတ်ပါတယ်။

 ကလေးဘ၀တုန်းကဆိုမိုးရွာရင်ဗိုက်လည်းပိုပြီးဆာလောင်သလိုခံစားရပါတယ်။အခါတိုင်းစားမကောင်း

တဲ့ပြောင်းဖူးထမင်းကလည်းမိုးရွာရင်စားလို့ကိုမ၀သလိုခံစားရတယ်။ပြောင်းထမင်းဆိုလည်းဒီအတိုင်းပဲ။

အဲ့ဒီလိုမိုးတွေစွေတာတစ်ရက်ကနှစ်ရက်ကြာလာပြီဆိုရင်ကိုယ်လိုတန်းတူဘ၀တူမိသားစုတွေအတွက်

ဆန်ချေးရတာလည်းအိမ်စေ့လာတော့မရှိရှိတာကိုရှာကြံပြီးတော့စားရေးကိုဖန်တီးရပါတယ်။အမေ့မျက်

စေ့ကအိမ်မှာရှိတဲ့ကုလားပဲမျိုးစေ့အိတ်လေးနဲ့ထုတ်တန်းမှာချိတ်ထားတဲ့ပြောင်းဖူးမျိုးတွဲလေးတွေဆီကို

အကြည့်ရောက်လာခဲ့ပါတယ်။မျိုးကြဲဖို့အတွက်ချန်ထားတဲ့ကုလားပဲအိတ်လေးကိုဖွင့်တာမြင်ရပြီဆိုရင်

တော့အဲ့ဒီနေ့အတွက်ထမင်းနဲ့ဝေးရမှာအသေအချာပါပဲ။ပြောင်းဖူးမျိုးတွဲနှစ်တွဲလောက်ကိုထုတ်တန်း

ပေါ်မှချပြီးအစေ့ခြွေ၊ကုလားပဲနို့ဆီနှစ်ဗူးခန့်နဲ့ရောပြီးမီးဖိုမှာနှစ်ရေသုံးရေခန်းအောင်ပြုတ်ပါတော့တယ်။

ပြောင်းဖူးနဲ့ကုလားပဲစေ့ပြုတ်တာကျက်ပြီဆိုရင်တော့ပန်းကန်ထဲမှာထည့်ဆားဖြူးဆီပါလေကာမျှနဲ့ညီအစ်

ကိုတစ်တွေ ၀ိုင်းဖွဲ့ပြီးစားခဲ့ရပါတယ်။အစာအိမ်ရောဂါအခံရှိတဲ့အဖေ့အတွက်ကိုတော့ငရုတ်ဆုံမှာညက်

အောင်ထောင်းပေးပါတယ်။ရွှေညာသားလေးတို့ညီအစ်ကိုတစ်တွေကတော့အစေ့လိုက်ဝါးစားရတာကို

ပိုပြီးသဘောကျပါတယ်။ပြောင်းဖူးစေ့ကိုဝါးမိရင်ဖောက်စိဖောက်စိနဲ့တစ်မျိုးခံစားရတယ်။အဲ့ဒီလိုစားခဲ့ရတာ

ကိုမျက်စိထဲမှာမြင်ယောင်နေမိတယ်။အထူးသဖြင့်အခုလိုမိုးတွေစွေတတ်တဲ့အချိန်မျိုးမှာဆိုရင်ထဲမှာသိမ်း

ထားတဲ့ငယ်ငယ်ကကြုံတွေ့ခဲ့ရတဲ့အဖြစ်လေးတွေကစဉ်းစားလိုက်တိုင်းစိတ်ထဲမှာမနေ့တနေ့ကဖြစ်ပျက်ခဲ့

တာမျိုးလိုခံစားရသလိုဘယ်တော့မှလည်းမေ့နိုင်မှာမဟုတ်ပါဘူး။

နောက်တစ်ခါမိုးစွေတာနဲ့ကြုံခဲ့ရတာကတော့ကျုပ်(၆)တန်းနှစ်မှာပါ။အဲ့ဒီနှစ်ကတော့မိုးနှောင်းပိုင်းမှာဖြစ်

တာကြောင့်သီးနှံရိတ်သိမ်းချိန်မှာလူတိုင်းနီးပါးဒုက္ခရောက်ခဲ့ကြရတယ်။တချို့လည်းစပါးတွေရိတ်ပြီးခါစ

တချို့လည်းလယ်ထဲမှာပဲရိတ်လက်စ၊မိုးတွေကမထင်မှတ်ဘဲရက်ဆက်စွေနေတော့ရင့်မှည့်ပြီးသားစပါး

စေ့တွေလည်းတချို့ကအပင်ပေါ်မှာ၊တချို့ကကောက်လှိုင်းထုံးမှာ၊တချို့ကတလင်းထဲကကောက်လှိုင်းပုံ

မှာအညှောင့်တွေပေါက်ကုန်ကြတယ်။ကျုပ်တို့မှာလည်းအဖေ့ဘက်ကအဖိုးအဖွားကပေးထားတဲ့လယ်လေး

တကွက်မှာစပါးစိုက်ပြီးလယ်ရိတ်သိမ်းပြီးစအချိန်ပေါ့။အဲ့ဒီလိုမိုးစွေတော့မိုးရွာတိုင်းသူများအိမ်ကိုဆန်ချေး

သွားရတဲ့ဒုက္ခကိုသိထားသူပီပီမီးဖိုချောင်ကဆန်အိုးကိုသွားပြီးလေ့လာကြည့်မိတယ်။အိုးထဲမှာဆန်ကနည်း

နေတာတွေ့တော့ဝမ်းနည်းသလိုလိုခံစားမိတယ်ဒီဆန်ကုန်ရင်အမေသို့မဟုတ်သားကြီးဖြစ်တဲ့အကိုနဲ့
ကျုပ်ကဆွေမျိုးတွေအိမ်ကိုမိုးစိုစိုမှာဆန်ထွက်ချေးရအုံးမှာမဟုတ်လားဒါကိုအကဲခတ်မိတဲ့အမေက
လူလေးရယ်ဒီတစ်ခါဆန်ကုန်ရင်အမေ့တို့လယ်ထဲမှာစပါးရိတ်ပြီးပြီပဲမပူပါနဲ့ဆန်ချေးစရာ
မလိုတော့ပါဘူးတဲ့။

အမေပြောတဲ့အတိုင်းပါပဲအိမ်မှာရှိတဲ့ဆန်ကုန်တဲ့အထိမိုးကစဲတော့မိုးစိုစိုမှာလယ်ထဲကကောက်လှိုင်း

ထုံးတွေကိုသားအဖသုံးယောက်ခေါင်းရွက်နဲ့အိမ်ကိုသယ်ကြပါတယ်အိမ်ရောက်တော့အိမ်အောက်မှာ

ဖျာခင်းပြီးကောက်လှိုင်းထုံးတွေကိုပုံစပါးနှံပါတဲ့အပိုင်းကိုခြေထောက်နဲ့နင်းခြွေပြီးလေနဲ့အခြောက်ခံ
ပါတယ်။အနည်းငယ်ခြောက်သွေ့တော့မီးဖိုပေါ်မှာအိုးကင်းတင်ပြီးစပါးစေ့တွေကိုမီးကြပ်ကင်
ပါတယ်မီးကြပ်ကင်ထားတဲ့စပါးစေ့တွေကိုသားအမိနှစ်အရီးလေးတို့မောင်းစင်မှသွားထောင်းရပါ
တယ်။မီးခိုးနံ့သင်းသင်းလေးနဲ့မောင်းထောင်းပြီးလာရလာတဲ့လယ်ရဆန်ထမင်းပူပူလေးကလည်း
မိုးအေးအေးမှာစားရတာအရသာရှိလှပါတယ်ငယ်ငယ်ကအဲ့ဒီလိုမျိုးတစ်ခါမကစားခဲ့ရဖူးတာမို့အ
ရွယ်ရောက်လာတဲ့အချိန်အမေ့အိမ်နဲ့ခွဲလို့လောကထဲကိုခြေချတဲ့အခါအစားအသောက်အတွက်ခံနိုင်
ရည်ကအလိုလိုရှိပြီးသားဖြစ်နေပါတယ်။ဘယ်လောက်ကြမ်းတဲ့ဆန်ဖြစ်ဖြစ်ကျုပ်အတွက်ကတော့ အဆင်ကိုပြေနေတာပါပဲဝန်ထမ်းဖြစ်ခါစပြင်ဦးလွင်စစ်တက္ကသိုလ်နဲ့ဇီပင်ကြီးဗဟိုဝန်ထမ်းတက္ကသိုလ်
တို့မှာမွမ်းမံသင်တန်းတက်ခဲ့စဉ်စားရိပ်သာကကျွေးတဲ့စပါးလုံးရောတဲပဆန်ကြမ်းထမင်းကိုစားရ
တဲ့အခါမှာအမေ့အိမ်မှာတုန်းကစားခဲ့ရတဲ့ပြောင်းဖူးထမင်းပြောင်းထမင်းထက်ကြမ်းတဲ့ဆန်ကြမ်း
ထမင်းကိုမညည်းမညူစားနိုင်ခဲ့တယ်။တခြားသူငယ်ချင်းတွေအပြင်ကလာရောင်းတဲ့ဆိုင်မှာ အလုအယက်ဝယ်စားနေပေမဲ့ကျုပ်အတွက်ကတော့စားရိပ်သာကကျွေးတဲ့ထမင်းဟင်းတွေနဲ့
တင်စားသောက်နိုင်ခဲ့တယ်။အမေ့အိမ်ကသင်ပေးလိုက်တဲ့ဘ၀သင်ခန်းစာတွေဟာတကယ့်
လက်တွေ့ဘ၀မှာကိုယ့်ခြေထောက်ပေါ်ကိုယ် ရပ်တည်တဲ့အခါအလွန်အသုံးဝင်ပါလားဆိုတာ
ကိုလည်းသိလာရပါတယ်။

မိုးရွာတာလည်းအခုဆိုသုံးရက်ပြည့်သွားပြီ။အဆောင်ရှေ့ကလမ်းမှာလည်းရေတွေတက်လို့။မနက်တုန်းကအောက်ဆင်းပြီးလမ်းပေါ်ထွက်ကြည့်သေးတယ်။ရေတွေကဒူးထိနေပြီကားတွေလည်း
မောင်းလို့မရတော့ဘူး။လူတွေကတော့လမ်းပေါ်ထွက်ပြီးရေထဲလမ်းလျှောက်နေတာတွေ့ခဲ့ရတယ်။ရေကြီးတယ်ဆိုတာကိုအသံသာကြားဖူးခဲ့တာမျက်စိနဲ့ကိုယ်တွေ့တော့ဒီတစ်ခါပဲမြင်ဖူးပါတယ်။အညာမှာတော့မိုးကြီးလည်းချောင်းရေလျှံတာလောက်ပဲရှိတာလေစီးဆင်းစရာတွေပေါတော့လူနေ
တဲ့နေရာရေမြုပ်တယ်ဆိုတာခပ်ရှားရှားကိုးဒါကြောင့်အဆောင်အောက်ဆင်းပြီးစူးစမ်းလေ့လာရင်း
ဓာတ်ပုံပါမှတ်တမ်းတင်ခဲ့သေးတယ်။

မိုးစွေတဲ့အကြောင်းကနေစလိုက်တာရေးရင်းရေးရင်းနဲ့စာတွေလည်းအတော်ရှည်သွားပြီဗျာ။ဘာရယ်လို့မဟုတ်ပါဘူးမိုးစွေနေတဲ့အချိန်မှာတစ်ယောက်ထဲဟိုစဉ်းစားဒီစဉ်းစားနဲ့ငယ်ငယ်က
အကြောင်းလေးတွေကိုပြန်ပြီးသတိရမိလို့အိမ်ကိုလည်းအလွမ်းပြေအနေနဲ့ရေးသားလိုက်တာပါ။မိုးအေးအေးမှာလာလည်ကြတဲ့မိတ်ဆွေတွေအပျင်းပြေဖတ်ရတာပေါ့။ကိုယ်တိုင်ကြုံခဲ့ရတာလေးတွေ
ကိုဗဟုသုတအဖြစ်ပြန်လည်မျှဝေခြင်းသားဖြစ်ပါတယ်။

အားလုံးကိုယ်စိတ်နှစ်ဖြာကျန်းမာချမ်းသာပြီလိုအင်ဆန္ဒတွေပြည့်ဝကြပါစေလို့ဆုတောင်းမေတ္တာပို့သပါတယ်

လေးစားမှုဖြင့်

ရွှေညာသားလေး