ဖားငယ်ဖြစ်ဖူးခဲ့သော်လည်း ဖားမကောက်ချင်သူ

 photo credit >>>> Google images

ကျနော်ပတ်ဝန်းကျင်မှာကြားဖူးနေကျစကားတစ်ခွန်းရှိတယ်။ဖားက တနှစ်ကိုနှစ်ကြိမ်ပေါ်တယ်တဲ့။အစတုန်းကတော့
ဖားကောက်တာတွေဖားရိုက်တာတွေကိုကောင်းကောင်းနားမလည်ပါဘူး။အနေကြာလာတော့လည်းဒီလောကရဲ့
အသုံးအနှုန်းနဲ့အခေါ်အဝေါ်တွေနဲ့ရင်းနီးလာတယ်။ရင်းနီးလာတာနဲ့အမျှကိုယ့်ခံယူချက်ကလည်းတဖြည်းဖြည်းခိုင်မြဲ
လာတယ်။

တစ်ချိန်တုန်းကတော့ကျနော်လည်းဖားတကောင်ဖြစ်ခဲ့ဖူးတာပါပဲ။ဖားမှကျန်းကျန်းမာမာသန်သန်စွမ်းမဟုတ်ပါဘူး။
ဖားပေါင်စင်းလိုပိန်ပိန်ရှည်ဖားမျိုး။နေထိုင်ကျက်စားရတဲ့ပတ်ဝန်းကျင်ကမသေယုံတမည်။သို့သော်လည်းဖားဖြစ်ရတဲ့
ဘ၀မှာတော့ဖားရိုက်တဲ့သူ၊ဖားကောက်တဲ့သူရဲ့လက်တွင်းကိုရှောင်ကွင်းမရဘဲသက်ဆင်းခဲ့ရတာပါပဲ။တခြားသော
ဖားတွေအတွက်တော့အရိုက်ခံရတာသိပ်မသိသာလှပေမဲ့ကျနော်လိုပိန်လှီပြီးအဖက်ဖက်ကမပြည့်စုံတဲ့ဖားတကောင်
အတွက်သိပ်ကိုသိသာလှတယ်ဗျ။ဒါကြောင့်မလွန်ဆံနိုင်လို့သာအရိုက်ခံခဲ့ရပေမည့်စိတ်ထဲကတော့ရှိတဲ့အားနဲ့အန်တု
ချင်မိတယ်။သို့သော်လည်းအရိုက်ခံဘ၀မှာတော့ဘာမှမလုပ်နိုင်ခဲ့ပါဘူး။

ဒါပေမဲ့တကယ်တမ်းကံကောင်းထောက်မပြီးကိုယ်တိုင်ဖားရိုက်ဖို့အခွင့်ကြုံလာတဲ့အခါကျနော်မရိုက်ရက်ပါဘူး။
ကိုယ်အရိုက်ခံဘ၀တုန်းကကိုယ့်ကိုကိုယ်ချင်းစာနားလည်ပေးနိုင်သူရှိနိုင်ပေမဲ့ကိုယ်ကရိုက်ရမည့်အလှည့်မှာတော့
အားလုံးကိုကိုယ်ချင်းစာပြီးမရိုက်ရက်တော့ပါဘူး။ဖားတွေအနားမှာဝိုင်းနေပါလျက်မရိုက်ရက်တဲ့ဖားကောက်သမား
ဘ၀အများအမြင်မှာတော့တော်တော်ကိုအတဲ့သူပေါ့ဗျာ။

ဘယ်တတ်နိုင်ပါ့မလဲကိုယ့်ခံယူချက်နဲ့ကိုယ်ပဲလေ။ဝန်ထမ်းဖြစ်ရတဲ့ဘ၀မှာဒါလေးတခုကိုယ်ပိုင်ဆုံးဖြတ်ချက်နဲ့ရပ်နိုင်
ခွင့်ရှိလို့ကျေနပ်ရသေးတယ်။အားလုံးကတော့ဖားမရိုက်လို့လူအကြီးလို့သတ်မှတ်နေကြမှာမြေကြီးလက်ခတ်မလွဲပါ။
ဘယ်သူတွေဘယ်လိုပဲထင်ထင်ကျနော်ကတော့တရားမ၀င်တာလုပ်ပြီးလူလည်ကျနေရတာထက်တရားဝင်လုပ်ပြီး
လူအကြီးဖြစ်နေရတာကိုပဲဂုဏ်ယူမိပါတယ်။ဒါပေမဲ့သူတို့ပြောတဲ့ဖားလေးတွေကလာလာပြီးအသံပေးတဲ့အခါမှာ
တော့မရိုက်ချင်လို့အသာနေတဲ့စိတ်ကိုလာလာဆွတဲ့အတွက်မှတ်လောက်သားလောက်အောင်ရိုက်ပစ်လိုက်ချင်မိ
တယ်။သို့သော်လည်းကျနော်မရိုက်ရက်ပါဘူးဗျာ။ကိုယ်တိုင်လည်းအရိုက်ခံခဲ့ရဘူးတော့အဲ့ဒီရိုက်ချက်ဘယ်လောက်
ပြင်းတယ်ဆိုတာကျနော်ကောင်းကောင်းသိတယ်လေ။

တခါတခါတော့လည်းဝါသနာအရင်းခံပြီးလုပ်ရတဲ့ဒီအလုပ်ကအကုသိုလ်တွေတော်တော်များမှန်းသိပြီးစွန့်လွှတ်
ချင်စိတ်ဖြစ်မိတယ်။အခုအချိန်ထိတော့အကောင်အထည်မဖော်ဖြစ်သေးပါဘူး။ကိုယ်တိုင်ကလဲသက်သတ်လွတ်
စားနိုင်နေသေးတာကြောင့်ထင်ပါတယ်။သူများတွေအသားငါးဟင်းစုံနဲ့မနားမနေသွားလာစားသောက်နေချိန်မှာ
ကျနော်ကတော့သက်သတ်လွတ်ဟင်းခွက်လေးနဲ့ပဲကျရာတာဝန်ကိုကျေပွန်အောင်ထမ်းဆောင်နေဖြစ်တယ်။

တကယ်တော့သူတို့ပြောတဲ့ဖား သွားကောက်ရတာလည်းသိပ်မလွယ်ပါဘူး။ပိုင်ဆိုင်ထားတဲ့အရာမှန်သမျှကို
ခဏတာခ၀ါချပြီးဖားတို့ရှိရာရပ်ကွက်ထဲဖားကောက်ဆင်းကြရတယ်။အများအမြင်မှာတော့ကြီးကျယ်တယ်လို့
ထင်ချင်ထင်နိုင်ပါတယ်။ရပ်ကွက်ထဲကိုဖားဆင်းကောက်ရမှာကျနော်အတော်လေးရှက်ပါတယ်။ဘယ်လောက်
ကြီးတဲ့ဖားပဲဖြစ်ပါစေကျနော်မကောက်ရဲပါဘူး။သူများတွေကောက်လို့ငါလည်းကောက်တာပဲလို့စိတ်ထဲမှာတွေး
မိသော်လည်းစိတ်ထဲကအတွေးဟာစိတ်ထဲမှာပဲရှိပြီးအပြင်မှာအကောင်အထည်မဖော်ဖြစ်ပါဘူး။

သူများတွေဖားကောက်ထွက်ချိန်ကျနော်ကတော့ကိုယ့်ကိုယ်ပိုင်အချိန်လေးမှာအေးဆေးစွာပဲနေထိုင်ရင်းကိုယ့်
ဘ၀တိုးတက်ရာတိုးတက်ကြောင်းရှာဖွေဆည်းပူးလို့ပေါ့။တကယ်တော့မြတ်စွာဘုရားဟောတဲ့တရားထဲကလို
လိုချင်မှုနည်းပြီးရှိတာလေးနဲ့ရောင့်ရဲ့တင်းတိမ်နိုင်တာဟာလည်းချမ်းသာခြင်းတစ်မျိုးပဲမဟုတ်လား။လိုချင်နေ
တဲ့လောဘမလျှော့နိုင်သမျှတော့ဒုက္ခဆိုတဲ့ဆင်းရဲခြင်းတွေပိုတိုးလို့သာဖြစ်နေအုံးမှာပါ။

လူတိုင်းကိုတော့ကိုယ့်စိတ်နဲ့နှိုင်းပြီးစဉ်းစားလို့ဘယ်ရမလဲလေ။သူတို့မှာလည်းသူတို့ခံယူချက်နဲ့သူတို့ရှိကြမှာ
ပေါ့။ဖားကောက်တာမကောင်းမှန်းသိပေမဲ့မလိုက်နာနိုင်ဘူးဆိုကတည်းကအကြောင်းတခုခုရှိနေကြလို့ဆို
တာသေချာပါတယ်။ကျနော်ကတော့ရပ်ကွက်ထဲကသူများအိမ်အောက်သွားပြီးဖားကောက်ရတဲ့အခြေအနေ
ဟာကိုယ့်အဆင့်နဲ့မထိုက်တန်ဘူးလို့ပဲခေါင်းထဲမှာထည့်ထားတယ်။မလောက်ငပေမဲ့ထိုက်သင့်တဲ့လစာပေး
ပြီးတရားဝင်လွတ်လပ်စွာပညာတွေပေးဝေလို့ရတဲ့နေရာထက်အန္တရာယ်ကင်းတာမရှိဘူးလေ။ကျနော်ကတော့
ကိုယ်တရားဝင်လွတ်လပ်စွာလှုပ်ရှားခွင့်ရှိတဲ့နေရာမှာပဲရတာလေးနဲ့တင်းတိမ်ပြီးကိုယ့်အဆင့်အတန်းနဲ့
အေးချမ်းစွာနေထိုင်ပြီးကိုယ်တတ်ထားသမျှကိုဘ၀အတွက်ကြိုးစားနေသူတွေကိုရော၊စာမေးပွဲအောင်ဖို့အတွက်
ကြိုးပမ်းနေသူကိုရောစေတနာအရင်းခံနဲ့မျှဝေပေးရင်းသင်ကြားရင်းသင်ယူ၊သင်ယူရင်းသင်ကြားဆိုတဲ့စကား
အတိုင်းကိုယ်မသိတာတွေကိုပြန်လည်သင်ယူ၊ကိုယ်သိတာလေးတွေကိုပြန်မျှရင်းကျောင်းကစာသင်ခန်းထဲမှာ
ပဲပျော်မွေ့နေမိပါတယ်။

ဖားတွေကတော့ခဏခဏလာလာအသံပေးပြီးသွေးတိုးစမ်းကြပါတယ်။ဒီကဖားမကောက်ချင်တဲ့သူကလည်း
သူတို့အသံတွေကိုမကြားသလိုဘဲမှတ်ထားတော့ရှေ့ဆက်မတိုးကြတော့ဘူး။လောကကြီးမှာပိုက်ဆံပေးပြီး
အစော်ကားခံရတာမျိုးလောက်အခံရခက်တာမရှိပါဘူး။ကိုယ်ကစေတနာထားနေချိန်မှာတန်ဖိုးမထားဘဲ
လိုအပ်လာမှပိုက်ဆံပြပြီးကြေးစားဆန်ဆန်လာမြူဆွယ်ခံရတာလောက်ခံရခက်တာလည်းမရှိပါဘူး။ဒါပေမဲ့လေ
ဖားကောက်သူတွေကြိတ်ကြိတ်တိုးနေချိန်မှာကိုယ်ကတော့ပွဲကြည့်ပရိတ်သတ်တစ်ယောက်အနေနဲ့ထိုင်ကြည့်
နေမိတယ်။ဒီဖားရိုက်လို့ရတဲ့အခကြေးငွေအလွန်ဆုံးခံရင်တစ်နှစ်ပေါ့။ဒါတောင်ဖားပေါတဲ့မြို့ကြီးကလယ်ကွင်း
တွေမှာရိုက်ရပါမှ။မဟုတ်ရင်(၆)လလောက်နဲ့ကိစ္စပြတ်ပြီ။ခဏတာအဆင်ပြေမှု့လေးတခုအတွက်နဲ့တော့
ကိုယ်ဒီအသက်အရွယ်ထိသင်ယူမှတ်သားလာခဲ့ရတဲ့ပညာတွေ၊ပေးဆပ်ခဲ့ရတဲ့အချိန်တွေကိုပိုက်ဆံတခုတည်း
အတွက်နဲ့တန်ဖိုးဖြတ်ပြီးမလဲနိုင်ပါဘူး။

တနေ့နေ့တချိန်ချိန်မှာတော့ဖားကောက်ခြင်း၊မှိုကောက်ခြင်းတွေကင်းရှင်းတဲ့ပညာရေးပတ်ဝန်းကျင်တခုဖြစ်ပေါ်
လာလိမ့်မည်လို့စိတ်ထဲကနေကြိတ်ပြီးမျှော်လင့်နေမိပါတယ်။အဲ့ဒီလိုပညာရေးစနစ်ပေါ်ထွန်းလာတဲ့နေဟာကျနော်
တို့နိုင်ငံရဲ့ပညာရေးအမှန်တကယ်ပြောင်းလဲတဲ့နေ့ဖြစ်မှာပါ။ဒီလိုမဟုတ်ရင်တော့ခေါင်းဆောင်တွေဘယ်လောက်ပဲ
တော်တော်၊နောက်လိုက်တွေကမိမိအတ္တကိုအခြေခံပြီးတကိုယ်ကောင်းဆန်တဲ့စိတ်တွေနဲ့ဆက်လက်လျှောက်လှမ်း
နေသမျှတော့တိုင်းပြည်တည်ဆောက်ရာမှာအဓိကကျတဲ့ပညာရေးဟာမြင့်တက်ဖို့ထက်ဆက်လက်ကျဆင်းဖို့သာ
ရှိပါတော့တယ်။

ဖားကောက်ခြင်းကင်းသောပညာရေးပတ်ဝန်းကျင်ကောင်းတခုအမြန်ဆုံးပေါ်ပေါက်ပြီးအကြောင်းကြောင်းကြောင့်
ဘွဲ့ရာထူးဂုဏ်သိန်တွေကိုဘေးဖယ်ပြီးရပ်ကွက်ထဲကသူများအိမ်အောက်၊လေးတိုင်စင်အရိပ်အောက်နဲ့အိမ်နောက်
အဖီထဲမှာအပိုဝင်ငွေရှာနေရတဲ့ဖားကောက်သူများအမြန်ဆုံးလျော့နည်းပါစေလို့ဆန္ဒပြုရင်းဖားမကောက်ချင်တဲ့သူ
တစ်ယောက်ရဲ့ခံစားချက်ကိုမျှဝေပေးလိုက်ပါတယ်။

မှတ်ချက်။      ။အထက်ဖော်ပြပါအကြောင်းအရာများသည်မြင်တွေ့နေရသောအကြောင်းအရာများကိုအခြေခံ၍
စာရေးသူတစ်ဦးတည်း၏စိတ်ခံစားချက်ကိုပုံဖော်ထားခြင်းသာဖြစ်ပြီးမည်သူတဦးတစ်ယောက်ကိုမျှထိခိုက်စေလိုခြင်း
အလျင်းမရှိပါ။

အားလုံးကိုယ်စိတ်နှစ်ဖြာကျန်းမာချမ်းသာကြပါစေကြောင်းဆုမွန်ကောင်းတောင်းပါတယ်ဗျာ။

အားလုံးကိုလေးစားလျက်

ရွှေညာသား