ရှညောသား: ထူးခြားတဲ့သူမ နောက်ဆုံးပိုင်း

Photo credit to Google images

အဲ့ဒီနေ့ညကမိစန်းနဲ့ညီအစ်မ၀မ်းကွဲတော်တဲ့အေးမိနဲ့သူ့ယောကျာ်းဖိုးရွှေတို့အိမ်လာလည်ကြတယ်။
အေးမိအဖေနဲ့မိစန်းအမေကမောင်နှမအရင်းတွေမို့အရီးလေးအိမ်ကိုအလည်လာရင်းကိုယ်လေးလက်ဝန်
ရှိနေတဲ့အေးမိကမိစန်းတို့သားအမိနေတဲ့ထမင်းချက်အိမ်လေးပ်ါမှာအရီးလေးနဲ့စကားပြောရင်းမိစန်းအိပ်ယာ
ဘေးကသူ့အရီးလေးအိပ်ယာဘေးမှာခဏလှဲနေလိုက်တယ်။အိပ်ယာအစောဝင်တတ်တဲ့မိစန်းကတော့သူ့
အိပ်ယာမှာသူရောက်နေပေမဲ့အခါတိုင်းလိုတစ်ယောက်ထဲစကားတွတ်ထိုးမနေတော့အိပ်ပျော်နေပြီပဲထင်
ကြတာပေါ့။အဲ့ဒီလိုနဲ့သိပ်မကြာခင်အချိန်မှာပဲဝုန်းဆိုတဲ့အသံနဲ့အတူအေးမိရဲ့အလန့်တကြားအော်လိုက်သံ
ကိုတခြားအိမ်သားတွေကြားလိုက်တော့ကပျာကယာအနားသွားကြည့်ကြတယ်။ဗိုက်ကိုအရိုက်ခံလိုက်ရတဲ့
အေးမိကတော့အကြောက်လွန်ပြီးခဏတာသတိလစ်သွားရှာတယ်။ဖိုးရွှေနဲ့အနားကလူတွေဝိုင်းပြုစုလို့သတိ
ပြန်လည်လာချိန်မှာတော့မိစန်းတစ်ယောက်လည်းအရီးဖွားစိန်ရဲ့ထင်းချောင်းစာမိပြီးအိပ်ယာထဲမှာငိုကြွေး
လို့နေတယ်။

အေးမိအရှောင်ကောင်းတာပဲလားဗိုက်ထဲကကလေးပဲကံကောင်းတာလားမပြောတတ်ဘူးခဏနေတော့
အေးမိရဲ့အခြေအနေကပုံမှန်ပြန်ဖြစ်လာပြီးအိမ်ပြန်ဖို့ပြင်ကြတယ်။အဲ့ဒီညအရိုက်ခံရတဲ့အချိန်ကစပြီးအေးမိ
တစ်ယောက်သူ့အရီးလေးအိမ်ကိုမလာရဲတော့တာကလေးမီးဖွားပြီးတဲ့အထိပါပဲ။သူ့စိတ်ကောင်းတဲ့အခါ
ပြုံးပြုံးရွှင်ရွှင်နဲ့ဆက်ဆံတတ်တဲ့မိစန်းရဲ့စိတ်ကတစ်ခါတလေမှာတော့မိခင်ဖြစ်သူကိုပင်မျက်စောင်းထိုးတတ်
ပြန်တယ်။ရပ်ရွာတို့ထုံးစံဥစ္စာစောင့်လိုလို၊သိုက်ကလာတာလိုလိုနဲ့ထင်ရာမြင်ရာတွေပြောတတ်ပေမဲ့မိစန်းက
တော့သူလုပ်စရာရှိတာအိမ်အလုပ်တောအလုပ်တစမကျန်လုပ်နေတော့တာပါပဲ။

နွေးမိုးဆောင်းရာသီတွေအလီလီပြောင်းလာပြီးတဲ့နောက်မှာတော့မိစန်းအသက်ရွယ်လည်းဇရာပိုင်းကို
ရောက်လာတော့တယ်။တောလုပ်တောကိုင်တွေကိုအရင်တုန်းကလိုသွက်သွက်လက်လက်မလုပ်နိုင်
တော့ဘူး။အိမ်အလုပ်ဆိုလည်းအရင်ကလိုနေရာတိုင်းမပါနိုင်တော့ဘူး။သူဝတ်မပျက်ပြုလုပ်နေကျ
ရေတွင်းကျင်းတဲ့အလုပ်ကိုတောင်သူပုံမှန်မလုပ်နိုင်တော့ပဲအိမ်မှာတင်အငယ်တွေခပ်တဲ့ရေကိုတစ်ပုံး
တစ်ခွက်ချိုးရတဲ့အဆင့်ထိရောက်သွားတယ်။နောက်ပိုင်းမှာတောထဲကိုလုံးဝမသွားနိုင်တော့ဘဲအိမ်မှာ
တင်အိမ်စောင့်အဖြစ်နေရတော့တယ်။ဒါပေမဲ့သူမရဲ့ညတိုင်တစ်ကိုယ်တော်စကားဝိုင်းကတော့ပျောက်
မသွားပါဘူး။တခါတလေများဆိုညဉ့်နက်သည်အထိမအိပ်ဘဲသူလုပ်နိုင်တဲ့အချိန်တုန်းကလုပ်ခဲ့သမျှ
အလုပ်တွေကိုစီကာပတ်ကုံးပြန်ပြီးပြောနေလေ့ရှိတယ်။တောထဲမထွက်နိုင်ပေမဲ့ဘယ်ယာခင်းကတော့
ဖြင့်ပေါင်းကောက်စရာရှိတယ်၊ဘယ်လယ်ကတော့ဖြင့်နောက်ချေးဖြန့်ရတော့မယ်စသည်ဖြင့်သူ့စိတ်ထဲ
မှာအလုပ်တွေကိုတန်းစီပြီးရေရွတ်နေတတ်တယ်။

ပေါင်းနှုတ်ချိန်ဆိုရင်လည်းဘယ်နားကပဲစင်းငုံခင်းကတော့ဖြင့်ပေါင်းနှုတ်လောက်ပြီ၊ဘယ်နှမ်းခင်းကို
တော့ဘယ်နှစ်ရက်နဲ့အပြီးနှုတ်မယ်၊ဘယ်တောင်ရိုးမှာတော့ဖြင့်နွားစာမြက်တွေပေါနေလောက်ပြီစတဲ့
သူမသွားခဲ့ရောက်ခဲ့ဖူးတဲ့နေရာတွေကိုလက်ရှိသွားလာလုပ်ကိုင်နေသည့်အလားပြောဆိုရေရွတ်နေ
တတ်တယ်။အဲ့ဒီလိုနဲ့အပြင်ထွက်လှုပ်ရှားမှု့မရှိတော့ဘဲအိမ်ထဲမှာတခွေခွေနေရင်းစားချင်တဲ့အခါ
စားလိုက်၊မစားချင်တဲ့အခါဒီအတိုင်းနေလိုက်နဲ့အိမ်ကြီးရဲ့အောက်ထပ်အစီလေးပေါ်မှာသူ့အိပ်ယာနဲ့
အ၀တ်အစားတွေကိုသပ်သပ်နေရာချပြီးနေတော့တယ်။ရောဂါဘယရယ်လို့ပြင်းပြင်းထန်ထန်မရှိပေမဲ့
အစာအာဟာရပုံမှန်မစားတဲ့ကိုယ်ခန္ဒာကတဖြည်းဖြည်းကြုံလှီလို့သာလာတော့တယ်။အဆိုးဆုံးကတော့
လမ်းမလျှောက်ဘဲသူ့အိပ်ယာထဲမှာသာခွေနေတတ်တော့မိစန်းရဲ့ခြေထောက်တွေဟာဖြောင့်ဖို့တော်
တော်ခက်လာတယ်။အရီးလေးဖွားစိန်ကလည်းအသက်အရွယ်ရလာတော့မိစန်းကိုငုတ်တုတ်မြင်နေရ
တာပဲစိတ်ချမ်းသာနေပြီးဖေးဖေးမမထူထူတွဲတွဲမလုပ်ပေးနိုင်ရှာဘူး။တခြားညီမတစ်ယောက်နဲ့မောင်
တစ်ယောက်ကလည်းယာထဲကိုင်းထဲထွက်လိုက်အိမ်ရောက်တော့အရင်တုန်းကမိစန်းလုပ်နေကျအလုပ်
တွေသူတို့ခေါင်းပေါ်ကျလာတော့ညအိပ်ချိန်မှလွဲပြီးဂရုမစိုက်နိုင်ကြတော့ဘူး။

နေ့ခင်းပိုင်းအချိန်အိမ်မှာသားအမိနှစ်ယောက်တည်းကျန်ခဲ့ချိန်မိခင်ကထမင်းချက်အိမ်ပေါက်စလေးပေါ်
မိစန်းကအိမ်ကြီးရဲ့အောက်ထပ်မှာဆိုတော့တစ်ယောက်နဲ့တစ်ယောက်မြင်ဖို့တောင်မလွယ်လှပါဘူး။
အသက်အရွယ်ရလာတဲ့အရီးလေးဖွားစိန်ကတော့သမီးဖြစ်သူအတွက်နေ့ရှိသရွေ့ပူပင်သောကရောက်
နေရရှာတယ်။သမီးအငယ်ဆုံးကလည်းမိခင်ကိုတောင်ဆောင့်ဆောင့်အောင့်အောင့်နဲ့ဆိုတော့သူ့အစ်မ
ဆိုရင်တော့ပိုလို့သာဆိုးနိုင်တာမို့သူမရှိတော့တဲ့နောက်ပိုင်းညီအစ်မတွေဘယ်လိုစခန်းသွားကြမလဲဆို
တဲ့အတွေးတွေနဲ့သောကပင်လယ်ဝေပြီးနောက်ဆုံးမှာမိစန်းကိုသူ့အရင်သေပါစေလို့ပင်ဆုတောင်းမိ
တော့တယ်။

တစ်နေ့တော့အရီးဖွားစိန်ရဲ့ဆုတောင်းပြည့်ဖို့အကြောင်းဖန်လာခဲ့တယ်။သို့သော်လည်းရာနှုန်းပြည့်တော့
ဖြစ်မလာခဲ့ပါဘူး။နေ့လယ်ခင်းမိစန်းကိုထမင်းကျွေးဖို့ထမင်းပန်းကန်သွားပို့ခိုင်းချိန်မှာအိပ်ယာကမထတဲ့
မိစန်းအခြေအနေကိုအိမ်နီးနားချင်းကပြောတော့အရီးဖွားစိန်စိတ်ပူသွားမိတယ်။ဒါနဲ့အဲ့ဒီအိမ်နီးနားချင်း
အကူအညီနဲ့မိစန်းအိပ်ယာရှိရာအိမ်ကြီးအောက်ထပ်ကိုသွားကြည့်တယ်။အိပ်ယာနားရောက်တော့
အစာရေစာပုံမှန်မစားဘဲပိန်ချုံးကြုံလှီနေတဲ့သမီးဖြစ်သူကအိပ်ယာထဲမှာခွေခွေကလေးအိပ်နေတာကို
မြင်ပြီးမျက်ရည်တွေကျတော့တယ်။မိခင်အသံကြားတော့မိစန်းလည်းမျက်လုံးကိုအသာဖွင့်ကြည့်တယ်။
မျက်ရည်ကျနေတဲ့မိခင်မျက်နှာကိုမြင်တော့မိစန်းမျက်ဝန်းမှာလည်းမျက်ရည်တွေနဲ့ပြည့်လာတယ်။
သမီးဖြစ်သူရဲ့အခြေအနေကိုရိပ်မိတဲ့အရီးဖွားစိန်ကတောထဲသွားတဲ့သမီးအငယ်ကိုလူလွှတ်ပြီးအခေါ်ခိုင်း
လိုက်တယ်။ရွာထဲကနည်းနည်းပါးပါးနားလည်တဲ့ဦးလေးသာခင်ကိုလည်းခေါ်ခိုင်းလိုက်တယ်။
ဦးလေးသာခင်ရောက်လာတော့သွေးကြောလေကြောတွေစမ်းကြည့်ပြီးအခြေအနေသိပ်မဟန်တော့
ကြောင်းခြေထောက်တွေကသွေးဆုတ်နေပြီဖြစ်လို့ညမှာသတိထားအိပ်ကြဖို့ပြောပြီးအိမ်ပြန်သွားတယ်။
အိမ်သားတွေလည်းတတ်သမျှဆေးမြစ်တွေသွေးလိမ်းပေးပြီးမိစန်းအသက်ရှုတာကိုပဲကြည့်နေကြရင်းနဲ့
မိုးလင်းသွားတော့တယ်။

နောက်နေ့မနက်မှာမိစန်းအစ်ကိုရဲ့မိန်းမလူမမာမေးလာရင်းမိစန်းကိုဘာများစားချင်လဲပြောအေငါဝယ်ကျွေး
မယ်ဆိုတော့အသက်ကိုအားယူရရှိုက်နေရင်းကလေသံတိုးတိုးလေးနဲ့မန်ကျည်းသီးမှည့်ကိုဆားလေးနဲ့တို့ပြီး
စားချင်တယ်လို့ပြောတယ်။မိစန်းစားချင်တာကခက်ခက်ခဲခဲမဟုတ်တော့သူ့ဆန္ဒဖြည့်တဲ့အနေနဲ့မြန်မြန်ပဲယူ
ပေးလိုက်ကြတယ်။အဲ့ဒီမန်ကျည်းသီးစားပြီးတဲ့နောက်မှာတော့မိစန်းရဲ့အခြေအနေဟာတော်တော်လေး
တိုးတက်လာတယ်။ညနေပိုင်းဦးလေးသာခင်ရောက်လာတဲ့အချိန်မှာတော့ညတုန်းကသွေးဆုတ်နေပြီလို့
ပြောခဲ့တဲ့သူ့စကားတောင်မယုံနိုင်စရာအိမ်အောက်ကအစီပေါ်မှာငုတ်တုတ်ထထိုင်နေတဲ့မိစန်းကိုတွေ့လိုက်
ရတယ်။အဲ့ဒီတစ်ကြိမ်မှာမိစန်းကမန်ကျည်းသီးမှည့်နဲ့အသက်ဆက်ပြီးကာလအတော်ကြာအိမ်အောက်မှာ
ငုတ်တုတ်ထိုင်ရင်းကြက်မောင်းခွေးမောင်းပြန်လုပ်နိုင်လာလို့အရီးဖွားစိန်ရဲ့ဆုတောင်းပြည့်ခါနီးမှလွဲသွား
ရတော့တယ်။

အဲ့ဒီလိုနဲ့တကယ်မိစန်းသေမည့်နေကျတော့လည်းသူ့ကိုယ်သူသိနေသလိုပါပဲ။အဲ့ဒီနေ့မှာတော့တောင်ဘက်
ရွာမှာနေတဲ့မိစန်းရဲ့အစ်မကမိစန်းအရင်တစ်ခါဖြစ်ပြီးကတည်းကမရောက်တာကြာလို့လာကြည့်တယ်။
မိခင်ဖြစ်သူနဲ့မိစန်းတို့နေထိုင်ကောင်းကြတာကိုတွေ့ရတော့ဝမ်းသာပြီးညနေပိုင်းရွာကိုပြန်ဖို့မိစန်းကိုနှုတ်ဆက်
တော့သူ့အစ်မလက်ကိုဆွဲထားပြီးဒီညမပြန်နဲ့ဒီမှာပဲညအိပ်ဆိုပြီးပြောရှာတယ်။အစ်မဖြစ်သူကညည်းရောအမေ
ရောနေကောင်းကြတာပဲငါ့ကလေးတွေကအိမ်မှာထားခဲ့ရတာပြန်ချေအုံးမယ်ဆိုတော့လက်ကိုမလွှတ်တမ်း
ဆွဲထားတယ်။အစ်မဖြစ်တဲ့သူလည်းမိစန်းရဲ့ထူးခြားတဲ့အမူအရာတွေကိုကြည့်ပြီးညီမဖြစ်သူစိတ်ဆင်းရဲမှာစိုး
တာနဲ့မပြန်တော့ဘူးပြောလိုက်တယ်။အဲ့ဒီတော့မှဆွဲထားတဲ့လက်ကိလွှတ်ပြီးသူ့အိပ်ယာထဲကငါးစပ်စောင်ကို
ဖြန့်ပြီးအိပ်ယာအကျယ်ကြီးခင်းခိုင်းတယ်။ပြီးတော့ကျန်တဲ့ညီမတွေအစ်ကိုတွေမောင်တွေပါခေါ်ခိုင်းတယ်
အားလုံးလူစုံတော့မှသူ့ကိုအဲ့ဒီအိပ်ယာပေါ်မှာရွှေ့သိပ်ခိုင်းတယ်။

မိစန်းသေလိမ့်မယ်ဆိုတာကိုအားလုံးကထင်မထားကြပေမဲ့မိစန်းရဲ့အပြုအမူတွေထူးခြားနေတာကိုပဲအားလုံး
သတိပြုမိပြီးအံအားသင့်ငြိမ်သက်နေကြတယ်။နောက်ဆုံးမိစန်းမလှုပ်မယှက်ငြိမ်နေတော့မှအားလုံးကသတိ
ဝင်လာကြပြီးဟိုစမ်းသည်စမ်းလုပ်ကြတဲ့အချိန်မှာမိစန်းကတော့ဘယ်သူ့ကိုမှဒုက္ခမပေးဘဲသူမရဲ့မိခင်၊အစ်ကို
တွေမောင်တွေညီမတွေအစ်မတွေရဲ့ရှေ့မှာပဲလောကကြီးထဲကနေတိတ်တဆိတ်ထွက်ခွာသွားပါတော့တယ်။
သမီးဖြစ်သူကိုသူမရှိတဲ့နောက်ပိုင်းဒုက္ခခံစားရမှာကိုတွေးပူပြီးသူ့ထက်အရင်သေပါစေလို့ဆုတောင်းမိခဲ့တဲ့
အရီးလေးဖွားစိန်ကတော့မထင်မှတ်တဲ့အချိန်မှာဘာမှပြင်းပြင်းထန်ထန်မဖြစ်ဘဲသူဖြစ်စေချင်သလိုသူ့ထက်
အရင်စောပြီးသေသွားတဲ့သမီးဖြစ်သူမိစန်းရဲ့အလောင်းဘေးမှာထိုင်ပြီးငိုကြွေးရင်းသောကအပူတွေတောက်
လောင်ရင်းဘယ်နေ့မှန်းမသိတဲ့သေရက်ကိုမျှော်လင့်ရင်းကျန်ရစ်ခဲ့ရှာတော့တယ်။

((ရွာမှာရှိစဉ်ကကိုယ်တွေ့ကြုံခဲ့ဖူးတဲ့အဖြစ်ကိုအခြေခံပြီးရေးသားပါသည်။ဒီအကြောင်းကိုရေးသားဖို့ဖြစ်
လာခြင်းကမိစန်းနေမကောင်းဖြစ်နေချိန်မှာကျနော်ရွာမှာမရှိပါဘူး။ပထမတစ်ခေါက်ပညာသင်ထွက်ဖို့ပြင်
ဆင်နေချိန်ဖြစ်ပါတယ်။ဒါပေမဲ့အမေကတဆင့်ဒီအဖြစ်အပျက်ရဲ့နောက်ပိုင်းတွေကိုပြောပြလို့ကျနော်ပြန်
သိရတာပါ။ရွာပြန်ရောက်တော့လည်းမိစန်းတို့နေထိုင်ရာအိမ်ဆီကိုသွားလည်ခဲ့ပါသေးတယ်။အဲ့ဒီအထိဘာမျှ
ထူးခြားတာမခံစားမိသေးပါဘူး။ဒါပေမဲ့ဒုတိယအကြိမ်နိုင်ငံခြားပြန်ထွက်လာပြီးဒီကိုရောက်တဲ့အချိန်မှာအဲ့ဒီ
အကြောင်းနဲ့ဆက်စပ်ပြီးအိပ်မက်စမက်ပါတယ်။ပထမဆုံးတစ်ကြိမ်တော့အမှုမဲ့အမှတ်မဲ့ပါပဲ။အဲ့လိုနဲ့နောက်
မကြာခဏဆိုသလိုအိပ်မက်မက်ပါတယ်။မှတ်မိတဲ့တစ်ကြိမ်မှာဆိုမိစန်းနဲ့အရီးဖွားစိန်သားအမိနှစ်ယောက်
စလုံးအိပ်မက်ထဲမှာပါတယ်။အရီးလေးဖွားစိန်ကအိပ်မက်ထဲမှာကျနော်ကိုကြေးပြားစေ့လေးသုံးစေ့ထုတ်ပေး
တယ်။သူတို့သားအမိမျက်နှာကတော့သာမာန်ပါပဲ။နောက်ပိုင်းသတိထားမိတာကသူတို့အကြောင်းအိပ်မက်
မကြာမကြာမက်တယ်။အမေနဲ့ဖုန်းဆက်တဲ့အခါပြောပြတော့လူလေးဘုရားရှိခိုးပြီးအမျှဝေတဲ့အခါသူတို့ကိုပါ
နာမည်တတ်ပြီးအမျှဝေခိုင်းတယ်။ဒါလည်းကျနော်ဘုရားဝတ်ပြုတိုင်းလုပ်ပါတယ်။သို့သော်အိပ်မက်ကတော့
လာလာမက်နေတုန်းပါပဲ။ဒါကြောင့်စိတ်ထဲမှာပထမဆုံးစဉ်းစားထားတာကဒီကပြန်ရောက်လို့ရွာကိုပြန်တဲ့အခါ
ဘုန်းကြီးပင့်ပြီးသူတို့အတွက်ကုသိုလ်ကောင်းမှုလုပ်ပေးဖို့ပါပဲ။ ))

အားလုံးကိုယ်စိတ်နှစ်ဖြားကျန်းမာချမ်းသာပြီးကောင်းကျိုးလိုရာဆန္ဒတွေပြည့်ဝကြပါစေဗျာ။လာလည်ကြတဲ့
အတွက်ကျေးဇူးအထူးတင်ရှိပါတယ်။

အစဉ်လေးစားလျက်

ရွှေညာသားလေး