ရပါလိမ့်မည်ဗျ။ဘယ်လိုလဲမသိဘူးတမာရွက်ပြုတ်ကိုအရမ်းစားချင်စိတ်ဖြစ်နေမိတယ်။အညာမှာကနွေဦးပေါက်
ရာသီဆိုရင်တမာရွက်တွေလှိုင်လှိုင်ပေါတာမို့ဒီအချိန်ဆိုရင်တမာရွက်တွေခူးလို့ရနေပြီပေါ့။ဒီနိုင်ငံမှာလည်း
တမာပင်တွေတော့တွေ့ပါရဲ့ကိုယ်နဲ့နီးတဲ့နေရာမဟုတ်တော့အရွက်နုမြင်ရပေမဲ့ခူးလို့မရဘူးဗျ။ဒီမှာအများဆုံး
တွေ့ရတဲ့တမာရွက်ကတော့အညာမှာကုလားတမာလို့ခေါ်တဲ့အမျိုးအစားဖြစ်ပါတယ်။ဒါကတော့
အညာဒေသအခေါ်အဝေါ်သာလျှင်ဖြစ်ပါတယ်။ရုက္ခဗေဒသမားတွေကပိုပြီးတိတိကျကျသိနိုင်ပါလိမ့်မည်။
အညာမှာတော့ကုလားတမာနဲ့စားတမာဆိုပြီးတော့နှစ်မျိုးရှိတယ်။ကုလားတမာလို့ခေါ်တဲ့တမာမျိုးကပင်စည်
အပွေးသိပ်ပြီးမထူဘဲအရွက်အရွယ်အစားလည်းသေးပါတယ်။အထူးသဖြင့်လူနဲ့နီးတဲ့နေရာတွေမှာပေါက်တယ်။
အညာမှာတော့ရွာထဲမှာအပင်ကြီးတွေအနေနဲ့ရှိတတ်တယ်။စားတမာလို့ခေါ်တဲ့အပင်ကတော့အများအားဖြင့်
တောထဲမှာပဲပေါက်တာများတယ်။ပင်စည်ကအခေါက်တွေထူပြီးကြမ်းပါတယ်။အရွက်ကလည်းကုလားတမာ
ထက်ပိုကြီးပြီးတော့အသီးလည်းကြီးပါတယ်။စားတမာရွက်နုတွေထွက်ချိန်ဆိုမြင်ရတာနဲ့ခူးချင်စရာ
သိပ်ကောင်းပါတယ်။အပင်ကိုင်းဖျားတွေမှာအဆုပ်လိုက်နုနေတဲ့တမာရွက်နုတွေမြင်ရင်ခူးချင်လို့
လက်ကိုရွနေတာပဲ။တမာရွက်ကနုပြီဆိုရင်အများအားဖြင့်အဖူးတွေပါတစ်ခါတည်းထွက်ပါတယ်။
အရွက်နုကြားမှာအဖူးလေးတွေပါရောလျက်နုလာပြီးအရွက်တွေရင့်တာနဲ့အဖူးလေးတွေကလည်း
အပွင့်ပွင့်ပါတယ်။ရွှေညာသားလေးတို့ဆီမှာတော့တမာပေါတော့အဲ့လိုအဖူးလေးတွေများတဲ့
အပင်ကိုရွေးပြီးခူးကြပါတယ်။
ကုလားတမာလို့ခေါ်တဲ့အမျိုးအစားကအရွက်လေးတွေသေးပါတယ်...
ပင်စည်ကြည့်ပြီးခွဲရတာကပိုပြီးလွယ်ပါတယ်..တမာရှားတဲ့အရပ်ဒေသမှာတော့ဘယ်တမာပဲဖြစ်ဖြစ်စားလို့ရပါတယ်..
ရှိတော့နွေရာသီရောက်ရင်နွေလေပူနဲ့အတူတမာပန်းရနံ့သင်းသင်းကိုရှုရှိုက်ရတတ်ပါတယ်။တမာရွက်ကို
အများအားဖြင့်အတို့အမြုပ်အဖြစ်နဲ့စားကြတာများပါတယ်။တမာရွက်ပြုတ်ကိုသုပ်စားမယ်ဆိုလည်း
ခါးသက်သက်နဲ့စားရတာတစ်မျိုးကောင်းပါတယ်။အညာမှာဆိုရင်တော့တမာရွက်နုပေါ်ခါစဆိုရင်
ဈေးကောင်းရပါတယ်။တမာပင်တိုင်းအရွက်နုမထွက်ခင်ရေအစိုဓာတ်ရတဲ့ချောင်းဘေး၊ရိုးဘေးက
တမာပင်တွေကအစောနုတတ်တာမို့နွေပေါက်လို့သစ်ရွက်တွေကြွေရင်အဲ့ဒီချောင်းဘေးကတမာပင်တွေ
လည်းအစောနုပါတယ်။ဒီအကြောင်းသိတဲ့သူတွေကဦးဦးဖျားဖျားတမာရွက်နုလေးတွေကိုခူးပြီးပြုတ်၍မြို့
ပေါ်ကိုတက်ရောင်းကြပါတယ်။အစောဆုံးပေါ်တဲ့တမာရွက်ဆိုရင်တော့ဈေးထဲမှာအစည်းအနေနဲ့တွေ့မှာ
မဟုတ်ပါဘူး။တမာရွက်လေးတွေကငယ်သေးတော့အစည်းစည်းလို့မရသေးလို့ပါ။
တမာရွက်တွေလှိုင်လှိုင်ပေါလာရင်တော့သုံးကိုင်းလေးကိုင်းစသဖြင့်အစည်းလေးတွေစည်းပြီးပြုတ်ပါတယ်။
ပြီးရင်မြို့ပေါ်ကိုတက်ရောင်းကြပါတယ်။ရွှေညာသားလေးတို့ရွာဘက်ကပုပ္ပားတောင်နဲ့နီးတာကြောင့်အပင်မျိုး
စုံရှိပါတယ်။တမာပင်တွေဆိုရင်လည်းတောထဲမှာပေါပေါများများတွေ့ရတယ်။ဒါကြောင့်နွေရာသီ
တမာရွက်တွေနုချိန်ဆိုတခြားရွာတွေကတမာရွက်ခူးသူတွေလာကြတယ်။ထမင်းထုပ်နဲ့ကိုလာပြီးခူးကြ
သူတွေလည်းရှိတယ်။တမာရွက်ခူးမယ်ဆိုရင်တော့အနည်းဆုံးသစ်ပင်တက်တော့ကျွမ်းကျင်ရပါလိမ့်မယ်။
အပင်ငယ်ရှိပေမဲ့အနည်းဆုံးလူတစ်ရပ်ကျော်ကျော်ရှိတာမို့တက်ပြီးခူးမှသာလျှင်အဆင်ပြေပါတယ်။
အညာသူအညာသားအများစုကတော့သစ်ပင်တက်ကျွမ်းကျင်ကြပါတယ်။တမာပင်၊မန်ကျည်းပင်၊ဂွေးပင်၊
သရက်ပင်စတဲ့အပင်တွေကိုတက်ပြီးခူးကြဆွတ်ကြရတာဆိုတော့လူတိုင်းနီးပါးသစ်ပင်တက်တတ်ကြတယ်။
တမာပန်းလေးတွေပါ...တပေါင်းတန်ခူးဆိုရင်တမာတွေလှိုင်လှိုင်ပွင့်ပြီပေါ့ဗျာ...
မြင်လွယ်အောင်ပြောရရင်တော့ဝါးလုံးရှည်ရှည်ကိုထိပ်မှာထက်ခြမ်းခွဲပြီးအခြားသစ်သားတစ်ခုနဲ့ညှပ်ထား
တာမျိုးပါ။အညာမှာခေါ်တဲ့ဂျိတ်ဆိုတာကလည်းဝါးပင်ကရတဲ့ပစ္စည်းပါပဲ။ဝါးပင်ကိုအရင်းနားအထိတူးရင်ဘေး
မှာထွက်နေတဲ့အတက်လေးတွေထဲကအသန်မာဆုံးအတက်တခုကိုချိန်ပြီးကျန်တာတွေကိုဓားနဲ့ဖဲ့ပြီးရလာတဲ့
ဝါးပင်ပါ။ဝါးပင်ရင်းမှာဂျိတ်အဖြစ်သုံးလို့ရမည့်အတက်လေးပါတဲ့ဝါးပေါ့ဗျာ။အနည်းဆုံးတလံကျော်ကျော်
လောက်အရှည်ရှိပြီးလုံးပတ်သိပ်မကြီးတဲ့တောထဲက၀ါးပင်ကိုသုံးကြပါတယ်။တောထဲက၀ါးရုံပင်တိုင်း
မှာအလွယ်တကူလုပ်ယူလုိ့ရပါတယ်။
အဲ့ဒီဂျိတ်ကအသီးခူးရာမှာလည်းအလွန်အသုံးဝင်ပါတယ်။ဒါကြောင့်အိမ်တိုင်းလိုလိုမှာရှိတတ်ကြတယ်။
မန်ကျည်းသီးဆွတ်ချင်ရင်လည်းဂျိတ်နဲ့ဆွဲပြီးဆွတ်လို့ရသလို၊တခြားအသီးအရွက်ခူးချင်လျှင်လည်းအသုံးပြုနိုင်
ပါတယ်။တမာရွက်ခူးရာမှာလည်းတမာပင်ပေါ်ကိုတက်ရင်အဲ့ဒီဂျိတ်ကမပါမဖြစ်ပါရပါတယ်။မဟုတ်ရင်တော့
တမာရွက်ခူးလို့မလွယ်ပါဘူး။တမာပင်ပေါ်ရောက်ရင်လူကခွင်ကောင်းတဲ့တမာကိုင်းပေါ်မှာစိတ်ချရအောင်
ထိုင်ပြီးမိမိနဲ့နီးစပ်ရာကိုင်းကိုဂျိတ်နဲ့ဆွဲယူပြီးလက်တဖက်ကတမာရွက်နုလေးတွေကိုချိုးယူရပါတယ်။ရလာတဲ့
တမာရွက်ကိုလွယ်အိတ်ထဲမှာထည့်ရပါတယ်။တမာရွက်ချိုးယူရာမှာလည်းတမာကိုင်းလေးပါလက်တဆစ်
စာလောက်ပါအောင်ချိုးရပါတယ်။ဒါမှသာအစည်းစည်းတဲ့အခါအဆင်ပြေပါတယ်။
တချို့တစ်ခါစားသမားမျိုးတွေကျတော့လည်းဂျိတ်အစားဓားကိုသုံးပြီးတမာကိုင်းတွေကိုချိုင်ချပါတယ်။
အဲ့ဒီလိုလုပ်တော့နောက်နှစ်မှာဒီတမာပင်ကနေအရွက်ခူးလို့မရတော့ဘူးပေါ့။တချို့ကိုယ်ကျိုးရှာသမား
အများစုကအဲ့လိုလုပ်ကြတယ်။သူတို့အတွက်သာကြည့်ပြီးတော့သူတပါးအတွက်လုံးဝထည့်မစဉ်းစားကြတဲ့
သူမျိုးတွေပေါ့။တမာရွက်နုချိန်ဆိုရင်တော့တမာရွက်ခူးရောင်းပြီးတဖက်တလမ်းကနေငါးပိဖိုးဆားဖိုးရှာလို့ ရပါတယ်။တမာရွက်စစနုချင်းဆိုဈေးကောင်းရတာမို့လူတိုင်းကတမာရွက်စနုပြီဆိုတောထဲကိုထွက်ပြီး
တမာရွက်ရှာကြပါတယ်။
စားချင်တာကတော့တမာရွက်ပြုတ်၊ရေးမိတာကတမာပင်နဲ့တမာရွက်ခူးတဲ့အကြောင်း၊ဗဟုသုတလေးတွေ
သိသလောက်မျှဝေချင်တာနဲ့ရေးရင်းရေးရင်းဒီလောက်ဖြစ်သွားတာပါ။နောက်နေ့မှပဲတမာရွက်ပြုတ်တာနဲ့
တမာရွက်ပြုတ်စားသောက်တာလေးတွေဆက်ရေးတော့မယ်ဗျာ။ဒီပို့စ်ကိုဖတ်ပြီးအနည်းငယ်မျှသော
ဗဟုသုတလေးများရင်ထဲရောက်သွားရင်ကျေနပ်ပါတယ်။
လေးစားလျက်
ရွှေညာသားလေး
0 comments:
Post a Comment