ယိုယွင်းနေသောတက္ကသိုလ်ပညာရေး

 photo credit >>>>> google images

ပညာရေးလောကကကြီးကြီးငယ်ငယ်ရွယ်ရွယ်လတ်လတ်ပြောကြတဲ့အကြောင်းပြချက်တခုရှိတယ်။
အပြင်မှာမသင်စေချင်ရင်လစာလောက်ငအောင်ပေးပေါ့တဲ့။ဟုတ်ပါပြီသူတို့အလိုအတိုင်းလစာကို
အတိုင်းအတာတခုအထိတိုးပေးလိုက်ပါပြီတဲ့ဒီစနစ်ကပျောက်ကွယ်သွားမှာသေချာလား။

လူ့လောဘဆိုတာမျိုးကအတောမသတ်နိုင်ပါဘူး။ငါးသိန်းရတဲ့သူဆယ်သိန်းပေးပြီးအပြင်မှာမသင်ဖို့
ပြောကြည့်ဆယ်သိန်းထက်ပိုလိုချင်စိတ်နဲ့ရတဲ့နည်းသုံးပြီးသင်အုံးမှာပဲ။ရတဲ့လစာမလောက်ငဘူးဆိုတာ
ဝန်ခံပါတယ်။မိသားစုရှိတဲ့သူ၊သားသမီးကျောင်းသူကျောင်းသားရှိတဲ့ဝန်ထမ်းတွေဆိုမပြေလည်ကြပါဘူး။

တကယ်တော့ကျနော်တို့ဆီကဥပဒေဆိုတာကလည်းစာရွက်ပေါ်မှာပဲလက်တလုံးခြားလုပ်လုပ်သွားတာ
များတယ်။အခုလွှတ်တော်အမတ်ဖြစ်နေတဲ့ကျောင်းအုပ်လက်ထက်ကဆိုကျောင်းဖွင့်ချိန်ရောက်တိုင်း
ကျနော်ကျမအခကြေးငွေမယူပါဘူးဆိုပြီးစာရွက်မှာအချက်အလက်တွေဖြည့်လက်မှတ်ထိုးခိုင်းတယ်။
ဒါမျိုးကိုလိုလားနေသူဆိုတော့ဝမ်းသာမိတာအတိုင်းထက်အလွန်ပါပဲ။ဒါပေမဲ့အဲ့ဒီဝမ်းသာစိတ်ကကြာကြာ
မခံပါဘူး။ဘာလို့လဲဆိုတော့စာမေးပွဲနီးပြီဆိုလက်မှတ်ထိုးထားတဲ့သူများကိုယ်တိုင်အထုပ်လေးကိုင်ပြီး
လူမြင်အောင်တမျိုး၊လူမမြင်အောင်တဖုံရပ်ကွက်ထဲဆင်းတာက ဆင်းတာပါပဲ။

ကျောင်းချိန်မဟုတ်တဲ့အခါမျိုးကျောင်းသူကျောင်းသားတွေအုပ်စုလိုက်ကိုယ့်အိမ်ရှေ့ကဖြတ်လျှောက်နေပေမဲ့
လက်မှတ်ထိုးခိုင်းတဲ့ကျောင်းအုပ်ကလည်းနေမြဲအတိုင်းပါပဲ။အဲ့ဒီမှာသတိထားမိတာကဥပဒေဆိုတာစာရွက်
ပေါ်မှာပဲရှိတယ်ဆိုတာသိရတာပါပဲ။တခုခုဖြစ်လာခဲ့ရင်သူ့အပြစ်မဖြစ်ရအောင်လက်မှတ်ထိုးခိုင်းထားတာ
မို့ဘာမှမဖြစ်သရွေ့သူကလည်းမမြင်ချင်ယောင်ဆောင်နေတာပါ။အဲ့လိုနဲ့အချိန်တန်တော့ဘွဲ့ရပညာမတတ်
ရာပေါင်းများစွာသူ့လက်မှတ်နဲ့ဘွဲ့တွေကိုယ်စီရကုန်တော့တာပါပဲ။

တကယ်တမ်းဖြစ်သင့်တာကဥပဒေစည်းကမ်းတခုထုတ်လိုက်ပြီဆိုရင်တကယ်လက်တွေ့အကောင်အထည်
ဖော်နိုင်မှသာဒီဥပဒေစည်းကမ်းရဲ့တန်ဖိုးကလူသိမှာပါ။အဲ့ဒီလိုမဟုတ်ဘဲစာရွက်ထဲမှာသိမ်းထားပြီးလိုအပ်
လာမှထုတ်သုံးတော့တန်ဖိုးမဲ့သွားတယ်။

တခါတခါတော့ကိုယ်ကိုယ်တိုင်လူကြီးနေရာကနေစဉ်းစားပြီးစည်းကမ်းတွေထုတ်၊ဥပဒေတွေထုတ်လို့
စိတ်ကူးနဲ့အကောင်အထည်ဖော်ကြည့်မိတယ်။တကယ်သာတင်းတင်းကြပ်ကြပ်နဲ့တိတိကျကျအရေး
ယူအပြစ်ပေးလိုက်မယ်ဆိုတက္ကသိုလ်ကျောင်းတွေတံခါးပေါက်ချိတ်ပိတ်ထားရုံရှိမှာပါပဲ။ကင်းတဲ့သူက
လက်ချိုးရေလို့ရတာကိုး။

အဲ့ဒီတော့အဓိကတရားခံကလစာလား၊လူတွေရဲ့အတောမသတ်နိုင်တဲ့လောဘလား၊စနစ်ရဲ့လိုအပ်ချက်
အားနည်းချက်လားဆိုတဲ့တွေးစရာတွေပေါ်လာပါတယ်။ လစာကြောင့်ဆိုရင်အတိုင်းအတာတခုအထိ
လောက်ငအောာင်ပေးပြီး၊စည်းကမ်းဖောက်ရင်တိတိကျကျအရေးယူအပြစ်ပေးလုပ်မယ်ဆိုတကယ်တမ်း
အလုပ်ကိုမြတ်နိုးတဲ့သူကစည်းကမ်းဖောက်ဖို့အတွက်စဉ်းစားတော့ကြမှာပါ။

အခုကဘယ်လိုဖြစ်နေလဲဆိုတော့တက္ကသိုလ်အပြင်မှာသင်ပြီးငွေရှာရတာကိုဂုဏ်တခုလိုထင်မှတ်နေကြတာ
ပါပဲ။ကျောင်းသူကျောင်းသားဆီကရသမျှပိုက်ဆံနဲ့မိသားစုစားဝတ်နေရေးပြေလည်ယုံသာမကအချင်းချင်းကြား
မှာဂုဏ်ပြိုင်နိုင်ဖို့အထောက်အကူလဲဖြစ်ပါတယ်။အ၀တ်အစားမှအစလက်ကိုင်အိတ်အဆုံးအတော်အသင့်
ဈေးမြင့်တာလေးလက်မှာချိတ်နိုင်တာပေါ့။ဒါတွေကိုသိနေတဲ့ကလေးတွေကပုံမှန်စာသင်ချိန်များမှာပေါ့ပေါ့ပါးပါး
နဲ့စာသင်ခန်းထဲဝင်ထိုင်၊ဆရာဆရာမသင်သမျှကိုအလေးမထားတော့ပါဘူး။သူတို့စိတ်ထဲမှာအချိန်တန်ရင်ငါတို့
ပိုက်ဆံပေးလို့ရတာပဲဆိုတဲ့အတွေးကျောင်းသားအားလုံးနီးပါးရဲ့စိတ်ထဲမှာစွဲနေပါပြီ။

ကျုပ်တို့ကျောင်းသားဘ၀တုန်းကလည်းအများနည်းတူအပြင်မှာတက်ခဲ့ရတာပါပဲ။ဒါပေမဲ့ကျောင်းထဲကအတန်းချိန်
လုံးဝအပျက်မခံပါဘူး။အခုကတော့အဲ့ဒီသြကာသတန်းတွေစပြီဆိုကျောင်းထဲမှာသင်တဲ့ဆရာဆရာမကစာသင်ခန်း
ထဲသွားပြီးစာသင်ခုံနဲ့စကားပြောယုံသာရှိပါတယ်။ဒါတွေကိုသိတဲ့ဌာနမှူး၊ပါမောက္ခ၊တွဲဖက်ပါမောက္ခနဲ့ကထိကများ
တခွန်းမျှမဟကြပါဘူး။ဘာလို့လဲဆိုတော့သူတို့ကိုယ်တိုင်သြကာသတန်းတွေမှာတိုက်ရိုက်ဖြစ်စေသွယ်ဝိုက်သော
နည်းနဲ့ဖြစ်စေပါဝင်ပတ်သက်နေကြလို့ပါ။

"မြေခွေးတောရောက်ရင်မြေခွေးလိုအူတတ်ရမယ်"ဆိုတဲ့စကားတို့"ရောမရောက်ရင်ရောမလိုကျင့်ရမယ်"တို့စတဲ့
စကားတွေဟာလက်ရှိအချိန်မှာကျနော့်အတွက်အတော်လေးကိုဝေးနေပါသေးတယ်။မြေခွေးတောရောက်ပေမဲ့ခြင်္သေ့
ဆိုတာသိအောင်တော့ရှိတဲ့အင်အားနဲ့ဟိန်းဟောက်ပြရမှာပါပဲ။မဟုတ်ရင်မြေခွေးတွေပေါသထက်ပေါပြီးမြေခွေး
မျိုးဆက်သစ်တွေပဲတိုးပွားလာမှာပါ။

နောက်တခုကျနော်ဘ၀င်မကျတဲ့မြန်မာစကားပုံတခုရှိပါသေးတယ်။"ငါးခုံးမတစ်ကောင်ကြောင့်တလှေလုံးပုတ်"
ဆိုတဲ့စကားပါ။တကယ်တော့မြန်မာ့ပညာရေးလောကဟာငါးပုတ်တွေနဲ့ပြည့်နေတဲ့လှေကြီးတစင်းပါ၊ဘယ်လောက်
ကောင်းတဲ့ငါးဖြစ်ဖြစ်တလှေလုံးပုတ်နေတဲ့ငါးတွေထဲရောက်တော့မပုတ်ချင်သော်လည်းပုတ်သွားကြရတာပါ။
မပုတ်သေးတဲ့ငါးလည်းပုတ်ချင်လာအောင်နည်းမျိုးစုံနဲ့မြူဆွယ်တတ်ပါတယ်။အစကမပုတ်ချင်သော်လည်းပုတ်နေတဲ့
လှေပေါ်ရောက်သွားတော့မထူးဇာတ်ခင်းပြီးရောယောင်ပုတ်သွားရင်းငါးပုတ်လှေကြီးမှာပျော်ပျော်ကြီးစံစားလို့နေကြ
ပါတယ်။

နောက်ပြီးစေတနာဝါသနာအနစ်နာဆိုတဲ့နာသုံးနာနဲ့ပြည့်တဲ့ဆရာဆရာမဒီဘက်ခေတ်မှာတော်တော်ကိုရှားသွားပါပြီ။
စေတနာမပါတော့အနစ်နာလည်းမခံတော့သလိုဝါသနာဆိုတာကလည်းအသပြာရရေးအတွက်ဖြစ်လာတဲဝါသနာမျိုး
လို့ပဲဆိုချင်ပါတယ်။တကယ်သာစေတနာထားတယ်အနစ်နာခံတယ်ဝါသနာရှိတယ်ဆိုရသမျှနဲ့တင်းတိမ်ပြီးဆရာဆိုတဲ့
ဂုဏ်ကိုလက်မထောင်ပြီးစေတနာထားသင်ပြလိုက်စမ်းပါ။ဘယ်သူမှလက်ညှိုးမထိုးရဲ့ဘူး၊ဘယ်ကျောင်းသားမှမထီမဲ့မြင်
မစော်ကားရဲဘူး။အခုတော့အသပြာအတွက်နဲ့တပည့်ကိုပြန်ပြီးကြောက်နေရတဲ့အဖြစ်မျိုး။ကိုယ့်သြကာသသင်တန်း
ကျောင်းသားမလာမှာစိုးတော့ကျောင်းသားဘာလုပ်လုပ်မသိချင်ယောင်ဆောင်နေကြရတာ၊ဒီတော့ကျောင်းသားတွေ
စိတ်ထဲဒီဆရာဆရာမကတော့ငါတို့ဘာလုပ်လုပ်ခွင့်လွတ်ပါတယ်ကွာဆိုတဲ့အတွေးမျိုးဝင်လာပြီးဆရာဆရာမကို
လေးစားမှု့မထားတော့ပါဘူး။

အဲ့ဒီလိုနဲ့အချိန်တန်တော့ဒါသင်ဒါမေးဒါပဲဖြေစနစ်နဲ့သံသရာလည်သုံးလေးနှစ်ကျောင်းမှာအချိန်ကုန်ပြီးဘွဲ့တွေရသွား
အလုပ်ထဲရောက်တော့ဘာမှသုံးစားမရတဲ့ဘွဲ့ရဆိုပြီးတခြားသင်တန်းတွေတန်းစီအောင်တက်ဘွဲ့ကတခြားအလုပ်က
တခြားနဲ့ကမောက်ကမတွေဖြစ်လို့တော်တော်လေးကိုရင်လေးစရာကောင်းတဲ့မြန်မာပညာရေးလောကသြကာသအမြန်
ဆုံးကင်းပြီးစေတနာဝါသနာအနစ်နာဆိုတဲ့နာသုံးနာအရင်းခံတဲ့ဆရာကောင်းဆရာမကောင်းတွေပေါ်ပေါက်ပါစေလို့
ဆုတောင်းရင်းအပြောင်းအလဲကိုမျှော်လင့်လျက်။

အားပေးမှု့ကိုအလေးထားတဲ့

ရွှေညာသား