လမ်းဘေးက ပန်းခင်းလေး

အရင်ပို့စ်မှာ ကျွန်တော်ပြောခဲ့တဲ့ လမ်းဘေးက ပန်းခင်းထဲက ပန်းပင်လေးတွေ ဖူးပွင့်နေတာကို အမှတ်တရ ရိုက်ထားတဲ့ ဓာတ်ပုံလေးတွေပါ။ ပန်းနာမည်ကိုတော့ မသိပါဘူး။ ကျုးလစ်ပန်း တစ်မျိုးပဲသိတယ်။ ကျန်တဲ့ပန်းလေးတွေ ကို နာမည်သိရင် ပြောခဲ့အုံးဗျာ။ ကျွန်တော်လည်း သိရတာပေ့ါ။ ပုံလေးတွေကြည့်ပြီး စိတ်အမောဖြေသွားကြအုံးဗျာ။

 ဒီပုံလေးက အဆောင်နားရောက်မှ ရိုက်ထားတာ နောက်ကအနီရောင်က တိုက်နံရံပါ(ပုံလေးကို သဘောကျတယ်)

ဒီအောက်က ပုံလေးတွေကတော့  ကျောင်းနားလေးမှာ ပွင့်နေကြတဲ့ ပန်းပင်တွေက သဘောကျလို့ ရိုက်ထားတာလေးတွေပါ။ လေးလလောက် သစ်ရွက်ဆိုတာကို မမြင်ရဘဲ ရိုးတံကျဲကျဲ သစ်ပင်တွေနဲ့ နှင်းပြင်ဖြူဖွေးဖွေးတွေကိုသာ ကြည့်နေခဲ့ရတဲ့ မျက်စေ့တွေလည်း အခုမှပဲ အစိမ်းရောင်ဆိုတာကို တ၀ကြီး မြင်ရတော့တယ်။ ဒီအချိန်ကျတော့လည်း ဘယ်အပင်ကိုပဲ ကြည့်ကြည့် အရွက်တွေ၊ အဖူးအပွင့်တွေနဲ့ ဝေဆာနေလိုက်ကြ တာဗျာ ပျော်စရာကောင်းမှကောင်း။

 ဒီအပင်တွေကလည်း မသိရင် မုန့်ညှင်းပွင့်တွေအလား... တူတော့အတော်လေးတူတယ်ဗျာ...

 ဒီအထက်ကပန်းလေးတွေက အဖြူရောင်လည်း ရှိသေးတယ် ပွင့်ရင်တော့အတော်လေးမွှေးတယ် နာမည်တော့မသိပါကြောင်း

 သူကတော့အပွင့်တွေဝေနေတဲ့ ပန်းသီးပင်ပေါ့

တောသားများဗျာ ခက်တော့ခက်သားကလား။ ဒီမြက်ခင်းနားရောက်တော့ မဆီမဆိုင် ရွာကနွားတွေကို သွားသတိရလိုက်သေးတယ်။ နွားတွေများ ချည်ပြီး ကျောင်းလိုက်ရလို့ကတော့ စားလိုက်မည့်ဖြစ်ချင်းဆိုပြီးပေါ့။ မြက်တွေက သန်သန်မာမာ နုနုထွတ်ထွတ်တွေ။ နွားကျောင်းလို့ သိပ်ကောင်းပေါ့ဗျာ။ ကျွန်တော်တို့ဆီမှာပြောကြတယ် မိုးလေးများ အုံ့ဆိုင်းဆိုင်းဆိုရင် နွားတွေတောင် သူတို့ချည်တိုင်ကို ပြန်ပြီးလွမ်းသတဲ့။ ကျွန်တော်ကတော့ မြက်ခင်းစိမ်စိမ်းကိုမြင်လို့ အိမ်ကနွားတွေကို လွမ်းလိုက်မိသေးတယ်။ နွားတွေက တောင်သူလယ်သမားတို့ရဲ့ ကျေးဇူးရှင်တွေလေ။

ပုံလေးတွေကြည့်ပြီး စိတ်ချမ်းသာကြပါစေဗျာ...