သက်သတ်လွတ်အစိမ်းကြော်နဲ့ ခရမ်းချဉ်သီး ဗမာထောင်း

ဒီနေ့တော့ သူတို့နိုင်ငံမှာ စစ်အောင်ပွဲအထိမ်းအမှတ်နေ့မို့ ဆရာမနဲ့ လျှောက်လည် ဖြစ်တယ်။ ညနေမှ အဆောင်ပြန်ရောက် ဗိုက်ကလည်းဆာ ချက်ပြီးသားကလည်း အဆင့်သင့်မရှိတော့ မောသော်ငြားလည်း ချက်ရပြုတ်ရသေးတာပေါ့။ အမေ့အိမ်ကို သတိရမိသေးတယ်။ အမေ့အိမ်ဆိုရင်တော့ ကျောင်းကပြန်လာရင် အဆင်သင့်ခူးစားယုံပဲလေ။ အခုတော့ ဘယ်တတ်နိုင်မလဲ ကိုယ်တိုင်ပဲဖြစ်သလို ချက်ပြုတ်ပြီး ညနေစာကို ဖြေရှင်းလိုက်တယ်။

သက်သတ်လွတ် အစိမ်းကြော်

အချိန်မရတာကြောင့် မြန်တာလေးပဲ ချက်လိုက်တယ်။ ဒါတောင် ပဲပြားကို သပ်သပ်ကြော်နေလို့ နဲနဲကြာသွားသေးတယ်။ ခရမ်းချဉ်သီးကတော့ မီးဖုတ်စရာမရှိလို့ ပြုတ်ပြီးတော့ ထောင်းပါတယ်။ အစိမ်းကြော်ကတော့ ပဲပြား၊ မုံလာဥနီ၊ တရုတ်မုန့်ညှင်းစိမ်း၊ ဂေါ်ဖီ၊ ငရုတ်သီးအတောင့်လိုက် စတာလေးတွေထည့်ပြီး ရောသမမွှေလိုက်ပါတယ်။ ပဲငံပြာရည် အပျစ်လေး နည်းနည်း ထည့်ထားသေးတယ်။ကြော်နည်းကတော့ လွယ်လွယ်လေးမို့ မပြောတော့ပါဘူးဗျာ။

ခရမ်းချဉ်သီး ဗမာထောင်း

ခရမ်းချဉ်သီး ဗမာထောင်းဆိုတာက ပန်းထွေဖျော်လို့ မပြောချင်လို့ပါ။ ပန်ထွေဖျော်က တခြားလူမျိုးလုပ်တာကို ခေါ်တာလို့ ကြားဖူးလို့လေ။ ကျွန်တော်က ဗမာစစ်စစ်ဆိုတော့ အမျိုးကို ချစ်လို့ ဗမာထောင်းလို့ ပြောတာ(အဟီးးး)။ အမေ့အိမ်မှာ ထောင်းသလိုပဲ အရင်ဆုံး ငရုတ်သီးနဲ့ ကြက်သွန်ဖြူကို ဆားထည့်ပြီး ညက်အောင်ထောင်းပါတယ်။ နံနံပင်ကိုလည်း ရေဆေးပြီး အတူထည့်ထောင်းလိုက်တယ်။ ပြီးတော့မှ ခရမ်းချဉ်သီး ပြုတ်ထားတာကို ထည့်ပြီး ညက်အောင်ထောင်း လိုက်တော့ ခရမ်းချဉ်သီး ဗမာထောင်း တခွက်ရပြီပေါ့ဗျာ။ ခရမ်းချဉ်သီး ပန်ထွေဖျော်ပဲ၊ ခရမ်းချဉ်သီးထောင်း စတာတွေက ငါးခြောက်ဖုတ်ဆီဆမ်းလေးနဲ့ တွဲစားလို့ အတော်လိုက်ဖက်ပါတယ်။ ဒီမှာတော့ ငါးခြောက်မရှိလို့ ကောင်းသော်ငြားလည်း မပါတော့ဘူးဗျာ...။

ပိုပြီး ရှင်းရှင်းလေး မြင်ရအောင်ထပ်ရိုက်လိုက်တယ်

အမေ့အိမ်မှာဆိုရင်တော့ ခရမ်းချဉ်သီးကို မီးခဲပေါ်မှာ တင်ပြီး ဖုတ်ပါတယ်။ ဗမာ ခရမ်းချဉ်သီးက ချဉ်လည်းချဉ် မီးဖုတ်ရင် အနံ့လေးက မွှေးသေး။ နောက်ပြီး ငရုတ်သီးကလည်း ကုလားအော်သီးစိမ်း လတ်လတ်ဆတ်ဆတ်နဲ့ဆိုတော့ မကောင်းခံနိုင်ရိုးလားဗျာ။ ဒီက ခရမ်းချဉ်သီးကတော့ ပွဆောင်းဆောင်းနဲ့ သိပ်ပြီးမချဉ်ပါဘူး။ ဒါပေမဲ့လည်း ဈေးကတော့ မချိုလှဘူး။ မချိုပေမဲ့လည်း ဒါလေးတော့ ၀ယ်စားအုံးမှလေ။ ကျန်းမာရေးက ရှိသေး မဟုတ်လား။ အသားတွေပဲ စားနေရတော့ လူတွေလည်း အစွယ်တွေ ရှည်လာပြီးမှတ်တယ်။

စိမ်းစိမ်းလေတွေက နံနံပင်လေးတွေပါ

ကဲ… ဖြစ်သလို ချက်ထားတာလေးတွေနဲ့ ညနေစာကို ကျွန်တော်နဲ့အတူ လက်ရည်တပြင်တည်း သုံးဆောင်သွားပါအုံးဗျာ။ လက်ရာကတော့ သိပ်မကောင်းဘူးနော်…. ကြိုပြောထားတာ... အရည်သောက်ကတော့ စံပယ်ပန်းလ္ဘက်ခြောက် ရေနွေးလေး လုပ်ထားတယ်ဗျာ။

ဒီနေ့ လက်ဆော့ခဲ့တဲ့ ဓာတ်ပုံလေးတွေတော့ နောက်နေ့မှ တင်ပေးတော့မယ်။ 

အားလုံးသော ကျွန်တော့် ညီအစ်ကိုမောင်နှမတွေ ကိုယ်စိတ်နှစ်ပါး ကျန်းမာချမ်းသာ ကြပါစေ။