ချက်ထားသမျှ ဟင်းပေါင်းစုံ

အခုနောက်ပိုင်းရောဂါတစ်ခုလိုဖြစ်နေတာကဟင်းခွက်များဓာတ်ပုံရိုက်မှတ်တမ်းတင်ခြင်းပါ။ဘာပဲချက်ချက်မစားခင်တော့
ကင်မရာလေးဆွဲပြီးမှတ်တမ်းတင်ထားလိုက်တယ်။စက်ထဲနေရာလွတ်မကျန်လို့စစ်လိုက်ပြီဆိုဟင်းခွက်ပုံကများများရယ်။
ဘာရယ်မဟုတ်ဘူးတချို့ဟင်းလေးတွေကျတော့လည်းပုံမြင်တာနဲ့ဘာတွေဘယ်လိုထည့်ချက်လဲဆိုတာကိုယ့်မှတ်ဥာဏ်နဲ့
မှတ်မိအောင်သိမ်းထားဖြစ်တာပါ။နောင်တစ်ချိန်ပြန်ကြည့်ရင်အမှတ်တရလည်းဖြစ်ကျန်ရစ်တာပေါ့။

ဒါကြောင့်ဒီတစ်ခါတော့ပုံတွေစုပေါင်းပြီးတော့အများကြီးဖြစ်အောင်တင်ပေးလိုက်တယ်ဗျာ။မြင်ရတဲ့သူတွေကိုဒုက္ခပေးတာ

တော့မဟုတ်ရပါဘူးနော်။ဒီထဲမှာရောက်သွားရင်စက်ထဲမှာတချို့တ၀က်ဖျက်ပစ်လို့ရအောင်ပါ။

ချက်နည်းလေးတွေကလည်းအလွယ်လေးတွေမို့အသေးစိတ်မရေးတော့ပါဘူး။သိချင်တဲ့ဟင်းချက်နည်းကိုဟင်းနာမည်နဲ့

စာချန်ထားခဲ့နိုင်ပါတယ်။ကျနော်ချက်နည်းအတိုင်းပြန်မျှဝေပေးပါ့မယ်။ပုံတွေများလို့တစ်ကြိမ်းတည်းချက်တာမထင်ပါနဲ့

တစ်နေ့စာတစ်မျိုးပါပဲတခါတလေနှစ်ရက်လောက်စားရပါတယ် :)

 နေ့လယ်ခင်းအဆာပြေဗူးသီးကြော်နဲ့ရေနွေးကြမ်း

 မြန်မာပြည်အလွမ်းပြေမုန့်ဟင်းခါး

 ခရမ်းသီးမီးဖုတ်သုပ်

 ကြက်သားချဉ်စပ်ချက်

 ဗူးညွှန့်ဖရုံပွင့်ဟင်းနုနွယ်ရွက်ကြော်

အညာပြောင်းဖူးကြော်

 ငါးကန်စွန်းရွက်အချဉ်ရည်သောက် (ငါးဆီနီဂမ် ဖိလစ်ပိုင်စတိုင်)

ညနေစာ ကြာဇံကြော်နဲ့အချဉ်သုပ်

ကြာဇံကြော်နဲ့တွဲဖက်စားသုံးလို့အဆင်ပြေလှတဲ့မုန်လာချဉ်သုပ်

ငါးကြော်တစ်ပိုင်းနဲ့ငါးနီတူငရုတ်သီးစပ်ကြော်

ပုစွန်ကွေးနဲ့သီးစုံကြော်

ကြက်သားခေါ်ရခါးသီးဆီလည်ရေလည် မုန့်ညှင်းချဉ်သုပ်နဲ့တွဲဖက်

ငှက်ပျောဖူးအုန်းနို့ (ဖိလစ်ပိုင်စတိုင်)

အမြဲတမ်းလာရောက်လည်ပတ်ကြတဲ့အွန်လိုင်းမိတ်ဆွေညီအစ်ကိုမောင်နှမများအားလုံးကိုကျေးဇူးအထူးတင်ရှိပါတယ်ဗျာ။
အားလုံးကိုယ်စိတ်နှစ်ဖြာကျန်းမာချမ်းသာပြီးကောင်းကျိုးလိုရာဆန္ဒတွေပြည့်ဝကြပါစေ။

အစဉ်လေးစားလျက်

ရွှေညာသားလေး

ခရမ်းသီးအစပ်ချက်

ဒီတစ်ခါတော့ချက်ရတာလွယ်ကူပြီးထမင်းမြိန်စေတဲ့ခရမ်းသီးအစပ်ချက်ပုံလေးမျှဝေပေးလိုက်ပါတယ်။

သတ်မှတ်ချက်ရယ်လို့အတိအကျမထားဘဲချက်ခါနီးအချိန်မှာပေါ်လာတဲ့စိတ်ကူးကိုအခြေခံပြီးချက်ပြုတ်တာမို့ပါဝင်ပစ္စည်း

အတိအကျတောင်းရင်ပမာဏကိုခန့်မှန်းရတာခက်ပါတယ်။ဒါကြောင့်ကျနော်ရေးတဲ့အစားအသောက်ပို့စ်တော်တော်များမှာ

ချက်ပြုတ်ပုံအဆင့်ဆင့်ကိုအသေးစိတ်ရေးတာရှားပါတယ်။ဒါပေမဲ့ကိုယ့်စိတ်ကူးနဲ့ကိုထည့်ချင်တာထည့်ချက်လို့

စားတဲ့အခါအဆင်ပြေတာရှိသလိုမပြေတာမျိုးလည်းရှိတတ်ပါတယ်။

ဒီဟင်းထဲမှာပါတာတွေကတော့ကြက်သွန်နီတစ်လုံး၊ခရမ်းချဉ်သီးတစ်လုံး၊ချင်းလက်တဆစ်အရွယ်၊ရှမ်းကြက်သွန်ဖြူသုံးမွှာ

ငရုတ်သီးစိမ်းသုံးတောင့်အားလုံးကိုရောပြီးလက်လှည့်ကြိတ်စက်နဲ့ကြိတ်ပါတယ်။

မီးဖိုပေါ်ဒယ်အိုးတင်ပြီးဆီအနည်းငယ်ထည့်၊ဆီပူလာတော့နနွင်းမှုန့်ထည့်ပြီးအစောကကြိတ်ထားတဲ့အရောကိုထည့်၍

ဆီသတ်ပါတယ်။အပေါ့်အငန်အတွက်ငါးပိအနည်းငယ်နဲ့ဆားသင့်တော်ယုံထည့်ပြီးကျက်သွားတော့မှ

လေးစိတ်ခွဲထားတဲ့ခရမ်းသီးပုဝိုင်းဝိုင်းလေးတွေကိုထည့်ပါတယ်။ခရမ်းသီးအရှည်တောင့်များနဲ့လည်းချက်ပြုတ်နိုင်ပါတယ်။

ခရမ်းသီးထည့်ပြီးရေအနည်းငယ်နဲ့ဆယ်မိနစ်ခန့်ဒယ်အိုးဖုံးအုပ်ပြီးချက်လိုက်ရင်စားလို့ကောင်းတဲ့ခရမ်းသီးအစပ်ချက်

ဟင်းတစ်ခွက်ရပါပြီ။ဟင်းအိုးချခါနီးမှာနံနံပင်ရှိရင်ထည့်လိုက်ပါ။ခရမ်းသီးအစပ်ချက်ဟင်းကိုထမင်းပူပူလေးနဲ့

ငါးပိကောင်ကင်လေးတွဲပြီးလွေးလိုက်ရရင်ဖြင့်အာဂပါးစပ်လူဖြစ်ကျိုးနပ်ပေပေါ့လို့ပြောနိုင်မှာသေချာပါတယ်။

အသားသိပ်မစားတဲ့သူတွေအတွက်သင့်လျော်တဲ့ဟင်းတစ်ခွက်ဖြစ်ပါတယ်။အကုန်အကျလည်းသက်သာ

ချက်ပြုတ်ရတာလည်းလွယ်ကူကျန်းမာရေးနဲ့လည်းညီညွတ်တဲ့ဟင်းတစ်ခွက်ဖြစ်တာမို့အဆင်ပြေရင်

ချက်စားကြည့်ပါလို့တိုက်တွန်းပါရစေဗျာ။

အားလုံးကိုယ်စိတ်နှစ်ဖြာကျန်းမာချမ်းသာကြပါစေ။အမြဲတမ်းလာရောက်လည်ပတ်ကြတဲ့အတွက်လည်း

ကျေးဇူးတင်ရှိကြောင်းပါဗျာ။

အစဉ်လေးစားမှုဖြင့်

ရွှေညာသားလေး

တိတ်ဆိတ်နေသော အိမ်လေးများ

Picture credit to Google images

အခုတစ်လောကိုယ်ပိုင်အိမ်မှာလည်းနေ့တိုင်းဝင်ပြီးသန့်ရှင်းရေးလုပ်ဖြစ်သလိုနီးစပ်ရာအိမ်လေးတွေဆီကိုလည်းသွားလည်

ဖြစ်ပါတယ်။အဲ့ဒီမှာသတိထားမိတာတစ်ခုကအိမ်လေးအတော်များများကအိမ်ရှင်တွေအလုပ်များနေကြဟန်တူရဲ့တံခါး

လေးတွေပိတ်လို့ဗျာ။တချို့အိမ်ရှင်တွေကတော့ပြီးခဲ့တဲ့နေ့တိုင်းမဟုတ်ပေမဲ့အသစ်အဆန်းလေးတွေနဲ့ပြုပြင်ထားတာတွေ့

ရတယ်။တချို့ကတော့နောက်ဆုံးရောက်တာတစ်နှစ်အကြာကတို့၊ဆယ်လအကြာကတို့စတဲ့သတိပေးစာလေးများလည်း

မြင်တွေ့ခဲ့ရတယ်။တကယ်တော့၂၀၁၁မတိုင်ခင်နဲ့၂၀၁၂လောက်အထိကျနော်တို့ဒီအသိုင်းအ၀ိုင်းလေးတက်တက်ကြွကြွနဲ့

သူ့အိမ်ကိုယ်သွားလည်ကိုယ့်အိမ်သူလာလည်နဲ့မေးကြမြန်းကြစကားတွေပြောကြအမြင်တွေဖလှယ်ကြနဲ့စည်စည်ကားကား

ရှိခဲ့ကြတယ်။အိမ်ရှင်အများစုကလည်းအလုပ်ကိုယ်စီတာဝန်ကိုယ်စီနဲ့မို့အိမ်ဘက်လှည့်ဖို့အခွင့်မသာတာလည်းဖြစ်ကြမှာပါ။

ကျနော်ကိုယ်တိုင်လည်းအိမ်လေးထဲလာကြည့်လိုက်ပြန်ထွက်သွားလိုက်နဲ့ကာလအတော်ကြာလျစ်လျူရှု့ထားခဲ့မိတယ်။

ကျနော့်အထင်ကိုယ်ပိုင်အိမ်လေးများထက်လူပိုစည်တဲ့မျက်နှာများနဲ့စာအုပ်ပေါ်လာတဲ့နောက်ပိုင်းမှာကိုယ်ပိုင်အိမ်လေးများ

ရဲ့တံခါးလေးတွေမသိမသာလေးစေ့လာကြပြီးနောက်ပိုင်းလုံးဝသော့ပိတ်တဲ့အထိဖြစ်ကုန်ကြဟန်တူပါတယ်။မျက်နှာများနဲ့

စာအုပ်မှာထဲမှာတော့လူတိုင်းကဖြစ်သမျှအလုံးစုံသူ့ထက်ငါအရင်ဦးအောင်တင်ကြရေးကြဝေကြငှကြနဲ့ကြည့်သူလည်သူ

အပေးအယူတွေတည့်ပြီးအဆင်ပြေနေကြတယ်။ကျနော်လည်း၂၀၁၅ခုနှစ်နောက်ဆုံးနေ့များအထိမျက်နှာများနဲ့စာအုပ်ထဲ

မှာဝင်ပြီးတချို့သောအချိန်လေးတွေကုန်ဆုံးမိခဲ့ပါတယ်။အထူးသဖြင့်ရွေးကောက်ပွဲမတိုင်ခင်နဲ့ရွေးကောက်ပွဲပြီးကာလမှာ

အဆိုးဆုံးပါပဲ။အချိန်ရရင်ရသလိုဒီမျက်နှာများနဲ့စာအုပ်ကိုခဏခဏလှန်ကြည့်နေမိခဲ့တာပါ။တိုင်းပြည်ရဲ့အရေးပါကြီးလှတဲ့

အပြောင်းအလဲတစ်ခုပြုလုပ်တဲ့အချိန်မို့ကိုယ်တိုင်ကအားနဲ့အင်နဲ့ဝင်ပြီးမလှုပ်ရှားနိုင်တော့လေလှိုင်းပေါ်ကနေပဲအခြေအနေ

တွေကိုလေ့လာစောင့်ကြည့်ပြီးအားမလိုအားမရဖြစ်ခဲ့ရတာပါ။

မြန်မာပြည်သူပြည်သားတွေဖုန်းတွေကိုယ်စီနဲ့အင်တာနက်တွေသုံးတတ်လာကြတော့နှစ်ပေါင်းများစွာပိတ်နေခဲ့ရတဲ့နားတွေ

မျက်စေ့တွေပွင့်လာကြပြီးကမ္ဘာပေါ်မှာနေ့စဉ်နဲ့အမျှဖြစ်ပျက်နေတဲ့အရာတွေကိုကိုယ်တိုင်လည်းသိရှိအများသူငါသိရအောင်

လည်းပြန်ဝေငှနဲ့အတော်လေးလူကြိုက်များတဲ့မျက်နှာများနဲ့စာအုပ်ထဲမှာအချိန်တွေကုန်ဆုံးနေကြတယ်။တခါတလေမှာ

ကျနော်လည်းအဲ့ဒီမျက်နှာများနဲ့စာအုပ်ထဲမှာစာတိုပေစလေးတွေရေးကြည့်မိတယ်။ကိုယ်ရဲ့အသိမိတ်ဆွေအပေါင်းအသင်း

သူငယ်ချင်းများရဲ့အထင်အမြင်သဘောထားလေးတွေလည်းရသင့်သလောက်ရပါတယ်။သို့သော်လည်းကျနော်ကိုယ်တိုင်

အဲ့ဒီဟာတွေအပေါ်မှာသိပ်ပြီးမခံစားတတ်တော့ရေးလိုက်ဖျက်လိုက်နဲ့လုံးလည်လိုက်နေတာများပါတယ်။ဒီကိုယ်ပိုင်နေရာ

လေးမှာတော့တိတ်ဆိတ်အေးချမ်းတဲ့အတွက်ဘယ်သူဘယ်ဝါလာကြည့်တာမကြည့်တာနောက်ထားလို့ကိုယ့်ရဲ့စိတ်ကူး

လေးတွေမျှဝေရတာကိုပဲစိတ်ထဲမှာဝမ်းသာကျေနပ်နေမိတယ်။

စိတ်ထဲရှိတာကိုရေးသားခွင့်ရတဲ့နေရာချင်းအတူတူလူတိုင်းမြင်နိုင်ဖတ်နိုင်တာချင်းအတူတူအတိုင်းအတာအကန့်အသတ်

လေးနဲ့စိတ်အေးချမ်းမှုလည်းရှိကိုယ်တင်သမျှရေးသမျှလေးတွေကမှတ်စုစာအုပ်တစ်အုပ်စုဗူးလေးတစ်ဗူးလိုထည့်တာမှန်

သမျှအားလုံးတစ်စုတစ်စည်းထဲရှိနေတာမို့သဘောကျနှစ်သက်မိတယ်။မျက်နှာများနဲ့စာအုပ်ကိုလက်ပြနှုတ်ဆက်ခဲ့ပြီးမူလ

ကိုယ်ပိုင်နေရာလေးဆီကိုခြေပြန်ချတော့မှအရင်ကထည့်ထားသမျှအရာလေးတွေကိုမပျက်မယွင်းပြန်တွေ့ရသလိုပြုံးရွှင်

စွာနဲ့ကြိုဆိုနေကြတဲ့သူတို့မျက်နှာလေးတွေမြင်ရတော့ခဏတာပစ်ထားမိတဲ့ကိုယ့်ကိုကိုယ်အပြစ်တင်မိတယ်။တခြားသော

အိမ်လေးများစွာဆီကိုလည်းသွားရောက်လည်ပတ်တော့ကိုယ်လိုပဲသူတို့တွေလည်းအိမ်တံခါလေးများစေ့ထားကြပါလား

လို့တွေးမိပြီးအသာလှည့်ပြန်ခဲ့တယ်။

အိမ်ရှင်တိုင်းမှာအဆင်မပြေတာတွေအခက်အခဲတွေအချိန်မပေးနိုင်တာတွေရှိကြမှာကိုကိုယ်ချင်းစာနားလည်နိုင်ပေမဲ့

မိမိကိုယ်တိုင်တည်ဆောက်ထားတဲ့အေးချမ်းတည်ငြိမ်သောစစ်မှန်တဲ့နွေးထွေးမှုလေးများကိုပေးစွမ်းသောကိုယ်ပိုင်အိမ်

လေးများမှာပြန်လည်နေထိုင်ရင်းမိတ်ဆွေများနဲ့အတွေးအမြင်လေးတွေဖလှယ်ကြရင်းသာယာအေးချမ်းတဲ့ဘ၀များကို

ဆက်လက်လျှောက်လမ်းကြဖို့အိမ်နီးချင်းတစ်ယောက်အနေနဲ့မြင်မိတာလေးကိုမျှဝေလိုက်ပါတယ်။အသစ်တွေဘယ်လို

ကောင်းကောင်းအဟောင်းကိုတော့တ၀ဲလည်လည်ဆိုတာလိုကျနော့်အတွက်တော့ဒီနေရာလေးသည်သာဆိတ်ငြိမ်မှု့

အေးချမ်းမှု့နဲ့မိမိရဲ့အတွေးစိတ်ကူးလေးများဖွင့်လှစ်သွန်ချရာနေရာလေးတစ်ခုအဖြစ်ရှု့မြင်မိပါတယ်။

"အိမ်လည်ထွက်ရင်းတွေးမိတာလေးကိုရေးသားခြင်းမျှသာဖြစ်ပါသည်။ကျနော်အပါအ၀င်လူတိုင်းကိုယ်စီအချိန်ရှားပါး

ကြတာမို့တခြားသောဘ၀ရဲ့အရေးကြီးတဲ့ဦးစားပေးရမည့်အလုပ်တွေရှိကြတာမို့မည်သူ့ကိုမျှအပြစ်တင်လိုခြင်းနဲ့ရေး

သားရခြင်းမဟုတ်ပါဘူး။ကျနော်တစ်ဦးတည်းရဲ့အတွေးသက်သက်မျှသာဖြစ်တာမို့နားလည်ပေးနိုင်ကြမည်လို့မျှော်

လင့်ပါတယ်ဗျာ"

အားလုံးကိုယ်စိတ်နှစ်ကျန်းမာချမ်းသာပြီးလုပ်ဆောင်ဖွယ်ရာကိစ္စအ၀၀အဆင်ပြေချောမွေ့စွာလုပ်ဆောင်နိုင်ကြပါစေ။

အားပေးမှုကိုအစဉ်လေးစားလျက်

ရွှေညာသားလေး

အပြောင်းအလဲကိုကြိုဆိုခြင်း

 

photo credit to Google images

ရွှေပြည်ကြီးမှာမကြာခင်အပြောင်းအလဲတွေမြင်ရတော့မှာမို့ကျနော်လည်းကာလအတော်ကြာမပြုမပြင်ဘဲထားတဲ့ဒီနေရာ

လေးကိုအမြင်ဆန်းအသွင်ဆန်းအောင်ပြုပြင်ရင်းသန့်ရှင်းရေးလုပ်လိုက်ပါတယ်။မလုပ်တာကြာတော့အဆင့်တိုင်းကိုဝင်ရ

မေ့တေ့တေ့ဖြစ်နေတယ်။သို့သော်လည်းအတတ်နိုင်ဆုံးဂူဂယ်လ်မှာခေါက်ရှာလိုက်ကိုယ်တိုင်ပြန်စမ်းကြည့်လိုက်နဲ့မနေ့ည

တုန်းကစလိုက်တာအခုမနက်ပိုင်းရောက်တော့ကြည့်ပျော်ရှု့ပျော်လေးဖြစ်လာတယ်။

 

ဖေ့စ်ဘွတ်နဲ့လမ်းခွဲပြတ်စဲပြီးနောက်မူလချစ်သူရှိရာဆီကိုနေ့တိုင်းလိုလိုအခစားဝင်ဖြစ်တယ်ဆိုလည်းမမှားပါဘူး။ဖေ့စ်ဘွတ်

မှာလူပေါင်းရာချီပြီးလက်မထောင်ကြ၊ကွန်မန့်တွေပေးကြနဲ့တရုန်းရုန်းဖြစ်နေပေမယ့်ဒီနေရာဟောင်းလေးကိုပဲအမြဲတမ်း

လွမ်းတယ်။အရင်ဘလော့ခ်ပုံစံလေးကိုလည်းစိတ်ကြိုက်ကလိထားတာမို့ကာလအတော်ကြာပဲဒီအတိုင်းလေးထားရင်းပို့စ်

အသစ်လေးတွေတင်ခဲ့တယ်။မနေ့ညတုန်းကတော့ပြောင်းလဲခြင်တဲ့စိတ်ကအတိုင်းထက်အလွန်ဖြစ်လာပြန်လို့အဟောင်း

လေးကိုသိမ်းပြီးသူများဖန်တီးထားတဲ့အသစ်လေးတွေထဲကကိုယ်ခံစားမှုနဲ့ကိုက်ညီမယ်ထင်တာလေးတွေလိုက်ရွေးရင်း

ဒီပုံစံလေးကိုသယ်လာဖြစ်ခဲ့တယ်။

 

အသစ်ရောက်လာပြီဆိုတော့သူ့နေရာနဲ့သူနေရာချဖြုတ်သင့်တာဖြုတ်ထည့်သင့်တာထည့်နဲ့အပြောင်းအလဲကိုကိုယ်တိုင်
ကိုယ်ကျလုပ်နေရတာစိတ်ချမ်းသာတယ်။ဒီနေရာလေးကကိုယ်ပိုင်လေးဖြစ်တော့ကိုယ့်စိတ်တိုင်းကျပြင်လိုပြင်ဖြုတ်လို
ဖြုတ်လုပ်ရတာလွယ်ကူသလောက်အပြင်လောကမှာတော့ပြင်ချင်လည်းအများဆန္ဒနဲ့ဖြုတ်ချင်လဲအများဆန္ဒနဲ့မို့ထင်သ
လောက်အလုပ်မတွင်ကြပါဘူး။ကောင်းမှန်းသိပေမဲ့လက်ရှိအတိုင်းနေတာလေးကပိုအဆင်ပြေတာမို့ဒီအတိုင်းလေးပဲထား တာကောင်းပါတယ်ထင်နေသူအများစုနဲ့လွှမ်းမိုးနေတဲ့နေရာမှာတော့ပြောင်းလဲချင်သူတိုင်းဟာစိတ်သာရှိပေမဲ့ဘာမှလုပ်
ဆောင် လို့မရဘဲအများဆန္ဒကိုသာလိုက်လျောပြီးကိုယ်တိုင်ပြုပြင်ပြောင်းလဲခွင့်ရမည့်အချိန်ကိုစိတ်ရှည်သီးခံပြီးစောင့်နေ
ကြရတယ်။

မကြာခင်ကာလများမှာတော့အရာရာတိုင်းမဟုတ်တောင်မှတချို့တလေတော့လွန်ခဲ့သောကာလနှစ်များစွာကတည်းက
လူအများလိုချင်နေသော၊ဖြစ်ချင်နေသောအပြောင်းအလဲတစ်ခုကိုမျက်မြင်ကိုယ်တွေ့မြင်ရကြားရတော့မှာမို့ရောက်ရှိလာ
မည့်ထိုနေ့ကိုစိတ်ကူးသစ်၊အသွင်သစ်အမြင်သစ်အားမာန်သစ်တွေနဲ့ကိုယ်တတ်နိုင်တဲ့နေရာကနေပါဝင်ကူညီဖို့စောင့်မျှော်
ကြိုဆိုနေလျက်ပါ။

ကျနော်ဒီနေရာလေးကိုလက်ရှိပြုပြင်နေဆဲကာလမို့လာရောက်လည်ပတ်ကြတဲ့မိတ်ဆွေညီအစ်ကိုမောင်နှမများအဆင်

မပြေတာလေးတွေရှိရင်သည်းခံခွင့်လွှတ်ပေးပါလို့တောင်းပန်ပါတယ်ဗျာ။အမြဲတမ်းလာရောက်အားပေးကြတဲ့အတွက်

ကျေးဇူးအထူးတင်ရှိပါတယ်။

အစဉ်လေးစားလျက်

ရွှေညာသားလေး

ဝေးကွာနေသော ထမင်းကြမ်းနွှေး

ကျနော်တို့အညာမှာတော့နံနက်အစောဆိုရင်အများသောအားဖြင့်ထမင်းကြမ်းနွှေးတစ်ဆုပ်တစ်လုတ်စားကြတာများတယ်။

ညကကျန်တဲ့ထမင်းကိုတခါတလေဆီပါလေကာနဲ့၊တခါတလေတော့ညကကျန်တဲ့ဟင်းနဲ့ရောနယ်ပြီးဒယ်ပူတိုက်ထားပေမဲ့

စားလို့ကောင်းတယ်။အိပ်ယာထပြီဆိုတာနဲ့ရေထမ်းပုံးဆွဲပြီးချောင်းထဲပြေးကိုယ်လက်သန့်စင်မျက်နှာပါသစ်ပုဆိုးခါးပုံစနဲ့

မျက်နှာသုတ်ပြီးလက်ယက်တွင်းကရေကိုဖလားနဲ့ရေပုံးထဲခပ်ထည့်ရေပုံးထမ်းပြီးအိမ်ကိုပြန်။ရေတစ်ခေါက်နှစ်ခေါက်သုံး

ခေါက်လောက်တော့နေမထွက်ခင်ရောက်တယ်။ဆောင်းတွင်းအခါများဆိုအိပ်ယာထဲစောင်ခြုံပြီးကွေးလို့ကကောင်းအမေ

ကမီးဖိုထဲကနေလူလေးတို့ထကြတော့သူများတွေဖြင့်ရေဘယ်နှစ်ထမ်းရောက်ပြီနေမပူခင်တောမထွက်ခင်ရေတစ်အိုး

တစ်ထမ်းကိုယ်လက်သန့်စင်ရင်းသွားထမ်းချေကြကွဲ။အေးလို့ကွေးရင်ပိုအေးတယ်။အိပ်ယာကထပြီးခြေဆန့်လက်ဆန့်

လုပ်ရင်းချောင်းထဲသွားလမ်းတ၀က်ရောက်တာနဲ့အချမ်းပြေတာပဲသွားသွားအမေထမင်းကြမ်းနွှေးထားနှင့်မယ်ဆိုပြီး

သားတွေနဲ့အမေမနက်မိုးလင်းတာနဲ့အပေးအယူတွေမျှလို့ကြည်နူးစရာအတိပေါ့။

ရေထမ်းပြီးတော့အမေဝေထည့်ပေးထားတဲ့ထမင်းကြမ်းနွှေးပန်းကန်ကိုကိုယ်စီယူပြီးအထောင်းအထုလေးနဲ့တို့မြှုပ်ပြီး
ထမင်းစား။မြေဖျဉ်းအိုးမည်းမည်းကြီးနဲ့တည်ထားတဲ့ရေနွေးကထမင်းကြမ်းနွှေးစားပြီးသောက်စရာအဆင်သင့်။
မနက်အစောစာဆိုတော့ညကကျန်တဲ့ထမင်းကြမ်းကိုပဲနွှေးပြီးအဆာပြေစားသောက်ပြီးရေနွေးအ၀သောက်လိုက်တော့
ဗိုက်တင်းသွားရော။စားသောက်ပြီးတော့တာဝန်ကိုယ်စီနဲ့ကျောင်းသွားတဲ့သူကသွားယာထွန်သွားတဲ့သူကသွား
နွားစာရိတ်တဲ့သူကတံစဉ်ဆွဲပြီးနွားစာရိတ်ထွက်နဲ့တကယ့်ကိုပျော်စရာကောင်းပါတယ်။

ကျနော်ရင်ထဲမှာအမြဲတမ်းလွမ်းဆွတ်မိတဲ့ထမင်းကြမ်းနွှေးတစ်မျိုးကတော့မိုးခေါင်ပြီးဆန်ရှားတဲ့အချိန်မှာမိသားစုဝင်
ကများတော့ဆန်ထမင်းချည်းပဲမချက်စားနိုင်ပါဘူး။အဲ့ဒီလိုအချိန်မှာကိုယ့်ယာခင်းကရတဲ့သီးနှံလေးတွေကိုဆန်နဲ့ရောပြီး
ချက်စားကြရတယ်။ကျနော်တို့အိမ်မှာအများဆုံးစားရတဲ့ထမင်းကတော့ဆန်နဲ့ပြောင်းဖူးရောပြီးချက်ထားတဲ့ပြောင်းဖူး
ထမင်းပါပဲ။တခါတလေတော့အမေကအပြောင်းအလဲဖြစ်အောင်ပြောင်းဆန်ကိုမောင်းစင်မှာထောင်းအခွံချွတ်ပြီးဆန်နဲ့
ရောချက်ကျွေးပါတယ်။ပြောင်းဖူးထမင်းပဲဖြစ်ဖြစ်ပြောင်းဆန်ထမင်းပဲဖြစ်ဖြစ်စားတဲ့အခါဆန်းချည်းချက်တဲ့ထမင်းနဲ့တော့
မတူပါဘူး။ပူနွေးနေတုန်းစားရင်တော့သိပ်မသိသာပေမဲ့အေးသွားတဲ့အခါမှာတော့အေးလေမာလေဆိုတဲ့ထမင်းမျိုးတွေပါ။
အဲ့ဒီညကကျန်တဲ့ပြောင်းဖူးပြောင်းဆန်ထမင်းကိုမနက်လင်းတဲ့အခါအမေကဒယ်အိုးထဲမှာဆီပါလေကာထည့်ဆနွင်းဝါ၀ါ
ရောပြီးနွှေးကျွေးပါတယ်။ကျနော်စိတ်ထဲမှာတော့ပြောင်းဖူးပြောင်းဆန်ရောချက်ပြီးကျန်တဲ့ထမင်းကြမ်းနွှေးကိုအကြိုက်ဆုံး
ပါပဲ။သူ့ချည်းသပ်သပ်စားရင်မာတယ်ကြမ်းတယ်ထင်ရပေမယ့်ထမင်းကြမ်းအဖြစ်နွှေးစားတဲ့အခါပျော့ပျော့ပျောင်းပျောင်းနဲ့
စားရတာအတော်လေးနူးညံ့လှပါတယ်။

ပြောင်းဖူးနဲ့ပြောင်းဆန်အမျိုးအစားကိုလိုက်ပြီးပျော့တာမာတာမျိုးတော့ရှိတတ်ပါတယ်။ပြောင်းဖူးတွေထဲမှာတော့ချိတ်ကြား
မျိုး၊အဖြူမျိုးနဲ့ကျနော်တို့အိမ်မှာစိုက်တဲ့ပက်လက်လန်ဆိုတဲ့ပြောင်းဖူးတွေကဆန်နဲ့ရောချက်ရင်စေးထွေးထွေးနဲ့စားလို့
ကောင်းပါတယ်။ထမင်းကြမ်းကျန်တဲ့အခါလည်းထင်သလောက်မမာပါဘူး။ပြောင်းဆန်တွေထဲမှာတော့ခွံကြမ်းပြောင်း၊
ထွက်တိုးပြောင်း၊ဆန်ပြောင်းဆိုပြီးအမျိုးမျိုးရှိတဲ့အထဲကဆန်ပြောင်းနဲ့ထွက်တိုးပြောင်းကိုဆန်နဲ့အများဆုံးရောပြီးချက်စား
ကြပါတယ်။ထွက်တိုးပြောင်းဆန်ထမင်းကတော့ထမင်းကျက်ခါစပူပူမှာဆီဆမ်းဆားဖြူးစားရင်အတော်ကောင်းတဲ့ထမင်းပါ။
ထမင်းအရောင်ကတော့ပြောင်းဆန်ရဲ့တန်ခိုးကြောင့်အနီရောင်ပြောင်းသွားပါတယ်။အမြင်ဆိုးပေမဲ့စားလို့ကောင်းတဲ့ထမင်း
တစ်မျိုးပေါ့ဗျာ။ဆန်ပြောင်းကတော့ထွက်တိုးပြောင်းထက်နူးညံ့ပြီးဆန်နဲ့ရောချက်တဲ့အခါဆန်ကိုအရောင်မပြောင်းစေပါဘူး။
ထမင်းစားတဲ့အခါဆန်စေ့ပြောင်းစေ့ကွတယ်ဆိုယုံလေးပဲရှိပါတယ်။ထမင်းကြမ်းအဖြစ်နဲ့နွှေးစားတဲ့အခါမှာတော့နှစ်မျိုးစလုံး
စားလို့ကောင်းပါတယ်။ထမင်းကြမ်းနွှေးနဲ့မန်ကျည်းသီးထောင်းဖြစ်ဖြစ်၊ချဉ်ပေါင်နီသီးထောင်းနဲ့ဖြစ်ဖြစ်တွဲပြီးစားရတာ
အတော်လေးကောင်းတဲ့အရသာပါ။

အခုနောက်ပိုင်းတော့အဆင်းရဲဆုံးဆိုတဲ့မိသားစုတောင်မှအရောအနှောပါတဲ့ထမင်းမျိုးမစားကြတော့ပါဘူး။ကျနော်တို့
ငယ်ငယ်တုန်းကတော့မကြာမကြာစားခဲ့ရပါတယ်။အခုခေတ်မှာလူဖြစ်တဲ့ကလေးတွေကံကောင်းကြတယ်ပဲဆိုရမှာပေါ့။
ကျနော်ကတော့ငယ်ငယ်တုန်းကအစားအသောက်ဆင်းဆင်းရဲရဲနဲ့ဖြတ်သန်းခဲ့ရတာကိုဘယ်တော့မှမမေ့ပါဘူး။
ရွာပြန်ရောက်တဲ့အခါလေးလေးတွေကိုပူဆာပြီးပြောင်းဖူးထမင်း၊ပြောင်းဆန်ထမင်းချက်ကျွေးခိုင်းတယ်။သူတို့တွေကတော့
ငါ့တူနှယ်ဆန်ဖြူထမင်းနဲ့ကျင့်သားရနေတဲ့မင်းလျှာတွေကြမ်းကုန်ပါ့မယ်ဆိုပြီးစကြတယ်။ဒါပေမဲ့ဆန္ဒပြည့်ဝအောင်တော့
ဖန်တီးပြီးချက်ကျွေးကြပါတယ်။အဖွားရှိတုန်းကဆိုဆန်ကွဲထမင်းမကြာမကြာစားရတယ်။နေ့လယ်ခင်းအဆာပြေစားနိုင်
အောင်ဆန်ကွဲကိုမြေအိုးလေးနဲ့အရည်ခန်းနှပ်ပြီးအိမ်ကိုလာတဲ့မြေးတွေကိုကျွေးတတ်တယ်။

အဖွားတို့ခေတ်နဲ့စာရင်ကျနော်တို့တစ်တွေကကံကောင်းကြပြန်ရော။အဖွားတို့ခေတ်တုန်းကဆိုဆန်မရှိလို့သစ်နောက်ဥ၊
မျောက်ဥ၊ကတူအုစတဲ့တောထဲကသစ်ဥသစ်ဖုတွေတူးပြီးစားခဲ့ကြရတယ်လို့အဖွားပြန်ပြောပြလို့သိခဲ့ရတော့ကျနော်တို့
ပြောင်းဖူးထမင်းပြောင်းဆန်ထမင်းစားရတာကဘာမှမဟုတ်ပါလားလို့တွေးမိတယ်။ကျနော့်ရင်ထဲမှာတော့ဘယ်လောက်
ကောင်းတဲ့အစားအသောက်တွေပဲနေ့စဉ်စားသောက်နေရပါစေငယ်ဘ၀အမှတ်တရတွေနဲ့ပြည့်နှက်ခဲ့တဲ့ငယ်ငယ်ကစားခဲ့
ရတဲ့အရောအနှောပါတဲ့ထမင်းတွေကိုရင်ထဲမှာထာဝရသတိရနေမှာပါ။အသားငါးသီးနှံတွေစုံတဲ့ထမင်းကြော်တွေကိုယ်တိုင်
ကြော်စားတတ်နေပေမဲ့အမေ့အိမ်မှာတုန်းကစားခဲ့ရတဲ့ဆီမပါတဲ့ထမင်းကြမ်းနွှေးလောက်အရသာမရှိလှပါဘူးဗျာ။

အမေ့ကြော်ကျွေးတဲ့ထမင်းကြမ်းနွှေးကိုသတိရလို့ဆန်ဖြူထမင်းကြမ်းကိုကိုယ်တိုင်ကြော်စားဖြစ်ရင်းအမေ့လက်ရာမမှီပေမဲ့
အမေ့လက်ရာနဲ့ရွာအလွမ်းပြေအဖြစ်ဒီပို့စ်လေးကိုရေးသားလိုက်ပါတယ်။

အားလုံးကိုယ်စိတ်နှစ်ဖြားကျန်းမာချမ်းသာကြပါစေဗျာ။အမြဲလာရောက်အားပေးကြတဲ့အတွက်လည်းကျေးဇူးအထူးတင်ပါ
တယ်ဗျာ။

အားပေးမှုကိုအစဉ်လေးစားလျက်

ရွှေညာသားလေး