photo credit >>>> google image
မိတယ်။ရာသီအလိုက်ကျင်းပတဲ့ပွဲတွေ၊ဓလေ့ရိုးရာတွေအစားအသောက်တွေရှု့ခင်းတွေစသဖြင့်ပေါ့လေ။
မရောက်တာကြာတော့တချိန်ကကိုယ်မြင်ဖူးတွေ့ဖူးတဲ့အရာတွေကိုစိတ်ကူးနဲ့မှန်းပြီးလွမ်းရတာပေါ့။
အဲ့ဒီလွမ်းစရာတွေထဲကမှပြာသိုလ်တပို့တွဲတပေါင်းလတွေဟာမိုးလေဝသကောင်းရင်သားရှင်ပြုသမီးနားသ မြေးရှင်ပြုနားသစတဲ့အလှူပွဲတွေခြိမ့်ခြိမ့်သဲဆင်နွှဲကြတဲ့အချိန်အခါပေါ့။မိုးလေဝသကောင်းရင်ဆန်နဲ့ဆီအတွက်
ပူစရာမလိုကျန်တဲ့သင်္ကန်းပရိက္ခရာအတွက်လိုအပ်တာကတော့အရင်ကတည်းကအလှူအတွက်ရည်ရွယ်ပြီး
စုထားဆောင်းထားတဲ့ငွေလေးတွေနဲ့ခပ်ကျဉ်းကျဉ်းအလှူတစ်ပွဲတော့ဖြစ်မြောက်သွားပါတယ်။ကိုယ့်သား ကိုရင်ဖြစ်ရေးအဓိကဆိုရင်တော့ပရိက္ခရှစ်ပါးနဲ့ရွာဦးကျောင်းမှာတင်ကိစ္စပြီးနိုင်ပါသော်လည်းလူ့လောကထုံးစံ
လှူမှလှူတယ်ဆိုလည်းတရားသိမ်းရေစက်ချရင်ဗျောသံလေးတော့ကြားရပါမှအလှူမြောက်တယ်လို့ပုထုစဉ်
အတွေးနဲ့စဉ်းစားပြန်တော့ဒီဗျောစည်သံအတွက်ကလည်းခုခေတ်ဆိုအနည်းသုံးဆယ်သိန်းဝန်ကျင်လောက်
ပေးပြီးငှားရသေးတာ။ဒါတောင်ဆိုင်းအဖွဲ့ရဲနာမည်ကျော်ကြားမှုအပေါ်မူတည်ပြီးဈေးကပြောင်းလဲနိုင်တယ်။
ဆိုင်းပါပြန်တော့မင်းသမီးလေးလည်းထည့်အုံးမှမဏ္ဍပ်ထဲလူစည်မပေါ့ဆိုပြန်တော့မင်းသမီးတလက်ကလည်း
ဒီခေတ်မှာသုံးလေးသိန်းပေးငှားမှရတာပါ။ဟောဆိုင်းနဲ့မင်းသမီးပြည့်စုံတော့ကိုယ့်သားရတနာကိုသာသနာ့
ဘောင်ပို့ဆောင်ရမှာဘိသိတ်သွန်းလောင်းမှအင်္ဂါစုံမယ်တွေးမိပြန်တော့ပေါက်တဲ့နဖူးမထူးတော့ပါဘူးဆိုပြီး
ဘိသိတ်ဆရာကိုပါသိန်းဂဏန်းပေးပြီးငှားရပြန်ရော။ဆိုင်းမင်းသမီးဘိသိတ်ဈေးတွေကတစ်ဦးချင်းစီရဲ့နာမည်
ကျော်ကြားမှုအပေါ်မူတည်ပြီးဈေးနှုန်းပေးရတာမို့ခုခေတ်ငွေကြေးအရခန့်မှန်းချက်မျှသာပြောခြင်းဖြစ်ပါတယ်။
အားလုံးတွက်ကြည့်မယ်ဆိုရင်အကြမ်းဖျင်းအားဖြင့်ဧည့်ခံဖျော်ဖြေရေးအတွက်တင်အနည်းဆုံးဆယ်သိန်းနဲ့
အထက်ရှိပါမှအဆင်ပြေမယ်။
photo credit >>>>> google images
အခုနောက်ပိုင်းမှာတော့ဆိုင်းသီးသန့်မင်းသမီးဘိသိတ်အားလုံးငှားရင် ဆယ်သိန်းကျော်လောက်ကုန်တာမို့တခါတည်းပြီးအောင်ဇာတ်ပွဲတွေကိုငှားလာကြတယ်။ဇာတ်ပွဲငှားမယ်ဆိုလည်းနာမည်ပေါ်လိုက်ပြီးဈေးက
ပေးရတာပါပဲ။တကယ်တော့ပကာသနကိုဦးစားပေးတဲ့ခေတ်မှာဒါတွေမပါရင်လည်းလူမစည်ဘူးဆိုကြပြန်
တော့သူ့အရပ်သူ့ဇာတ်ကိုက်ညီအောင်တော့ထည့်ကြရတာပဲ။တရွာတည်းအလှူချင်းတူတူဘယ်သူ့အလှူက
ဆိုင်းကတော့ကောင်းလိုက်တာဘယ်သူ့အလှူကမင်းသမီးကတော့ဖြင့်အကမကောင်းပုံများကိုယ့်ရွာသူတောင်
သူလောက်တော့ကတတ်တယ်စသဖြင့်နှိုင်းယှဉ်တတ်ကြတော့လှူတဲ့သူကလည်းလုပ်မိမှတော့မထူးတော့ဘူး
နောင်ခါလာနောင်ခါဈေးဖြစ်ချင်တာဖြစ်ရော့ဟယ်ဆိုပြီးမျက်စိစုံမှိတ်လှူကြတာ။
မြို့ပေါ်ကအလှူတွေမှာတော့ဖျော်ဖြေရေးအတွက်ဆိုင်းနဲ့ဘိသိတ်ပဲထည့်ကြတယ်။ကျနော်တို့အညာဘက်
ကျောက်ပန်းတောင်းနယ်တဝိုက်မှာတော့ဘိသိတ်မြှောက်တဲ့အခါလည်းမင်းသမီးပါကရတယ်။ဘိသိတ်ပါရင်
မင်းသမီးငှားကတည်းကဘိသိတ်ခန်းအတွက်ပါပိုက်ဆံပေးရလေ့ရှိတယ်။ညပိုင်းအငြိမ့်သီးသန့်ဆိုဈေးက
တမျိုးနေ့ခင်းဘိသိတ်ခန်းဒါမှမဟုတ်အငြိမ့်ကပေးရမယ်ဆိုဈေးပိုပေးရတယ်။ဘိသိတ်ခန်းမှာတော့ညပိုင်းအငြိမ့်
လိုခေတ်သီချင်းတွေနဲ့ဆိုလို့ကလို့မရပါဘူး။ဘိသိတ်နဲ့ဆိုင်တဲ့သီချင်းကြီးသီချင်းခန့်တို့၊ဘုရားကန်တော့ မိဘကန်တော့သီချင်းစတဲ့ဘာသာရေးနဲ့ဆိုင်တဲ့သီချင်းတွေနဲ့သီဆိုကပြဖျော်ဖြေရတယ်။အကကျပြန်တော့လည်း
အချိုးအဆစ်ကျကျနဲ့မင်းသမီးတလက်ရဲ့အရည်အချင်းကိုဘိသိတ်ခန်းမှာမှကောင်းကောင်းပြသခွင့်ရကြတယ်။
ဒါကြောင့်ကျောက်ပန်းတောင်းနယ်မှာမင်းသမီးရယ်လို့နာမည်တတ်ပြီးရပ်တည်ရင်အထိုက်အလျောက်တော့
ဇလေးရှိမှအဆင်ပြေတယ်။တော်ယုံရုပ်ချောကတတ်တာနဲ့အဆင်မပြေပါဘူး။ပရိတ်သတ်ကလည်းကိုယ်တိုင်
သာမကတတ်မှရှိမယ်သူများကတာကိုတော့ လက်မကျိုးတာရော ခါးမပါတာရော နောက်ဆုံးမင်းသမီး
ထမီနားခတ်တာကစကြည့်ပြီးမင်းသမီးကောင်းမကောင်းကိုဆုံးဖြတ်တတ်ကြတယ်။ဆိုင်းဆိုလည်းထိုနည်းတူ
ပဲလူကြီးကြိုက်လူငယ်ကြိုက်လူလတ်ကြိုက်စသဖြင့်အပိုင်းလိုက်ခွဲပြီးတီးပြတတ်ပါမှတောပရိတ်သတ်ရဲ့
အမှတ်ပေးခြင်းကိုခံကြရတာ။ခေတ်ပေါ်သီချင်းတွေဒုံးဒုံးဂွမ်းဂွမ်းနဲ့ဆိုပြန်ရင်လည်းပတ်သံမကြားရရင်အပြစ်
ပြောတတ်ကြတယ်။စိန်ဗေဒါတို့ခေတ်ကတီးလုံးတီးကွက်တွေချည်းပတ်သံတွေပြောင်ပြောင်မြည်အောင်တီး
တော့ခေတ်သီချင်းမရပါဘူးကွာလုပ်ပြန်တာမို့ပရိတ်သတ်အကြိုက်ကိုလိုက်ပြီးခေတ်ဟောင်းရောခေတ်ပေါ်ရော
ယိုးဒယားရောကုန်းဘောင်ရောအစုံတီးခတ်တတ်ပါမှတကယ့်ဆိုင်းကောင်းဆိုပြီးသတ်မှတ်ကြတာမျိုးပါ။
ရွာမှာနေလယ်ထဲယာထဲမိုးလင်းမိုးချုပ်အချိန်ကုန်နေတတ်ပေမဲ့သူတို့မှာအဲ့ဒီအစွမ်းကတော့အပြည့်ရှိတယ်။
ဒီဆိုင်းဒီမင်းသမီးဒီနှစ်ဒီအလှူမှာကောင်းတယ်ဆိုနောက်နှစ်အလှူလှူဖို့အားခဲထားသူတွေရဲ့ဖျော်ဖြေရေး
စာရင်းထဲမှာနံပတ်စဉ်တတ်ထားပြီလို့သာမှတ်လိုက်။
photo credit >>>> google images
ရွာထဲမှာအလှူရှိပြီဆိုရင်အလှူမတိုင်ခင်ရက်ရွေးပြီးပြီဆိုကတည်းကအဲ့ဒီရက်ရောက်ဖို့မျှော်ရတာလည်းတစ်မျိုးရင်ခုန်စရာကောင်းတယ်။ကိုယ့်အလှူမဟုတ်သော်လည်းကိုယ့်ရွာထဲကမို့ဆွေမခြားမျိုးမခြားတွေ
ဆိုတော့ကိုယ့်အလှူတမျှစိတ်ကူးနဲ့ပျော်ရတာ။ဆိုင်းကတော့ဘယ်ဆိုင်းမင်းသမီးကတော့ဘယ်သူဘိသိတ်က
တော့ဘယ်ဝါဆိုတာသိရပြီဆိုတာနဲ့အလှူရက်မှာဆိုင်းနာထောင်ရဖို့မင်းသမီးကတာကြည့်ရဖို့ကိုတွေးပြီး
ပျော်ရတာ။အဲ့ဒီအချိန်ဆိုရင် ပတ်ဝန်းကျင်ရာသီဥတုကလည်း နေ့ခင်းဆိုပူ ညပိုင်းဆိုချမ်း ရိုးပြတ်တောတွေ
တလင်းပြင်မှာကောက်ရိုးပုံတွေ ပြောင်းရိုးပုံတွေနဲ့ သစ်ရွက်တွေကြွေစ နွေရာသီမရောက်ခင်အချိန်ပေါ့။
လယ်ကွင်းထဲကထန်းသမားတို့ရဲ့ယာယီထန်းလျက်တဲလေးတွေဆီမှမီးခိုတလူလူထွက်နေတာကိုမြင်နိုင်သလို
လက်ပံပင်တို့ဆီမှဖူးပွင့်ရန်အားယူနေသောလက်ပံငုံနီနီရဲရဲတို့ကိုလည်းမြင်ရတတ်တယ်။ဦးဦးဖျားဖျားနုတတ်တဲ့
မန်ကျည်းပင်တို့အရွက်ဟောင်းတွေခြွေပြီးရွက်သစ်ဝေဖို့ကြက်ဆူးထွက်တာလည်းတွေ့နိုင်တယ်။
ရွာထဲမှာတော့အလှူရက်ဘေးရွာတွေကအလှူလိုက်လာချိန်အတတ်နိုင်ဆုံးအမြင်တင့်တယ်အောင်သူ့အိမ်
ကိုယ့်ဝိုင်းသန့်ရှင်းရေးလုပ်ကြအမှိုက်လှည်းကြနဲ့ဖုံလုံးတို့နဲ့ဝေ့ပျံနေတယ်။
အလှူအိမ်မှာတော့တကယ်တမ်းအလှူကနှစ်ရက်တည်းဆိုသော်ငြားအလှူလုပ်မယ်လို့ရက်တတ်ပြီးကတည်း
ကမီးဖိုချောင်မီးခိုးမတိတ်တော့ဘူး။ရွာထဲကလူကြီးသူမတွေကလာရောက်ပြီးလိုအပ်တာပြောပြလမ်းညွှန်နဲ့ လူကမပြတ်တော့ဘူး။အလှူရက်နီးလာလေအလုပ်များလေပေါ့။အရင်တုန်းကတော့အလှူလာတဲ့သူတွေကို
ဝေငှဖို့ပြောင်းဖူးဖက်ဆေးလိပ်တွေရာနဲ့ချီလိပ်ကြရတာ။ဆေးရိုးကိုအလှူမတိုင်ခင်ကစင်းဆေးရိုးထောင်း
ပြောင်းဖူးဖက်လှီးဆေးစပ်နဲ့အလှူနီးတော့အလှူအိမ်မှာရွာထဲကသက်ကြီးပိုင်းအမျိုးသမီးတွေစုပြီးတော့
ဆေးလိပ်လိပ်ကြတယ်။အဲ့ဒါပြီးတော့ပေါက်ပေါက်ဆုပ်လုံးကြတယ်။ပေါက်ပေါက်ဆုပ်လုံးတော့လည်းကိုယ့်
လယ်ထွက်ကောက်ညှင်းစပါးကိုအလှူအိမ်မှာပဲရွာထဲကကာလသမီးပျိုတွေစုပြီးလှော်၊စပါးခွံတွေရွေး နောက်ဆုံးမှာထန်းလျက်ရည်ကျိုပြီးတင်းတောင်းဒါမှမဟုတ်ခွဲတောင်းထဲကိုပေါက်ပေါက်သင့်တော်ရုံထည့်
ထန်းလျက်ရည်ကျိုပြီးသားကိုလောင်းထည့်သူကလောင်းတောင်းကိုခလောက်သူကခလောက်နဲ့ပေါက်ပေါက်နဲ့
ထန်းလျက်ရည်သမသွားတော့မှပူနေတုန်းစေးကပ်နေတုန်းတစ်ယောက်တလက်ဆုပ်ကာဆုပ်ကာလုံးကြတာ။
ပျော်စရာအင်မတန်ကောင်းပေါ့။ပေါက်ပေါက်ဆုပ်ပထမဆုံးလုံးတဲ့တောင်းထဲကနေပန်းကန်ပြားအရွယ်တော်
ထဲမှာစေတီပုံချွန်ချွန်လေးနဲ့ရှင်ဥပဂုတ္တမထေရ်ကိုပူဇော်ဖို့အရင်ဆုံးဦးဦးဖျားဖျားဖယ်ထားရတယ်။အလှူရက်
အတွင်းမိုးလေမကျအောင်ပူဇော်ပသကြတဲ့ဓလေ့တခုပေါ့။အလှူဝင်နေ့ဘုရားပင့်ပြီးလို့မဏ္ဍပ်ထဲကယာယီ
ဘုရားကျောင်းဆောင်မှာဘုရားရောက်ပြီဆိုတာနဲ့ဘုရားကျောင်းဆောင်ဘေးအစွန်တစ်နေရာမှာလူတရပ်
ကျော်ရှည်တဲ့ဝါးလုံးကိုတဖက်ထိပ်ကနေသုံးစိပ်ခွဲပြီးပေါက်ပေါက်ပန်းကန်ပြားထည့်လို့ရအောင်ခွဲချအပေါ်က လွတ်တဲ့ဝါးစသုံးခုမှာသက်ကယ်ပျစ်ကိုတစ်ပေခန့်သုံးပိုင်းပိုင်းပြီးအမြိတ်စကိုအပေါ်ထောင်လို့ဝါးခြမ်းစသုံးစနဲ့
တခုချင်းစီပေါင်းစည်းလိုက်တော့တြိဂံပုံရှင်ဥပဂုတ္တမထေရ်အတွက်ယာယီကျောင်းဆောင်လေးရပါတယ်။
အဲ့ဒီဝါးလုံးကိုဘုရားကျောင်းဆောင်ရဲ့ဘယ်ဘက်သို့မဟုတ်ညာဘက်အစွန်ရှေ့နားမှာကျင်းတူးပြီးစိုက်ထားကြ
တယ်။
နောက်ပြီးတော့မုန့်လေပွေကိုလည်းအလှူအိမ်မှာပဲရွာထဲကအမျိုးသမီးတွေစုပြီးလုပ်ကြတယ်။ကောင်းညှင်းနဲ့
ဆန်ကြမ်းကိုအချိုအဆညီအောင်ရောပြီးမောင်းစင်မှာထောင်းကြရတယ်။ရလာတဲ့မုန့်မှုန့်ကိုရေနဲ့အနေတော် မပျစ်မကျဲဖျော်ပြီးအဝကျယ်မြေဖျင်းအိုးထဲကိုရေတဝက်ကျော်ထည့်ပိတ်ဖြူစသို့မဟုတ်ဖဲထီးစအရွက်တွေနဲ့အိုးဝ မှာတင်းနေအောင်စည်းပြီးမီးဖိုပေါ်မှာတည်အထဲကရေဆူလို့အငွေ့တက်လာပြီဆိုရင်ဖျော်ထားတဲ့မုန့်နှစ်ရည်
ကိုဟင်းခတ်ဇွန်းဗျက်ကြီးကြီးနဲ့အနည်းငယ်ခပ်ယူပြီးပိတ်စပေါ်မှာလောင်းထည့်ပြီးရင်ဇွန်ဖင်နဲ့ညီအောင်အဝိုင်း
ပုံစံလေးရအောင်ပွတ်ဖြန့်ပြီးစလောင်းဖုံးနဲ့အုပ်ထား။နှစ်မိနစ်သုံးမိနစ်ခန့်ကြာရင်ရေနွေးငွေ့အပူရှိန်နဲ့ပိတ်စပေါ်
ကမုန့်နှစ်ကနပ်သွားတယ်။အဲ့ဒီနပ်နေတဲ့မုန့်သားကိုဝါးခြမ်းပါးပါးလေးနဲ့အနားလေးတွေကအရင်ဆုံးခွာပြီးရင်
လေးပုံတပုံလောက်ကိုဖြေးဖြေးချင်းထိုးခွာယူပြီးဆန်မှုန့်ပါးပါးဖြူးထားတဲ့ဆန်ကောထဲမှာမှောက်လျက်ထည့်ပြီး
လေနဲ့အခြောက်ခံ။အဲ့ဒီနည်းအတိုင်းရာပေါင်းများစွာသောမုန့်လေပွေအချပ်တွေရအောင်တချပ်ချင်းစီပြုလုပ်ကြ
ရတယ်။ကာလသမီးတွေစုပြီးလုပ်ကြတာမို့ပေါင်းအိုးဆယ့်လေးငါးလုံးနဲ့အလှူအိမ်မဏ္ဍပ်ထဲမှာမီးခိုးတလုံးလုံး
နဲ့မုန့်ပြုတ်ကြတာလည်းပျော်စရာကောင်းတဲ့အညာဓလေ့တခုပါ။အခြောက်လှန်းပြီးသားမုန့်ခြောက်တွေကိုတော့
အလှူဝင်နေ့မတိုင်ခင်မှာရွာပြင်ကအရိပ်ကောင်းတဲ့မန်ကျည်းပင်အောက်မှာသွားပြီးဆီနဲ့ဖောက်ပါတယ်။
နောက်တခုကတော့အလှူမှာကျွေးမည့်ဆန်ကိုလည်းအလှူအိမ်မှာပဲစုပြီးအမှိုက်သရိုက်ကင်းအောင်ရွေးကြ ပျာကြတယ်။ဆန်စင်တယ်လို့ခေါ်ပါတယ်။အလှူဝင်နေ့မတိုင်ခင်ဆိုရင်တော့ဆေးလိပ်လည်းအဆင်သင့်၊
ပေါက်ပေါက်ဆုပ်လည်းအဆင်သင့်၊မုန့်လေပွေ၊မုန့်ဖြူမုန့်ဆီကြော်တွေပါအဆင်သင့်ဖြစ်ပါပြီ။အလှူဝင်နေ့
မနက်ပိုင်းမှာတော့ထမင်းချက်ဖို့အတွက်ဆန်ကိုတစ်အိမ်နှစ်ပြည်ကျဆီဝေပါတယ်။အလှူကြီးနေ့မနက်ဆို ထမင်းချက်ပြီးထမင်းကျွေးရုံကိုလာပို့ပေးကြတယ်။အဲ့ဒါလည်းအရင်တုန်းကဓလေ့ပါ။အခုနောက်ပိုင်းတော့ ထမင်းပေါင်းတဲ့အဖွဲ့တွေပေါ်လာလို့ထမင်းပေါင်းငှားကြပါတယ်။
ဟင်းကိုတော့ရွာကတာဝန်ကျဟင်းချက်အဖွဲ့ကိုအိုးသူကြီးကဦးဆောင်ပြီးချက်ကြပါတယ်။ကျနော်တို့ရွာဘက်
မှာတော့အလှူဝင်နေ့ညနေမှာကတည်းကရပ်နီးရပ်ဝေးကဧည့်သည်တွေနဲ့တရွာလုံးကိုမီးခိုးတိတ်ခေါ်ကျွေးပါ တယ်။အလှူကြီးနေ့မနက်ခင်းမှာတော့ရပ်ဝေးဧည့်သည်တွေမလာခင်ရွာသူရွာသားတွေကိုအရင်ဆုံးထမင်း
ကျွေးပါတယ်။ပြီးမှရပ်ဝေးလာဧည့်သည်တွေကိုဧည့်ကျွေးမွေးဧည့်ခံပါတယ်။မဏ္ဍပ်ထဲမှာတော့ဆိုင်းကဧည့်ခံ
အလှူလှည့်ထွက်ဖို့ပြင်ဆင်ကြနဲ့အလှူပွဲတခုရဲ့အစည်ကားဆုံးအချိန်ပါပဲ။အလှူလှည့်ထွက်တာလည်းတရွာနဲ့
တရွာမတူကြပါဘူး။ကျနော်တို့ဆီမှာတော့အလှူကြီးနေ့မနက်ခင်းမှာလှည့်ပါတယ်။နတ်ပြတယ်လို့လည်းခေါ်
ကြပါတယ်။ရွာအနောက်ဘက်ကန်ဘောင်ထိသွားကြပြီးပုပ္ပားတောင်ကြီးရှိရာဆီသို့မျက်နှာမူပြီးမောင်ရှင်လောင်း
ထိန်းကစားတော်တိုက်ခြင်းနတ်များပင့်ဖိတ်ခြင်းနဲ့နတ်ပို့ခြင်းတို့ကိုဆိုင်းထဲကဒိုးအဖွဲ့အတူဆောင်ရွက်ပါတယ်။
အဲ့ဒီနောက်အလှူမဏ္ဍပ်ရှိရာဆီသို့စီတန်းပြီးလမ်းလျှောက်ပြန်ကြသည်။ဒီအချိန်မှာပဲကျေးလက်ပျိုဖြူတို့အလှအပ
တွေပြသခွင့်ရကြသည်။ကွမ်းတောင်ကိုင်ပန်းတောင်ကိုင်ကျေးလက်လုံမေပျိုတို့အလှကိုကျေးလက်သားကိုလူပျို
တို့ငေးခွင့်ရကြသည်။ကျေးလက်လုံမပျိုတို့အဝတ်အစားအလှအပရွှေငွေရတနာတို့အလှပြိုင်ကြတဲ့အချိန်အခါ
လည်းဖြစ်သည်။စုထားဆောင်းထားတဲ့တန်ဖိုးကြီးအဝတ်အစားလက်ဝတ်ရတနာတို့ဝတ်ဆင်ခြယ်သပြီး
ကျေးလက်အလှပြိုင်ပွဲဟုပင်ဆိုနိုင်သည်။
အလှူလှည့်ပြီးပြန်ရောက်ချိန်မှာတော့အလှူဒါယကာအလှူ့ဒါယိကာမတို့ကရွာဦးဘုန်းကြီးကျောင်းမှာ
ပင့်သံဃာတို့အားနေ့ဆွမ်းဆက်ကပ်လှူဒါန်းကြပါတယ်။ဆွမ်းဘုန်းပေးပြီးနေခင်းချိန်မှာအလှူမဏ္ဍပ်သို့ကြွ
ရောက်ပြီးတရားချီးမြှင့်ပါတယ်။နေ့ခင်းဘိသိတ်ပါရင်တော့အလှူလှည့်အပြန်မှာသံဃာစင်တက်ပြီးတရားနာ
ပါတယ်။တရားပွဲပြီးမှနေ့ခင်းပိုင်းဘိသိတ်ပွဲကိုဆက်လက်ကျင်းပပါတယ်။ဘိသိတ်မပါဘူးဆိုရင်တော့တချို့
လည်းနေ့ခင်းပိုင်းအငြိမ့်ခဏကခိုင်းပြီးအငြိမ့်ပြီးမှညနေပိုင်းမှာတရားနာကြတာရှိပါတယ်။တရားပွဲပြီးတဲ့အခါ
မှာတော့ရွှေမိုးငွေမိုးရွာပြီးရေစက်ချအမျှဝေလို့ဗျောတီးပြီးအလှူပွဲကိုသိမ်းလေ့ရှိပါတယ်။မက်ဆင်ဂျာမှာရွာက
ငယ်သူငယ်ချင်းကဒီနှစ်ရွာကအလှူအကြောင်းပြောလာလို့ကိုယ်ရွာမှာရှိစဉ်ကကြုံခဲ့ရတဲ့အလှူတွေအကြောင်း
ဆယ်တန်းနှစ်မှာပိုက်ဆ့ခုနစ်သောင်းကျော်ကျော်နဲ့အိမ်ကအမေ့ဆန္ဒကိုဖြည့်ဆည်းပေးခဲ့တဲ့ညီလေးများရှင်ပြု
ပွဲကပုံရိပ်တချို့ကိုပြန်လည်းသတိရရင်းအညာအလှူဓလေ့အကြောင်းလေးတွေချရေးလိုက်တာပါ။ကျနော်တို့
အလှူတုန်းကကိုရင်ဝတ်တဲ့ညီအရင်းကအခုတော့အစိုးရဓမ္မာစရိယတန်းအောင်ပြီးဒီလထဲမှာနိုင်ငံတော်အစိုးရ
ကဆက်ကပ်လှူဒါန်းတဲ့ဓမ္မာစရိယအောင်လက်မှတ်ကိုရန်ကုန်မှာသွားယူပါလိမ့်မယ်။ညီဝမ်းကွဲတစ်ယောက်
ကတော့အစိုးရကဆက်ကပ်တဲ့သာမဏေကျော်ဘွဲ့ယူပြီးသွားပါပြီ။သူတို့ညီအစ်ကိုနှစ်ယောက်စလုံးအိမ်က
အလှူမှာကိုရင်ဝတ်ခဲ့ကြပြီးသာသနာ့ဘောင်ကမထွက်ဘဲခုဆိုရွာမှာပထမဆုံးသာမဏေကျော်နဲ့ဓမ္မာစရိယ
နှစ်ပါးဖြစ်လာကြပါပြီ။အဖေနဲ့အမေလည်းသားဦးဇင်းဓမ္မာစရိယအောင်လက်မှတ်ယူပွဲကိုတက်ဖို့ပြင်ဆင်နေကြ
ပါတယ်။ညီဦးဇင်းလည်းရွာကဆွေမျိုးတွေကိုမရောက်ဖူးသေးတဲ့ရန်ကုန်ကိုခေါ်ဖို့စီစဉ်နေတာကြားရလို့
ဝမ်းသာပီတိဖြစ်ရပါတယ်။
ဒီပို့စ်မှာပါသောအကြောင်းအရာများသည်ကျနော်တို့နယ်ဘက်ကဓလေ့များသာဖြစ်ပါသည်။နယ်မြေဒေသကို
လိုက်ပြီးကွဲလွဲမှုများရှိနိုင်ပါသည်။ဗဟုသုတအဖြစ်ရည်ရယ်မျှဝေခြင်းသာဖြစ်ပါတယ်။
အောက်ကလင့်ခ်လေးတွေကတော့ကျနော်တို့နယ်ဘက်ကအလှူမှာဖျော်ဖြေလေ့ရှိတဲ့ညပိုင်းအငြိမ့်နဲ့
နေ့ခင်းဘက်ဘိသိတ်ပွဲအကြောင်းယူကျူ့မှာဗဟုသုတအဖြစ်ကြည့်ရှု့နိုင်ပါတယ်။
အားလုံးကိုယ်စိတ်နှစ်ဖြာကျန်းမာချမ်းသာကြပါစေဗျာ။ လာရောက်လည်ပတ်တဲ့အတွက်ကျေးဇူးတင်ပါတယ်။
https://www.youtube.com/watch?v=PX8aBRCKvIQ
https://www.youtube.com/watch?v=YAqAAIvpRwo
အားပေးမှုကိုအစဉ်လေးစားလျက်
ရွှေညာသား
