တယ်။အကြောင်းတိုက်ဆိုင်လို့ရွှေညာသားလေးတို့ရွာဘက်မှာကြုံရလေ့ရှိတဲ့အကြောင်းလေးတွေဗဟုသုတ
အဖြစ်မျှဝေပေးအုံးမယ်ဗျ။အထူးသဖြင့်တော့လူသေတာမျိုးနဲ့ပတ်သက်ရင်ပိုပြီးအယူအစွဲသန်ကြတယ်။
တောထဲတောင်ထဲမှာသစ်ပင်ပေါ်ကကျတာမျိုး၊မြွေကိုက်တာမျိုး၊ဆွဲကြိုးချသေတာမျိုးစတဲ့အနာရောဂါ
တခုခုနဲ့သေဆုံးတာမဟုတ်ရင်အစိမ်းသေလို့ခေါ်ကြပါတယ်။အသုဘကိုရွာထဲပြန်မသွင်းကြဘူး။ရွာအပြင်
ကသစ်ပင်အရိပ်မှာထားပြီးသဂြိုလ်ကြတယ်။ရောဂါနဲ့ဆေးရုံးသွားရင်းဆေးရုံမရောက်ဘဲလမ်းမှာဆုံးပါးသွား
တာမျိုးဆိုရင်လည်းရွာအပြင်မှာပဲထားပြီးသဂြိုလ်ကြပါတယ်။ဒါကတော့ရွာရဲ့ထုံးစံမို့ဘယ်သူမှလည်းမလွန်
ဆန်နိုင်ကြပါဘူး။
နောက်တခုကလကူးလကွယ်ရက်မှာသေတယ်ဆိုရင်ဆွမ်းသွတ်မလုပ်ကောင်းဘူးဆိုပြီးတော့လည်းအစွဲ
အလန်းထားကြတယ်။သစ်ပင်ပေါ်ကလိမ့်ကျလို့သေတာမျိုးဆိုလည်းဆွမ်းသွတ်ရက်လည်မလုပ်ကောင်းဘူး
တဲ့။သူတို့ခေါ်တဲ့အတိုင်းအစိမ်းသေဆိုရင်ရက်လည်ဆွမ်းသွတ်တာမျိုးမလုပ်ကောင်းဘူးပေါ့။ဒါကတော့
ပူပူနွေးနွေဒီရက်ပိုင်းမှသိလိုက်ရတာပါ။ရွာကဦးလေးတစ်ယောက်ထန်းပင်ပေါ်ကပြုတ်ကျပြီးဆေးရုံအသွား
လမ်းမှာတင်ဆုံးသွားတယ်ဆိုတာကြားရလို့ဖုန်းဆက်ပြီးသတင်းမေးရင်းသိရတာ။အရင်တုန်းကတော့မကြုံဖူး
တော့မသိပါဘူး။လကူးလကွယ်မှာသေတာကိုတော့ပန္နက်ရိုက်ပြီးထားရင်ထားကောင်းတယ်ဆိုလို့လေးလေး
တစ်ယောက်သေတုန်းကကြုံဖူးတယ်။အဘကရွာရဲ့ရပ်မိရပ်ဖလိုဖြစ်နေတာရယ်၊လေးလေးကလည်းဆုံးတာ
တောထဲကတဲမှာဆိုတော့အားလုံးကဘယ်သူမှအတွန့်မတက်ကြပါဘူး။လပြည့်ကျော်ဆယ့်လေးရက်နေ့မှာ
ဆုံးတာကိုအဲ့ဒီနေ့မှာပဲသဂြိုလ်တဲ့အနေနဲ့သချိုင်္င်းမှာတွင်းတူးဖို့ပန္နက်ရိုက်ထားလိုက်တာပါ။အသုဘကိုတော့
နောက်သုံးရက်မြောက်နေ့မှသဂြိုလ်ပါတယ်။
ချောင်းကူးမြစ်ခြားပြီးလည်းမသဂြိုလ်ကောင်းပါဘူးတဲ့။ဆိုလိုတာကတခုခုကြောင့်ချောင်းတဖက်ကမ်းမှာသေ
တယ်ဆိုပါစို့၊သချိုင်္င်းကတဖက်ကမ်းမှာဖြစ်နေရင်ချောင်းကိုဖြတ်ကူးပြီးမသဂြိုလ်ကောင်းဘူးပြောကြတယ်။
ဒါပေမဲ့လေးလေးသေတုန်းကတော့အဘတို့နေတဲ့တဲကချောင်းတဖက်ကမ်းမှာ၊သချိုင်္င်းကရွာဘက်မှာဖြစ်ပေ
မဲ့အဘကသူ့ယာတောမှာပဲသူ့သမီးကိုသဂြိုလ်ချင်တယ်ဆိုတာကြောင့်အားလုံးအဘတို့နေတဲ့တောထဲတဲ
ကနေရွာကသချုင်္ီင်းအထိအသုဘကိုခေါင်းနဲ့သေချာပြင်ဆင်၊ထမ်းစင်တွေနဲ့ကျကျနနပြန်သယ်ပြီးသဂြိုလ်ပါ
တယ်။
နောက်ပြီးရွာထဲမှာအသုဘရှိတယ်ဆိုရင်၊ခေါင်းလျှော်တာမျိုးလည်းမလုပ်ကြပါဘူး။အသုဘချသွားရာလမ်း
တစ်လျှောက်မှာရှိတဲ့အိမ်ဝိုင်းပေါက်တွေမှာမီးဖိုကပြာတွေနဲ့စည်းတားထားကြတာလည်းရှိပါတယ်။
တချို့အရမ်းအစွဲကြီးတဲ့သူတွေကျတော့အသုဘအိမ်ကထမင်းကိုတောင်မစားကြပါဘူး။သူတို့ကိုယ်သူတို့
မသေတော့မည်လူတွေလို့ထင်မှတ်ထားပုံရပါတယ်။
ကလေးသူငယ်တွေသေပြန်ရင်လည်းကြမ်းနွေးသည်အထိမထားကောင်းပါဘူးတဲ့။သေပြီဆိုတာနဲ့ချက်ချင်း
သဂြိုလ်တာပါ။သတိထားမိသလောက်တော့လူကြီးလည်းကြမ်းနွေးအောင်ထားတာခပ်ရှားရှားပါပဲ။သေပြီ
ဆိုတာနဲ့အချိန်ရလို့ကတော့ချက်ချင်းဆွဲချတာများတယ်။အဲ့ဒါကြောင့်ရွာမှာတုန်းကလေးလေးတွေညီမတွေနဲ့
စကားဝိုင်းဖွဲ့လို့စပ်မိရင်ဒီရွာမှာများသေမှာကြောက်တယ်လို့။ဘာလို့လဲဆိုတော့မလှုပ်တော့တာနဲ့ချက်ချင်း
မြေကြီးထဲရောက်တာအသက်မထွက်ဘဲမေ့မြောနေတာဆိုရင်ဘယ်လိုလုပ်မလဲလို့မေးတော့သူတို့က၀ိုင်းပြီး
ရယ်ကြတယ်။ဟုတ်တယ်လေဗျာ..သေရွာပြန်တွေဘာတွေတောင်ရှိသေးတာအသက်မထွက်ဘဲမေ့မြော
နေတာဆိုမခက်ပေဘူးလား။
အထူးဆန်းဆုံးကတော့မီးတွင်းထဲမှာမွေးကင်းစကလေးဆုံးရင်ကလေးအသေကိုထရံပေါက်ကနေယူကြပါ
တယ်။နောက်ပြီးကလေးအထုပ်ထဲကိုပဲစေ့နှစ်စေ့သုံးစေ့ကိုလှော်ပြီးအ၀တ်စနဲ့ထုပ်ပြီးထည့်
ပေးလိုက်ပါသေးတယ်။ကလေးကိုမှာလိုက်တာကလည်းဒီပဲစေ့လေးတွေအညှောင့်ပေါက်မှလူပြည်ကိုပြန်
လာခဲ့တဲ့ဗျာ။သူတို့ထင်တာကတော့လူပြည်ကိုလာတာရက်အင်မတန်တိုတောင်းလို့နောက်မြန်မြန်လာရင်
လည်းဒီလိုပဲမွေးပြီးသေမှာစိုးလို့ထင်ပါရဲ့လေ။တကယ်တမ်းစဉ်းစားကြည့်တော့အဲ့လိုမလုပ်သင့်ဘူးထင်တာ
ပဲနော်။သူ့ဘာသာအရင်ဘ၀ကကုသိုလ်ကံနည်းလို့ခဏတာလူလာဖြစ်ပေမဲ့ကုသိုလ်ကံအဟုန်ကောင်းလာ
ရင်လူ့ပြည်ပြန်ရောက်ခွင့်ရှိသေးတာပဲမဟုတ်လား။သူနဲ့ထည့်လိုက်တဲ့ပဲလှော်စေ့ကဘယ်တော့မှအပင်
ပေါက်မှာတဲ့လဲ။တကယ်တော့ယုတ္တိမရှိတဲ့အစွဲအလန်းတွေပါဗျာ။
အဲ့ဒီကလေးအသုဘအဖြစ်ကိုတော့ရွှေညာသားလေးကိုယ်တိုင်လိုက်ကူညီပေးဖူးလို့သေသေချာချာသိရ
တာပါ။အဲ့ဒီတုန်းကရွာထဲမှာယောကျာ်းသားကလည်းသိပ်မရှိကြဘူး။နံနက်ပိုင်းဆိုတော့တောထဲထွက်သူက
များနေတာအိမ်ဘေးကအကိုကြီးတစ်ယောက်ကလာပြောတာနဲ့ရွာလူကြီးရယ်ပေါင်းမှလေးယောက်ထဲ
သွားပြီးသဂြိုလ်ပေးလိုက်တာ။ကလေးအဖေကလည်းခရီးလွန်နေတော့မရှိဘူးလေ။အဲ့ဒီအစ်မဆိုကလေး
အဖတ်မတင်တာလားမသိဘူး။လသားအရွယ်လေးတွေနဲ့ဆုံးဆုံးသွားတာ။ပြီးတော့မွေးတိုင်းလည်း
ယောကျာ်းလေးတွေချည်းပဲ။
ကျန်တဲ့အစ်မတစ်ယောက်ကတော့သူကိုယ်တိုင်ကကိုအစွဲအလန်းဖြစ်နေတာလားမသိဘူးကလေးငယ်
ဆုံးဖူးထားတော့နောက်ထပ်ကလေးရလို့အဲ့ဒီအရွယ်ရောက်လာရင်သူ့စိတ်ကကိုသူသိနေသလိုပဲတဲ့။
တိုက်ဆိုင်တာပဲလားမသိဘူးအဲ့ဒီအစ်မလည်းကလေးနှစ်ယောက်အဲ့လိုဆုံးဖူးတယ်လို့ပြောတယ်။ကလေးမီး
ထွက်ပြီးလို့လသားအရွယ်ရောက်လာရင်သူကလည်းအရင်ဖြစ်ဖူးတဲ့စိုးရိမ်စိတ်ကရှိလို့လား၊သူ့ဆီရောက်တဲ့
ကလေးကပဲကုသိုလ်ကံနည်းလို့လားမသိဘူးဆုံးပါးသွားတယ်လို့ပြောပြပါတယ်။
ဘယ်လိုပဲဖြစ်နေပါစေအခုပြောခဲ့တဲ့အယူအဆအစွဲအလန်းတွေကတော့ယနေ့တိုင်ရှိနေဆဲဖြစ်ပါတယ်ဗျာ။
ကျွန်တော်စဉ်းစားမိတာကတော့ဘုရားဟောတရားဓမ္မတွေနဲ့ယှဉ်ပြီးတော့သူတို့အစွဲလေးတွေကိုဖြုတ်ပေး
နိုင်မယ်ဆိုရင်အနည်းနဲ့အများသောလျော့ပါးသွားမယ်ထင်မိတာပါပဲ။ဒါပေမဲ့လွယ်တော့မလွယ်လှပါဘူး
ဒီလိုအစွဲတွေကသူတို့တွေအတွက်အမြစ်တွယ်နေပါပြီ။တကယ်သြဇာညောင်းတဲ့ပုဂ္ဂိုလ်မျိုးဆိုရင်တော့
မပြောတတ်ဘူးပေါ့။ရွှေညာသားလေးလည်းရွာမှာတုန်းကတော့လူကြီးတွေပြောရင်အမှန်ထင်ပြီးတော့
ယုံခဲ့တာပါပဲ။အခုနောက်ပိုင်းတရားတွေနာပါများတော့မှအမှားအမှန်ခွဲခြားဆင်ခြင်စဉ်းစားတတ်လာတာ။
နောက်လည်းတခြားစိတ်ဝင်စားစရာကောင်းတာလေးတွေကိုသိထားသမျှအချိန်ရရင်မျှဝေပါအုံးမည်။
အားလုံးကိုယ်စိတ်နှစ်ဖြာကျန်းမာချမ်းသာကြပါစေဗျာ။
အစဉ်လေးစားလျက်
ရွှေညာသားလေး
