ဘုံဆိုင်ပင်

ဘိုးမွေဘွားမွေတွေနဲ့ပတ်သက်ပြီးတော့ဘုံဆိုင်ဆိုတဲ့အသုံးအနှုန်းလေးကအညာဒေသဘက်မှာယနေ့အချိန်အထိကြား
နေရသေးပါတယ်။မိသားတစ်စုမှာမိဘနှစ်ဦးစလုံးမရှိတော့ရင်ကျန်ရစ်တဲ့လယ်ယာကိုင်းကျွန်းနဲ့အိမ်တွင်းပစ္စည်းတွေ
ကိုသားသမီးတွေကရပ်ရွာလူကြီးသူမတွေပေါက်ဖော်သားချင်းထဲကဦးကြီးဒွေးလေးတွေရှေ့မှာတရားဝင်ခွဲဝေယူကြ ပါတယ်။တချို့သားသမီးတွေကရပ်ရွာလူကြီးအဆင့်နဲ့တင်အဆင်ပြေကြသော်လည်း၊တချို့တွေကရုံးရောက်၊ဂတ်ရောက်
တိုင်တန်းပြီးမှခွဲဝေလို့ပြီးကြပါတယ်။မိဘတွေရှိစဉ်တုန်းကတော့မိဘအိမ်ကိုဟင်းတခွက်ရောက်ချင်မှရောက်မယ်၊မိဘ
တွေသေဆုံးလို့ကျန်ရှိတဲ့ပစ္စည်းကျရင်တော့မီးဖိုချောင်ကနနွင်းမှုန့်ကအစလိုချင်ကြတဲ့သားသမီးတွေကပိုများပါတယ်။

အဲ့ဒီလိုနဲ့အမွေခွဲရာကအဝေမတည့်ဖြစ်လို့ရုံးရောက်ဂတ်ရောက်ဖြစ်ကြပြီးမောင်နှမချင်းတွေမခေါ်နိုင်မပြောနိုင်ရန်သူ
တွေဖြစ်သွားကြတာလည်းတွေ့ဖူးပါတယ်။တချို့ဆိုရင်မိဘနှစ်ပါးစလုံးမသေခင်ကပင်အမွေအိမ်ပေါ်တက်ပြီးအမွေခွဲ
လို့မိဘကိုယ်တိုင်ဖြန်ဖြေပေးရတဲ့ရန်ပွဲတွေလည်းရှိပါသေးတယ်။အဲ့ဒီထဲမှာစိတ်ဝင်စားစရာအကောင်းဆုံးအမွေခွဲဝေမှု
အကြောင်းလေးကိုဗဟုသုတအဖြစ်နဲ့မျှဝေပေးပါအုံးမယ်ဗျာ။အညာဒေသကဓလေ့လေးတခုဆိုလည်းမမှားပါဘူး။

အညာဘက်မှာမန်ကျည်းပင်၊သရက်ပင်တော်တော်များများကတစ်ဦးတည်းပိုင်တယ်ဆိုတာတော်တော်ရှားပါးပါတယ်။
ဘယ်မန်ကျည်းပင်ကဖြင့်ဘိုးဘယ်နှစ်ဘိုးပိုင်တဲ့ဘုံဆိုင်ပင်ပေါ့။မြောက်ချိုင်းထဲကသုံးလုံးတစ်တောင်သရက်ပင်ကဘိုး
ဘယ်နှစ်ယောက်ပိုင်တဲ့ဘုံဆိုင်ပင်စသဖြင့်ပြောဆိုလေ့ရှိကြပါတယ်။ထန်းပင်တွေလည်းဘုံဆိုင်ပင်ရှိပေမဲ့မန်ကျည်းနဲ့
သရက်လောက်ဇယားမရှုပ်ပါဘူး။တစ်ယောက်ကိုတစ်နှစ်စီအလှည့်ကျယူသွားရင်အဆင်ပြေကြတယ်။ဒါပေမဲ့

မန်ကျည်းနဲ့သရက်ပင်တွေကျတော့နှစ်စဉ်အသီးခူးချိန်ရောက်ရင်ဆိုင်သမျှလူအားလုံးစုပေါင်းပြီးဆွတ်ကြရတယ်။

ရလာသမျှအသီးအားလုံးကိုအပင်အောက်မှာတစ်ပုံတည်းပုံပါတယ်အသီးတွေအားလုံးဆွတ်ပြီးရင်အဲ့ဒီတစ်ပုံတည်း

သောအသီးပုံကြီးထဲကနေတောင်းကြီးကြီးနဲ့တစ်ပုံစီပုံပြီးခွဲစိတ်ရပါတယ်။

ဥပမာဘိုးငါးဘိုးပိုင်တဲ့သရက်ပင်တစ်ပင်ဆိုပါတော့။ရလာတဲ့သရက်သီးကိုအရင်ဆုံးငါးပုံပုံပါတယ်။အဲ့ဒီကတစ်ပုံစီကို
သက်ဆိုင်ရာဘိုးတစ်ဦးချင်းစီရဲ့သားသမီးတွေကယူပါတယ်။အဲ့ဒီဘိုးတစ်ဦးမှာသားသမီးငါးယောက်ရှိတယ်ဆိုရင်တစ်ပုံ
ကိုငါးပုံထပ်ပုံရပါတယ်။အဲ့ဒီလိုဆိုင်သမျှအဆင့်ဆင့်ခွဲဝေပုံလို့နောက်ဆုံးမြေးဆက်ရောက်သွားရင်သရက်သီးဆို
တစ်ယောက်တစ်လုံး၊တခါတလေတစ်လုံးစီတောင်မရတတ်ပါဘူး။မန်ကျည်းသီးဆိုလည်းနောက်ဆုံးခွဲရင်းဝေရင်းတခါ
တလေဟင်းတစ်ခါချက်စာလောက်ပဲရတတ်ပါတယ်။ဒါပေမဲ့အဲ့ဒီလောက်လေးရတာကိုပဲဘိုးမွေဘွားမွေဆိုပြီးအမြတ်
တနိုးနဲ့စိတ်ရှည်လက်ရှည်ခွဲဝေပြီးယူကြတဲ့ဓလေ့ကယနေ့တိုင်ရှိနေပါသေးတယ်။

ဒီအကြောင်းတွေကိုရွှေညာသားလေးမှတ်မိနေတာကအမေ့ဘက်ကအဖိုးအဖွားတွေရဲ့အမွေကိုကိုယ်စားလိုက်ပြီးယူပေး
ခဲ့ရတာကြောင့်ပါ။အဖိုးအဖွားတွေကတောထဲမှာနေကြတာမို့အမွေဆိုင်မန်ကျည်းပင်တွေမန်ကျည်းသီးဆွတ်ချိန်ဆိုရင်
ရွာကအဖိုးတို့အိမ်မှာနေတဲ့ကျုပ်တို့မိသားစုကပဲကိုယ်စားသွားပြီးအမွေခံရပါတယ်။ဒါတောင်အဖိုးရဲ့အဘိုးနဲ့အဘွားက
သားသမီးငါးယောက်မွေးခဲ့တာမို့သူတို့ရတဲ့ဘုံဆိုင်အမွေတစ်ပုံကိုငါးပုံထပ်ခွဲတဲ့အဆင့်ကစပြီးသိရတာပါ။အဖိုးရဲ့အဖေနဲ့
အမေကတော့မောင်နှမနှစ်ယောက်ပဲမွေးခဲ့တာမို့ငါးပုံထဲကရတဲ့တစ်ပုံကိုနှစ်ပုံထပ်ခွဲရပါတယ်။အဲ့ဒီထဲကတစ်ပုံကိုအဖိုး
ကယူပြီးကျန်တဲ့တစ်ပုံကိုအဖိုးရဲ့ညီမကရပါတယ်။

အဲ့ဒီအမွေကိုပဲကျုပ်တို့အဖေအမေလက်ထက်ရောက်ရင်အမေ့ရဲ့အဖေ၊ကျုပ်ရဲ့အဖိုးနဲ့အဖွားကမောင်နှမခုနစ်ယောက်
မွေးထားတော့အဲ့ဒီအဖိုးရတဲ့တစ်ပုံကိုကျုပ်တို့အမေလက်ထက်ရောက်ရင်ခုနစ်ပုံပြန်ပုံရမှာပါ။အဲ့ဒီထဲကတစ်ပုံသာ
လျှင်ကျုပ်တို့အမေရဲ့ဝေစုဖြစ်ပါတယ်။အဲ့ဒီလိုဆွေစဉ်မျိုးဆက်ဘိုးဘွားအမွေကိုခွဲဝေလာကြတာအရင်ဆုံးစပြီးအမွေပုံတဲ့
လူဆိုတော်တော်မျက်စိလည်စရာပါပဲ။သရက်ပင်(သို့)မန်ကျည်းပင်ကဘိုးတွေများလေလေအမွေပုံရတာရှုပ်လေလေပါပဲ။
တခါတလေမန်ကျည်းပင်အောက်မှာတင်အဝေမတည့်လို့ရန်သတ်ကြတာလည်းကြုံခဲ့ရဖူးပါတယ်။

ရန်ပွဲအများဆုံးဖြစ်တာကတော့ရွှေညာသားလေးတို့ရဲ့လက်ရှိရွာလယ်ကမန်ကျည်းပင်ကြီးပါပဲ။ရွာအလယ်တည့်တည့်
မှာရှိတာကြောင့်တစ်ရွာလုံးနီးပါးဆိုင်တဲ့ဘုံဆိုင်မန်ကျည်းပင်ကြီးပါ။အဲ့ဒီမန်ကျည်းပင်ကြီးမန်ကျည်းသီးဆွတ်ချိန်ရောက်
တိုင်းအမွေဝေရင်းရန်ဖြစ်တာနှစ်တိုင်းပါပဲ။အဲ့ဒီမန်ကျည်းပင်ကရတဲ့မန်ကျည်းသီးအားလုံးထဲကနေစပြီးဝေစုပုံရင်
စိတ်တောင်း(လေးပြည်ဝင်တောင်း)နဲ့စပြီးပုံမှရပါတယ်။အမွေဆိုင်တွေကများလို့တောင်းသေးသေးနဲ့စပြီးပုံရတာပါ။
အဲ့ဒီလေးပြည်ဝင်တောင်းတစ်ပုံကိုမှအထက်မှပြောခဲ့တဲ့အတိုင်းအဆင့်ဆင့်ပုံလိုက်ရင်နောက်ဆုံးမန်ကျည်းသီး
ခုနစ်တောင့်လောက်သာရတတ်ပါတယ်။တခါတလေလည်းနောက်ဆုံးတစ်တောင့်မှဝေစရာမကျန်တာမျိုးကြောင့်မရ
တာမျိုးလည်းရှိပါတယ်။တချို့ကတော့ရန်ဖြစ်ရကျိုးမနပ်လို့ဒီမန်ကျည်းပင်ကိုအများသဘောတူမီးရှို့ပြီးသတ်ပစ်ဖို့အထိပြော
ကြပါသေးတယ်။ဒါပေမဲ့အားလုံးကလက်မခံတဲ့အတွက်ယနေထိအသက်ရှင်လျက်ရှိနေဆဲပါ။တချို့မန်ကျည်ပင်၊သရက်ပင်
များဆိုရင်အသီးဆွတ်ချိန်မှာအမြဲတမ်းစကားများရလွန်းလို့မီးရှို့ပြီးသတ်ပစ်ကြပါတယ်။အပင်မရှိတော့အသီးမစားရသလို
အမွေလည်းဝေစရာမလိုတော့ဘူးပေါ့။

အခုတော့ရွာလယ်မန်ကျည်းပင်ကြီးမှာအကိုင်းတွေလည်းမကျန်တော့သလောက်ဖြစ်နေပါပြီ။အနီးအနားအိမ်တွေက
သူတို့အိမ်ခေါင်မိုးနဲ့မလွတ်လို့အကြောင်းပြပြီးခုတ်ကြလွန်းလို့တစ်ချိန်ကအခက်အလက်ဖြာနေတဲ့မန်ကျည်းပင်ကြီးဘ၀
မှသည်အကိုင်းတွေမရှိတော့တဲ့အပင်ငုတ်တိုကြီးဘ၀ကိုရောက်သွားရပါပြီ။ငုတ်တိုဘ၀ရောက်သွားသော်လည်းမန်ကျည်း

ရွက်တွေနုချိန်ဆိုရင်တော့တစ်ရွာလုံးအတွက်ဟင်းချက်စရာမန်ကျည်းရွက်နုတွေကိုနှစ်စဉ်နုပေးနေပါသေးတယ်။

မန်ကျည်းသီးတွေမသီးပေးနိုင်တော့တာကြောင့်ရန်ဖြစ်သံတွေလည်းမကြားရတော့ပါဘူး။ဒါပေမဲ့မန်ကျည်းပင်ကြီးက
တော့ယနေ့တိုင်အောင်အမွေဆိုင်သားသမီးမြေးမြစ်တွေကိုသာမကတစ်ရွာလုံးကိုပါသူတတ်နိုင်သမျှလေးနဲ့အကျိုးပြုနေ
ဆဲပါ။

ဒီပို့စ်လေးဖတ်ပြီးအနည်းငယ်သောဗဟုသုတလေးတွေရရှိသွားတယ်ဆိုရင်ရေးသားရကျိုးနပ်ပါတယ်ဗျာ။အားလုံးပဲ
ကိုယ်ကျန်းမာစိတ်ချမ်းသာပြီးလိုအင်ဆန္ဒတွေပြည့်ဝကြပါစေ။လာလည်တဲ့အတွက်လည်းကျေးဇူးအထူးတင်ပါတယ်ဗျာ။

လေးစားမှုဖြင့်

ရွှေညာသားလေး

စိန်ရင်တစ်ခွက်ဆန်းတုတ်တစ်ခွက်

တနေ့ညတုန်းကအိပ်ယာထဲရောက်ပြီးခါမှအိပ်မပျော်တာနဲ့ရွာအကြောင်းထွေရာလေးပါးစဉ်းစားမိရင်းဘကြီးစိန်ရင်တို့
အကြောင်းသွားပြီးသတိရမိတယ်ဗျ။ကျုပ်တို့ကလေးဘ၀ကဘကြီးတို့လင်မယားရန်ဖြစ်သံကြားရင်အမြဲတမ်းသွားကြည့်နေကျ
ပေါ့။သူတို့လင်မယားရန်ဖြစ်တာကသူများတွေလိုစီးပွားရေး၊လူမှုရေးကြောင့်မဟုတ်ပါဘူး။လင်မယားနှစ်ယောက်ထန်းရည်
အတူတူသောက်ရင်းမူးပြီးစကားများကြာတာလေ။

ဘကြီးစိန်ရင်တို့ကျုပ်တို့အိမ်နဲ့မျက်စောင်းထိုးမှာရှိပါတယ်။ရွာလယ်မန်ကျည်းပင်ကြီးအောက်ကအိမ်ဝိုင်းထဲမှာသူတို့လင်မယား
ရယ်သားအငယ်ဆုံးလင်မယားရယ်အတူတူနေကြပါတယ်။ဒါကြောင့်သူတို့လင်မယားတွေရန်ဖြစ်ရင်အသံကအတိုင်းသားကြား
ရတော့ကလေးပီပီသွားပြီးစပ်စုကြတယ်။ဘကြီးစိန်ရင်ကအသက်ကြီးလာတော့မျက်စေ့သိပ်မကောင်းတော့ပါဘူး။ဆံပင်ကို
သျှောင်ထုံးအမြဲထုံးထားတတ်တယ်။ထန်းရည်ကိုတော့ဒီအသက်အရွယ်ထိနှစ်ခြိုက်စွာသောက်လာတာမို့အမေကြီးဒေါ်ဆန်းတုတ်
ထန်းရည်သမားဖြစ်တာကိုကြည့်ခြင်းဖြင့်သိနိုင်ပါတယ်။အရင်တုန်းကအမေကြီးဒေါ်ဆန်းတုတ်ကထန်းရည်မသောက်
တတ်ပါဘူး။ဘကြီးစိန်ရင်မျက်စေ့သိပ်မကောင်းတော့ညနေပိုင်းယောကျာ်းဖြစ်သူထန်းရည်သောက်ရင်သူကအမြည်းလုပ်ပေး
ထန်းရည်ငှဲ့ပေးရင်းနဲ့ခွက်လှည့်ဘ၀မှနောက်ဆုံးတော့မောင်တစ်ခွက်မယ်တစ်ခွက်ဘ၀ကိုရောက်သွားတာပါ။

အဲ့ဒီလိုနဲ့လင်မယားနှစ်ယောက်မူးတဲ့ခါရန်ဖြစ်လိုက်၊အမူပြေတော့ပြန်ချစ်လိုက်နဲ့နေလာကြတာနှစ်အတော်ကြာပါတယ်။
ရန်ဖြစ်တယ်ဆိုပြီးရိုက်လားပုတ်လားမလုပ်ကြပါဘူး။ပါးစပ်နဲ့ပဲတုတ်ဆွဲဓားဆွဲလုပ်ပြီးရိုက်လားထုလားလုပ်ကြတာပါ။
လက်တွေ့တော့မပါပါဘူး။မသိရင်တော့သူတို့လင်မယားကပြဇာတ်ကနေသလားထင်ရတယ်။ဘကြီးစိန်ရင်ကအသက်ကြီးလာ
တော့ဘာမှမလုပ်နိုင်တော့ပါဘူး။အိမ်အပေါက်နားမှာပဲမိုးလင်းမိုးချုပ်ထိုင်ပြီးအမေကြီးဆန်းတုတ်နဲ့စကားပြောလိုက်ရယ်လိုက်
မောလိုက်နဲ့နေကြတယ်။အမေကြီးဆန်းတုတ်ကတော့မျက်စိကောင်းသေးလို့ထမင်းချက်၊တခါတလေသူ့သားမအားတဲ့အခါ
နွားနှစ်ကောင်တောထဲထွက်ကျောင်းနိုင်ပါသေးတယ်။

ဘကြီးစိန်ရင်ကကွမ်းလည်းမြုံ့ပါသေးတယ်။သွားတွေမကျန်တော့တာကြောင့်ကွမ်းသီးစိပ်လေးကိုပဲပါးစပ်ထဲမှာထည့်ပြီးအမြဲ
တမ်းတမြုံ့င်္မြု့နဲ့ဝါးနေတတ်ပါတယ်။သူ့အိမ်ရှေ့ဖြတ်သွားလို့ကြည့်လိုက်ရင်ဘကြီးစိန်ရင်ပါးစပ်လေးကတလှုပ်လှုပ်နဲ့အမြဲတမ်း
မြင်တွေ့ရတယ်။အဲ့ဒီလိုနဲ့တစ်နေ့တော့ဆိုင်းမဆင့်ဗုံမဆင့်အမေကြီးဆန်းတုတ်ရဲ့သြော်ငိုသံကိုကြားလိုက်ရတယ်။အခါတိုင်းလို
ရန်ဖြစ်တယ်ထင်ပြီးကလေးတွေသွားကြည့်တော့ဘကြီးစိန်ရင်ကပက်လက်ကြီးဖြစ်နေတာကြောင့်အိမ်ပြန်ပြေးလာခဲ့ကြတယ်။
နောက်ရွာထဲကလူကြီးတွေဝိုင်းလာပြီးတချို့ကပေါက်တူးတွေ၊သံတူရွင်းတွေယူပြီးရွာပြင်ထွက်သွားတာမြင်တော့မှဘကြီးစိန်ရင်
သေမှန်းသိရတယ်။

အမေကြီးဆန်းတုတ်ခမြာခင်ပွန်းလည်းဖြစ်၊ထန်းရည်သောက်ဖော်လည်းဖြစ်တဲ့ဘကြီးစိန်ရင်ဆုံးသွားတော့ငိုလိုက်တာများ
တခါတခါတက်တက်သွားလို့ဝိုင်းပြီးနှာနှပ်ပေးကြရတယ်။ဘကြီးစိန်ရင်ဆုံးပြီးရက်လည်ဆွမ်းတွေကပ်ပြီးတော့ရန်ဖြစ်သံလည်း
မကြားရတော့ကျုပ်တို့ကလေးတွေလည်းရန်ပွဲမကြည့်ရတော့ပါဘူး။ဒါပေမဲ့တခါတလေညနေပိုင်းသူတို့အိမ်ဘက်ကိုသွားရင်
အမေကြီးဆန်းတုတ်ကတော့အိမ်ရှေ့ကွပ်ပျစ်လေးမှာတစ်ယောက်ထဲခွက်လေးရှေ့ချပြီးငေးငေးမှိုင်မှိုင်နဲ့သောက်တတ်ပါသေး
တယ်။ဘကြီးရှိတုန်းကလိုနေ့စဉ်မဟုတ်တော့ပေမဲ့ချက်ချင်းဖြတ်မရတာကြောင့်ရယ်၊သူ့ယောကျာ်းသတိရတာကြောင့်ရယ်
ထန်းရည်ခွက်လေးနဲ့တွေ့ရတတ်ပါတယ်။ဘကြီးစိန်ရင်ဆုံးပြီးတစ်နှစ်ခန့်အကြာမှာတော့အမေကြီးဆန်းတုတ်လည်းလွမ်းစိတ်
လွမ်းနာရော၊လူကြီးရောဂါရောစုပေါင်းနှိပ်စက်တာခံရပြီးဘကြီးစိန်ရင်နောက်ကိုလိုက်သွားရှာပါတော့တယ်။ထန်းရည်ကြိုက်တဲ့
ဘကြီးတို့လင်မယားနှစ်ယောက်တမလွန်မှာများပြန်ဆုံပြီးစိန်ရင်တစ်ခွက်ဆန်းတုတ်တစ်ခွက်လုပ်ရင်းရန်တွေများဖြစ်နေအုံး
မလားမပြောတတ်ပါဘူးဗျာ။

ဘကြီးတို့လင်မယားနဲ့ပတ်သက်ပြီးရွာမှာပြောစရာလေးကျန်ခဲ့တာကတော့မိန်းခလေးတွေထန်ရည်ဝိုင်းအရက်ဝိုင်းနာလာကပ်
ရင်"နင်မဆန်းတုတ်လုပ်ချင်လို့လား"ဆိုပြီးလူကြီးတွေကဆုံးမတတ်ကြပါတယ်။နောက်တခုကအမေကြီးဆန်းတုတ်ထင်ခွေထွက်ရင်
သူများတွေလိုဝေးဝေးလံလံသွားစရာမလိုပါဘူး။ရွာအပြင်ထွက်တာနဲ့ထင်းတစ်စည်းကတော့ခဏလေးပါပဲ။သူကမီးဆိုက်လို့ရ
သမျှအကုန်ယူပါတယ်။ရွာမှာကတမာသား၊ထန်းလက်၊၀ါးလုံးစတာတွေကိုထင်းအဖြစ်မသုံးပါဘူး။တမာသားကတော့ညှော်နံ့နံ
တာကြောင့်ပါ။ကျန်တာတွေကတော့အပွတွေဆိုတော့မီးကြာကြာအရှို့မခံတာကြောင့်ပါ။အမေကြီးဆန်းတုတ်ထင်ခွေတာနဲ့
ပတ်သက်ပြီးတော့လည်းပြောကြသေးတယ်။ထင်ခွေထွက်မယ်ဆိုရင်"မဆန်းတုတ်ထင်ခွေသလိုတော့မလုပ်ခဲ့နဲ့နော်"ဆိုပြီးမှာ
တတ်ကြတယ်။

သြော်အမေကြီးဆန်းတုတ်ထန်းရည်သောက်တာကဘယ်သူ့မှမထိခိုက်ပေမဲ့မိန်းခလေးတွေအတွက်ပုံနှိုင်းစရာတခု အဖြစ်ကျန်ခဲ့ရှာတယ်။ထင်ခွေတာလည်းအတူတူပဲ...အခုနောက်ပိုင်းတောတွေခုတ်လွန်းလို့မဆန်းတုတ်ထင်းခွေသလိုတောင်
ရွာနားမှာထင်းရှာမရတော့ဘူးဗျာ။အဝေးကြီးကိုတကုတကသွားမှထင်းတစ်စည်းရတဲ့အခြေအနေရောက်နေပါပြီ...။

အားလုံးပျော်ရွှင်ကြပါစေ...။

လေးစားမှုဖြင့်

ရွှေညာသားလေး

အမေ့အိမ်

အမေများနေ့မှာအမေနဲ့ဝေးကွာနေတဲ့သူတိုင်းအလွမ်းပြေနားဆင်ရအောင်အမေနဲ့ပတ်သက်တဲ့သီချင်းလေးတွေမျှဝေလိုက်ပါတယ်ဗျာ။

သီချင်းတွေနားဆင်ရင်းအမေ့ကိုပိုပြီးသတိရမိတယ်။အထူးသဖြင့်အမေ့အိမ်မှာနေခဲ့ရစဉ်တုန်းကအဖြစ်အပျက်လေးတွေကိုပေါ့။အားလုံး

ထပ်တူခံစားကြရလိမ့်မယ်လို့မျှော်လင့်ပါတယ်။ကျုပ်အတွက်ကတော့သူများနိုင်ငံမှာဘယ်လောက်ပဲပြီးပြည့်စုံတဲ့ဘ၀ကိုပိုင်ဆိုင်နေရပေ

မဲ့အမေ့အိမ်သည်သာလုံခြုံမှု၊နွေးထွေးမှုအပေးနိုင်ဆုံးနေရာတစ်ခုပါ။

ဒီသီချင်းလေးတွေကတစ်ယောက်ထဲနေရတဲ့အခါအိမ်ကိုအရမ်းသတိရရင်နားဆင်ဖြစ်တဲ့ဘယ်တော့မှမရိုးတဲ့သီချင်းလေးတွေပါဗျာ။

တခါတလေလည်းသီးချင်းနားဆင်ရင်းမျက်ရည်တွေကျမိတယ်။တစ်ယောက်ထဲအထီးကျန်စွာနေရတော့မှာမိသားစုတွေသိုက်သိုက်

ဝန်းဝန်းနေလာခဲ့ကြတာတွေကိုအရမ်းသတိရမိတယ်။အမေ့အိမ်မှာမရှိအတူရှိအတူအေးအတူပူအမျှနေခဲ့ရတဲ့ဘ၀ကတကယ်ပျော်ရွင်

စရာနေ့ရက်တွေပါပဲ။

အားလုံးကိုယ်စိတ်နှစ်ဖြာကျန်းမာချမ်းသာကြပါစေ

ရွှေညာသားလေး

အမေများနေ့အမှတ်တရ...အမေ့ကျေးဇူး

အမေများနေ့မှာအမေ့ကျေးဇူးတွေကိုအောက်မေ့ရင်းအဝေးတစ်နေရာမှဒီစာစုလေးနဲ့ကန်တော့လိုက်ပါတယ်။တကယ်တော့လူသားတိုင်းအတွက်
အမေဆိုတာဘယ်လိုမှအစားထိုးလဲလှယ်လို့မရနိုင်သလို၊ငွေကြေးဥစ္စာဓနစည်းစိမ်တွေနဲ့အလဲအလှယ်လုပ်ပြီးရနိုင်ကောင်းတာမျိုးလည်းမဟုတ်
ပါဘူး။ချမ်းသာတဲ့အမေပဲဖြစ်ဖြစ်၊ဆင်းရဲတဲ့အမေပဲဖြစ်ဖြစ်သားသမီးအပေါ်မှာထားတဲ့ချစ်ခြင်းမေတ္တာကတော့အတူတူပါပဲအမေ့ကျေးဇူးတွေကို
အမေများနေ့မှရယ်လို့မဟုတ်ပါဘူးအချိန်တိုင်းမှာအောက်မေ့တသပြီးသတိတရရှိနေသင့်ပါတယ်။အထူးသဖြင့်အမေ့ရင်ခွင်ကနေခွဲခွာပြီးတပြည်
တစ်ရွာမှာရောက်နေတဲ့ကျုပ်တို့လိုသားသမီးတွေအမေ့ကျေးဇူးကိုပိုပြီးတော့အောက်မေ့သတိရသင့်ပါတယ်။ထို့အတူပဲအမေနဲ့တစ်အိမ်တည်းနေ
ခွင့်ရတဲ့သားသမီးတွေလည်းအမေ့ကျေးဇူးကိုအောက်မေ့နားလည်ပြီးကိုယ်တတ်နိုင်သလောက်ခြေဆုပ်လက်နယ်ပြုစုပေးသင့်ပါတယ်။

အမေဆိုတာကတော့သားသမီးကသိတတ်သည်ဖြစ်စေ၊မသိတတ်သည်ဖြစ်စေသူ့ရဲ့မိခင်မေတ္တာကတော့ဘယ်တော့မှလျော့သွားမှာမဟုတ်
ပါဘူးရွှေညာသားလေးအမေနဲ့ပတ်သက်ပြီးပြောရရင်တော့အရာအားလုံးဟာအမှတ်တရဖြစ်စရာတွေချည်းပါပဲအထင်ရှားဆုံးသာဓကတခု
ကတော့သားသမီးတွေကိုပညာတတ်ဖြစ်စေချင်တဲ့အမေ့ရဲ့ဆန္ဒပါပဲတကယ်တော့အမေ့ခမျာကျွန်တော်တို့ညီအစ်ကိုတစ်တွေအတွက်တော်
တော်ကိုပင်ပန်းဆင်းရဲခဲ့ပါတယ်ယနေ့တိုင်လည်းလှုပ်ရှားရုန်းကန်နေရဆဲပါပဲအစိုးရ၀န်ထမ်းဖြစ်တဲ့အဖေနဲ့မိသားစုဘ၀တစ်ခုကိုထူထောင်ပြီး
တဲ့နောက်ကျုပ်တို့ညီအစ်ကိုအကြီးသုံးယောက်မွေးဖွားပြီးချိန်မှာအဖေကအလုပ်ကနေထွက်ပြီးမိဘတွေရှိရာဇာတိမြေကိုပြန်လာခဲ့ကြပါတယ်။

အစိုးရ၀န်ထမ်းဘ၀ကနေထွက်လာတာဆိုတော့တောင်သူလုပ်ငန်းကိုလည်းသိပ်ပြီးကျွမ်းကျွမ်းကျင်ကျင်မလုပ်တတ်တဲ့အတွက်ကျုပ်တို့အဖေ
ဟာမိသားစုစားဝတ်နေရေးအတွက်တစ်နယ်တစ်ကျေးကိုထွက်ပြီးအလုပ်လုပ်ပါတယ်အဲ့ဒီအချိန်ကစလို့ကျုပ်တို့ညီအစ်ကိုတစ်တွေဟာရွာမှာပဲ

အမေနဲ့အတူနေထိုင်ရင်းလူလားမြောက်ခဲ့ကြတာပါအဖေကတော့အဆင်ပြေရင်ပြေသလိုအမေ့ဆီကိုငွေပို့ပေးတတ်ပါတယ်အဖေပို့ပေးတဲ့ငွေလေး
ကိုအရင်တည်ပြီးအမေကရွာစင်လှည့်ဈေးရောင်းခြင်းလုပ်ငန်းကိုစတင်ပါတယ်ရွာမှာလုပ်ကိုင်စားသောက်နေတဲ့သမရိုးကျတောင်သူလုပ်ငန်းခွင်
ထက်ငွေစကြေးစလေးလက်ထဲမှာလည်ပတ်နိုင်တာကြောင့်သမာအာဇီဝကျတဲ့ဈေးရောင်းခြင်းလုပ်ငန်းကိုအမေတစိုက်မတ်မတ်လုပ်ကိုင်ပါတယ်။

ဈေးရောင်းလို့ရတဲ့အမြတ်ငွေထဲကနေဖဲ့ပြီးကျုပ်တို့ညီအစ်ကိုတစ်တွေအတွက်ကျောင်းစရိတ်မှအစ၊စားဝတ်နေရေးကိစ္စအားလုံးကိုစီမံခန့်ခွဲပေး
ခဲ့ပါတယ်။

အမေ့ရဲ့ခံယူချက်ကသားယောကျာ်းလေးတွေချည်းမွေးထားတာမို့ပညာမတတ်လို့မဖြစ်ဘူးဆိုတဲ့ခံယူချက်ကိုလက်ကိုင်ထားပြီးသူကိုယ်တိုင်

ဘယ်လောက်ဆင်းရဲပင်ပန်းပါစေကျုပ်တို့တွေပညာရေးအတွက်အစစအရာရာလိုသေးမရှိအောင်ကြိုးစားခဲ့ပါတယ်အဲ့ဒီကျေးဇူးတွေဘယ်လို

သိခဲ့တာလဲဆိုရင်ကျုပ်ကအမေနဲ့အတူဈေးရောင်းမကြာခဏလိုက်ရလို့သိခွင့်မြင်ခွင့်ရခဲ့တာပါပဲဈေးထမ်းတောင်းကိုထမ်းရပါများတဲ့အမေ့ပခုံး

သားတွေပေါ်မှာညိုမည်းမည်းဂျွတ်တွေတက်နေတာကသက်သေသာဓကတစ်ခုပါပဲသို့သော်လည်းအမေကတော့ငါဆင်းရဲလှချည်ရဲ့ပင်ပန်း

လှချည်ရဲ့လို့မညည်းညူခဲ့ပါဘူးတခါတလေဆိုသားအမိနှစ်ယောက်အထမ်းကိုယ်စီနဲ့ဈေးရောင်းကပြန်လာရင်အမေ့ကျောဘက်ဆီကတဒုတ်

ဒုတ်မြည်တဲ့အသံတွေကိုကြားရတတ်ပါတယ်။အလေးအပင်ထမ်းပါများတဲ့ဒီပခုံးနဲ့ခန္ဓာကိုယ်မှာရှိတဲ့အရိုးချင်းထိခိုက်မိရာကလာတဲ့အသံတွေပါ။

တကယ်ပြောတာပါကျုပ်တို့အမေလေမိန်းမသားတန်မဲ့အလေးအပင်ကိုအတော်ထမ်းပိုးနိုင်ပါတယ်။ငှက်ပျောသီးတစ်ဖက်ကိုနှစ်ဆယ်အစိတ်

ပါတဲ့အထမ်းကိုထမ်းပြီးမိုင်ပေါင်းများစွာဝေးတဲ့လမ်းခရီးကိုလျှောက်လှမ်းခဲ့ပါတယ်။သူလျှောက်ရတဲ့လမ်းကမြေပြင်ညီညာလမ်းမျိုးမဟုတ်

ပြန်ပါဘူး။တောင်ကုန်းကမူတွေကိုကျော်ဖြတ်ရကျောက်တုံးကျောက်ခဲတွေကြားကနေဖြတ်သန်းသွားလာရတဲ့လမ်းကြမ်းကြမ်းလမ်းမျိုးပါ

ဒါကလည်းကျုပ်ကိုယ်တွေ့ပါပဲအဲ့ဒီအချိန်တုန်းကတော့ကလေပီပီအထမ်းအပိုးနဲ့လမ်းလျှောက်ရတာကိုသိပ်ဘ၀မကျလှပါဘူးကျောက်ခဲတွေ

ထူတဲ့လမ်းကြားကိုရောက်ရင်ရှေ့ကသွားတဲ့အမေ့ကိုမှီအောင်မလိုက်နိုင်ဘဲနောက်မှာကျန်ခဲ့ရင်းမျက်ရည်ကျခဲ့ဖူးပါတယ်တခါတလေဆိုအမေ့

ရှေ့မှာတင်ရှိုက်ကြီးတငင်ငိုကြွေးခဲ့ဖူးတယ်အဲ့ဒီအခါတိုင်းအမေအားပေးတဲ့စကားလေးတစ်ခွန်းကလူလေးဒီလိုဆင်းဆင်းရဲရဲပင်ပင်ပန်းပန်းမလုပ်

ရအောင်စာကိုကြိုးစားနော်တဲ့ငါ့သားပညာတတ်ရင်အခုအမေလိုဆင်းဆင်းရဲရဲလုပ်ကိုင်စားသောက်စရာမလိုဘူးနေပူထဲလည်းထွက်စရာမလိုဘူး

နေရိပ်ထဲမှာပဲဘောပင်တစ်ချောင်းနဲ့သက်သက်သာသာလုပ်ကိုင်စားသောက်နိုင်မှာတဲ့လေကလေးဘ၀ကတည်းကအဲ့ဒီလိုဆင်းရဲပင်ပန်းမှုနဲ့ကြုံခဲ့

ရတော့ကျောင်းစနေပါပြီဆိုကတည်းကကျောင်းထွက်ဖို့ကိုစိတ်ကူးထဲကိုမထည့်ထားပါဘူးရွာကျောင်းမှာလေးတန်းနှစ်ရောက်တော့ဆရာမက

ကျောင်းဆက်တက်မည့်သူမတ်တတ်ရပ်ခိုင်းရင်ကျုပ်ကရှေ့ဆုံးကထရပ်ခဲ့ပါတယ်နောက်ပြန်ကြည့်တော့လည်းမတ်တတ်ရပ်တာကိုယ်တစ်

ယောက်တည်းမို့ဘာသိဘာသာပြန်ထိုင်မိတယ်ဟုတ်တယ်လေရွာရဲ့ထုံးစံကရွာကျောင်းမှာလေးတန်းပြီးရင်ကျောင်းပြီးပြီလို့ပဲလက်ခံထားကြတာ

မဟုတ်လား။

ရွာကျောင်းကနေလေးတန်းအောင်တော့လည်းတခြားကျောင်းကိုပြောင်းတက်ဖို့အတွက်အမေက၀မ်းပန်းတစ်သာပဲကျောင်းအပ်ပေးခဲ့တယ်။

ဒီလိုနဲ့အလယ်တန်းကျောင်းသားဘ၀အထက်တန်းကျောင်းသားဘ၀မှာကျောင်းဖွင့်ရက်မှာကျောင်းတက်ကျောင်းပိတ်ရက်မှာအမေနဲ့ဈေး

ရောင်းထွက်ရင်းအဆင်မပြေမှုတွေကိုရင်ဆိုင်ကျော်လွှားလို့ဆယ်တန်းအောင်လာခဲ့တယ်သူငယ်တန်းကစပြီးဆယ်တန်းအောင်သည်အထိ

ချွေးနဲစာလေးထဲကဖဲ့ပြီးကျောင်းထားပေးခဲ့တဲ့အမေ့ကျေးဇူးတွေကြောင့်ဆယ်တန်းအောင်တဲ့နေ့မှာအမေ့ရင်ကိုပိတီတွေဝေစေခဲ့ပါတယ်

အမေ့ကျေးဇူးတွေဟာတကယ့်ကိုကျုပ်တို့သားသမီးတွေအပေါ်မှာကြီးမားခဲ့ပါတယ်နောက်တစ်ကြိမ်အမေ့မျက်နှာပြုံပျော်စေနိုင်ခဲ့တာကတော့

တက္ကသိုလ်မှာလေးနှစ်တာပညာသင်ယူပြီးလို့ဘွဲ့ဝတ်စုံဝတ်ပြီးအဖေနဲ့အမေ့ကိုကျေးဇူးဆပ်ကန်တော့ခဲ့ရတဲ့နေ့လေးပါပဲဘွဲ့ဝတ်စုံဝတ်ဆင်ထား
တဲ့ကျုပ်ကိုကြည့်ပြီးအမေပြုံးတဲ့အမေ့ရဲ့ဂုဏ်ယူအပြုံးတွေဟာဘ၀မှာဘယ်လိုမှမေ့လို့မရနိုင်တဲ့အမှတ်တရတွေပါ။

ကျောင်းပြီးသွားလို့အမေနဲ့ခွဲပြီးအလုပ်တာဝန်တွေထမ်းဆောင်ရပြန်တော့လည်းအမေ့ခမြာသားသမီးတွေအတွက်စိတ်ပူပေးတတ်ပြန်ပါတယ်။
သူ့မျက်စေ့အောက်မှာမဟုတ်တော့စားရတာမှအဆင်ပြေရဲ့လားနေလို့မှကောင်းရဲ့လားစသဖြင့်လားပေါင်းများစွာနဲ့ပူပန်တတ်တာလည်းမိခင်
တိုင်းရဲ့သားသမီးအပေါ်မှာထားတဲ့မေတ္တာတရားတွေပါပဲတခါတလေကျုပ်တာဝန်ကျရာဆီကိုလာလည်ရင်ရှိတာလေးနဲ့စီမံပြီးကျုပ်ကြိုတ်တတ်
တာလေးတွေကိုချက်ပြုတ်ကြော်လှော်ပြီးယူဆောင်လာတတ်တယ်အဲ့ဒါကိုကြည့်ခြင်းအားဖြင့်မိဘဆိုတာသားသမီးဆီကရယူလိုခြင်းထက်သူတို့
ဆီမှာရှိတာလေးတွေကိုပေးဆပ်ခြင်းနဲ့ချစ်ခင်နေကြသူတွေပါဗျာကိုယ့်ဆီရောက်လာပြန်တော့ကိုယ်ရတဲ့လစာလေးထဲကတတ်နိုင်သလောက်
လေးအမေ့လက်ထဲထည့်ပြီးလက်အုပ်လေးချီပြန်တော့ပြောမပြနိုင်တဲ့ပီတိအပြုံးတွေနဲ့မျက်ရည်ကျတတ်တာလည်းအမေပါပဲ။

 အရင်တစ်ခေါက်နိုင်ငံခြားထွက်တုန်းကအမေနဲ့အဖေ့ကိုမန္တလေးနဲ့ပြင်ဦးလွင်ရောက်ဖူးအောင်ပို့နိုင်ခဲ့တယ်။စိတ်ထဲမှာတော့အမေ့ကိုရန်ကုန်က
ရွှေတိဂုံစေတီတော်ကြီးကိုဖူးမြင်စေချင်တဲ့ဆန္ဒရှိနေခဲ့တယ်။ကိုယ်တိုင်ရန်ကုန်ရောက်တိုင်းလည်းရွှေတိဂုံမှာဘုရားဖူးရင်အမေ့ကိုဒီရွှေတိဂုံရင်ပြင်

တော်ပေါ်ရောက်အောင်ခေါ်နိုင်တဲ့သားတစ်ယောက်ဖြစ်ရပါလို၏ဆိုတဲ့ဆုတောင်းကိုစိတ်ထဲကအမြဲတမ်းတောင်းခဲ့မိတယ်အဖေကတော့ရန်ကုန်

ကိုအရင်ကတည်းကရောက်ဖူးနေတာမို့အဖေ့အတွက်ကအထူးအဆန်းမဟုတ်တော့ပေမဲ့ဈေးထမ်းတောင်းနဲ့သာအမြဲတမ်းနပမ်းလုံးနေရတဲ့အမေ့

အတွက်ကအထူးအဆန်းဖြစ်စရာမို့ဒီဆုကိုတောင်းရခြင်းဖြစ်ပါတယ်ကျုပ်ဆုတောင်းတွေပြည့်ခဲ့ပါတယ်ဒီတစ်ခေါက်နိုင်ငံခြားကိုပညာသင်လာဖို့

အကြောင်းဖန်လာတော့လေယာဉ်တက်တဲ့နေ့မှာအဖေနဲ့အမေကိုရန်ကုန်လေဆိပ်အထိလိုက်ပို့ဖို့ခေါ်နိုင်ခဲ့တယ်လေယာဉ်မတက်ခင်နှစ်ရက်ကြို

သွားပြီးအဖေနဲ့အမေ့ကိုရန်ကုန်ကဘုရားတွေဖူးမြော်ခွင့်ရအောင်ပြုလုပ်ပေးနိုင်ခဲ့တယ်။ရိုးရိုးသားသားနဲ့နေတတ်တဲ့အမေ့ကိုရွှေတိဂုံစေတီတော်

ရင်ပြင်ရောက်အောင်ပို့ပေးနိုင်ခဲ့တယ်။ပြောပလောက်စရာမဟုတ်သော်လည်းမိဘစိတ်ချမ်းသာအောင်ပြုလုပ်ပေးနိုင်ခဲ့တဲ့အတွက်အမေ့ကျေးဇူး
ကိုအနည်းငယ်မျှဆပ်ခွင့်ရတာပါပဲ။

တည်းခိုတဲ့အိမ်ပြန်ရောက်တော့နောက်နေ့လေယာဉ်တက်မည့်သားအတွက်ပစ္စည်းတွေစုံမစုံစစ်ပေး၊ထည့်ပေးတယ်အားလုံးပြီးတော့မအိပ်နိုင်ရှာ
သေးဘူး။လူလေးလည်းတစ်နေကုန်သွားလာနေရတာပင်ပန်းနေမှာပေါ့ဆိုပြီးကျုပ်ကိုနှိပ်ပေး၊နင်းပေး၊အကြောတွေဖြေပေနေတာအကြာကြီးပါပဲ။

အငယ်တုန်းကအမေ့ကိုနင်းပေးနှိပ်ပေးရင်အမေအမြဲတမ်းပေးတတ်တဲ့ဆုကငါ့သားလေးကျန်းမာပါစေချမ်းသာပါစေပညာတတ်ကြီးဖြစ်ပါစေ

တော်...ဆိုတဲ့အမေ့ဆုပေးစကားကိုနားထဲမှာကြားယောင်မိတယ်အဲ့ဒီလိုအမေကကိုယ့်ကိုပြန်ပြီးနင်းနှိပ်ပေးတော့ဘာဆုတွေပြန်ပေးရမှန်းစဉ်း
စားလို့မရခဲ့ပါဘူးဗျာအမေကျန်းမာပါပြီးရောဂါဘယကင်းဝေးပါစေလို့ပဲစိတ်ထဲကနေဆုပေးမိတယ်မသွားခင်ပြေးရလွှားရလုပ်လိုက်ရတဲ့ကိစ္စတွေ

ကြောင့်ကိုယ့်ကိုကိုယ်တောင်သတိမထားမိတဲ့ကျုပ်လည်းအမေနှိပ်ပေးနေတာမပြီးခင်းမှာပဲအိပ်ပျော်သွားခဲ့တယ်။

နံနက်လေယာဉ်ကွင်းကိုရောက်တော့အမေ့မျက်နှာမကောင်းတော့ပါဘူး။လေဆိပ်ထဲရောက်ကတည်းကစကားသံတိတ်သွားတဲ့အမေ့ကိုကြည့်ပြီး
အမေဘယ်လိုခံစားနေရမယ်ဆိုတာကိုနားလည်လိုက်ပါတယ်ကိုယ်တိုင်းလည်းဘ၀ရှေ့ရေးအတွက်မို့သွားရမှာဖြစ်လို့အမေ့နဲ့ထပ်တူခံစားနေရ

သော်လည်းခဏတာခွဲခွာခြင်းမျိုးပါပဲလေဆိုပြီးဖြေသိမ့်ရင်းအဖေနဲ့အမေ့ကိုလက်ပြကာလေဆိပ်အတွင်းခန်းကိုဝင်လာခဲ့ပါတယ်ကျုပ်လက်ပြနှုတ်

ဆက်ချိန်မှာတော့အမေ့ပါးပြင်မှာမျက်ရည်တွေစီးကျနေပါပြီမှန်တွေကာရံထားတဲ့လေဆိပ်တစ်နေရာမှအမေ့ကိုပြုံးပြနှုတ်ဆက်ပေမဲ့ကျုပ်မျက်နှာ

လည်းဘယ်လိုမှပြုံးလို့မရခဲ့ပါဘူးမျက်ရည်တွေကျနေတဲ့အမေ့ကိုမြင်ပြီးမပြုံးနိုင်ပဲမျက်ရည်တွေသာစီးကျလာခဲ့ပါတယ်မှန်ချပ်နဲ့နံရံကြားလက်ဝင်
နိုင်တဲ့နေရာကိုကနေငိုရှိုက်နေတဲ့အမေ့လက်ကိုဆွဲယူနမ်းရှိုက်ပြီးမျက်ရည်ကြားကပြောလာတဲ့အမေ့စကားသံကိုးနားထောင်မိတော့"လူလေးအ
စစအရာရာဂရုစိုက်ပါနော်ဆိုတဲ့"အမေ့စကားသံကိုကြားလိုက်ရတော့ကျုပ်တို့အပေါ်မှာထားတဲ့အမေ့ရဲ့သံယောဇဉ်ကိုပိုပြီးနားလည်မိတယ်အဖေ
လည်းမျက်ရည်မကျပေမဲ့မျက်နှာတော့မကောင်းပါဘူးငိုရှိုက်နေတဲ့အမေ့ကိုအားပေးနှစ်သိမ့်နေရှာပါတယ်လေယာဉ်ချိန်နီးပြီမို့အဖေအမေနဲ့
ညီလေးညီမလေးတို့ကိုလက်ပြနှုတ်ဆက်ပြီးအပေါ်ထပ်ကိုတက်လာခဲ့ပါတယ်။

သွားရမည့်နိုင်ငံကိုရောက်ပြန်တော့လည်းချောချောမောမောရောက်တယ်၊နေရထိုင်ရတာအဆင်ပြေတယ်ဆိုတဲ့အကြောင်းအရင်ဆုံးဖုန်းဆက်
လိုက်ပါတယ်ဒါမှစိတ်မချဖြစ်နေတဲ့အမေလည်းသက်သာရာရသွားမှာမဟုတ်ပါလားရေခြားမြေခြားရောက်ခဲ့ပြန်တော့လည်းအဖေနဲ့အမေကို
အလွမ်းပြေကြည့်စရာယူလာခဲ့တဲ့ဓာတ်ပုံလေးကိုကုတင်ခေါင်းရင်းမှာထားပြီးညစဉ်ညတိုင်းရတနာသုံးပါးနှင့်တကွလက်အုပ်ချီမိုးကန်တော့ပြီးမှ

အိပ်ယာဝင်လာခဲ့တာယနေ့ထိအောင်ပါပဲအမေနဲ့ဖုန်းပြောတိုင်းအမေ့အသံကြားရရင်တက်ကြွလန်းဆန်းမှုကိုအမြဲတမ်းခံစားရတယ်ဘယ်လောက်
ပဲပင်ပန်းနေပါစေအမေ့အသံကိုကြားရရင်အားလုံးပြေပျောက်သွားတယ်အဲ့ဒီလောက်အထိအမေ့မေတ္တာကသားသမီးတို့အပေါ်မှာအေးချမ်းမှုကို
ပေးစွမ်းနိုင်တာပါအမေ့ရဲ့ကျေးဇူးတွေကြောင့်မရောက်ဖူးတဲ့အရပ်ဒေသတွေကိုရောက်ရငယ်ငယ်လေးကတည်းကအမေသင်ပေးခဲ့တဲ့ဘ၀အတွေ့
အကြုံတွေကြောင့်ဘယ်အရပ်ဘယ်နေရာကိုပဲရောက်ရောက်အခက်အခဲတွေကိုကြံ့ကြံ့ခံရင်ဆိုင်တွန်းလှန်နိုင်ဖို့အားအင်တွေရခဲ့တယ်။အဲ့ဒီလိုစာဖွဲ့

မကုန်နိုင်သောကျေးဇူးတရာတွေအနန္တနဲ့အမြဲတမ်းပြည့်စုံနေတဲ့အမေများကိုကိုယ်စားပြုတဲ့ပြာသိုလ်လပြည့်အမေအများနေ့မှာ
အမေ့ကျေးဇူးတွေကိုအောက်မေ့သတိရမိသောဒီစာစုလေးနဲ့အဝေးတစ်မြေရောက်အမေရဲ့သားကန်တော့လိုက်ပါတယ်အမေ။အမေကျန်းမာ၊
ချမ်သာပြီးဘေးဘယာကင်းဝေးပါစေနေ့စဉ်နေ့တိုင်းသားတတ်စွမ်းသမျှပြုလုပ်ရသောကုသိုလ်အားလုံးအတွက်လည်းအဖေနဲ့အမေကိုအမျှပေး
ဝေးပါတယ်။

ဒီစာမူလေးကိုဖတ်ပြီးအဝေးရောက်သားသမီးတွေအမေများနေ့မှာရွှေညာသားလေးနည်းတူအမေ့ကျေးဇူးတွေကိုပြန်လည်အောက်မေ့သတိရရင်း
အမေ့ကျေးဇူးတွေဆပ်နိုင်ကြပါစေဗျာ။

မျိုးခန့်(စကားဝါမြေ)

အညာဆောင်းတွင်းမီးဖို

အညာဒေသရဲ့ဆောင်းရာသီအကြောင်းလေးဗဟုသုတအဖြစ်နဲ့ပြောပါအုံးဗျာ။စားစရာတွေချည်းပဲတင်လာတာလည်းတော်တော်များပြီဆိုတော့

အညာဓလေ့စရိုက်လေးတွေအကြောင်းပြန်မျှဝေပါအုံးမယ်။တကယ်တော့ရွှေညာသားလေးအညာဆောင်းနဲ့ဝေးခဲ့တာကြာခဲ့ပါပြီ။နှစ်အားဖြင့်

တွက်မယ်ဆိုရင်(၇)နှစ်ခန့်ရှိသွားပါပြီ။ဒီနှစ်တွေအတွင်းမှာဘာတွေဘယ်လိုပြောင်းလဲသွားပြီလဲဆိုတာသေသေချာချာမပြောနိုင်ပေမဲ့

ဆောင်းရာသီရောက်ပြီဆိုရင်တော့အိမ်တိုင်းနီးပါးမီးဖိုကိုယ်စီနဲ့မီးလှုံတတ်ကြပါတယ်။မီးဖိုဆိုရာမှာလည်းအိမ်အတွက်ထမင်းဟင်းချက်တဲ့မီးဖို
ကိုဆိုလိုတာမဟုတ်ပါဘူး။အိမ်တလင်းပြင်မှာထင်းတုံးကြီးကြီးတစ်တုံးကိုမီးရှို့ပြီးညပိုင်းမှာစကားဝိုင်းဖွဲ့ရင်မီးလှုံကြတာပါ။တောရွာဆိုတော့လည်း
သိတဲ့အတိုင်းညပိုင်းရောက်ရင်ဗွီဒီယိုရုံသွားလျှင်သွားမသွားလျှင်ရွာရိုးကိုးပေါက်လျှောက်လည်(လူပျိုလှည့်)ပြီးအိပ်ယာစောစောဝင်ကြတာကများ

ပါတယ်။

ဆောင်းတွင်းဆိုရင်တော့လူပျိုလှည့်ခြင်းကိစ္စလည်းမီးဖိုမှာပဲအဆင်ပြေပါတယ်။အပျိုချောချောပေါတဲ့ဝိုင်းကိုသွားလည်ရင်းမီးဖိုမှာ

မီးဝင်လှုံ၊စကားစမြည်ပြောရင်းကိုယ်ကြိုက်တဲ့ကောင်မလေးကိုမီးဖိုဘေးကနေမသိမသာငေးရတာအရသာတစ်မျိုးပါပဲ။ကျုပ်တို့ရွာတွေမှာက

မိန်းခလေးတွေအရွယ်ရောက်လာရင်ကိုယ့်အိမ်မှာအိပ်ထက်ဒွေးလေးတွေ၊အပျိုးကြီးလေးလေးတွေနဲ့အိပ်ကြတာများပါတယ်။အဲ့ဒီတော့နီးစပ်

ရာကအိမ်နီးချင်းသူငယ်ချင်းတွေပါစုလိုက်ရင်လေးငါးယောက်တစ်ဖွဲ့ဖြစ်သွားတယ်။အဲ့ဒီမှာအိမ်ရှင်အပျိုကြီးကတော့အုပ်ထိန်းသူပေါ့။

အဲ့လိုဆောင်းညမျိုးဆိုရင်မီးဖိုဘေးထိုင်းရင်းကြည့်ဖူးတဲ့ဗွီဒီယိုဇာတ်လမ်းအကြောင်းပြောလားပြောရဲ့၊ဒါမှမဟုတ်နေကြာပွင့်ခေါက်လားခေါက်ရဲ့၊

ပဲစေ့ထွင်သူကထွင်ကြပါတယ်။မီးလည်းလှုံရင်း၊စကားလည်းပြောရင်း၊အလုပ်လည်းပြီးတာပေါ့ဗျာ။ကိုကိုကာလသားတို့ခမျာလည်းလူပျိုလှည့်ရင်း

မီးဖိုဘေးရှိသမျှအလုပ်ကိုဝိုင်းပြီးလုပ်ပေးကြတယ်။ဒါမှလည်းအိမ်ရှင်ကကြည်ဖြူမှာမဟုတ်ပါလား။

ကျုပ်တို့ရွာမှာတော့ရွာလယ်လမ်းကနေစပြီးအရှေ့ဘက်ကိုအရှေ့ဝိုင်း၊အနောက်ဘက်ပိုင်းကိုအနောက်ဝိုင်းဆိုပြီးခွဲထားတယ်။

အဲ့ဒီမှာအနောက်ဘက်ပိုင်းကအိမ်တွေကအများအားဖြင့်အိပ်ယာဝင်တာစောကြတယ်။မှတ်မိသလောက်သူတို့ဝိုင်းကိုညပိုင်းသွားလည်ရင်

အထက်ကပြောသလိုအပျိုတွေစုတဲ့မီးဖိုကလွဲပြီးတခြားအိမ်တွေကညကိုးနာရီလောက်ဆိုရင်တိတ်ဆိတ်နေပြီ။ကျုပ်တို့အရှေ့ဝိုင်းဘက်

ကတော့ကိုးနာရီဆိုရင်အိပ်ဖို့နေနေသာသာလူတောင်မစုံသေးပါဘူး။ကျုပ်ကအရှေ့ဝိုင်းသားဖြစ်တာကြောင့်အနောက်ဝိုင်းဘက်သွားလည်

ပြီးပြန်လာရင်အရှေ့ဝိုင်းမှာတစ်ပွဲဆက်နွှဲပါတယ်။အရှေ့ဝိုင်းဘက်မှာမီးဖိုကလည်းအနောက်ဝိုင်းဘက်ထက်များပါတယ်။ဒါပေမဲ့ကျုပ်တို့အိမ်

ကတော့မီးမဖိုပါဘူးဗျာ။မီးဖိုရင်လည်းဘယ်သူမှလာမလှုံပါဘူး။အိမ်မှာကလည်းအမေကလွဲပြီးယောကျာ်းလေးတွေချည်းပဲလေ။အိမ်မှာမီးဖိုရင်

လည်းကိုယ့်မိသားစုပဲလှုံကြတာဆိုတော့လူစုံတဲ့အမေကြီးတို့အိမ်ကမီးဖိုကိုပဲစိတ်ကသွားချင်နေတော့တာပဲဗျာ။ဆောင်းရာသီဆိုရင်အမေကြီးတို့

အိမ်တလင်းပြင်ကမီးဖိုမှာအိမ်းနီးနားချင်းတူတွေတူမတွေနဲ့အမြဲပြည့်နေတတ်ပါတယ်။

တခါတလေဆိုရင်ရာသီဥတုကချမ်းချမ်းမီးဖိုဘေးမှာကစကားပြောကောင်းကောင်းနဲ့ကြက်ဦးတွန်လို့တောင်လူစုမကွဲတတ်ပါဘူး။အိပ်ယာထဲ

ရောက်ရင်လည်းနဖူးနဲ့ဒူးနဲ့ထိအောင်ကွေးရမှာမို့မီးဖိုဘေးမှာထိုင်ရင်းစကားပြောရတာကအိပ်တာထက်ကောင်းပါသေးတယ်။နောက်ပြီး

ဆောင်းတွင်းဆိုရင်ရွာတွင်းဖြစ်အ၀တ်အထည်တွေကအလွန်ကိုအသုံးတည့်ပါတယ်။ကိုယ့်ယာရ၀ါချည်ကိုငင်ပြီးယက်လုပ်ထားတဲ့ပုဆိုးကြမ်း၊

ပင်နီအင်္ကျီတွေကအညာဆောင်းရဲ့အအေးဒဏ်ကိုကောင်းကောင်းကာကွယ်ပေးပါတယ်။ဒါကြောင့်ဆောင်းတွင်းဆိုရင်လူကြီးလူငယ်ချည်ချော

ထည်တွေထက်ချည်ကြမ်းထည်ကိုပဲဝတ်ဆင်ကြပါတယ်။ကျုပ်ဆယ်တန်းအောင်ပြီးစအချိန်အထိတော့ဒီဓလေ့ကမပျောက်ပျက်သေးပါဘူး။

အဲ့ဒီဆောင်းတွင်းရောက်ရင်ကျုပ်တို့အိမ်မှာမလုံလောက်ဆုံးကခြုံစောင်ပါ။ညီအစ်ကိုတစ်တွေအိမ်ရှေ့ခန်းမှာစုပြီးအိပ်ကြရင်အမေကငါးစပ်

စောင်သုံးထည်ကိုအခေါက်ဖျက်ပြီးညီအစ်ကိုတစ်တွေကိုခြုံပေးပါတယ်။နေ့လယ်ခင်းမှာတော့စောင်တွေကိုနေလှန်းပြီးနေမ၀င်ခင်ပြန်ခေါက်

သိမ်းပါတယ်။အမေစောင်ထပ်ပေးပြီးလို့မီးခွက်ငြိမ်းလိုက်တာနဲ့ညီအစ်ကိုတစ်တွေစောင်လုတော့တာပါပဲ။အစွန်ကလူကဟိုဘက်ဆွဲသည်ဘက်

ဆွဲနဲ့အိပ်မပျော်မချင်းလုနေလို့တခါတလေအမေကထပြီးဆော်ပလော်တီးမှရပ်ပါတယ်။ညဥ့်နက်လို့အအေးဓာတ်လေးသိသိသာသာပိုလာပြီဆိုရင်

တော့ညီအစ်ကိုတစ်တွေပူးနိုင်သမျှပူးကပ်ပြီးတည့်သွားတတ်ကြပါတယ်။ကလေးဘ၀တုန်းကတော့အဲ့လိုအမြဲတမ်းစောင်လုရတာအခုတော့လည်း

တစ်ယောက်ထဲအိပ်ရပေါင်းများနေပါပြီ။တစ်ချိန်ကစောင်လုခဲ့တဲ့ညီတွေအစ်ကိုတွေလည်းတစ်နယ်တစ်ကြေးမှာမိသားစုကိုယ်စီနဲ့အလုပ်ကိုယ်စီ

နဲ့ဖြစ်နေကြပါပြီ။

အိမ်မှာကျန်ခဲ့တဲ့အမေ့ခမျာတော့အခုလိုဆောင်းတွင်းရောက်ရင်သူ့သားတွေကိုသတိရနေမှာအမှန်ပါပဲ။အမေ့ရင်ခွင်အောက်မှာရှိစဉ်တုန်းက

တစ်ဦးကိုတစ်ဦးစလိုက်နောက်လိုက်နဲ့နေလာခဲ့ကြတာပျော်ဖို့သိပ်ကောင်းတာပါပဲ။အရင်ကတော့အမေလည်းကလေးပွေ့ပြီးအမေကြီးတို့အိမ်

ကမီးဖိုဆီကိုသွားခဲ့တာပါပဲ။အဲ့ဒီအချိန်မှာအမေ့ရင်ခွင်ပိုက်ဖြစ်ခွင့်ရတဲ့ညီလေးတွေကတော့ပိုပြီးကံကောင်းတာပေါ့။အ၀တ်နဲ့လုံခြုံစွာထုပ်ပြီး

ရင်ခွင်ထဲမှာထည့်ရင်းမီးလှုံတတ်တဲ့အမေ့ကိုမြင်ယောင်နေမိတယ်။တခါတလေဆိုကလေးပွေ့ပြီးထိုင်ရတာကြာလို့အိမ်ပြန်တဲ့အခါအိပ်ပျော်နေတဲ့

ညီလေးကိုကူပြီးပွေ့ပေးရင်အမေ့ရင်ငွေ့ရောမီးအပူဓာတ်ပါရထားတဲ့မောင်မင်းကြီးသားလေးကနွေးနေတာပါပဲ။

ဆောင်းတွင်းမီးလှုံတဲ့အခါအမြဲတမ်းမမေ့နိုင်တာတခုကတော့အမေကြီးတို့အိမ်ကထောပတ်ပဲပြုတ်လေးပါပဲ။လာသမျှလူတိုင်းတော့မစားရတတ်

ပါဘူး။နောက်ကျအောင်နေတဲ့သူအများစုကတော့စားရတတ်ပါတယ်။မနက်စာအတွက်အိမ်ထဲမီးဖိုမှာတည်ထားတဲ့ပဲပြုတ်အိုးကသန်းခေါင်

ကြက်တွန်ခါနီးရင်ကျက်စပြုပါပြီ။အမေကြီးကတော့အသက်ကြီးတဲ့သူမို့ညဥ့်နက်အောင်သိပ်မနေပါဘူး။အမေကြီးသမီးအငယ်ဆုံးဒွေးလေးမိသေး

ကအိမ်ထောင်ကျပြီးအမေကြီးနဲ့အတူနေတာမို့အစစအရာရာသူပဲစီမံပါတယ်။မီးဖိုဘေးမှာလူနည်းသွားပြီဆိုရင်ဒွေးလေးယောကျာ်းကပဲပြုတ်

မကျက်သေးဘူးလား၊ကျက်ရင်နည်းနည်းသွားထည့်ချေပါဟစကားပြောရင်းရေနွေးသောက်ရအောင်ဆိုပြီးစကားစတတ်ပါတယ်။အဲ့ဒီလိုပြောလိုက်

ဆိုရင်ပဲဒွေးလေးကမီးဖိုချောင်ထဲသွားပြီးအငွေ့တထောင်းထောင်းထနေတဲ့ထောပတ်ပဲပြုတ်ကိုနှမ်းဆီမွှေးမွှေးလေးဆမ်းပြီးရေနွေးအိုးနဲ့ယူလာ

ပေးတတ်ပါတယ်။မီးဖိုဘေးမှာပဲပြုတ်ပန်းကန်ကိုလက်ဆင့်ကမ်းပြီးရာသီဥတုအေးအေးမှာတစ်ယောက်တစ်ဇွန်းစီမျှစားရတာအတော်လေး

အရသာရှိလှပါတယ်။တစ်ခါတလေတော့ပဲစင်းငုံသီးပြုတ်စားရတတ်ပါတယ်။အစေ့ရင့်တဲ့ပဲစင်းငုံသီးအစိမ်းတောင့်တွေကိုခူးပြီးညမှာမီးလှုံရင်း

ပြုတ်စားကြတာပါ။ပဲကြီးသီးကိုလည်းပြုတ်စားတတ်ကြပါတယ်။အပျိုလေးတွေရှိတဲ့မီးဆိုလျှင်တော့နေကြာပွင့်မီးဖုတ်၊သင်္ဘောသီးသုပ်၊

တို့ဟူးသုပ်စသဖြင့်သူတို့သူငယ်ချင်းတွေစုပြီးသုပ်စားတတ်ကြပါတယ်။လူပျိုလှည့်သွားရင်ကံကောင်းတဲ့အခါသူတို့လက်ရာလေးတွေကို

မြည်းစမ်းခွင့်ရတတ်ပါတယ်။

အမေကြီးတုိ့အိမ်ကမီးဖိုဘေးလုပ်ငန်းအနေနဲ့ကတော့ပဲခြောက်ထွင်ရတာပါပဲ။အမေကြီးတို့ကထောပတ်ပဲစိုက်တာမို့ယာခင်းထဲကရွေးခူးထား

တဲ့ပဲခြောက်တောင့်ကိုမီးလှုံရင်းလက်နဲ့ခွဲပြီးအစေ့ထွင်ရတာပါ။စကားပြောရင်းတစ်ယောက်တစ်လက်ဝိုင်းပြီးထွင်ရတာမို့အချမ်းလည်းပြေ၊

အလုပ်လည်းပြီးပါတယ်။တခါတလေဆိုရင်ကြက်တစ်ခါနှစ်ခါတွန်သည့်တိုင်မီးဖိုဘေးမှာလူစုမကွဲတတ်ကြပါဘူး။အဲ့ဒီအချိန်အနောက်ဘက်

ဝိုင်းသွားရင်တိတ်ဆိတ်နေပါပြီ။အချိန်တန်လို့လူစုခွဲပြီဆိုရင်တော့အိမ်တလင်းပြင်မှာတငွေ့ငွေ့လောင်နေတဲ့မီးဖိုနဲ့ထင်းတုံးကြီးသာကျန်နေ

ခဲ့ပါတယ်။နောက်နေ့ညပိုင်းရောက်လာပြီဆိုရင်တော့ဒီထင်းတုံးကြီးနဲ့မီးဖိုဘေးမှာကိုယ်စီကိုယ်စီလာရောက်စုဝေးပြီးစကားတွေပြောကြ၊

ငြင်းကြခုံကြနဲ့အညာဆောင်းရဲ့အအေးဒဏ်ကိုမီးဖိုဘေးမှာထိုင်ရင်းသက်သာရာရှာကြပြန်ပါတယ်။

အခုချိန်ဆိုရင်လည်းအရင်တုန်းကလိုလူမစည်အုံးတောင်မှအမေကြီးတို့အိမ်တလင်းပြင်ကဆောင်းတွင်းမီးဖိုကတော့အစဉ်အလာမပျက်ရှိနေအုံး

မှာသေချာပါတယ်။ဒွေးလေးမိသေးသည်ပင်အသက်ငါးဆယ်ကျော်လာပြီဆိုတော့အမေကြီးရဲ့အမွေကိုသူကဆက်ခံရင်းအိမ်နီးနားချင်းကတူတွေ

တူမတွေနဲ့မီးဖိုဘေးမှာပဲတွေထွင်ရင်း၊စကားတွေပြောရင်းနဲ့အညာဆောင်းရဲ့အအေးဒဏ်ကိုဆောင်းတွင်းမီးဖိုနဲ့အံတုနေကြမှာအသေအချာပါပဲ။

လွမ်းဆွတ်တမ်းတမိပါတယ်အညာဆောင်းရယ်။တာဝန်တွေပြီးဆုံးလို့အမိမြန်မာပြည်ကိုပြန်ရောက်တဲ့အခါလွမ်းမောစရာတွေပေါတဲ့မွေးရပ်မြေ

အညာဆီကိုအရင်ဆုံးပြန်လာပြီးမျိုသိပ်ခဲ့ရတာတွေကိုတ၀ကြီးခံစားလှည့်ပါအုံးမယ်...။

မျိုးခန့်(စကားဝါမြေ)

အညာသရက်ချဉ်ကိုယ်တိုင်ပြုလုပ်ကြမယ်

အရင်ကသရက်ချဉ်သုပ်ကိုပဲတင်ဖူးလို့ဒီတစ်ခါသရက်ချဉ်လုပ်တုန်းကပုံလေးတွေရိုက်ထားတာကိုဗဟုသုတအဖြစ်ပြန်လည်မျှဝေးလိုက်ပါတယ်။

သရက်သီးကလည်းအမျိုးမျိုးရှိတာမို့ဘယ်သရက်သီးကသရက်ချဉ်လုပ်လို့ကောင်းသလဲမေးရင်ချဉ်တဲ့အသီးကကောင်းပါတယ်လို့ပဲဖြေရပါမယ်။

အချဉ်မကြိုက်ရင်တော့အချဉ်ပေါ့တဲ့စိမ်းစားသီး၊ရင်ကွဲသီး၊မချစ်စု၊ဖင်ကောက်သီး(သရက်သီးဖင်ပိုင်းကအကောက်လေးပါလို့)တို့လိုသရက်သီး

မျိုးကိုပြုလုပ်နိုင်ပါတယ်။ရွှေညာသားလေးတို့ဆီမှာတော့မနော်နွယ်သီး၊မျောက်ခေါင်းသီး၊သုံးလုံးတစ်တောင်၊ဘင်္ဂလားသီး၊ပန်းစွဲသီးစသော

အချဉ်သီးများကိုသရက်ချဉ်တယ်ကြပါတယ်။

ဓားနဲ့နုပ်နုပ်ပေါက်ပြီးခါစအခြေအနေ

 

သရက်ချဉ်တယ်မည်ဆိုရင်အရင်ဆုံးသရက်သီးများကိုအစေးပြောင်အောင်ရေဆေးပါ၊အညှာဘက်ကအနည်းငယ်လှီး၊အောက်ဘက်ကိုလည်း

အနည်းငယ်လှီးဖယ်ပါ။အလွယ်ပြောရင်တော့ဖင်တိခေါင်းတိတယ်လို့ပြောပါတယ်။အဲ့ဒီနောက်ဓားထက်ထက်နဲ့သရက်သီးကိုလှည့်ပတ်ပြီး

ပေါက်ပေးပါ။နည်းနည်းလေးတဲ့ဓားဆိုရင်ပိုကောင်းပါတယ်။လိုချင်တဲ့သရက်ချဉ်ဖတ်အရွယ်အစားကိုမူတည်ပြီးအသေးအကြီးရအောင်ပေါက်ပါ။

ဒါကအမြန်ဆုံးပြုလုပ်နည်းပါ။စီးပွားဖြစ်လုပ်မယ်ဆိုရင်တော့သရက်သီးအလုံးလိုက်ကိုအစေ့ပေါ်သည်အထိပါးပါးလှီးပြီးရလာတဲ့အလွှာကိုထပ်၍

ဓားနဲ့ပါးပါးလှီးတာပါ။ရွှေညာသားလေးလုပ်တဲ့နည်းကတော့လက်တဖက်ထဲမှာသရက်သီးကိုကိုင်ပြီးတဖက်ကဓားနဲ့နုပ်နုပ်ပါအောင်ပေါက်ပြီး

အလွှာလိုက်လှီးချတာပါ။နှစ်သက်ရာနည်းကိုသုံးနိုင်ပါတယ်ဗျာ။ကျွမ်းကျင်ရာလိမ္မာရာပေါ့။

 

သရက်သီးကိုလက်ထဲမှာကိုင်ပြီးပေါက်တာကတော့ကျွမ်းကျင်မှုရှိဖို့လိုပါတယ်။မဟုတ်ရင်သရက်သီးမပေါက်မိဘဲကိုယ့်လက်ကိုယ်

ဓားနဲ့ပြန်ပေါက်မိနိုင်ပါတယ်။အဲ့ဒီလိုသရက်သီးတွေပေါက်ပြီးပြီဆိုလျှင်ဆားသင့်တော်ယုံထည့်ပြီးခပ်ဖွဖွလေးနယ်ပေးပါ။ဆားထည့်တာမှာ

သရက်သီးပေါက်ထားတာနဲ့သင့်တော်တဲ့ပမာဏကိုထည့်ပါ။အရင်ပို့စ်တစ်ခုမှာအစ်ကိုတစ်ယောက်မေးထားတာပြန်မဖြေရသေးလို့ဒီမှာ

ထည့်ရေးပေးလိုက်ပါတယ်။ပိုပြီးသေချာအောင်ပြောရရင်တော့နယ်ရင်းနဲ့မြည်းကြည့်ပါ။အရမ်းချဉ်နေသေးတယ်ဆိုရင်ဆားထပ်ထည့်နိုင်

ပါတယ်။အားလုံးပြီးရင်တော့သန့်စင်တဲ့ပလပ်စတစ်ဗူးသို့မဟုတ်ဖန်ပုလင်းထဲမှာနယ်ထားတဲ့သရက်သီးဖတ်တွေကိုအရည်ညှစ်ပြီးထည့်ပါ။

ရွှေညာသားလေးပုံထဲမှာတော့ကြွပ်ကြွပ်အိတ်ခံထားပါတယ်။ပလပ်စတစ်ဗူးကမျှစ်ချဉ်တယ်ထားဖူးတာကြောင့်ပါ။ဗူးမသန့်ရင်ကြာကြာ

မခံမှာစိုးလို့ပါ။ဆားနယ်ထားတဲ့သရက်သီးအားလုံးဗူးထဲရောက်ပြီဆိုရင်တော့လက်နဲ့အနည်းငယ်ဖိနှိပ်ပေးပါ။သရက်ချဉ်ဖြစ်တဲ့အခါ

ထပ်ထပ်လေးရပါလိမ့်မယ်။နောက်ဆုံးမှာဗူးကိုအဖုံးလုံအောင်ပိတ်ပြီးသင့်တော်ရာနေရာမှာထားလိုက်ပါ။နေလှန်းဖို့မလိုပါဘူး။အခန်းအပူချိန်

မှာပဲအဆင်ပြေပါတယ်။တစ်ညသိပ်ပြီးရင်စပြီးစားသုံးလို့ရပါပြီ။တစ်ညနဲ့ဖွင့်ကြည့်လို့အစိမ်းရောင်မပျောက်သေးရင်နောက်တစ်ညဆက်ထားပြီး

မှစားပေါ့လေ။တကယ်တော့သရက်ချဉ်တယ်တာမခက်ပါဘူး။စာနဲ့ချရေးပြတော့လည်းအများကြီးထင်ရတယ်။

ဟိုစကားပုံလိုပဲ"ရွှေမြင်လို့သွားရည်မကျဘူး၊အချဉ်မြင်ရင်သွားရည်ကျတယ်"ဆိုတာလိုပဲဗျာရေးနေရင်းနဲ့သွားရည်တွေမျိုချရတာလည်း

ခဏခဏပါပဲ။ကဲအခုတော့လာလည်ရင်းနဲ့ပုံလေးတွေကြည့်ပြီးတော့သွားရည်ကျသွားပါအုံးဗျာ။

 ဆားနယ်ပြီးခါအခြေအနေ

 ဗူးထဲကိုရောက်ပါပြီ

 အိတ်ကိုအပေါ်ကဖုံးအုပ်ပြီးဗူးဖုံးကိုလေလုံအောင်ပိတ်ပါ

တစ်ညသိပ်ထားပြီးရင်တော့သုပ်စားဖို့အသင့်ဖြစ်ပါပြီ။နောက်ရက်တွေထားလို့ရအောင်ရေခဲသေတ္တာထဲမှာသိမ်းထားနိုင်ပါတယ်။အပြင်မှာ

ထားမယ်ဆိုရင်လည်းဇွန်းသန့်သန့်နဲ့သုပ်စားချင်သလောက်ကော်ယူပြီးလေလုံအောင်ပိတ်ထားရင်ကြာကြာထားလို့ရပါတယ်။ပဲဟင်းချို၊

ငါးခြောက်ကြော်(သို့မဟုတ်)ငါးပိကြော်တို့နဲ့တွဲဖက်စားသုံးနိုင်ပါတယ်။ဝက်သားဟင်းနဲ့ဆိုလည်းအအီပြေတွဲဖက်စားလို့ကောင်းပါတယ်။

ငရုတ်သီးစိမ်း၊ကြက်သွန်ဖြူတို့နဲ့ရော၍ထောင်းစားလို့လည်းရပါတယ်ဗျာ။အားလုံးအဆင်ပြေကြပါစေ။သိလိုသည်များရှိပါကမေးမြန်းနိုင်

ပါတယ်။သိထားသမျှပြောပြပေးပါ့မယ်။

အားပေးမှုကိုကျေးဇူးတင်ပါတယ်

ရွှေညာသားလေး

ပြောင်းဖူးဟင်းချိုနဲ့မန်ကျည်းသီးစိမ်းဖရုံပွင့်ငါးဟင်း

အညာသားလက်ရာပြောင်းဖူးဟင်းချို

ကျောင်းပိတ်ရက်မှာမစားရတာကြာပြီဖြစ်တဲ့ပြောင်းဖူးဟင်းချိုချက်စားဖြစ်ပါတယ်။ငါးဟင်းကလည်းမန်ကျည်းသီးစိမ်းနဲ့၊ဖရုံပွင့်ပါရောပြီး

ချက်ထားတာပါ။ပထမစီစဉ်တာကတော့ပြောင်းဖူးဟင်းချို၊ဖရုံပွင့်မန်ကျည်းသီးငရုတ်သီးစပ်ငါးကြော်ဆိုပြီးစဉ်းစားတာပါ။နောက်တော့မှ

ချက်ဖို့ပြင်ရင်းငါးနဲ့ဖရုံပွင့်မန်ကျည်းသီးကိုရောချက်ဖြစ်သွားတာပါ။ငါးကြော်ရမှာလည်းပျင်းတာကြောင့်ပါ။တစ်ခါတည်းရောချက်လိုက်တော့

အဆင်ပြေသွားတာပေါ့။

 အညာသားလက်ရာငါးနဲ့ဖရုံပွင့်မန်ကျည်းသီးစိမ်းချဉ်စပ်ဟင်းတစ်ခွက်ပါ

ငါးနဲ့မန်းကျည်းသီးစိမ်းကတွဲချက်စားလို့ကောင်းပါတယ်။မန်ကျည်းသီးမှည့်နဲ့လည်းကောင်းပါတယ်။ရွာမှာတုန်းကအဖွားအမြဲချက်တဲ့ကျွေး

တဲ့ဟင်းတစ်ခွက်လည်းဖြစ်ပါတယ်။ငါးကတော့ချောင်းထဲကရတာမို့ငါးခုံးမ၊ငါးမြွေထိုး၊ငါးရက်ဖောက်၊ငါးရံ့၊ငါးသလဲထိုးစတဲ့ချောင်းငါးလေး

တွေပါ။အဲ့ဒီငါးလေးတွေကိုအဖွားကမန်ကျည်းမှည့်နဲ့မြေဟင်းအိုးပက်ပက်လေးမှာဆီပြန်အောင်ချက်ပြီးဝေပုံကျနဲ့ကျွေးပါတယ်။ငါးသည်လာ

တဲ့အခါမှစားရတာမို့ကလေးတုန်းကတော့ငါးဟင်းများစားရရင်ဟင်းကောင်းနဲ့စားရတယ်ဆိုပြီးသူများတွေကိုကြွားတတ်ပါတယ်။

အဖွားငါးဟင်းအကြောင်းပြောနေတာနဲ့မြေးငါးဟင်းအကြောင်းမေ့တော့မယ်။မြေးကတော့မန်းကျည်းသီးစိမ်းနဲ့ချက်ထားတာပါဗျာ။ဖရုံပွင့်က

လလည်းတခါတလေးမှတွေ့တတ်တာမို့ရတုန်းဝယ်ထည့်လိုက်ပါတယ်။ချက်နည်းကတော့လွယ်လွယ်လေးပါပဲ။ခရမ်းချဉ်သီးနှစ်လုံးခန့်ပါးပါး

လှီး၊ကြက်သွန်နီတစ်လုံး၊ကြက်သွန်ဖြူသုံးမွှာကိုထောင်းပြီးကျန်တဲ့ဟင်းခတ်အမွှေးအကြိုင်တွေထည့်လုံးပါတယ်။မန်ကျည်းသီးစိမ်းကို

အရင်ဆုံးအတောင့်လိုက်ပြုတ်ထားပါတယ်။ခရမ်းချဉ်သီးအနှစ်လုံးတာကျက်မှမန်ကျည်းသီးပြုတ်ထားတာကိုအခွံတွေခွာပြီးအထဲကအသား

ကိုရေအေးပန်းကန်ထဲမှာထည့်ပါတယ်။မန်းကျည်းသီးစိမ်းကအစေ့ရင့်သွားရင်ပြုတ်ပြီးအခွံခွာတာအလွယ်ဆုံးပါပဲ။မန်ကျည်းသီးပြုတ်ရည်ကို

အစောကခရမ်းချဉ်သီးအနှစ်ထဲထပ်ပေါင်းထည့်ပြီးဆူးပွက်အောင်တယ်ပါတယ်။ပြီးမှဆားနနွင်းနယ်ထားတဲ့ငါးကိုထည့်ပါတယ်။မီးအေးအေးနဲ့

ဆယ်မိနစ်ခန့်တည်ထားပြီးငါးကိုဟိုဘက်သည်ဘက်လှန်ပေးပါတယ်။နောက်ဆုံးမှသင်ထားတဲ့ဖရုံပွင့်ကိုရေစင်အောင်ဆေးပြီးထည့်ပါတယ်။

ငရုတ်သီးစိမ်းသုံးလေးတောင့်ကိုချိုးပြီးတော့ထည့်ပါတယ်။ထောင်းထည့်ရင်လည်းအဆင်ပြေပါတယ်။အပိုင်းလိုက်လေးထမင်းထဲမြှုပ်စားရ

တာသဘောကျလို့ငရုတ်သီးကိုချိုးပြီးထည့်တာပါ။ဖရုံပွင့်တွေကျက်ပြီးဆိုရင်အမွှေးအကြိုင်အတွက်ကတော့နံနံ(သို့မဟုတ်)ပင်စိမ်းရွက်

ကြိုက်ရာထည့်နိုင်ပါတယ်။ပင်စိမ်းကတော့ပိုပြီးလိုက်ဖက်ပါတယ်ဗျာ။ကျုပ်ကတော့အိမ်ကအမေထည့်ပေးလိုက်တဲ့ပင်စိမ်းခြောက်လေးထည့်

ထားပါတယ်။အဲ့ဒါလေးတွေအစဉ်အတိုင်းပြီးရင်တော့ပင်စိမ်းနံ့မွှေးမွှေးလေးနဲ့ငါးဖရုံပွင့်မန်ကျည်းသီးစိမ်းချဉ်စပ်ဟင်းလေးတစ်ခွက်စားဖို့အဆင်

သင့်ဖြစ်ပါပြီဗျာ။

ပြောင်းဖူးဟင်းချိုအတွက်ကလည်းလွယ်ပါတယ်။ကြက်သွန်နီတစ်လုံးပါးပါးလှီး၍အိုးထဲမှာရေသင့်တော်ရုံထည့်ပြီးဆား၊ငါးပိအနည်းငယ်နဲ့ဆီ

အနည်းငယ်ထည့်ရေဆူတည်ပါ။ဟင်းချိုချက်မှာမို့ရေကျက်လေကောင်းလေပါပဲ။ပြောင်းဖူးမနုမရင့်တစ်ဖူးကိုဓားပါးပါးနဲ့လှီးပြီးတော့ငရုတ်ဆုံ

မှာထည့်ထောင်းပါ။ဒါကရွာမှာချက်နေကျနည်းပါ။အခုကတော့သင်္ဘောသီးခြစ်နဲ့လှည့်ပတ်ပြီးခြစ်လိုက်တာထောင်းဖို့မလိုတော့ပါဘူးဗျာ။

ပြောင်းဖူးကလည်းသကြားပြောင်းဖူး(ထိုင်ဝမ်)ဖြစ်တာကြောင့်အရည်ရွှမ်းပါတယ်။အရောင်ခြယ်ဖို့အတွက်ဒန့်သလွန်ရွက်နှစ်စည်းဝယ်လာခဲ့ပါ

တယ်။ရွာမှာဆိုရင်တော့ဖရုံရွက်၊မျှစ်ဆတ်၊ရုံးပတီသီးစတာတွေနဲ့ရောချက်ပါတယ်။ပြောင်းဖူးဟင်းချိုကအဲ့လိုအရွက်လေးတွေရောမှဟင်းနဲ့တူပါ

တယ်။မဟုတ်ရင်ဆန်ပြုတ်လိုလိုဘာလိုလိုကြီး။ဒီမှာတော့ဖရုံရွက်မရှိလို့ဒန့်သလွန်ရွက်ပဲထည့်ထားပါတယ်။စားခါနီးရင်ပွက်ပွက်ဆူနေတဲ့ဟင်းချို

အိုးထဲကိုပြောင်းဖူးခြစ်ထားတာထည့်ပြီးမွှေပေးပါ။မဟုတ်ရင်ပြောင်းဖူးကအတုံးအခဲတွေဖြစ်သွားတတ်ပါတယ်။ထိုင်ဝမ်ပြောင်းဖူးကတော့အဲ့လို

မဖြစ်ပါဘူး။ရွာမှာရှိတဲ့ပြောင်းဖူးမျိုးတွေကအစေးမျိုးတွေဆိုတော့အပူနဲ့တွေ့ရင်ခဲသွားတတ်လို့ပါ။ပြောင်းဖူးထည့်ပြီးလို့ဟင်းအိုးဆူပွက်လာရင်

သင်ထားတဲ့ဒန့်သလွန်ရွက်ကိုထည့်ပြီးမွှေပေးလိုက်ပါ။ဒန့်သလွန်ရွက်ထည့်ပြီးခဏနေရင်ဟင်းချိုအိုးကိုမီးဖိုပေါ်မှချပါ။အဲ့ဒါဆိုရင်တော့အထက်

ကဟင်းနဲ့တွဲဖက်စားသုံးဖို့အတွက်ပြောင်းဖူးဟင်းချိုတစ်ခွက်ရပါပြီ။

နှစ်မျိုးတည်းနဲ့အစပ်တည့်ပြီးထမင်းမြိန်စေတဲ့အညာဟင်းလေးပါဗျာ။ပစ္စည်းဝယ်ရတာအဆင်ပြေရင်ချက်စားကြည့်ဖို့တိုက်တွန်းပါတယ်။

ဆီပြန်ဟင်းတွေခဏခဏစားနေရတဲ့သူတွေအတွက်အပြောင်းအလဲဖြစ်သလိုဆီသိပ်မပါတော့ကျန်းမာရေးနဲ့လည်းညီညွတ်ပါတယ်။အခုတော့

ပုံလေးတွေကြည့်ပြီးတော့ကိုယ်တိုင်ချက်စားကြည့်ကြပါဗျာ။ဒီဟင်းတွေစားချင်တယ်ဆိုရင်တော့ရွှေညာသားလေးရန်ကုန်မှာဆိုင်ဖွင့်မှပဲ

ရွှေညာသားလေးလက်ရာစစ်စစ်ကိုလာအားပေးပေါ့နော်:):):)

အားလုံးကိုယ်စိတ်နှစ်ဖြာကျန်းမာချမ်းသာပြီးလိုအင်ဆန္ဒတွေပြည့်ဝကြပါစေဗျာ။လာရောက်လည်ပတ်ကြတဲ့အတွက်လည်းကျေးဇူးတင်ပါတယ်။

လေးစားမှုဖြင့်

ရွှေညာသားလေး

တောင်ပေါ်လက်ဆောင်

အပန်းဖြေခရီးမှာဝယ်လာဖြစ်တဲ့တောင်ပေါ်လက်ဆောင်လေးတွေပါ။အသီးအရွက်တွေကလည်းပေါ၊ကိုယ်တိုင်ကလည်းအသီးအရွက်သမားမို့

ဟင်းချက်စရာတွေပဲအားပြုပြီးဝယ်လာဖြစ်ပါတယ်။ဝိုင်အပြင်းနှစ်ပုလင်း၊အချိုတစ်ပုလင်းနဲ့ပျားရည်တစ်ပုလင်းလည်းဝယ်ခဲ့ပါသေးတယ်ဗျာ။

အခုထိတော့ဝိုင်နဲ့ပျားရည်ကပကတိအတိုင်းရှိပါသေးတယ်။အသီးအရွက်တွေကတော့ပြန်ရောက်ကတည်းကချက်တာကုန်ခါနီးနေပါပြီ။

စားရတာလည်းမမုန်းနိုင်သေးပါဘူး။

ရွှေပဲသီး

ငရုတ်ပွသီး

ဂေါ်ရခါးညွှန့်

စတော်ဘယ်ရီ

ဘရိုကိုလီ

ပန်းမုံလာ

Zuchini

ဆလတ်ထုပ်

မြန်မာပြည်မှာမုန့်ဆမ်းလို့ခေါ်တဲ့ဟာမျိုးစပါးအနုကိုလုပ်ထားတယ်ပြောတာပဲဗျာ။အပြောကောင်းတာနဲ့ဝယ်လာခဲ့တယ်။

ကြိုးအနီနဲ့ကစတော်ဘယ်ရီဝိုင်အချို၊အလယ်ကအပြင်း၊ဒီဘက်အစွန်ကပျားရည်စစ်မစစ်တော့မသိပါဘူး။မြို့ပေါ်မှာဈေးကြီးလို့။

ဒါကတော့ပါသမျှအားလုံးစုပြီးမှတ်တမ်းတင်ထားတာပါ။ခရီးစဉ်တခုလုံးကိုခြုံငုံသုံးသပ်ရရင်ဟင်းသီးဟင်းရွက်လတ်လတ်ဆတ်ဆတ်

ရလို့အရမ်းဝမ်းသာတယ်။လေကောင်းလေသန့်တွေရှုရှိုက်ရလို့သဘောကျတယ်။မျက်စေ့ထဲမှာနှစ်ပေါင်းများစွာဝေးကွာနေခဲ့ရတဲ့

တောတောင်ရေမြေသဘာဝရှု့ခင်းတွေကိုတစ်ဝကြီးကြည့်ရှု့ခံစားခဲ့ရတဲ့အတွက်လည်းပျော်ရွှင်မိတယ်။ကျေးလက်နေတိုင်းရင်းသား

တို့၏လူနေမှုဘ၀တွေကိုမြင်တွေ့ခဲ့ရလို့ရသမျှနဲ့ရောင့်ရဲတင်းတိမ်တတ်ကြတဲ့သူတို့ဘ၀တွေကိုလေးစားမိတယ်။ဒီနိုင်ငံကိုရောက်ပြီး

ပထမဆုံးညအိပ်ထွက်ဖြစ်တဲ့ခရီးဖြစ်တာကြောင့်လည်းအမှတ်တရအဖြစ်ကျန်ခဲ့တယ်။အေးမြတဲ့ရာသီဥတုနဲ့စိမ်းစိုလှပတဲ့ရေမြေ၊

တောတောင်သဘာဝပတ်ဝန်းကျင်တွေရှိတဲ့တောင်ပေါ်မြို့လေးကိုရောက်ခဲ့တဲ့အတွက်ဒီခရီးစဉ်ကိုသွားဖို့ဆော်သြတဲ့သူငယ်ချင်း
ကိုလည်းကျေးဇူးအထူးတင်ရှိပါကြောင်းမှတ်တမ်းတင်ပါတယ်။

တင်သမျှပို့စ်လေးတွေကိုလာရောက်အားပေးကြတဲ့အွန်လိုင်းမိတ်ဆွေညီအစ်ကိုမောင်နှမများအားလုံးကိုလည်းကျေးဇူးတင်ပါတယ်။
နောက်လည်းအချိန်ရရင်ရသလိုဆက်လက်ပြီးတင်ပေးသွားပါမယ်။

အားလုံးပဲကိုယ်စိတ်နှစ်ဖြာကျန်းမာချမ်းသာပြီးအားလိုအင်ဆန္ဒတွေပြည့်ဝကြပါစေလို့ရွှေညာသားလေးမှဆုတောင်မေတ္တာပို့သပါတယ်။

လေးစားမှုဖြင့်

ရွှေညာသားလေး

ကို

ခရစ္စမတ်အပန်းဖြေခရီး(၆)

အပန်းဖြေခရီးနောက်ဆုံးနေ့မနက်ပိုင်းမှာတော့စတော်ဘယ်ရီစိုက်ခင်းတွေရှိရာဆီကိုသွားလည်ခဲ့ကြပါတယ်။စတော်ဘယ်ရီစိုက်ခင်းကလည်း

ဒီမြို့လေးရဲ့ခရီးသွားဆွဲဆောင်ရာနေရာတစ်ခုပါပဲ။ဘာရယ်မဟုတ်ပေမဲ့လာလည်သမျှလူတိုင်းကရောက်အောင်သွားကြတဲ့နေရာတစ်ခုဖြစ်ပါ

တယ်။ပြောလို့သာပြောရတယ်မြို့သူမြို့သားတွေအတွက်ကထူးဆန်းမှာလေဗျာ။ကျုပ်လိုတောသားတစ်ယောက်တောင်လယ်ယာမြေနဲ့ဝေးကွာ

နေရတာကြာလို့လားမသိဘူးစိုက်ခင်းတွေကိုမြင်လိုက်ရတော့စိတ်ထဲမှာတစ်မျိုးကြီးပဲ။တစ်ချိန်တုန်းကဘ၀ကိုလည်းပြန်မြင်ယောင်မိပါတယ်။

ဒီလယ်တောမှာပဲပေါင်းသင်မြက်နှုတ်ရင်ဖြတ်သန်းလာခဲ့ရတာဆိုတော့လယ်ကွင်းတွေ၊ယာခင်းတွေမြင်ရင်ကိုယ့်ဘ၀နောက်ကြောင်းကိုပြန်မြင်

နေရတယ်။

တခြားသူငယ်ချင်းတွေကတော့စတော်ဘယ်ရီခင်းထဲကိုယ်တိုင်စိတ်ကြိုက်ရွေးခူးပြီးဝယ်ကြပါတယ်။စိုက်ခင်းထဲကိုဆင်းဖို့ကြံမိသေးတယ်။

အခြေအနေကမိုးရွာထားတာကြောင့်ဗွက်ထနေတာရယ်၊၀တ်ထားတဲ့အ၀တ်အစားနဲ့ပြန်ရမည့်ခရီးကိုကြည့်ပြီးသူတို့ခူးပြီးသားထဲကပဲတစ်ကီလို

ဝယ်လာခဲ့ပါတယ်။ဗွက်ထဲကိုဆင်းရမှာမို့သွေးကြီးတာမဟုတ်ပါဘူး။ဒီထက်ဆိုးတဲ့ရွှံဗွက်ထဲမှာတောင်ရုန်းကန်ခဲ့ရသေးတာပဲဗျာဒီလောက်လေးကို

စာမဖွဲ့ပါဘူး။ယာခင်းထဲကိုယ်တိုင်မဆင်းတော့ပတ်ဝန်းကျင်ကိုစိတ်ကြိုက်ဓာတ်ပုံတွေလိုက်ရိုက်ဖြစ်တယ်။အများဆုံးတွေ့ရတာကတော့ဆလတ်၊

စတော်ဘယ်ရီနဲ့ဟင်းသီးဟင်းရွက်ခင်းတွေပါပဲ။ရိုက်လာတဲ့အထဲကပုံလေးတွေမျှဝေပေးလိုက်ပါတယ်နော်...။ကိုယ်တိုင်မရောက်ပေမဲ့အလွမ်းပြေ

ကြည့်ရတာပေါ့ဗျာ။

စတော်ဘယ်ရီစိုက်ခင်း

 စတော်ဘယ်ရီအပွင့်

 စတော်ဘယ်ရီအသီးကင်း

စတော်ဘယ်ရီအသီးမှည့်

ခြင်းတောင်းထဲကမကောင်းတာကိုရွေးပြီးခူးထားတာပါတဲ့။မိုးရွာရင်အသီးတွေပုပ်တော့ဈေးကောင်းမရလို့ရှုံးတယ်တဲ့ဗျာ။တကယ့်ကိုဖွဖွရွရွနဲ့

လက်ဝင်တဲ့စတော်ဘယ်ရီသီးပါလား။ကျုပ်အတွက်လည်းဒီတစ်ခါကစတော်ဘယ်ရီပင်ကိုအနီးကပ်မြင်ဖူးတာပါပဲ။အညာမှာကမရှိဘူးမဟုတ်လား။

 ဒါကတော့လက်ရွေးစင်ခူးထားတဲ့အထဲကတစ်ကီလိုဝယ်ခဲ့တာပါ။သိပ်အကြိုက်မဟုတ်သော်လည်းအခင်းကိုရောက်တုန်းလတ်လတ်ဆတ်ဆတ်

ရလို့ဝယ်လာခဲ့ပါတယ်။

 ဒီအပင်တွေကတော့ဆလတ်ရွက်တွေထင်တာပဲ။စားဖူးနေကျငါးပိရည်နဲ့တို့တဲ့ဆလတ်ရွက်လိုတော့မဟုတ်ဘူး။လတ်လတ်ဆတ်ဆတ်နဲ့

ခူးချင်စရာတွေနော်။စားလို့တော့ကျွတ်ဆတ်နေတာပဲဗျ။မြို့ပေါ်ကစူပါမားကက်တွေမှာအမြဲတမ်းတွေ့ရတယ်။ဈေးနှုန်းကြည့်ပြီးပြန်ပြန်ချခဲ့

ရတာခဏခဏပါပဲ။ဒီရောက်တော့မှပဲပေါပေါများများတွေ့ရတယ်။ဈေးကလည်းမယုံနိုင်စရာစူပါမားကက်မှာထက်ဈေးချိုတယ်။ဒါကြောင့်

တစ်ကီလိုဝယ်ခဲ့သေးတယ်ဗျာ။ငါးပိချက်နဲ့တော့တွေ့အုံးမှာပဲ။:):):)

 စတော်ဘယ်ရီခင်းရဲ့ကန်သင်းပေါ်မှာဖရုံပင်လည်းတွေ့ခဲ့လို့မှတ်တမ်းတင်ခဲ့ပါတယ်။ရွာကလူတွေပြောပြရင်တော့ဖရုံပင်တောင်
ဓာတ်ပုံရိုက်တယ်ဆိုပြီးရယ်ကြမှာသေချာတယ်။မတတ်နိုင်ဘူးလေနော့...ဖရုံတောနဲ့ဝေးနေရင်သူတို့လည်းကိုယ်ချင်းစာတတ်ကြမှာပါ။

ခရီးစဉ်တစ်လျှောက်လက်ဆော့လာသမျှလေးတွေတော့တင်လို့ပြီးပါပြီဗျာ။လာလည်ရင်းအားပေးကြတဲ့အတွက်ကျေးဇူးတင်ပါတယ်။

အမြဲလေးစားလျက်

ရွှေညာသားလေး