ရွာကကျနော်တို့အိမ်ပါ
လွန်ခဲ့သောဆယ်နှစ်ကျော်ခန့်ကဒီပုံထဲကအိမ်နေရာမှာအဖေအမေအပါအ၀င်မိသားစု(၈)ယောက်နေဖြစ်
ယုံသာကျယ်ဝန်းလှတဲ့လေးပင်သုံးခန်းသက်ကယ်မိုးဝါးထရံအကြမ်းကာတဲ့အိမ်ငယ်လေးတစ်လုံးရှိခဲ့ပါ၏။
သွပ်မိုးဖြူဖြူအိမ်ကြီးအိမ်ကောင်းတွေကြားမှာသက်ကယ်မိုးအိမ်လေးတစ်လုံးအထီးကျန်ကျန်ရပ်တည်ရင်း
အိမ်သူအိမ်သားတွေကိုလေဒဏ်မိုးဒဏ်နေဒဏ်တွေကနေကာကွယ်ပေးခဲ့တဲ့အိမ်လေးပါ။ဒီသက်ကယ်မိုး
အိမ်လေးမဖြစ်တည်ခင်အချိန်ကတော့အဖေ့ဘက်ကအဖိုးအဖွားများအိမ်ကနွားတင်းကုတ်ထဲမှာကြမ်းခင်း
ကျဲကျဲနဲ့ဝါးကဒ်လေးတွေကာပြီးကျနော်တို့မိသားစုနေခဲ့ဖူးပါတယ်။အဲ့ဒီအချိန်ကကျနော်ဒုတိယတန်းကျောင်း
သားအမေကထမင်းချက်စပြီးသင်ပေးတဲ့အချိန်ပေါ့။ဒီနွားတင်းကုတ်ထဲကအိမ်လေးထဲမှာနှစ်နှစ်ခန့်နေပြီး
အမေ့ဘက်ကအဖိုးအဖွားတွေနေတဲ့အိမ်ကိုကျနော်တို့မိသားစုပြောင်းပြီးနေထိုင်ခဲ့ကြတာအခုအိမ်နေရာမှာ
သက်ကယ်မိုးတဲ့အိမ်ငယ်လေးမဆောက်ခင်အထိဆိုပါတော့။အဖိုးအဖွားတို့ကယာတောမှာတဲနဲ့နေထိုင်ကြ
တာမို့အိမ်စောင့်ရင်းကိုယ့်မြေးသားတွေကျယ်ကျယ်လွင့်လွင့်နေထိုင်ရအောင်အမေ့ရဲ့အဖေကျနော်တို့အဘကပြောင်းနေခိုင်းတာပါ။
အဘတို့အိမ်ရောက်တော့ကျနော်လေးတန်းအောင်ပြီးအလယ်တန်းကျောင်းသားဘ၀ကိုရောက်နေပါပြီ။
အဘတို့အိမ်မှာနေရင်းအဖေကအလုပ်ထွက်လုပ်၊အမေကကျနော်တို့ညီအစ်ကိုတစ်တွေကိုဈေးပတ်လိုက်
ငှက်ပျောသီးထမ်းရောင်းပြီးရုန်းကန်ကျွေးမွေးခဲ့တဲ့အချိန်ပေါ့။အဲ့ဒီတုန်းကအချိန်တွေကစဉ်းစားဥာဏ်သိပ်
မရင့်ကျက်သေးတဲ့ကျနော်တို့ညီအစ်ကိုတွေရဲ့အခက်အခဲဆုံးအချိန်တွေဆိုလည်းမမှားပါဘူး။အမေက
ဈေးထွက်ရောင်း၊ကျနော်တို့ကအိမ်မှာကိုယ်တိုင်ချက်ပြုတ်စားသောက်ရင်းညီအစ်ကိုတစ်တွေကျောင်းတက်
နေကြချိန်ပေါ့။အဲ့ဒီကနေအဖေအလုပ်လုပ်လို့ရတဲ့ငွေစလေးတွေနဲ့အဘယာတောကသစ်ပင်လေးတွေ၊ရွာထဲ
ကသစ်ပင်ဝါးပင်ပေါတဲ့သူတွေဆီမှာအိမ်တိုင်တစ်လုံးစီတောင်းရင်းနဲ့မိသားစုနေဖြစ်လောက်တဲ့သက်ကယ်
မိုးဝါးထရံကြမ်းကာတဲ့အိမ်လေးတစ်လုံးကိုအဖေ့ဘက်ကအဖိုးအဖွားတို့အိမ်ဝိုင်းထဲမှာကျနော်တို့မိသားစု
တည်ဆောက်နိုင်ခဲ့ပါတယ်။
အဲ့ဒီသက်ကယ်မိုးအိမ်လေးထဲကိုပြောင်းတော့ကျနော်(၈)တန်းကျောင်းသားဖြစ်နေပါပြီ။ဒီသက်ကယ်မိုးအိမ်
လေးထဲမှာပဲရေနံဆီမီးခွက်၊ဖယောင်းတိုင်မီးတစ်ခါတရံမီးလင်းဖိုဘေးမှာစာကျက်ရင်းနဲ့ကျနော်(၉)တန်း
အောင်မြင်ခဲ့တာပါ။သက်ကယ်မိုးအိမ်ဆိုတော့တစ်နှစ်ကိုတစ်ခါတော့အမိုးလဲပေးရပါတယ်။မိုးဖို့သက်ကယ်
ကလည်းအိမ်မှာလယ်မရှိတော့ကောက်ရိုးကိုမမိုးနိုင်ပါဘူး။အမေဈေးနားရက်မှာအဘတို့ယာတောတွေဆီ
သွားပြီးမြက်စပ်လို့ခေါ်တဲ့မြက်တစ်မျိုးကိုရိတ်ပြီးထားရတာပါ။ကောက်ရိုးပေါတဲ့တောင်သူကြီးတွေဆီကနေ
ကောက်ရိုးတောင်းပြီးသက်ကယ်ပျစ်လို့ရအောင်ရိုးစုတ်သင်ရပါတယ်။တခါတလေလဲသူတို့အတွက်ကူသင်
ပေးရင်းကိုယ့်အတွက်ပါယူရတာပေါ့။
နှစ်စဉ်မမိုးနိုင်တဲ့အခါဆိုရင်တော့မိုးတွင်းရောက်ရင်အိပ်ကောင်းချင်းမအိပ်ရပါဘူး။အဲ့လိုအချိန်ဆိုရင်မိုးရွာ
တာကိုအရမ်းမုန်းမိတယ်။အိမ်မိုးယိုနေရင်နေစရာမရှိလွန်းလို့ပါ။တခါတလေညကြီးအချိန်မတော်မိုးရွာရင်
ညီအစ်ကိုတစ်တွေအိပ်ပျော်နေချိန်ဆိုအမေကမီးခွက်ထွန်းပြီးသားတွေကိုမိုးလုံတဲ့ဘက်ဆီရွှေ့ပေးတတ်
တာကိုလည်းမှတ်မိနေတယ်။အမေဈေးသွားတဲ့အခါဆိုအဲ့ဒီတာဝန်ကကျနော်ယူရတာပါ။အငယ်တွေက
တော့အိပ်ပြီဆိုနှိုးမရပြုမရနဲ့မို့သူတို့ကိုပွေ့ပြီးမိုးလုံတဲ့အခြမ်းဘက်ဆီရွှေ့သိပ်ရတယ်။အဲ့ဒီတုန်းကဆိုရင်
ကျနော့်စိတ်ထဲမှာအဖြစ်ချင်ဆုံးကအိမ်ကိုသူများအိမ်တွေလိုသွပ်မိုးနိုင်ဖို့ပါပဲ။မိသားစုစားဝတ်နေရေးကို
မနည်းရုန်းကန်နေရတဲ့အဖေနဲ့အမေကိုလည်းအိမ်သွပ်မိုးဖို့ပူဆာမိတယ်။
ကလေးအတွေးကလေးစိတ်ကူးနဲ့ဆိုတော့အဆင်ပြေတာမပြောတာတွေကိုသိပ်မစဉ်းစားဘဲကိုယ်ဖြစ်ချင်
တာကိုပဲပူဆာမိတာပေါ့။ဒါပေမဲ့ကျနော်ဆန္ဒတွေမပြည့်ဝခဲ့ပါဘူး။ဒီသက်ကယ်မိုးအိမ်လေးထဲမှာပဲမိသားစု
ဆက်လက်ရပ်တည်ရင်းဆယ်တန်းအောင်လာခဲ့တယ်။ကျနော်ဆယ်တန်းအောင်ပြီးချိန်အစ်ကိုကြီးက
အလုပ်ထွက်လုပ်ရင်းစုထားတဲ့ပိုက်ဆံလေးနဲ့ဒီသွပ်မိုးအိမ်ဖြစ်လာဖို့သုံးလေးနှစ်စုဆောင်းခဲ့ရတယ်။ကျနော်
ကတော့ကျောင်းဖွင့်ချိန်ဆိုမိတ္ထီလာတက္ကသိုလ်မှာကျောင်းသွားတက်၊ကျောင်းပိတ်ရက်အိမ်ပြန်လာအဖေနဲ့
အမေရဲ့အလုပ်တွေကူညီရင်းပထမနှစ်မသည်ဂုဏ်ထူးတန်းပြီးသည်အိမ်နဲ့ခွဲလိုက်ခွာလိုက်နဲ့ပဲကျောင်းပြီးခဲ့
တယ်။
ဒီအိမ်လေးမှာဘ၀စခဲ့ရတာမို့ကျနော်အရမ်းသံယောဇဉ်ထားတယ်။အခုအချိန်မှာတော့ကျနော်တို့မိသားစုကို
လေဒဏ်မိုးဒဏ်နေဒဏ်တွေကနေကာကွယ်ပေးခဲ့တဲ့အိမ်လေးကအခုပုံထဲကအတိုင်းသွပ်မိုးထရံကာ
လေးပင်တစ်ခေါင်နှစ်ထပ်အိမ်တစ်လုံးဖြစ်လာခဲ့ပါပြီ။အကာအခင်းနဲ့ပြုပြင်ဖို့ကျန်နေပါသေးတယ်။အဖေနဲ့
အမေကကယားပြည်နယ်မိုးဗြဲဆည်နားမှာအရင်ကအဖေအလုပ်လုပ်ခဲ့တဲ့ဒေသမှာအရောင်းအ၀ယ်လုပ်ငန်း
နဲ့အခန်းငှားနေထိုင်နေကြလို့အိမ်မှာရွာကကျောင်းဆရာမအဖေ့ဘက်က၀မ်းကွဲညီမမိသားစုကိုနေခိုင်းထား
ပါတယ်။ကျနော်တို့ညီအစ်ကိုတစ်တွေလည်းတာဝန်ကိုယ်စီနဲ့တစ်နယ်စီရောက်နေကြတာအိမ်ကိုပြန်
မရောက်ဖြစ်တာအတော်လေးကြာသွားပါပြီ။
အာလုံးထဲမှာမှကျနော်ကအဝေးဆုံးအနေအထားမှာပါ။သို့သော်လည်းလူကမရောက်ပေမဲ့စိတ်ကတော့ခဏ
ခဏဆိုသလိုရောက်ဖြစ်ပါတယ်။ဒီပုံလေးကိုလည်းသင်္ကြန်တုန်းကညီငယ်တစ်ယောက်ရွာအလည်ပြန်ရင်းနဲ့
အစ်ကိုဘာမှာအုံးမလဲမေးလို့အိမ်ပုံကိုဓာတ်ပုံရိုက်ပြီးပို့ပေးခိုင်းခဲ့တာပါ။အဖေကတော့သူတို့လည်းရွာမှာပြန်
မနေဖြစ်လောက်တော့လို့ဒီအိမ်ကိုရောင်းဖို့စီစဉ်ပါသေးတယ်။ညီအစ်ကိုအားလုံးထဲမှာကျနော်ကပြင်းပြင်း
ထန်ထန်ကန့်ကွက်လို့အဖေ့အစီအစဉ်မအောင်မြင်ခဲ့ပါဘူး။ရွာကအမေ့အဖေကျနော့်အဘကလည်းမရောင်း
ရဘူးလို့ပြောတာကြောင့်အဖေလည်းရှေ့ဆက်ပြီးမတိုးတော့ပါဘူး။ကျနော့်အတွက်တော့ဒီနေရာလေးသည်
သာဘ၀ရဲ့အမှတ်ရစရာတွေများစွာထဲကသံယောဇဉ်အရှိဆုံးမို့ကိုယ်တိုင်နေထိုင်ခွင့်ရသည်ဖြစ်စေမရသည်
ဖြစ်စေအဆုံးအရှုံးမခံနိုင်ပါဘူး။ဒီအိမ်လေးသည်သာကျနော်တို့မိသားစုဖြတ်သန်းခဲ့ရတဲ့ဘ၀မှတ်တိုင်ဖြစ်ပါ
တယ်။
အားလုံးကိုယ်စိတ်နှစ်ဖြာကျန်းမာချမ်းသာပြီးကောင်းကျိုးလိုရာဆန္ဒတွေပြည့်ဝကြပါစေဗျာ။
အားပေးမှုကိုလေးစားလျက်
ရွှေညာသားလေး
