ဆင်စွယ်ရောင်အင်္ကျီလေးတစ်ထည်



ကျနော့်ဒီနေ့အကျီင်္ချည်သားအသစ်လေးတစ်ထည်ထုတ်ဝတ်ဖြစ်တယ်။မြန်မာပြည်ကလာတဲ့အချိန်ကတည်းကပါလာတဲ့ငန်းနှစ်ကောင်တံဆိပ်စွပ်ကျယ်အင်္ကျီလက်ကစလေးပါ။ရာသီဥတုပူအိုက်လို့ချည်သားအကျီင်္ရွေး ရင်းအိတ်ထဲမှာတွေ့လို့ထုတ်ဝတ်ဖြစ်တယ်ဆိုပါတော့။အဖြူရောင်သစ်သစ်လွင်လွင်အင်္ကျီလေးကိုယ်ပေါ်
ရောက်လာတော့ငယ်ငယ်ကျောင်းသားဘ၀တုန်းကဆုယူတဲ့အချိန်လေးကိုစိတ်ရောက်သွားမိတယ်။တတိယတန်းအောင်ပြီးစတုတ္ထတန်းနှစ်မှာမိဘဆရာအသင်းနှစ်ပတ်လည်အစည်းအဝေးနဲ့ဆုနှင်းသဘင်ကျောင်းမှာကျင်းပပါတယ်။ရွာကျောင်းဆိုတော့သိတဲ့အတိုင်းကျောင်းဝတ်စုံဆိုတာကျောင်းသားတိုင်းမှာမရှိပါဘူး။
ကျောင်းဝတ်စုံဝတ်ရမည်လို့သတ်မှတ်ထားတာမရှိလေတော့အိမ်နေရင်းဝတ်တဲ့အ၀တ်အစားနဲ့ပဲကျောင်း
တက်ကျောင်ဆင်းပေါ့။အခုလိုပွဲလမ်းသဘင်ရှိတဲ့အခါဆိုရင်တော့မဖြစ်မနေ၀တ်ရတော့မယ်ဆိုရင်မိဘတွေကအလောသုံးဆယ်ဝယ်ပေးတဲ့အခါဝယ်၊ခဏတဖြုတ်သူများဆီကငှားတန်ငှားနဲ့ခဏတာအခက်အခဲကို
ဖြေရှင်းပေးကြတယ်။

အဲ့ဒီနှစ်ဆုနှင်းသဘင်မှာကျနော်လည်းဆုတက်ယူဖို့နာမည်စာရင်းပါလာခဲ့တယ်။အရင်နှစ်တွေတုန်းက
တော့ဒီလိုပဲဖြစ်သလိုအ၀တ်အစားနဲ့ဆုတက်ယူဖြစ်တယ်။ရွာမှာတုန်းကတော့သိပ်အထူးချွန်ဆုံးမဟုတ်ပေမဲ့
လေးတန်းအထိတော့အတန်းတိုင်းပထမဆုရခဲ့တယ်။သူများနဲ့ပြိုင်ရမှန်းလည်းမသိ၊ဆရာသင်တဲ့စာအကုန်ရရင်စာမေးပွဲဖြေနိုင်တယ်ဆိုတဲ့အတွေးကဆရာသင်မျှကျက်မှတ်ပြီးမေးတာအကုန်ဖြေဆိုတော့သူများထက်အမှတ်များတာလည်းဖြစ်နိုင်ပါတယ်။လေးတန်းနှစ်ရောက်ပြီဆိုတော့စိတ်ထဲမှာဆုတက်ယူရဖို့ကိုပျော်သ
လိုခံစားရတယ်။ကျောင်းဆက်မတက်ဖြစ်ဘူးဆိုရင်ဒီနှစ်ဆုတက်ယူခြင်းဟာဘ၀ရဲ့နောက်ဆုံးသောဆု
ယူခြင်းမျိုးလည်းဖြစ်တာကြောင့်ရင်ခုန်မိတာတော့အမှန်ပါပဲ။ဆရာမကလည်းဆုယူတဲ့နေ့ကျရင်အ၀တ်
အစားသပ်သပ်ရပ်ရပ်ဝတ်ခဲ့ဖို့မှာလိုက်သလို့အရင်နှစ်တွေတုန်းထက်ထူးခြားပြီးဓာတ်ပုံပါရိုက်မှာဆိုတော့
အဖြူအစိမ်းဝတ်စုံလေးနဲ့ဆိုပိုပြီးအဆင်ပြေမယ်လို့ပြောပါတယ်။

ဒါနဲ့အိမ်ပြန်ရောက်တော့အမေ့ကိုအကျိုးအကြောင်းပြောပြဖြစ်တယ်။အမေကတော့ဘာမှသိပ်မထူးဆန်းသလိုနဲ့သာမာန်ပဲဖြေပါတယ်။အိမ်အကြောင်းကိုကောင်းကောင်းသိနေတဲ့အတွက်လည်းအဖြူအစိမ်းအသစ် ၀ယ်ပေးဖို့မပြောရဲပါဘူး။အဲ့ဒီအချိန်မှာအစ်ကိုကြီးကတခြားရွာမှာပဉ္စမတန်းဆက်တက်နေပါပြီ။သူ့မှာတော့ ကျောင်းစိမ်းလုံချည်နဲ့အဖြူတစ်ထည်ရှိပါတယ်။သူကလည်းဒီတစ်စုံနဲ့ပဲကျောင်းတက်နေရတာဆိုတော့သူ့ ဆီကငှားလို့လည်းအဆင်မပြေနိုင်ပါဘူး။နောက်ဆုံးတော့ကျနော်တို့ညီအစ်ကိုတစ်တွေရဲ့အ၀တ်တွေထည့်
တဲ့ထင်းရှုးသေတ္တာကြီးထဲမှာမွှေနှောက်ရှာဖွေရင်းအစ်ကိုငယ်ငယ်တုန်းက၀တ်ထားဟန်တူတဲ့အကျီင်္အဖြူ
ခပ်နွမ်းနွမ်းလေးတစ်ထည်တွေ့ပါတယ်။အင်္ကျီအဖြူဟုဆိုသော်လည်းအစ်ကိုတော်တော်ဝတ်ထားပြီးပြီမို့
အဖြူရောင်ကနေအဖြူမဟုတ်အ၀ါမဟုတ်ဆင်စွယ်ရောင်ကိုပြောင်းနေပါပြီ။ဂုတ်တဖက်မှာလည်းလက်တစ်ညိုးလောက်အရှည်ရှိတဲ့ချုပ်ရိုးဘေးမှာပြဲနေတယ်။အဲ့ဒီအကျီင်္လေးကိုအမေ့ဆီယူသွားပြီးပြဲနေတဲ့နေရာလေး
ကိုချုပ်ပေးဖို့ပြောတော့အမေကသီချုပ်လေးချုပ်ပေးပါတယ်။

ဒီလိုနဲ့ဆုယူရမည့်နေမှာကျောင်းကိုသွားခဲ့တယ်။ကျနော်လိုပဲဆုယူကြမည့်သူငယ်ချင်းတွေလည်းကျောင်း
မှာအပြုံးကိုယ်စီနဲ့ရောက်နေကြပါပြီ။ကျောင်းသားတိုင်းတော့အဖြူအစိမ်းဝတ်မထားပေမဲ့ဆုယူမည့်
ကျောင်းသားကျောင်းသူတွေကတော့အခါတိုင်းထက်သစ်တဲ့အ၀တ်အစားအသစ်တွေဝတ်လို့ပေါ့။
သူတို့ကြားထဲမှာကျနော်ကပခုံးမှာချုပ်ရိုးရာလေးပါတဲ့ဆင်စွယ်ရောင်အင်္ကျီလေးနဲ့ပေါ့။အားလုံးဆုယူပြီး
တော့ဆရာဆရာမတွေနဲ့အတူစုပေါင်းဓာတ်ပုံရိုက်ကြတယ်။အဲ့ဒီဓာတ်ပုံလေးကိုရွာကျောင်းကရုံးခန်းထဲ
မှာမှန်ဘောင်ကွပ်ပြီးချိတ်ထားတာကျနော်ဘွဲ့ရပြီးတက္ကသိုလ်မှာအလုပ်ရတဲ့အထိရွာကျောင်းကရုံးခန်းထဲ
မှာရှိပါသေးတယ်။အခုနောက်ပိုင်းတော့နှစ်တွေလည်းကြာပြီဆိုတော့ရှိပါသေးရဲ့လားမပြောတတ်ပါ
ဘူးဗျာ။ရွာပြန်ရောက်ရင် တော့ရှိသေးရင်အမှတ်တရပြန်ရှာပြီးသိမ်းထားအုံးမယ်။

ဘာပဲဖြစ်ဖြစ်ငယ်ငယ်တုန်းကကြုံခဲ့ရတာတွေဟာကျနော့်ဘ၀အတွက်တော့အမှတ်ရစရာသတိရစရာတွေ ချည်းပါပဲဗျာ။အဲ့ဒါကြောင့်လည်းအခုလက်ရှိအခြေအနေမှာတခုခုကြုံလာရပြီဆိုရင်ငယ်ငယ်ကကြုံခဲ့ရတာ တွေနဲ့ယှဉ်ပြီးပြန်ပြန်စဉ်းစားတယ်။တချို့ကတော့ထင်တတ်ကြတယ်ငယ်ငယ်ကချို့ချို့တဲ့တဲ့နေပြီးဘ၀ကို ရုန်းကန်ရင်းကြိုးစားလာတဲ့သူတွေဟာအရွယ်ရောက်လာလို့အတော်အသင့်အဆင်ပြေလာတဲ့အခါကိုယ် လာရာလမ်းကိုမေ့တတ်ကြတယ်။ရွာကနေထွက်ပြီးရွာပြန်လာတဲ့အခါမတူသလိုမတန်သလိုဆက်ဆံကြတာ ကိုလည်းကြုံဖူးပါတယ်။ဒါပေမဲ့ကျနော်ကတော့အဲ့လိုစိတ်မျိုးလုံးဝမထားပါဘူး။ကိုယ်ဆင်းရဲခဲ့ရတာကိုပဲဂုဏ်တခုအနေနဲ့ကျနော်တန်းဖိုးထားတယ်။မြို့မှာနေရင်တော့မြို့သားပေါ့ဒါပေမဲ့တောပြန်ရောက်တဲ့အခါ
တောသားပါပဲ။မြို့သွားကျောင်းတက်ရင်ကျောင်းသားစတိုင်နဲ့နေတတ်တယ်။ကျောင်းသားလုပ်ရမည့်
အလုပ်လုပ်တယ်။ရွာပြန်ရောက်ရင်တော့ဘောပင်ကိုင်တဲ့လက်ကပေါက်ပြားကိုင်တဲ့အခါကိုင်၊တံစဉ်ဆွဲ
တဲ့အခါဆွဲ၊ထင်းခုတ်ဓားကိုင်တဲ့အခါကိုင်ရတာပါပဲ။ဒီလိုလုပ်ခဲ့တာတွေကအခုလိုတစ်ယောက်ထဲသူများ
နိုင်ငံမှာနေရ တဲ့အခါကျနော့်အတွက်အမှီအခိုကင်းကင်းနဲ့ရပ်တည်နိုင်ဖို့ခွန်အားတွေဖြစ်လာတာပါပဲ။

ဘယ်လိုအခြေအနေပဲရောက်ပါစေကိုယ့်ဘ၀ကိုတော့ဘယ်တော့မှမမေ့ပါဘူးဗျာ။ဒီပို့စ်လေးရေးတာလည်း
ကြွားဝါလိုခြင်း၊ကိုယ်ရည်သွေးလိုခြင်း၊ဂုဏ်ဖော်လိုခြင်းနဲ့ရေးတာမဟုတ်ပါဘူး။လက်ရှိနဲ့တစ်ချိန်းတုန်းက
အဖြစ်ကလေးတွေနဲ့တိုက်ဆိုင်လာတဲ့အခါကိုယ့်လာခဲ့လမ်းကိုပြန်ပြောင်းသတိရရင်းမှတ်တမ်းလေးတွေအ နေနဲ့ကျန်ခဲ့စေချင်တာကြောင့်ပါ။ဘယ်နေရာကိုပဲရောက်ရောက်ကျနော်ဟာတောသားတစ်ယောက်ဖြစ် တယ်ဆိုတာကိုဂုဏ်ယူစွာနဲ့ခေါင်းမော့ပြီးပြောတတ်ပါတယ်။အဖေနဲ့အမေဈေးရောင်းရှာကျွေးပြီးကျောင်း
ထားခဲ့လို့အခုလိုအခြေအနေမျိုးရောက်လာခဲ့ရတော့ဘ၀ကိုပိုလို့တောင်မမေ့နိုင်ပါသေးတယ်။

ကျနော့်ဘ၀ကိုယ်တွေ့တွေဟာတစ်ချိန်ချိန်မှာတော့ကျနော့်တပည့်တွေအတွက်ကောင်းကောင်းအသုံးချ လို့ရမည့်ကုန်ကြမ်းတွေဖြစ်လာလိမ့်မည်လို့ယုံကြည်ပါတယ်။

အားလုံးကိုယ်စိတ်နှစ်ဖြာကျန်းမာချမ်းသာပြီးကောင်းကျိုးလိုရာဆန္ဒတွေပြည့်ဝကြပါစေဗျာ။

အားပေးမှုကိုအစဉ်လေးစားလျက်
ရွှေညာသားလေး


ပိန္နဲသီးကြော်ချက်

ပြန်ရောက်တဲ့တစ်လတာကာလအတွင်းအချက်အများဆုံးဟင်းကပိန္နဲသီးစိမ်းပါ။မြန်မာပြည်မှာတုန်းကတော့တခါတရံအတို့အမြှုပ်အနေနဲ့စားတာရယ်၊အချဉ်ရည်ဟင်းထဲမှာရောချက်တာကလွဲပြီးပိန္နဲသီးသီးသန့်ရယ်လို့ချက်မစားဖြစ်ပါဘူး။အများဆုံးစားကြတာကလည်းပိန္နဲသီးအမှည့်ကိုပဲစားကြတာဆိုတော့အစိမ်းဆိုတာတခါတလေအသီးညှပ်လို့ဖယ်ထုတ်ပါမှစားရတတ်တာ။ဖိလစ်ပိုင်ကတော့သရက်သီးနဲ့ပိန္နဲသီးကရာသီတိုင်းလိုလိုရနေတော့ဈေးသွားတိုင်းလည်းမကြာမကြာတွေ့ရတယ်။တွေ့တိုင်းလည်းဝယ်ချက်ဖြစ်တယ်ဆိုပါတော့ဗျာ။


တခါတလေအပြင်မှာစားဖြစ်ရင်တောင်ဖိလစ်ပိုင်ဆိုင်မှာဆိုဟင်းကိုအရင်ကြည့်ပြီးပိန္နဲသီးပါတဲ့ဟင်းကို
မလွတ်တမ်းမှာတဲ့အထိပါပဲ။သူတို့ချက်တာကတော့အုန်းနို့နဲ့ငါးအသားမွထည့်ကြတာများတယ်။ငါးအနံ့ကိုမ မကြိုက်သော်လည်းအုန်းနို့ဆိမ့်ဆိမ့်လေးလေးနဲ့မို့စားလို့ဝင်ပါတယ်။သူတို့ချက်တဲ့စတိုင်အတိုင်းလိုက်ချက်ဖို့ စဉ်းစားနေပေမဲ့အခုထိတော့အကောင်အထည်မဖော်ရသေးဘူး။ဝယ်ပြီးတာနဲ့ကိုယ့်စတိုင်ကိုယ့်စိတ်ကြိုက်
ပဲချက်ဖြစ်တာများနေတယ်။

ဒီတစ်ခါတော့ပိန္နဲသီးကိုဒန့်သလွန်သီးဇွန်းခြစ်၊ငရုတ်ရွက်ပါရောပြီးကြော်ချက်ချက်စားဖြစ်ပါတယ်။ကြော်တာဆိုတော့အလွယ်ကူဆုံးပါပဲ။ဆီအနည်းငယ်အပူပေးပြီးပိန္နဲသီးပါးပါးလှီးထားတာကိုရေဆေးထည့်၊ဆားအနည်းငယ်၊အရသာမှုန့်အနည်းငယ်ထည့်ပြီးအဖုံးအုပ်ထားလိုက်ပါတယ်။ရေအနည်းငယ်ထည့်ပြီးမွှေလိုက်အဖုံးအုပ်ထားလိုက်နဲ့ပိန္နဲသီးနူးတော့မှအသားထွင်ထားတဲ့ဒန့်သလွန်သီးရောထည့်ပါတယ်။နောက်ဆုံးမှာငရုတ်ရွက်ကိုထည့်သမအောင်မွှေအရသာအပေါ့အငန်မြည်းပြီးငရုတ်ရွက်နွမ်းရင်ဒယ်အိုးကိုမီးဖိုပေါ်ကချပါ။


အသားဟင်းမဟုတ်သော်လည်းကျန်းမာရေးနဲ့ညီညွတ်ပြီးအရသာရှိတဲ့ဟင်းတစ်ခွက်မိနစ်ပိုင်းအတွင်းမှာစားဖို့အဆင်သင့်ဖြစ်ပါပြီ။နောက်တစ်ခါဆိုရင်တော့ဖိလစ်ပိုင်စတိုင်နဲ့ချက်ကြည့်ပါအုံးမယ်။ဝက်သားဒါမှမဟုတ် ကြက်သားနဲ့ချက်စားရင်လည်းအလွန်ကောင်းပါတယ်။ပိန္နဲသီးကိုနူးအိနေအောင်ချက်ရင်အသားကိုစားရတာထက်သဘောကျတယ်။ရှမ်းပြည်ကသူငယ်ချင်းတစ်ယောက်ကတော့ပဲပုတ်ရယ်ဆူးပုတ်ရယ်ရောချက်တယ်ပြောပါတယ်။သူပြောတဲ့ဟင်းကလည်းကြားတာနဲ့စားချင်စရာဗျာ။

အားလုံးကိုယ်စိတ်နှစ်ဖြာကျန်းမာချမ်းသာကြပါစေဗျာ။လာလည်ကြတဲ့အတွက်ကျေးဇူးတင်ပါတယ်။

အစဉ်လေးစားလျက်
ရွှေညာသားလေး

ဗူးသီးကြော်နဲ့ရေနွေးကြမ်း


ဖ ဦးထုပ်စတိုင်အကြော်မှုန့်နဲ့ဗူးသီးကြော်စမ်းကြော်ကြည့်တာမြန်မာအရသာမဟုတ်ပေမဲ့ကြော်ရတာအဆင် ပြေပါတယ်။သူတို့ကတော့ဒီအကြော်မှုန့်ကိုကြက်သား၊ပုစွန်နဲ့ကင်းမွန်(ရေဘ၀ဲ)ကြော်ရာမှာအဓိကထားသုံး ကြပါတယ်။ကြက်သွန်ဖြူငရုတ်ကောင်းဆားနဲ့အရသာမှုန့်စတာတွေပါရောစပ်ထားတာမို့အထူးတလည်ပြင်ဆင်ဖို့မလိုတော့ပါဘူး။အမှုန့်ကိုရေနဲ့ခပ်ပျစ်ပျစ်ဖျော်ပြီးအနေတော်လှီးထားတဲ့ဗူးသီးကိုအနှစ်ထဲမှာလူးပြီး
ကြော်တာနဲ့အလွမ်းပြေစားဖို့ဗူးသီးကြော်ရပါတယ်။

မန်ကျည်းမှည့်ချဉ်ရည်

ဗူးသီးကြော်

ပူစီနံရွက်

ရေနွေးကြမ်း
အချိုးအဆညီညီရောစပ်ထားတာကြောင့်လားမသိပါဘူး။အရသာအနည်းငယ်ကွဲလွဲတာကလွဲပြီးကြော်
လို့အဆင်ပြေသလိုစားရတာလဲကောင်းပါတယ်။အချဉ်ရည်ကတော့မန်ကျည်းမှည့်နဲ့ကြက်သွန်ဖြူ၊ချင်း၊
ငရုတ်သီးနဲ့နံနံပင်တို့ရောပြီးလုပ်ထားတာပါ။ဗူးသီးကြော်ကိုအချဉ်ရည်နဲ့တို့စားရင်းပူစီနံရွက်နဲ့ရေနွေး
လေးပါသောက်ပြီးနေ့လယ်ခင်းအပျင်းပြေအဆာပြေပေါ့။လာလည်ကြရင်းနဲ့ဗူးသီးကြော်ကိုအချဉ်ရည်
လေးနဲ့တွဲဖက်ပြီးသုံးဆောင်သွားကြပါအုံးဗျာ။

အားလုံးကိုယ်စိတ်နှစ်ဖြာကျန်းမာချမ်းသာကြပြီးလိုအင်ဆန္ဒပြည့်ဝကြပါစေဗျာ။လာလည်ကြတဲ့အတွက်
ကျေးဇူးအထူးတင်ပါတယ်။
အစဉ်လေးစားမှုဖြင့်
ရွှေညာသားလေး